Անջելինա Ջոլի

Անջելինա Ջոլի Փիթ (անգլ.՝ Angelina Jolie Pitt, օրիորդական ազգանուն՝ Վոյթ (Voight)), առավել հայտնի որպես Անջելինա Ջոլի (հունիսի 4, 1975(1975-06-04)^[…], Լոս Անջելես, Կալիֆոռնիա, ԱՄՆ), ամերիկացի դերասանուհի, կինոռեժիսոր, սցենարիստ և հումանիստ։ Արժանացել է «Օսկար» մրցանակի, ինչպես նաև «Ոսկե Գլոբուս» (3 անգամ) և ԱՄՆ կինոդերասանների Գիլդիայի մրցանակի (2 անգամ)։ 2014 թվականին ստացել է Ջին Հերշոլտի անվան մրցանակ։

Անջելինա Ջոլի անգլ.՝ Angelina Jolie
Հասակը	173 սմ
Ծնվել է	հունիսի 4, 1975(1975-06-04)[…] (45 տարեկան)
Ծննդավայր	Լոս Անջելես, Կալիֆոռնիա, ԱՄՆ
Կրթություն	Բևեռլի Հիլզ բարձրագույն դպրոց, Նյու Յորքի համալսարան, Լի Ստրասբերգի թատրոնի և կինոյի ինստիտուտ և Tappan Zee High School?
Քաղաքացիություն	ԱՄՆ և  Կամբոջա
Ազգություն	ԱՄՆ
Կրոն	կաթոլիկություն
Մասնագիտություն	Դերասանուհի
Ակտիվ շրջան	1984–այժմ
Ժանրեր	Թրիլեր, Արկածային, Մարտական
Ընտրանի	"Ծայրահեղ վտանգավոր է", "Լարա Քրոֆթ։ Դամբարաններ թալանողը", "Միսթր և միսիս Սմիթ"
Ծնողներ	հայր՝ Ջոն Վոյթ, մայր՝ Մարշելին Բերտրան
Ամուսին(ներ)	Ջոննի Լի Միլլեր (ամուսնալուծված), Բիլլի Բոբ Տորնտոն (ամուսնալուծված), Բրեդ Փիթ (վերամիավորված)
Համատեղ ապրող(ներ)	Ջենի Շիմիզու և Բրեդ Փիթ
Երեխա(ներ)	6 երեխա
Պարգևներ և մրցանակներ	«Սատուրն» մրցանակ լավագույն կինոդերասանուհու համար Ժողովրդի ընրտություն պարգև 2011 Մանկական ընտրության մրցանակներ Սարաևոյի պատվավոր քաղաքացի Կամբոջայի պատվավոր քաղաքացի Սերժիու Վիեյրա դե Մելուի «Աշխարհի քաղաքացի» մրցանակ Ազատություն մրցանակ Ջին Հերշոլտի անվան մրցանակ DCMG? Օսկար երկրորդ պլանի լավագույն դերասանուհու համար «Ոսկե գլոբուս» կնոջ լավագույն դերակատարման համար - մինի սերիալ կամ հեռուստաֆիլմ «Ոսկե գլոբուս» կնոջ լավագույն դերակատարման համար - մինի սերիալ կամ հեռուստաֆիլմ Ոսկե Գլոբուս մրցանակ երկրորդ պլանի լավագույն դերասանուհի անվանակարգում 2015 Մանկական ընտրության մրցանակներ Կինոքննադատների ազգային խորհրդի մրցանակ՝ լավագույն երիտասարդ դերասանուհի ԱՄՆ կինոդերասանների գիլդիայի մրցանակ հեռուստաֆիլմում կամ մինի սերիալում կանացի լավագույն դերակատարման համար ԱՄՆ կինոդերասանների գիլդիայի մրցանակ երկրորդ պլանի կնոջ լավագույն դերակատարման համար Hollywood Film Awards և «Սատուրն» մրցանակ լավագույն արկածային ֆիլմի, մարտաֆիլմի կամ թրիլլերի համար
IMDb	ID 0001401
ԿինոՊոիսկ	ID 20866
Օսկար 2000, Երկրորդ պլանի լավագույն դերասանուհի «Ընդհատված կյանք» ֆիլմում Ոսկե Գլոբուս 2000, Երկրորդ պլանի լավագույն դերասանուհի «Ընդհատված կյանք» ֆիլմում 1999, Լավագույն դերասանուհի «Ջիա» մինի սերիալում, 1998, Երկրորդ պլանի լավագույն դերասանուհի «Ջորջ Ուոլաս» մինի սերիալում Սատուրն 2009, Լավագույն դերասանուհի «Փոխարինում» ֆիլմում

Զբաղվում է բարեգործությամբ, ՄԱԿ-ի բարի կամքի դեսպան է։ Հոլիվուդի ամենաբարձր վարձատրվող դերասանուհիների՝ Forbes ամսագրի կազմած ցանկում ընդգրկվել է 2009, 2011 և 2013 թվականներին։ Բազմիցս անվանվել է աշխարհի ամենագեղեցիկ կին և մշտապես գտնվում է մամուլի ուշադրության կենտրոնում։

Ջոլին հոր՝ Ջոն Վոյթի հետ նկարահանվել է «Ելք իրավիճակից» ֆիլմում (1982), սակայն նրա դերասանական կարիերան սկսել է դրանից մեկ տասնամյակ անց, երբ նա նկարահանվում է «Կիբօրգ 2։ Ապակե ստվերը» (1993) փոքրաբյուջետ ֆիլմում։ Ջոլին իր առաջին հաջողված դերը խաղացել է «Կոդահենները» (1995) ֆիլմում։ Նա նաև նկարահանվել է քննադատների կողմից բարձր գնահատականի արժանացած «Ջորջ Ուոլաս» (1997) և «Ջիա» (1998) ֆիլմերում, «Օսկարի» է արժանացել «Ընդհատված կյանքը» (1999) ֆիլմում կատարած երկրորդական դերի համար։ Անջելինա Ջոլին համաշխարհային ճանաչման արժանացավ հատկապես «Լարա Քրոֆթ. Դամբարաններ թալանողը» (2001) ֆիլմում վիդեոխաղերի հերոսուհի Լարա Քրոֆթի դերը կատարելուց հետո, իսկ ֆիլմի շարունակությունում («Լարա Քրոֆթ. Դամբարաններ թալանողը 2. Կյանքի օրորոց», 2003) նկարահանվելուց հետո հանդիսանում է Հոլիվուդի ամենաբարձր վարձատրվող դերասանուհիներից մեկը։ Հետագայում նա նկարահանվել է մեծ հաջողություն ունեցած այնպիսի ֆիլմերում, ինչպիսիք են՝ «Միսթր և միսիս Սմիթ» (2005), «Ծայրահեղ վտանգավոր է» (2008), «Սոլթ» (2010) և «Տուրիստ» (2010), որոնք համաշխարհային վարձույթում վաստակել են համապատասխանաբար $478 միլիոն, $341 միլիոն, $293 միլիոն և $278 միլիոն։ «Փոխարինում» (2008) ֆիլմի շնորհիվ արժանացել է «Օսկարի» կնոջ լավագույն դերակատարման համար։

Անջելինա Ջոլին 2014 թվականին

2011 թ. Ջոլին նկարահանել է «Այրան և մեղրի սահմանագծին» ֆիլմը՝ հանդես գալով որպես ֆիլմի սցենարիստ, պրոդյուսեր ու ռեժիսոր։

Անջելինա Ջոլին ներկայումս ապրում է դերասան Բրեդ Փիթի հետ։ Նրանք դաստիարակում են իրենց վեց երեխաներին, որոնցից երեքն իրենց կենսաբանական երեխաներն են, երեքը՝ որդեգրված։

Կենսագրություն

Վաղ կյանք և ընտանիք

Անջելինա Ջոլին ծնվել է Կալիֆորնիայի Լոս Անջելես քաղաքում՝ դերասաններ Ջոն Վոյթի ու Մարշելին Բերտրանի ընտանիքում։ Նա դերասան Ջեյմս Հեյվենի քույրն է, երգիչ-երգահան Չիփ Թեյլորի զարմուհին, դերասաններ Մաքսիմիլիան Շելլի ու Ժաքլին Բիսետի սանիկը։

Անջելինա Ջոլիի ծնողներն ամուսնալուծվել են 1976 թվականին, որից հետո Ջոլին ու նրա եղբայրն ապրում են իրենց մոր հետ։ Վերջինս թողնում է իր դերասանական կարիերան և նվիրվում երեխաների դաստիարակությանը։ Ջոլին հաճախ էր նայում իր մոր մասնակցությամբ ֆիլմեր, ինչը նրա մեջ հետաքրքրություն է առաջացնում դերասանական արվեստի նկատմամբ։ Նա պնդում է, որ իր հոր կարիերան ոչ մի ազդեցություն չի գործել իր վրա։ Երբ Անջելինան վեց տարեկան էր, նրա մայրն ու խորթ հայրը ընտանիքի հետ տեղափոխվում են Փալիսադես, Նյու Յորք, սակայն հինգ տարի անց վերադառնում են Լոս Անջելես։ Այդ ժամանակ Ջոլին արդեն որոշել էր, որ դառնալու է դերասանուհի, և սկսում է հաճախել Լի Ստրասբերգի կինոյի ու թատրոնի ինստիտուտ, որտեղ նա սովորում է երկու տարի և մասնակցում մի շարք բեմադրությունների։

Ջոլին թողնում է ուսումը ու ուզում դառնալ հողարկավորություններ կազմակերպող։ Նա իրեն ճնշված էր զգում իր ոչ սովորական արտաքինի, նիհարության ու հին հագուստ հագնելու պատճառով։ Դրան ավելացավ նաև այն, որ անհաջողությամբ ավարտվեցին մոդել դառնալու փորձերը։ Այս շրջանում Ջոլին հագնում էր բացառապես սև հագուստ, մազերը ներկել էր կարմիր, հանդիպում էր մի տղայի հետ։ Այդ ժամանակ Ջոլին հաճախ էր դանակով վերքեր հասցնում ինքն իրեն. CNN հեռուստաալիքին տված հարցազրույցում նա ասել է. «Ես դանակների հավաքածու ունեմ, և իմ շուրջը միշտ նման իրեր կան։ Ինչ-որ պատճառով սեփական մարմնին վերքեր հասցնելու ծեսը և դրանից ցավ զգալը, հավանաբար, ինքն իրեն կենդանի ու ազատ զգալը թերապիա էր ինձ համար»։ Այն տղայի հետ հարաբերությունների ավարտից երկու տարի անց նա տուն է վարձում մոր տանից քիչ հեռու։ Նա ավարտում է դպրոցը, շարունակում հաճախել թատերական արվեստի դասերի։ Այդ տարիների մասին նա ասել է. «Հոգուս խորքում ես դաջվածքներով պանկ երեխա եմ և միշտ կմնամ այդպիսին»։

Ջոլին մի քանի անգամ ինքնասպանության փորձ է կատարել։ Նա նաև սկսում է օգտագործել տարբեր թմրանյութեր ու 20 տարեկանում արդեն փորձել էր ամեն հասանելի թմրանյութ, այդ թվում՝ հերոին։

Անջելինա Ջոլին հայտնի է հոր՝ Ջոն Վոյտի նկատմամբ անբարյացակամ վերաբերմունքով։ Ջոլին միշտ մեղադրում էր հորը՝ կնոջը դավաճանելու ու ընտանիքը լքելու համար։ Չնայած դրան՝ Ջոլին փորձում էր վերականգնել հարաբերությունները հոր հետ. նա հորը հրավիրում է մասնակցելու «Լարա Քրոֆթ. դամբարաններ թալանողը» (2001) ֆիլմի նկարահանմանը, որում Ջոլին խաղում էր գլխավոր դերը։ Սակայն նկարահանման ընթացքում նրանց միջև մի քանի անգամ վեճեր եղան, որից հետո Ջոլին հրաժարվում է նրան իր հայրը համարելուց։ 2002 թվականի կեսերին Անջելինա Ջոլի դիմում է ներկայացնում իրեն պաշտոնապես որպես Անջելինա Ջոլի գրանցելու համար՝ ցանկանալով վերջնականապես հրաժարվել հոր ազգանունից։ Նույն տարում Ջոն Վոյտը մամուլում հայտարարում է, թե Անջելինան հոգեկան լուրջ խնդիրներ ունի։ 2004 թվականին մի հարցազրույցի ժամանակ Ջոլին ասել է, որ չի ցանկանում շարունակել շփվել հոր հետ։ Սակայն 2007 թվականի հունվարի 27-ին մոր մահից հետո Ջոլին վեց տարվա ընդմիջումից հետո վերսկսել է հոր հետ շփումը։

Կարիերա

Վաղ աշխատանք՝ 1982, 1991-1997 թվականներ

7 տարեկանում Ջոլին փոքրիկ դեր է կատարել «Ելք իրավիճակից» (1982) ֆիլմում, որի սցենարի համահեղինակն ու դերակատարներից մեկն իր հայրն է եղել։ 16 տարեկանում Ջոլին մասնակցել է բազմաթիվ լսումների, սակայն նրան դեր չեն տվել՝ հաճախ պատճառաբանելով, որ աղջիկը «չափազանց մռայլ» է։

Ջոլին՝ որպես մոդել, սկսել է աշխատել դեռ 14 տարեկանից։ Աշխատել է Նյու Յորքում, Լոս Անջելեսում, Լոնդոնում։ Բացի այդ՝ նա նկարահանվել է նաև երաժշտական մի շարք տեսահոլովակներում, այդ թվում՝ Լենի Կրավիցի «Stand By My Woman» (1991), Meat Loaf-ի «Rock’n’Roll Dreams Come Through» (1993), The Lemonheads-ի «It's About Time» (1993) և այլն, որից հետո 16 տարեկանում վերադարձել է թատրոն։ Մոտավորապես այդ ժամանակ էլ նրա եղբայրը՝ Ջեյմս Հեյվենը, սկսել է հաճախել կինոդպրոց (USC School of Cinematic Arts)։ Անջելինան խաղացել է եղբոր ուսանողական 5 բեմադրություններում։ «Following a supporting role in the independent film» («Առանց վկաների»-1995) ֆիլմում երկրորդական դերից հետո Ջոլին նկարահանվել է իր առաջին հոլիվուդյան ֆիլմում՝ կատարելով Քեյթ Լիբիի դերը Կոդահենները (1995) ֆիլմում։ Նյու Յորք Թայմս թերթը գրել է. «Քեյթը (Անջելինա Ջոլի) առանձնանում է։ Դա այն պատճառով է, որ նա իր հետ նկարահանվողներից ավելի բարկացկոտ է մռայլվում, և նա այն եզակի կին կոդահենն է, որը իր ստեղնաշարի առաջ կենտրոնացած նստում է կիսաթափանցիկ վերնազգեստով»։ Ֆիլմի բյուջետային ցուցադրությունը ձախողվել է, սակայն այն մեծ ճանաչում է գտել տեսաերիզի թողարկումից հետո։ Այս ֆիլմի նկարահանման ժամանակ Ջոլին ծանոթացել է բրիտանացի դերասան Ջոնի Լի Միլլերի հետ, որը մեկ տարի անց դարձել է Ջոլիի առաջին ամուսինը։

1996 Ջոլին նկարահանվել է «Իտալական սիրահարները» կատակերգությունում, որը «Ռոմեո ու Ջուլիետ» պատմության ժամանակակից տարբերակն է։ Այս անգամ կոնֆլիկտը Նյու Յորքում վերաբնակված իտալացի երկու հակառակորդ ռեստորանատերերի ընտանիքների միջև է։ «Անապատի արևը» (1996) ֆիլմում Ջոլին խաղում է մի երիտասարդ կնոջ դեր, որը սիրահարվում է Դենի Այելոյին՝ միջին տարիքի մի մարդու, որն էլ սիրահարված է նրա մորը, ում մարմնավորում է Էնն Արչերը։ Նույն տարվա ընթացքում Ջոլին մարմնավորում է Մարգրեթ Սադովսկուն՝ «Կեղծ կրակ» ֆիլմում։

1997 թվականին Ջոլին Դավիդ Դուխովնու հետ նկարահանվել է «Պատկերելով Աստծուն» ֆիլմում։ Ֆիլմը քննադատների կողմից դրական արձագանքի չի արժանացել. Ռոջեր Էբերտը նկատել է, որ․ «Անջելինա Ջոլին...ջերմություն է գտնում այնպիսի դերերում, որ սովորաբար դժվար են ու ագրեսիվ, նա թվում է չափազանց գեղեցիկ՝ Բլոսոմի ընկերուհին լինելու համար, և գուցե դա իսկապես այդպես է»։ Ջոլին նաև հայտնվել է «Իսկական կինը» (1997) հեռուստատեսային ֆիլմում, որը նկարահանվել է Ամերիկայի արևմուտքում՝ Յանիկ Վուուս Վինդլի գրքի հիման վրա։ Նույն տարում նա նկարահանվել է Rolling Stones-ի «Anybody Seen My Baby?» երաժշտական տեսահոլովակում։

Առաջընթաց և ճանաչում

«Ջորջ Ուոլաս» (1997) հեռուստատեսային ֆիլմում մասնակցության համար Անջելինա Ջոլին արժանանում է «Էմմի» հեռուստատեսային մրցանակին, ինչպես նաև ստանում է «Ոսկե Գլոբուս» մրցանակը։ Ֆիլմը ջերմորեն է ընդունվում հեռուստաքննադատների կողմից, ինչի շնորհիվ ստանում է «Ոսկե Գլոբուս» մրցանակը «Լավագույն սերիալ/ֆիլմ՝ արտադրված հեռուստատեսության համար»։ Ջոլին այնտեղ խաղում է Ալաբամա նահանգի նահանգապետ Ջորջ Ուոլասի երկրորդ կնոջ՝ Կորնելիայի դերը։

Հենց հաջորդ տարում հեռարձակվում է ևս մի կենսագրական ֆիլմ՝ «Ջիա» վերնագրով։ Այնտեղ Ջոլին կատարում է Ջիա Մարի Գարանջիի դերը, ով 1970-ականների ճանաչված մոդելներից էր։ Ջոլին բազմիցս համառորեն մերժել էր այդ դերը, պատճառաբանելով, որ Ջիան իրեն շատ է նման։ Ջիան տխրահռչակ էր նրանով, որ հակում ուներ թմրադեղերի նկատմամբ, միասեռական էր և վաղաժամ մահացել էր ՁԻԱՀ-ից։ Այդ ֆիլմի համար Ջոլին երկրորդ տարին անընդմեջ շահում է «Ոսկե Գլոբուս» մրցանակը։ Քննադատները Անջելինայի այդ դերակատարման մասին ասում էին, որ եթե ֆիլմը նկարահանվեր կինովարձույթի համար, այլ ոչ թե հեռուստատեսության պատվերով, ապա «Ջիա»-ն կարող էր անգամ «Օսկար»-ի հավակնել։

Ինչպես ինքն է խոստովանում, այդ դժվար ու հոգնեցուցիչ նկարահանումներից հետո դերասանուհուն ժամանակ էր անհրաժեշտ հանգստանալու համար։ Ջոլին տեղափոխվում է Նյու Յորք, որտեղ Նյու Յորքի համալսարանում հաճախում է սցենարիստի դասընթացների։ Այնուհետև Անջելինան նկարահանվում է կինովարձույթներում մեծ հաջողություններ ունեցած մի քանի ֆիլմերում (նախ և առաջ, դրանք «Սիրո փոփոխականությունը» և «Վախի ուժը» ֆիլմերն են՝ Դենզել Վաշինգտոնի հետ, որոնք համաշխարհային վարձույթում 151 միլիոն դոլլար աշխատեցին)։

Անջելինա Ջոլիի մերժած դերերից է «Օտար. Հարություն» ֆիլմում քիբորգի դերը (1997, կատարեց Վայնոնա Ռայդերը), ինչպես նաև «Չարլիի հրեշտակները»։

Անջելինա Ջոլին և Բրեդ Փիթը Կաննի մրցանակաբաշխությանը

ԵՎ, վերջապես, 1999 թվականին ԱՄՆ-ում էկրան է բարձրանում Ջեյմս Մենգոլդի «Ընդհատված կյանքը» ֆիլմը, որը, բոլոր կանխատեսումների համաձայն դառնալու էր Վայոնա Ռայդերի կինովերադարձը։ Սակայն ամեն ինչ ավարտվեց լրիվ այլ կերպ։ Ֆիլմը դարձավ Անջելինա Ջոլիի «հաղթանակը»։ Նա խաղում էր անսանձ ապստամբ Լիզա Ռոուսի դերը։ Այդ դերով նա ստացավ իր երրորդ «Ոսկե Գլոբուս»-ը, ԱՄՆ-ի կինոդերասանների Գիլդիայի մրցանակը, և, վերջապես, «Օսկար» «Երկրորդ պլանի լավագույն դերասանուհու համար» անվանակարգում։ Բոլոր կինոքննադատները ծափահարում էին Անջելինա Ջոլիին, ով կարճ ժամանակում իսկական աստղի ճանաչում է ձեռք բերում Հոլիվուդում։

«Ընդհատված կյանքը» ֆիլմի հսկայական հաջողությունից հետո Ջոլին իրեն թույլ է տալիս նկարահանվել «Առևանգել 60 վայրկյանում» մարտաֆիլմում, որտեղ նա առանձնապես հնարավորություն չուներ ցուցադրել իր դրամատիկ տաղանդը։ Սակայն ֆիլմը, մեղմ ասած հաջողություններ ունեցավ, հատկապես ֆինանսական առումով, հավաքելով ավելի քան 230 միլիոն դոլլար։

Դաջվածքներ

Անջելինա Ջոլին համարվում է ամենաշատ դաջվածքներ ունեցող հայտնի մադրկանցից մեկը, նրա մարմինը զարդարում են 20 դաջվածքներ՝

• մեծ սև խաչ ձախ ազդրի վերնամասում,
• պորտից ցածր տեղակայված է լատիներեն արտահայտություն «Quod me nutrit me destruit», որը թարգմանվում է մի քանի տարբերակով.

1. բառացիորեն՝ «Ինչը ինձ փորձում է, դա էլ ինձ սպանում է»,
2. «Այն ինչ ինձ ուժ է տալիս, միևնույն ժամանակ թուլացնում է ինձ,

• «H» տառը ձախ դաստակի վրա։ Դերասանուհու խոսքով, դա իր եղբոր՝ Ջեյմս Հավենի պատվին է,
• մեջքի ներքևի հատվածում ուղղակի մեծ ասիական վագր, ինչպես նաև տարբեր նախշեր և դռակոն,
• բուդայական պաշտպանիչ ամուլետ, որի թարգմանությունը հնչում է ինչպես կախարդանք՝

«թող քո թշնամիները լքեն քեզ, եթե դու հասնես հարստությունների, թող դրանք միշտ մնան քեզ հետ, թող քո գեղեցկությունը լինի ինչպես Ապսարի գեղեցկությունը, ուր էլ, որ դու գնաս, թող շատերը քեզ հետևեն ծառայելով և պաշտպանելով քեզ»

• «Know your Rights» բառը (իմացիր քո իրավունքները) վզի հատվածում,
• աջ ձեռքի ներսի հատվածում արամական բառ, որը թարգմանաբար նշանակում է «կամք»։ Այս դաջվածքը արվել է, որպեսզի փակվի մեկ ուրիշը, որը Ջոլին կրել է նախկինում, իր նախկին ամուսնու Բիլլի Բոբի հետ լինելու ժամանակ,
• վիշապ (արդեն մաքրված) աջ ուսի վրա, որի վրա կար գրություն Բիլլի Բոբ (ջնջել է բաժանումից հետո),
• Թեննեսսի Ուիլյամսի մեջբերումը ձախ ձեռքի վրա։ «A prayer for the wild at heart, kept in cages»,
• հռոմեական թիվ «13»,
• ձախ ուսի վրա այն վայրերի աշխարհագրական կոորդինատները, որտեղ ծնվել են իր երեխաներից յուրաքանչյուրը,
• աջ ոտքի ներքևի հատվածում Whiskey Bravo: Սա Բրեդ Փիթի անունն է՝ կոդավորված ըստ քաղաքային ավիացիայի միջազգային կազմակերպության այբուբենի (ավելի կոնկրետ, նրա սկզբնատառերը)՝ Ուիլիամ Բրեդլի (William Bradley)։

Ֆիլմագրություն

Դերակատարումներ

Տարեթիվ	Ֆիլմի անուն	Բնօրինակի անվանում	Դեր	Ժանր	Ռեժիսոր	Խաղընկերներ
1982	Ելք իրավիճակից	Lookin' to Get Out	Թոշ՝ Փաթիի դուստրը	Կատակերգություն	Հել Էշբի	Ջոն Վոյթ
1993	Կիբօրգ 2։ Ապակե ստվեր	Cyborg 2	Քասելիա 'Քեշ' Ռիզ	Ֆանտաստիկ, Մարտական	Մայքլ Շրոդեր
1993	Անժելան և Վիրիլը	Angela & Viril	Անջելինա	Կարճամետրաժ, Դրամա	Սթիվեն Շեյնբերգ
1995	Հակերները	Hackers	Քեյթ Լիբի / 'Այրող թթու'	Թրիլեր, Քրեական	Յեն Սոֆլի
1995	Առանց վկաների	Without Evidence	Ջոդի Սվերինջեն	Թրիլեր, Դրամա	Գիլ Դենիս
1996	Իտալական սիրահարները	Love Is All There Is	Ջինա Մալասիսի	Մելոդրամա, Կատակերգություն	Ջոզեֆ Բալոնյա, Ռենե Թեյլոր
1996	Կեղծ կրակ	Foxfire	Մարգարետ 'Ոտքեր' Սադովսկի	Դրամա	Աննետ Հեյվուդ-Կարտեր
1996	Անապատի լուսին	Mojave Moon	Էլիանոր 'Էլլի' Ռիգբի	Մելոդրամա, Կատակերգություն	Քևին Դաուլինգ
1997	Իսկական կինը	True Women	Ջեորջիա Վիրջինիա Լաշվե Վուդ	Մելոդրամա, Վեստեռն, Կենսագրական	Կարեն Արթուր
1997	Ջորջ Ուոլես	George Wallace	Կորնելիա Վալես	Դրամա, Կենսագրական	Ջոն Ֆրանկենհայմեր
1997	Պատկերելով Աստծուն	Playing God	Կլեր	Թրիլեր, Քրեական	Էնդի Ուիլսոն	Դևիդ Դուխովնի, Փեթեր Ստորմարե
1998	Ջիա	Gia	Ջիա Մարի Գարանջի	Մելոդրամա, Կենսագրական	Մայքլ Քրիստոֆեր
1998	Դժոխային խոհանոց	Hell's Kitchen	Գլորիա Մակնիերի	Դրամա, Քրեական	Թոնի Չինչիրիփինի	Ռոզաննա Արկետ
1998	Սիրո փոփոխականությունը	Playing by Heart	Ջոան	Մելոդրամա, Կատակերգություն	Ուիլիարդ Քերոլ	Շոն Քոնների, Ջիլիան Անդերսոն, Ռայան Ֆիլիպ
1999	Կառավարելով թռիչքները	Pushing Tin	Մերի Բել	Մելոդրամա, Կատակերգություն	Մայքլ Նյուել	Ջոն Քյուսաք, Բիլի Բոբ Տորնթոն, Քեյթ Բլանշետ
1999	Վախի ուժը	The Bone Collector	Ամելիա Դոնաթի	Թրիլեր, Դրամա, Քրեական	Ֆիլիպ Նոյս	Դենզել Վաշինգտոն
1999	Ընդհատված կյանքը	Girl, Interrupted	Լիզա Ռոուս	Դրամա, Կենսագրական	Ջեյմս Մենգոլդ	Վայնոնա Ռայդեր, Վուպի Գոլդբերգ
2000	Առևանգել 60 վայրկյանում	Gone in Sixty Seconds	Սառա Վայլանդ	Թրիլեր, Մարտական, Քրեական	Դոմինիկ Սենա	Նիկոլաս Քեյջ
2001	Լարա Քրոֆթ. Դամբարաններ թալանողը	Lara Croft: Tomb Raider	Լարա Քրոֆթ	Ֆենտեզի, Մարտական, Արկածային	Սայմոն Ուեսթ	Ջոն Վոյթ
2001	Հրապուրանք	Original Sin	Ջուլիա Ռասել, Բոնի Քասլ	Մելոդրամա, Դրամա	Մայքլ Քրիստոֆեր	Անտոնիո Բանդերաս
2002	Կյանք, կամ դրա նման ինչ-որ մի բան	Life or Something Like It	Լանի Քերիգան	Կատակերգություն, Մելոդրամա	Սթիվեն Հերեկ
2003	Կանանց առևտուր	Trading Women	պատմող	Փաստագրական	Դևիդ Ա. Ֆեյնգոլդ
2003	Լարա Քրոֆթ. Դամբարաններ թալանողը 2. Կյանքի օրորոց	Lara Croft Tomb Raider: The Cradle of Life	Լարա Քրոֆթ	Ֆենտեզի, Մարտական, Արկածային	Յան դե Բոնտ	Ջերարդ Բաթլեր
2003	Եզրագծից այն կողմ	Beyond Borders	Սառա Ջորդան	Մելոդրամա, Արկածային, Ռազմական	Մարտին Քեմբլ
2004	Վերցնելով կյանքը	Taking Lives	Իլիենա	Թրիլեր, Դետեկտիվ	Դի Ջեյ Կարուզո
2004	Ստորջրյա եղբայրություն	Shark Tale	Լոլա (հնչյունավորում)	Մուլտֆիլմ, Կատակերգություն, Ընտանեկան	Բիբո Բերժերոն, Վիկի Ջենսոն, Ռոբ Լետերման	Ռոբերտ Դե Նիրո, Ռենե Զելվեգեր, Ուիլ Սմիթ, Մարտին Սկորսեզե
2004	Երկնային կապիտանը և ապագայի աշխարհը	Sky Captain and the World of Tomorrow	Ֆրանկի	Ֆանտաստիկ, Մարտական, Արկածային	Քերի Կոնրան	Ջուդ Լոու, Գվինեթ Փելթրոու
2004	Ալեքսանդր	Alexander	Օլիմպիաս	Արկածային, Ռազմական, Պատմական	Օլիվեր Սթոուն	Քոլին Ֆարել, Վել Կիլմեր, Էնթոնի Հոփքինս, Ջարեդ Լետո, Ռոզարիո Դոուսոն
2005	Միսթր և միսիս Սմիթ	Mr. & Mrs. Smith	Ջեյն Սմիթ	Մարտական, Մելոդրամա, Կատակերգություն	Դագ Լայման	Բրեդ Փիթ, Վինս Վոն, Ադամ Բրոդի
2006	Կեղծ գայթակղություն	The Good Shepherd	Մարգարետ Ռասել	Թրիլեր, Պատմական	Ռոբերտ Դե Նիրո	Մեթ Դեյմոն, Ալեք Բոլդուին, Ռոբերտ Դե Նիրո
2007	Նրա սիրտը	A Mighty Heart	Մարինե Փեռլ	Ռազմական, Պատմական, Կենսագրական	Մայքլ Ուինթերբոթոմ
2007	Բեովուլֆ	Beowulf	Գրենդելի մայրիկը	Մուլտֆիլմ, Ֆենտեզի, Արկածային	Ռոբերտ Զեմեկիս	Էնթոնի Հոփքինս, Ջոն Մալկովիչ
2008	Քունգ ֆու Պանդա	Kung Fu Panda	Վագրուհի (հնչյունավորում)	Մուլտֆիլմ, Մարտական, Կատակերգություն, Արկածային, Ընտանեկան	Մարկ Օսբորն, Ջոն Սթիվենսոն	Ջեք Բլեք, Ջեքի Չան, Լյուսի Լյու, Դասթին Հոֆման
2008	Փոխարինում	Changeling	Քրիստին Քոլինս	Թրիլեր, Դետեկտիվ	Քլինթ Իսթվուդ	Ջոն Մալկովիչ
2008	Ծայրահեղ վտանգավոր է	Wanted	Fox	Մարտական, Քրեական, Թրիլեր	Թիմուր Բեկմամբետով	Ջեյմս Մակեվոյ, Մորգան Ֆրիման
2010	Սոլթ	Salt	Էվելին Սոլթ	Մարտական, Քրեական, Թրիլեր	Ֆիլիպ Նոյս	Լիվ Շրայբեր
2010	Քունգ ֆու Պանդա. Տոնական թողարկում	Kung Fu Panda Holiday Special	Վագրուհի (հնչյունավորում)	Մուլտֆիլմ, Կատակերգություն, Ընտանեկան	Թիմ Ջոնսոն	Ջեք Բլեք, Ջեքի Չան, Լյուսի Լյու, Դասթին Հոֆման
2010	Զբոսաշրջիկ	The Tourist	Էլիս Քլիֆոն-Վարդ	Մարտական, Թրիլեր, Մելոդրամա	Ֆլորիան Հենկել Հոն Դոներսմարկ	Ջոնի Դեփ, Պոլ Բեթանի, Թիմոտի Դալթոն
2011	Քունգ ֆու Պանդա 2	Kung Fu Panda 2	Վագրուհի (հնչյունավորում)	Մուլտֆիլմ, Մարտական, Կատակերգություն, Արկածային, Ընտանեկան	Ջենիֆեր Յու	Ջեք Բլեք, Ջեքի Չան, Լյուսի Լյու, Վիկտոր Գարբեր, Դասթին Հոֆման, Միշել Յեո, Ժան-Կլոդ Վան Դամ, Գարի Օլդմեն
2011	Քունգ ֆու Պանդա. Վարպետների գաղտնիքները	Kung Fu Panda: Secrets of the Masters	Վագրուհի (հնչյունավորում)	Կարճամետրաժ, Մուլտֆիլմ	Էնթոնի Լեոնդիս	Ջեք Բլեք
2014	Մալեֆիսենթ	Maleficent	Մալեֆիսենթ	Ֆենտեզի	Ռոբերտ Ստրոնբերգ
-	Կլեոպատրա	Cleopatra	Կլեոպատրա	Կենսագրական, Պատմական	Դևիդ Ֆինչեր
-	Սոլթ 2	Salt 2	Էվելին Սոլթ	Մարտական, Քրեական, Թրիլեր

Պրոդյուսեր

Թիվ	Ֆիլմի անուն	Բնօրինակի անվանումը
2005	Տրուդել	Trudell
2005	Սիրային հիվանդություն	Lovesick
2011	Արյան և մեղրի սահմանագծին	In the Land of Blood and Honey
2014	Անկոտրումը	Unbroken

Ռեժիսուրա

Թիվ	Ֆիլմի անուն	Բնօրինակի անվանումը
2007	Տեղը ժամանակում	A Place in Time
2011	Այրան և մեղրի սահմանագծին	In the Land of Blood and Honey
2014	Անկոտրումը	Unbroken

Սցենարիստ

Թիւ	Տեսաժապաւէնի անուն	Բնօրինակի անւանումը
2011	Արեան եւ մեղրի սահմանագծը	In the Land of Blood and Honey

Արտաքին հղումներ

Վիքիքաղվածքն ունի քաղվածքների հավաքածու, որոնք վերաբերում են

Անջելինա Ջոլի հոդվածին

Անջելինա Ջոլի էջը Վիքիպահեստում

• Անջելինա Ջոլի. կյանքը բաժանումից առաջ և հետո