Բորուսիա Դորտմունդ
Բորուսիա Դորտմունդ կամ Դորտմունդի Բորուսիա գերմանական ֆուտբոլային ակումբ ։ Ամբողջական անվանումն է Բալշփիլ Ֆերայն Բորուսիա 1909 Դորտմունդ, մականունը՝ գերմ.՝ Die Borussen, գերմ.՝ Die Schwarzgelben։
| Բորուսիա Դորտմունդ | ||||
| ||||
| Ամբողջական անուն | Ballspielverein Borussia 09 e.V. Dortmund | |||
|---|---|---|---|---|
| Մականուն(ներ) | Die Borussen (Բարուսիացիները) Die Schwarzgelben (Սև-դեղիները) | |||
| Հիմնադրում | դեկտեմբերի 19, 1909 | |||
| Երկիր |  Գերմանիա
| |||
| Քաղաք |  Դորտմունդ
| |||
| Մարզադաշտ | Սիգնալ Իդունա Պարկ (Westfallenstadion) | |||
| Տարողունակություն | 81,359 | |||
| Նախագահ | Ռայնհարդ Ռաուբալ
| |||
| Մարզիչ |  Պետեր Շտյոգեր
| |||
| Ավագ | Մարսել Շմելցեր
| |||
| Կայք | ||||
| Լիգա | Բունդեսլիգա | |||
| 2021-22 |  2-րդ
| |||
| ||||
 Ներկա մրցաշրջան
| ||||
Հիմնադրվել է 1909 թվականի դեկտեմբերի 19-ին, Կայսերական Գերմանիայի Դորտմունդ քաղաքում։ Մարզիչը ավստրիացի մասնագետ Պետեր Շտյոգերն է։ Թիմի սեփականատերն է Ռայնհարդ Ռաուբալը։ Թիմի սպորտային տնօրենն է Հանս-Յոահիմ Վացկեն։ Թիմի կարգախոսն է Echte Liebe-ն (Իրական սեր)։ Մարզադաշտն է Սիգնալ Իդունա Պարկը (Վեսթֆալենշտադիոն)։
Պատմություն խմբագրել
2010 թվական-ներկա խմբագրել
2011 թվականի ապրիլի 30-ին Դորտմունդի Բորուսիան տնային խաղում 2։0 հաշվով հաղթեց Նյուրնբերգին և հռչակվեց 2010-11 մրցաշրջանի Բունդեսլիգայի հաղթող[1][2]։ Դա Յուրգեն Կլոպի գլխավորությամբ առաջին նվաճած տիտղոսն էր[3]։ Վերջինիս գլխավորությամբ 2011-12 մրցաշրջանում թիմը ավելի լավ արդյունք գրանցեց՝ պաշտպանելով երկրի չեմպիոնի տիտղոսը։ Այդ մրցաշրջանում թիմը վաստակեց 81 միավոր և ողջ առաջնության ընթացքում պարտվեց ընդամենը 3 անգամ։ Այդ տարի Դորտմունդի Բորուսիան Գերմանիայի գավաթի եզրափակչում 5։2 հաշվով հաղթեց Մյունխենի Բավարիային և նվաճեց Գերմանիայի գավաթը։ Այդ խաղում Ռոբերտ Լևանդովսկին իր հաշվին 3 գոլ գրանցեց։ Ինչ վերաբերում է Չեմպիոնների լիգային, ապա այստեղ թիմը ձախողվեց՝ խմբային փուլի 6 խաղերում վաստակելով ընդամենը 4 միավոր, զբաղեցրեց վերջին տեղը և նույնիսկ չվաստակեց Եվրոպայի լիգայի ուղեգիր։
Բունդեսլիգա 2011-12 մրցաշրջանի սկզբում Բորուսիան Գերմանիայի սուպերգավաթում պարտվեց Բավարիային։ Նույն կերպ Գերմանիայի Գավաթի 1/4 եզրափակչում թիմը պարտվեց Բավարիային։
Բորուսիայի գործերը ավելի հաջող ընթացան Չեմպիոնների լիգայում։ Խմբային փուլը հաղթահարելուց հետո թիմի հաջորդ մրցակիցը Մալագան էր։ Պատասխան խաղում Բորուսիան ավելացված ժամանակում խփեց 2 գոլ և ապահովեց ուղեգիրը դեպի Չեմպիոնների լիգայի կիսաեզրափակիչ[4]։ Իսկ հաջորդ փուլում Դորտմունդի մրցակիցը Մադրիդի Ռեալն էր։ Տնային խաղում Բորուսիան Ռեալին ջախջախեց 4։1 հաշվով։ Ի դեպ, այդ խաղում պոկերի հեղինակ դարձավ Ռոբերտ Լևանդովսկին, իսկ Ռեալ Մադրիդի ֆուտբոլիստներից հաշիվը թրջեց Կրիշտիանու Ռոնալդուն։ Մրցակցի դաշտում Բորուսիան պարտվեց 2։0 հաշվով, որը, սակայն, ձեռնտու էր իրեն[5]։ Եզրափակչում Դորտմունդի Բորուսիայի մրցակիցը Մյունխենի Բավարիան էր[6]։ Խաղին վնասվածքի պատճառով չէր մասնակցում Մարիո Գյոթցեն։ Սկզբում հաշիվը բացեց Մարիո Մանջուկիչը։ Հետո 11-մետրանոցը հստակ իրացրեց Իլկայ Գունդոգանը։ Խաղի վերջնական հաշիվը ձևակերպեց Արիեն Ռոբենը։
Հաջորդ մրցաշրջանի սկզբում 2013 թվականի Գերմանիայի սուպերգավաթի խաղում Բորուսիան Բավարիային հաղթեց 4։2 հաշվով։ Թիմ եկան նոր ֆուտբոլիստներ՝ Հենրիխ Մխիթարյանը, Պիեռ Էմերիկ Օբամեյանգը, Սոկրատիս Պապաստատոպուլոսը։ Կլոպը ցանկանում էր այս նոր ֆուտբոլիստների շնորհիվ վերանվաճել երկրի չեմպիոնի տիտղոսը։
2013/2014 մրցաշրջանում Չեմպիոնների լիգայում Բորուսիայի հակառակորդները շատ հզոր թիմեր էին՝ Մարսելի Օլիմպիկը, Նապոլին, Արսենալը։ Նապոլիին պարտվելուց հետո թիմի առջև դրված էր ծանր առաջադրանք՝ հաղթել մյուս երկուսին։ Արսենալին հաղթելուց հետո Դորտմունդցիների համար ամենաորոշիչ խաղը Օլիմպիկի դեմ խաղն էր։ Պարտվելու դեպքում թիմը դուրս չէր գա խմբից, հաղթելու դեպքում դուրս կգար առաջին տեղով։ Խաղի վերջին րոպեին Կևին Գրոսկրոյցը խփեց վճռորոշ գոլը[7]։ 1/8 եզրափակչում թիմը հաղթեց Զենիթին[8] և անցավ հաջորդ փուլ, որտեղ թիմը 3։2 ընդհանուր հաշվով պարտվեց Ռեալ Մադրիդին[9]։ Ռեալի դեմ պատասխան խաղում իրենց հիանալի դրսևորեցին Մարկո Ռոյսը և Ռոբերտ Լևանդովսկին։ Ռոյսը 24-րդ րոպեին խփեց իր թիմի առաջին գոլը, իսկ 37-րդ րոպեին Լևանդովսկու հարվածից հետո գնդակը դիպավ դարպասաձողին և անդրադարձավ Ռոյսին, ով տվյալ դիրքից չվրիպեց և դուբլ ձևակերպեց։ Ցավոք երրորդ գոլը խփել չհաջողվեց[10]։ Բունդեսլիգա 2013-14-ում թիմը գրավեց 2-րդ տեղը, իսկ Գերմանիայի գավաթի եզրափակչում ավելացված ժամանակում 2։0 հաշվով զիջեց Մյունխենի Բավարիային[11]։
2014/2015 մրցաշրջանի սկզբում Գերմանիայի սուպերգավաթի խաղում դորտմունդցիները Սիգնալ Իդունա Պարկում 2։0 հաշվով հաղթեցին Մյունխենի Բավարիային[12]։ Սակայն նոր մրցաշրջանի առաջին կեսը անհաջող էր Բորուսիայի համար։ Բորուսիան գրանցեց ընդամենը 4 հաղթանակ, 3 ոչ-ոքի և 10 խայտառակ պարտություն։ Այդ պահին Բորուսիան զբաղեցնում էր մրցաշարային աղյուսակի 17-րդ հորիզոնականը։ Այսպիսի վատ արդյունք վերջին անգամ Բորուսիան գրանցել էր 27 տարի առաջ։ Նույն մրցաշրջանի երկրորդ խաղաշրջանը Բորուսիան վատ մեկնարկեց՝ 2 խաղում վաստակելով 1 միավոր։ Սակայն դրանից հետո թիմը 4 խաղ անընդմեջ տարավ հաղթանակներ (այդ թվում և Շալկեի նկատմամբ տարած խոշոր հաղթանակը՝ 3-0[13]) և աղյուսակում բարձրացավ 10-րդ հորիզոնական։ Ցավոք սրտի թիմին չհաջողվեց հաջորդ 5 տուրերում բարելավել դիրքը և թիմը մնաց նույն 10-րդ հորիզոնականում։ 2015 թվականի ապրիլի 15-ին Յուրգեն Կլոպը հայտարարեց, որ 7 տարի ակումբի մարզիչ լինելուց հետո, նա լքում է Բորուսիան[14]։ 4 օր անց Բորուսիան հայտարարեց, որ Թոմաս Տուխելը հաջորդ մրցաշրջանից կփոխարինի Կլոպին[15]։ Այնուամենայնիվ, Բորուսիան բարձր նոտայի վրա ավարտեց մրցաշրջանը՝ զբաղեցնելով 7-րդ տեղը, նվաճելով Եվրոպա Լիգայի ուղեգիրը և դուրս գալով Գերմանիայի գավաթի եզրափակիչ։ Գավաթի կիսաեզրափակչում Բավարիայի դեմ խաղում լրացուցիչ ժամանակում 1-1 հաշիվ գրանցվեց, և Բորուսիան հաղթեց հետխաղյա 11-մետրանոց հարվածաշարի շնորհիվ[16], սակայն եզրափակչում թիմը պարտվեց Վոլֆսբուրգին[17]։
2015/2016 մրցաշրջանի առաջին խաղում Դորտմունդի Բորուսիան 4-0 հաշվով հաղթեց Բորուսիա Մյոնխենգլադբախին[18], ինչին հետևեցին 4 հաջորդական հաղթանակներ, որոնց շնորհիվ Բորուսիան զբաղեցնում էր 1-ին հորիզոնականը։ Մրցաշրջանը Բորուսիան ավարտեց 34 խաղերում 24 հաղթանակներով, սակայն զբաղեցրեց 2-րդ տեղը՝ զիջելով Բավարիային և դառնալով Բունդեսլիգայի պատմության լավագույն ցուցանիշներով 2-րդ տեղ գրաված թիմը։ Եվրոպա Լիգայում նրանք հասան քառորդ եզրափակիչ, որտեղ դրամատիկ պայքարում 4-3 հաշվով և 2 խաղերի արդյունքում 5-4 հաշվով զիջեցին Յուրգեն Կլոպի գլխավորած Լիվերպուլին[19]։ Գերմանիայի գավաթում Բորուսիան 3-րդ տարին անընդմեջ դուրս եկավ եզրափակիչ, որտեղ պարտվեց Բավարիային հետխաղյա 11-մետրանոցներով[20]։
2016/2017 մրցաշրջանում Բորուսիան Բունդեսլիգայում զբաղեցրեց 3-րդ տեղը, իսկ Չեմպիոնների Լիգայում դուրս մնաց քառորդ եզրափակչից՝ 2 խաղերի արդյունքում 3-6 հաշվով պարտվելով Մոնակոյին[21]։
Համազգեստի փոփոխությունը խմբագրել
Հիմնական հանդերձանքը խմբագրել
     2003-04
|
 2005-06
|
 2005-06
|
  2006-07
|
     2007-08
|
 2008-09
|
     2009-10
|
   2010-11
|
     2011-12
|
     2012-13
|
     2013-14
|
   2014-15
|
     2016-17
|
Պահուստային հանդերձանքը խմբագրել
|
2003-04
|
2004-05
|
 2005-06
|
  2006-07
|
2007-08
|
 2008-09
|
    2009-10
|
  2010-11
|
    2011-12
|
   2012-13
|
    2013-14
|
   2014-15
|
Չեմպիոնների լիգայում խմբագրել
    1996-97
|
 2012-13
|
Մարզադաշտ խմբագրել
Signal Iduna Park (մինչև 2005 թվականի դեկտեմբերի 1-ը անվանվել է Վեսթվալյան մարզադաշտ գերմ.՝ Westfalenstadion) Դորտմունդում, Գերմանիայի ամաենամեծ ստադիոնն է, տարողությունը՝ 80 720 երկրպագու։ Ըստ ՖԻՖԱ-ի հինգաստաղանի (
) մարզադաշտ է։
Մարզադաշտը կառուցվել է 1971-1974 թվականներին՝ ֆուտբոլի աշխարհի առաջնության համար և տեղավորում էր 54 000 հանդիսատեսի։ Առաջին անց կացված խաղը եղել է «Բորուսիայի» և Շալկե 04-ի միջև կայացած ընկերական հանդիպումը (0։3)։ Մինչև 1990-ական թվականներ մարզադաշտի տեսքը մնացել էր անխոփոխ։ 1992 թվականին տրիբունաները փոխարինվեցին, ինչի պատճառով տարողությունը իջավ և մարզադաշտում տեղավորվում էր 42 800 երկրպագուվ։ 1995-1998 թվականներին մարզադաշտի տրիբունաները մեծացվեցին և այն կարող էր ընդունել միանագամից 80 720 հանդիսատեսի։ 2011/12 թվականներին 80 720 մարդ տեղավորող Signal Iduna Park-ը դարձավ Եվրոպայի ամենաայցելված մարզադաշտը։
Երկրպագուների աջակցությունը խմբագրել
BVB-ի երկրպագուները խմբագրել
BVB-ի երկրպագուները համարվում են Գերմանիայի ամենակրեատիվ և ամենաշատ աջակցություն ցույց տվող երկրպագուները[22]։ «Բորուսիայի» ստադիոնը համարվում է Եվրոպայի ամենաայցելվող ստադիոններից մեկը՝ երկու անգամ՝ 2003/2004 և 2004/2005 մրցաշրջաններում, Վեսթֆալիյում գտնվող ստադիոնը դարձել է մայրցամաքի ամենաշատ այցելուներ ունեցող ստադիոնը։ Իսկ 2003/2004 մրցաշրջանում սահմանել է բացարձակ ռեկորդ՝ մեկ տարվա ընթացքում տնային խաղերում ընդունելով 1.35 միլիոն երկրպագու։ Այսպիսով դորտմունդյան ակումբը ամեն տարի վաճառում է մոտավորապես 45000 սեզոնային տոմս, իսկ 2007/2008 մրցաշրջանում ակումբը վաճառել է 50549 տոմս, ինչը համարվում է ռեկորդ Բունդեսլիգայի ողջ պատմության ընթացքում։ 2009 թվականին՝ իրենց ստեղծման 100-րդ տարում, ակումբը սահմանեց նոր ռեկորդ, գերազանցելով իրենց նախկին ռեկորդը։ Նրանք վաճառել էին 50675 տոմս։ Մոտավորապես 25000 մարդ ամբողջ աշխարհում ակումբի 650 պաշտոնական ֆան-ակումբների անդամ է։ «Բորուսիային» երկրպագում են ոչ միայն Դորտմունդում, այլ նաև Եվրոպայի և ամբողջ աշխարհի երկրներում։ Իսկ Հայաստանում «Բորուսիային» սկսեցին երկրպագել այն ժամանակ, երբ Հենրիխ Մխիթարյանը տեղափոխվեց այնտեղ։
Ռուրյան դերբի խմբագրել
Բորուսիայի ամենադաժան թշնամի երկրպագուները գելզերկիրխենյան Շալկե 04-ի երկրպագուներն են։ Դրա պատճառներից մեկը քաղաքների աշխարհագրական դիրքն է։ Առաջին դերբին կայացել է 1925 թվականի մայիսի 3-ին։ Այդ հանդիպումը ավարտվել է 4։2 հաշվով՝ հօգուտ առավել ուժեղ գելզենկիրխենցիների։ Մինչև 1943 թ. դեղնասևերին ոչ մի անգամ չի հաջողվել հաղթել իրենց հարևաններին։ Առաջին հաղթանակը արձանագրվել է 1943 թվականի հոկտեմբերի 14-ին։ «Շալկեի» դարպասին միակ գոլը խփել էր Ավգուստ Լենցը։ Կարելի է հիշել նաև ամենախոշոր պարտության մասին։ 1940 թվականի հոկտեմբերի 20-ին դորտմունդցիիները պարտվեցին 0։10 հաշվով։ 50-ական թվականները անցնում էին հիմնականում դորտմունդցիների հաղթանակներով։ Իսկ 1966 թվականի դերբին հաղթական էր «Բորուսիայի» համար։ Շալկեն պարտվել էր 7։0 հաշվով։ 2։1 հաշվով հաղթանակից հետո Բորուսիային ոչ մի անգամ չհաջողվեց հաղթել «Շալկեին»։ Եվ վերջապես 1977 թվականի նոյեմբերի 5-ին «Սիգնալ Իդունա Պարկ» մարզադաշտում և 54000 երկրպագուների ներկայությամբ դորտմունդցիները հաղթում են Շալկեին 2։1 հաշվով։ Մյուս տարիները այլընտրանքային էին, հաղթում էին ինչպես դորտմունդցիները, այնպես էլ գելզենկիրխենցիները։ Վերջին տարիների ամենավառ դերբին 2006/2007 թվականների դերբին էր, որը ավարտվեց 2։0 հաշվով և «Բորուսիայի» հաղթանակով։ 2013/2014 մրցաշրջանը Բորուսիայի համար սկսվեց հաղթանակով։ Բորուսիան հաղթեց մրցակցին 3։1 հաշվով, իսկ խաղի լավագույն խաղացող ճանաչվեց հայ կիսապաշտպան Հենրիխ Մխիթարյանը։
Ակումբի հիմնը խմբագրել
|
Հիմնի տարբերակը YouTube-ում։
Թիմի կազմ խմբագրել
| 2017/2018 մրցաշրջանի հավանական մեկնարկային կազմ։ |
2017 թվականի օգոստոսի 31-ի դրությամբ[23][24][25]
Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:
|
|
Ներկա կազմը խմբագրել
- 1 փետրվար 2018-ի դրությամբ<ref>
Կազմը խմբագրել
Բորուսիայի ֆուտբոլիստները խմբագրել
Stand: 1. հունվար 2016
-
Ռոման Բյուրկի -
Մարվին Հից
.jpg)
-
Էրիկ Դուրմ -
Մարսել Շմելցեր -
Լուկաս Պիշեկ
.jpg)
-
Նուրի Շահին
-
Մարկո Ռոյս -
Շինջի Կագավա -
Անդրեյ Յարմոլենկո
.jpg)
Մրցաշրջանների վիճակագրություն խմբագրել
Նվաճումներ խմբագրել
Ազգային խմբագրել
Բունդեսլիգա
- Գերմանիայի գավաթ
- Գերմանիայի սուպերգավաթ
Վեսթֆալիայի չեմպիոն։ 1947
Համազգային խմբագրել
ՈՒԵՖԱ Չեմպիոնների Լիգա
ՈՒԵՖԱ Գավաթակիրների գավաթ
- 1965-66 թվականի մրցանակակիր։
- ՈՒԵՖԱ Եվրոպայի Լիգա
- Միջմայրցամաքային գավաթ
- 1997 թվականի միջմայրցամաքային գավաթի մրցանակակիր։
-
1997. Չեմպիոնների Լիգայի հաղթող
Հովանավորներ խմբագրել
| |||||||||||||||||||
Մարզիչներ խմբագրել
Այստեղ ներկայացված են այն բոլոր մարզիչները, ովքեր գլխավորել են ակումբը 1965 թվականից։
- Հերմանն Էփենհոֆֆ - 1.07.1963-30.06.1965
- Ուիլլի Մուլտհաուպ - 1.07.1965-30.06.1966
- Օսվալդ Պֆաու - 18.04.1968-16.12.1968
- Հելմուտ Շնեիդեր - 17.12.1968-17.03.1969
- Հերման Լինդերման - 21.03.1969-30.06.1970
- Հորստ Վիցլեր - 1.07.1970-21.12.1971
- Դետլև Բրյուգեմանն - 1.07.1972-31.10.1972
- Մաքս Միխալեկ - 1.11.1972-1.03.1973
- Հերբերտ Բուրդենդկի - 3.01.1972-1.03.1973
- Դիտեր Կուրատ - 2.03.1973-30.06.1973
- Ջեյնոս Բեդլ - 1.07.1973-30.06.1974
- Օտտո Նեֆլլեր - 1.07.1974-1.02.1976
- Հորսթ Բուհց - 1.02.1976-13.06.1976
- Օտտո Ռեհագգել - 14.06.1976-30.04.1978
- Կառլ Հայնց-Ռուհլ - 21.05.1978-29.04.1979
- Ուլի Մասլո - 30.04.1979-30.06.1979
- Լետտեկ Ուդո - 1.07.1979-10.05.1981
- Ռոլֆ Բոք - 11.05.1981-30.06.1981
- Բրանկո Զեբեց - 1.07.1981-30.06.1982
- Կառլհայնց Ֆելդկամպ - 1.07.1982-5.04.1983
- Հելմուտ Ուիլլե - 6.04.1983-30.06.1983
- Ուլի Մասլո - 1.07.1983-23.10.1983
- Հորսթ-Դիթեր Տիպպենհաուեր - 31.10.1983-15.11.1983
- Ֆրանց Հորսթ - 16.11.1983-30.06.1984
- Ֆրինդհելմ Կոնիեցկա - 1.07.1984-24.10.1984
- Էրիկ Ռիբբեկ - 28.10.1984-30.06.1985
- Պահլ Կզերնաի - 1.07.1985-20.04.1986
- Ռայնարդ Սաֆթիգ - 20.04.1986-26.06.1988
- Հորսթ Կոպպել - 27.06.1988-30.06.1991
- Օտտմար Հիցֆելդ - 1.07.1991-30.06.1997
- Նևիո Սկալա - 1.07.1997-30.06.1998
- Մայքլ Սկիբբե- .07.1998-4.02.2000
- Բեռն Կռաուսս - 5.02.2000-12.04.2000
- Ուդո Լատտեկ - 16.04.2000-30.06.2000
- Մաթիաս Զամմեր - 1.07.2000-30.06.2004
- Բերթ վան Մարվեյկ - 1.07.2004-18.12.2006
- Յուրգեն Ռոբբեր - 19.12.2006-12.03.2007
- Թոմաս Դոլլ - 13.03.2007-19.05.2008
- Յուրգեն Կլոպ - 1.07.2008 - 31.05.2015
- Թոմաս Տուխել - 3.06.2015 - 30.05.2017
- Պետեր Բոս - 1.06.2017 - 10.12.2017
- Պետեր Շտյոգեր - 10.12.2017 - հիմա
Ակումբի գույները խմբագրել
| Սև | Դեղին |
Հայտնի խաղացողներ խմբագրել
«Բորուսիայի» խաղացողները համազգային մրցույթներում խմբագրել
| Առաջնությունները | Մասնակիցները |
|---|---|
 1954 թվականի աշխարհի առաջնություն |
 Հայնց Կվյատովսկի
|
 1958 թվականի աշխարհի առաջնություն |
Հայնց Կվյատովսկի Ակի Շմիդտ Ալֆրեդ Կելբասա Վոլֆգանգ Պետերս
|
 1966 թվականի աշխարհի առաջնություն |
 Հանս Տիլտովսկի Վոլֆգանգ Պաուլ Զիլֆրիդ Հելդ Լոտար Էմերիխ
|
 1970 թվականի աշխարհի առաջնություն |
 Զիգի Հելդ
|
 Եվրոպայի առաջնություն 1980 |
Այկե Իմել Միրոսլավ Վոտավա
|
 1982 թվականի աշխարհի առաջնություն |
Այկե Իմել
|
| Աշխարհի առաջնություն 1986 |
Այկե Իմել
|
| Եվրոպայի առաջնություն 1988 |
Ֆրանկ Միլ
|
| 1990 թվականի աշխարհի առաջնություն |
 Սերգեյ Գորլուկովիչ Մերդա Մակլաուդ Անդրեաս Մյոլեր Ֆրանկ Միլ
|
| Եվրոպայի առաջնություն 1992 |
 Ֆլեմինգ Պոուլսեն Թոմաս Հելմեր Միխաել Շուլց
|
 1994 թվականի աշխարհի առաջնություն |
Ստեֆան Շապյուիզա Մատտիաս Զամեր Կարլ-Հայնց Ռիդլե Լեոնարդո Ռոդրիգես
|
| Եվրոպայի առաջնություն 1996 |
Ստեֆան Շապյուիզա Շտեֆան Ռոյտեր Մատտիաս Զամեր Յուրգեն Կոլեր Շտեֆան Ֆրոյնդ Անդրեաս Մյոլեր
|
 1998 թվականի աշխարհի առաջնություն |
Վոկֆգանգ Ֆայերզինգեր Յուրգեն Կոլեր Շտեֆան Ռոյտեր Յորգ Հայնրիխ Անդրեաս Մյոլեր Շտեֆեն Ֆրոյնդ
|
| Կոնֆեդերացիայի գավաթ 1999 |
Լարս Ռիկեն
|
.svg){kind=small}  Եվրոպայի առաջնություն 2000 |
Յենս Լեման
|
  2002 թվականի աշխարհի առաջնություն |
Յենս Լեման Սեբաստիան Կել Քրիստոֆ Մետցելդեր Լարս Ռիկեն
|
| ՖԻՖԱ Կոնֆեդերացիաների գավաթ 2001 |
 Էվալսոն
|
 Եվրոպայի առաջնություն 2004 |
Նիկլաս Յենսեն Քրիստիան Վյորնս Սեբաստիան Կել Տորստոն Ֆրինգս Թոմաշ Ռոսիցկի Յան Կոլեր
|
| 2006 թվականի աշխարհի առաջնություն |
Քրիստոֆ Մետցելդեր Սեբաստիան Կել Դավիդ Օդոդկոր Էուզեբիուշ Սմոլյարեկ Թոմաշ Ռոսիցկի Յան Կոլեր Ֆիլիպ Դեգեն
|
| Եվրոպայի առաջնություն 2008 |
Ֆիլիպ Դեգեն Ալեքսանդր Ֆրայ Ռոբերտ Կովաչ Մլադեն Պետրիչ
|
 ՖԻՖԱ Կոնֆեդերացիաների գավաթ 2009 |
 Մուհամեդ Զիդան
|
| 2010 թվականի աշխարհի առաջնություն |
 Նևեն Սուբոտիչ Նելսոն Վալդես Լուկաս Բարիոս
|
 Եվրոպայի առաջնություն 2012 |
Ռոբերտ Լևանդովսկի Լուկաս Պիշեկ Յակուբ Բլաշիկովսկի Մարսել Շմելցեր Մաթս Հումմելս Իլկայ Գյունդոգան Մարիո Գյոթցե Մարկո Ռոյս Իվան Պերիշիչ
|
| 2014 թվականի աշխարհի առաջնություն |
 Միտչել Լանգերակ Սոկրատիս Պապաստատոպուլոս Ռոման Վայդենֆելեր Մաթս Հումմելս Էրիկ Դուրմ Կևին Գրոսկրոյց Ադրիան Ռամոս Չիրո Իմմոբիլե
|
 ՖԻՖԱ Կոնֆեդերացիաների գավաթ 2017
|
Ռաֆայել Գերեյրու
|
«Ոսկե Գնդակի» մրցանակակիրներ խմբագրել
Հետևյալ ֆուտբոլիստները ստացել են «Ոսկե Գնդակ», Բորուսիայում հանդես գալու տարիներին։
Մաթիաս Զամմեր - 1996
Բունդեսլիգայի տարվա ֆուտբոլիստներ խմբագրել
Հետևյալ ֆուտբոլիստները, հանդես գալով Բորուսիայում, ճանաչվել են Գերմանիայի տարվա ֆուտբոլիստ:
- Հանս Տիլկովսկի - 1965
- Մաթիաս Զամմեր - 1995, 1996
- Յուրգոն Կոլեր - 1997
Բունդեսլիգայի լավագույն ռմբարկուներ խմբագրել
Հետևյալ ֆուտբոլիստները, հանդես գալով Բորուսիայում, դարձել են Բունդեսլիգայի լավագույն ռմբարկու:
- Լոտար Էմերիխ - 1965/1966, 1966/1967
Մարսիո Ամորոզո - 2001/2002
Ռոբերտ Լևանդովսկի - 2013/2014
Պիեռ Էմերիկ Օբամեյանգ - 2016/2017
Գերմանիայի տարվա լավագույն մարզիչ խմբագրել
Հետևյալ մարզիչները Բորուսիայում հանդես գալու տարիներին ճանաչվել են Գերմանիայի տարվա լավագույն մարզիչ։
- Յուրգեն Կլոպ - 2011, 2012
- Թոմաս Տուխել - 2015, 2016
Տեխնիկական անձնակազմ խմբագրել
| Մարզիչ՝ | Պետեր Շտյոգեր |
| Օգնականներ՝ | Մանֆրեդ Շմիդ, Յորգ Հայնրիխ |
| Սպորտային տնօրեններ՝ | Հանս-Յոահիմ Վացկե, Միխաիլ Ցորկ |
| Սեփականատեր՝ | Ռայնհարդ Ռաուբալ |
«Սիգնալ Իդունա Պարկ» մարզադաշտի ֆոտոշարքը խմբագրել
.jpg)
.jpg)
Ծանոթագրություններ խմբագրել
- ↑ «Дортмундская "Բորուսիան" Գերմանիայի չեմպիոն է դարձել». Чемпионат.ру. 30.04.2011. Արխիվացված օրիգինալից 2011 թ․ օգոստոսի 24-ին. Վերցված է 2011 թ․ ապրիլի 30-ին.
- ↑ «Deutscher Meister! BVB macht den siebten Titel durch ein 2:0 gegen den 1. FC Nürnberg perfekt» (գերմաներեն). Offizielle Website des BV Borussia Dortmund. 30.04.2011. Արխիվացված օրիգինալից 2011 թ․ օգոստոսի 24-ին. Վերցված է 2011 թ․ ապրիլի 30-ին.
- ↑ «Neuer Star der Trainer-Riege Klopps erster Titel» (գերմաներեն). transfermarkt.de. 30.04.2011. Արխիվացված օրիգինալից 2011 թ․ օգոստոսի 24-ին. Վերցված է 2011 թ․ ապրիլի 30-ին.
- ↑ «Felipe Santana macht den Wahnsinn perfekt». Champions League, 2012/13, Viertelfinale. Kicker. 09.04.2013. Արխիվացված օրիգինալից 2013 թ․ ապրիլի 28-ին. Վերցված է 2013 թ․ ապրիլի 24-ին.
- ↑ Матвеев А. (2013 թ․ մայիսի 1). «Нереальная «Боруссия»». Футбол. Спорт-Экспресс. Արխիվացված է օրիգինալից 2013 թ․ մայիսի 10-ին. Վերցված է 2013 թ․ ապրիլի 30-ին.
- ↑ ««Бавария» - победитель Лиги чемпионов». 2013-25-05. Արխիվացված օրիգինալից 2013 թ․ մայիսի 26-ին. Վերցված է 2014 թ․ դեկտեմբերի 21-ին.
- ↑ «Marseille 1-2 Borussia Dortmund». BBC Sport (բրիտանական անգլերեն). 2013 թ․ դեկտեմբերի 11. Վերցված է 2017 թ․ հուլիսի 3-ին.
- ↑ «Borussia Dortmund 1-2 Zenit (5-4 agg)». BBC Sport (բրիտանական անգլերեն). 2014 թ․ մարտի 19. Վերցված է 2017 թ․ հուլիսի 3-ին.
- ↑ uefa.com (2014 թ․ ապրիլի 2). «UEFA Champions League 2013/14 - History - Real Madrid-Dortmund - UEFA.com». Uefa.com (անգլերեն). Վերցված է 2017 թ․ հուլիսի 3-ին.
- ↑ uefa.com (2014 թ․ ապրիլի 8). «UEFA Champions League 2013/14 - History - Dortmund-Real Madrid - UEFA.com». Uefa.com (անգլերեն). Վերցված է 2017 թ․ հուլիսի 3-ին.
- ↑ «Borussia Dortmund 0-2 Bayern Munich». BBC Sport (բրիտանական անգլերեն). 2014 թ․ մայիսի 17. Վերցված է 2017 թ․ հուլիսի 3-ին.
- ↑ «German Supercup: Borussia Dortmund 2-0 Bayern Munich». BBC Sport (բրիտանական անգլերեն). 2014 թ․ օգոստոսի 13. Վերցված է 2017 թ․ հուլիսի 3-ին.
- ↑ «Borussia Dortmund 3 - 0 Schalke 04 Match report - 2/28/15 Bundesliga - Goal.com». www.goal.com (անգլերեն). Վերցված է 2017 թ․ հուլիսի 3-ին.
- ↑ «Jurgen Klopp to leave Borussia Dortmund - report». ESPNFC.com. Վերցված է 2017 թ․ հուլիսի 3-ին.
- ↑ «Borussia Dortmund name Thomas Tuchel as successor to Jurgen Klopp». ESPNFC.com. Վերցված է 2017 թ․ հուլիսի 3-ին.
- ↑ «Bayern München 1 - 1 Borussia Dortmund Match report - 4/28/15 DFB Pokal - Goal.com». www.goal.com (անգլերեն). Վերցված է 2017 թ․ հուլիսի 3-ին.
- ↑ «Borussia Dortmund 1 - 3 Wolfsburg Match report - 5/30/15 DFB Pokal - Goal.com». www.goal.com (անգլերեն). Վերցված է 2017 թ․ հուլիսի 3-ին.
- ↑ «Borussia Dortmund 4 - 0 Borussia M'gladbach Match report - 8/15/15 Bundesliga - Goal.com». www.goal.com (անգլերեն). Վերցված է 2017 թ․ հուլիսի 3-ին.
- ↑ «Liverpool 4-3 Borussia Dortmund (agg: 5-4)». BBC Sport (բրիտանական անգլերեն). 2016 թ․ ապրիլի 14. Վերցված է 2017 թ․ հուլիսի 3-ին.
- ↑ «Bayern Munich 0-0 B Dortmund (pens 4-3)». BBC Sport (բրիտանական անգլերեն). 2016 թ․ մայիսի 21. Վերցված է 2017 թ․ հուլիսի 3-ին.
- ↑ Murray, Scott (2017 թ․ ապրիլի 19). «Monaco 3-1 Borussia Dortmund (agg 6-3): Champions League quarter-final - as it happened». The Guardian (բրիտանական անգլերեն). ISSN 0261-3077. Վերցված է 2017 թ․ հուլիսի 3-ին.
- ↑ «Fanomenologie» in Die ZEIT, Nr. 51/2006
- ↑ KGaA, Borussia Dortmund GmbH & Co. «BVB 09 | Teams | About First Team | Borussia Dortmund | bvb.de». www.bvb.de (բրիտանական անգլերեն). Վերցված է 2017 թ․ սեպտեմբերի 29-ին.
- ↑ UEFA.com. «Dortmund - UCL - Squad». UEFA.com (անգլերեն). Վերցված է 2017 թ․ սեպտեմբերի 29-ին.
- ↑ «Borussia Dortmund - Kader | bundesliga.de - bundesliga.de - bundesliga.de». bundesliga.de - die offizielle Webseite der Bundesliga (գերմաներեն). Արխիվացված է օրիգինալից 2018 թ․ փետրվարի 27-ին. Վերցված է 2017 թ․ սեպտեմբերի 29-ին.
Արտաքին հղումներ խմբագրել
- http://www.armsport.am/hy/ Արխիվացված 2015-06-30 Wayback Machine
- http://sportstar.am/germany/ Արխիվացված 2014-11-17 Wayback Machine
Պաշտոնական կայքեր խմբագրել
- Դորտմունդի Բորուսիայի պաշտոնական կայք (գերմ.) (անգլ.) (ճապոներեն)
- Բորուսիայի պաշտոնական օնլայն խանութ (գերմ.) (ճապոներեն)
Ոչ պաշտոնական կայքեր խմբագրել
- Սննդի վայրերը Արխիվացված 2014-11-04 Wayback Machine (գերմ.)
- Բորուսիայի օնլայն խանութ Արխիվացված 2014-10-11 Wayback Machine (գերմ.)
 | Վիքիպահեստն ունի նյութեր, որոնք վերաբերում են «Բորուսիա Դորտմունդ» հոդվածին։ |
| Այս հոդվածն ընտրվել է Հայերեն Վիքիպեդիայի՝ 2017 թվականի հուլիսի 9-ի օրվա հոդված: |