Հայերեն Վիքիպեդիա

Հայերեն Վիքիպեդիա
URL՝	hy.wikipedia.org
Կոմերցիոն՝	Բարեգործական
Կայքի տիպ	Ցանցային հանրագիտարան
Գրանցում	Ոչ պարտադիր
Լեզու	Հայերեն
Սեփականատեր	Վիքիմեդիա Հիմնադրամ
Աշխատանքի սկսում	մայիսի 27, 2004
Հոդվածների թիվ՝	297 979
Էջերի թիվ՝	1 005 521
Խմբագրումների թիվ՝	8 698 165
Գրանցված մասնակիցներ՝	133 041
Ակտիվ մասնակիցներ՝	447
Ադմինիստրատորներ՝	11
Խորություն:	48.8

Հայերեն Վիքիպեդիա, Վիքիպեդիա բազմալեզու և ազատ հանրագիտարանի հայալեզու տարբերակն է։ Ինչպես և բոլոր վիքիմեդիա-նախագծերը, Հայերեն Վիքիպեդիայի բովանդակությունը ևս գտնվում է ազատ արտոնագրի ներքո, և յուրաքանչյուր ոք կարող է օգտագործել, խմբագրել ու տարածել այդ բովանդակությունը, քանի դեռ հետագա տարբերակները տարածվում են նույն սկզբունքներով և նշվում են հեղինակները։

ՊատմությունԽմբագրել

2003 հունվարի 4, Հայերեն Վիքիպեդիայի ամենահին պահպանված խմբագրումը^[1]^[2]։
2003 փետրվարի 3, Գլխավոր էջի ամենահին պահպանված խմբագրումը^[3]։
2004 հուլիսի 2, առաջին խմբագրում գլխավոր անվանատարծքում, տեխնիկապես առաջին հոդված^[4]

Հայերեն Վիքիպեդիան հիմա
Վիքիպեդիան աշխատում է MediaWiki շարժիչի 1.41.0-wmf.11 (3be33cf) տարբերակով:
Վիքիպեդիայում կա 297 979 հոդված և 1 005 520 էջ:
8 698 167 խմբագրում:
11 744 բեռնած ֆայլ:
133 041 գրանցված մասնակից, ներառյալ 11 ադմինիստրատոր:

«Մեկ հայ՝ մեկ հոդված»Խմբագրել

2014 թվականի մարտի 24-ին «Վիքիմեդիա Հայաստան» հասարակական կազմակերպության և «Արմենիա» հեռուստաընկերության «Մարդկային գործոն» հեռուստահաղորդման նախաձեռնությամբ մեկնարկեց համահայկական «Մեկ հայ, մեկ հոդված» խորագրով արշավը։ Նախագծի նպատակն է հարստացնել Հայերեն Վիքիպեդիան բարձրակարգ հոդվածներով, Վիքիպեդիայի ստեղծագործ միջավայր ներգրավելով հայ հասարակության հնարավորինս բոլոր անդամներին, ինչպես նաև միասին ստեղծել ժամանակակից տեղեկատվական աշխարհին համահունչ և տեղեկատվական մարտահրավերներին դիմակայող հայկական ժառանգությանը արժանի հայերեն բովանդակություն։

Արշավի ընթացքում կազմակերպվելու են վիքիհանդիպումներ գիտնականների, գրողների, նկարիչների, դերասանների և այլ բնագավառի գործիչների հետ՝ օգնելու նրանց տիրապետելու վիքիմշակույթին և իրենց ներդրումն ունենալու Հայերեն Վիքիպեդիայի հարստացման գործում։ Բացի այդ նախատեսված են հանդիպումներ, սեմինարներ, ուսուցողական և խրախուսական միջոցառումներ, ինչպես նաև կրթական և մշակութային, հաստատությունների և այլ կազմակերպությունների հետ համագործակցություն։

Ծրագրի լուսաբանմանն է առաջին անգամ անդրադարձել «Մարդկային գործոն» հեռուստահաղորդումը իր 2014 թվականի մարտի 24-ի թողարկման ընթացքում, ինչպես նաև բազմաթիվ ԶԼՄ-ներ^[5]^[6]^[7]^[8]^[9]։

2014 թվականի մարտի 27-ին կայացել է մամլո ասուլիս՝ նվիրված «Մեկ հայ՝ մեկ հոդված» նախաձեռնությանը^[10]։

Հոդվածների վիճակագրությունԽմբագրել

Հոդվածերի թիվ	Օր	Հոդված	Հեղինակ
1	2004 հուլիսի 2 01։45	Հայաստան	Կարեն
2.300	2006
4.000	2008
5.000
10.000	2010 օգոստոսի 3	Միլենիում կամուրջ (այլ կիրառումներ)	Beko
15.000	2011 սեպտեմբերի 10	Ակոռիի Սուրբ Հակոբ վանք	Aram-van
20.000	2012 հունվարի 15	Համբարձում Համբարձումյան	Aram-van
25.000	2012 ապրիլի 11	Հնաբերդ (Արագածոտնի մարզ)	Pandukht
30.000	2012 օգոստոսի 26	Աստերոիդների ցանկ (250401-250500)	Ahaik
35.000	2012 դեկտեմբերի 27	(1871) Աստինաքս	Ahaik
40.000	2012 դեկտեմբերի 28	(6862) Վիրջիլիոմարկոն	Ahaik
45.000	2013 ապրիլի 9	Անկոնա	Beko
50.000	2013 օգոստոսի 1
60.000^[11]	2013 օգոստոսի 3
70.000	2013 օգոստոսի 8
80.000	2013 սեպտեմբերի 27
90.000	2013 սեպտեմբերի 29
100.000	2013 դեկտեմբերի 2	«Ղարաբաղցի կինը» քանդակ (Երևան)	23artashes
110.000	2014 փետրվարի 20	Թովուզ կամավորական ջոկատ	Gardmanahay
120.000	2014 մայիսի 31	Մոնղոլա-օխոտական գեոսինկլինալային համակարգ	Artureganyan
130.000	2014 օգոստոսի 20	Բրաչիանո	Kara98
140.000	2014 նոյեմբերի 30	Փուլի աշխարհի գավաթ	Vadgt
150.000	2015 մարտի 16	Շչեբնյուխա	Էդմոնդ Խաչատրյան
160.000	2015 մայիսի 3	Լուչինյանո	Andance
170.000	2015 հունիսի 17	Վոլմա (Մեծ Պրոսնիցայի վտակ)	GarikKh^[փա՞ստ]
180.000	2015 օգոստոսի 7	Բրինդիզի (գավառ)	Տարոն Հարությունյան
190.000	2015 հոկտեմբերի 28	Բագրատ III (Վրաց արքա)	Hayk.arabaget
200.000	2016 հունիսի 1	Հելէն Քելլըր‎^[12] կամ Գլուխկոտրուկ (մուլտֆիլմ)‎^[13]	Galy02^[12] կամ Սիմա Օհանյան^[13]
210.000	2016 հոկտեմբերի 27	Խաչիկ Սամուէլեան	Sylvia Seraydarian 5
250.000	2019 հունվարի 5	Բոբ ՄըքԱդու	Gevorg Ghazaryan
297 979^[14]	Հիմա (2023 Հունիս 5)	—	—

ԱնվանումԽմբագրել

Ստեղծման պահից նախագիծը կրում էր «Վիքիփեդիա» անվանումը (նախագծի բնօրինակի անվան հավայական wiki՝ արագ և անգլերեն encyclopedia՝ հանրագիտարան բառերի միացության հայերեն տառադարձումից)։

Տարիների ընթացքում պարբերաբար եղել են քննարկումներ «Վիքիպեդիա» կամ «Վիկիպեդիա» անվանատարբերակներին անցնելու վերաբերյալ՝ այն պատճառաբանությամբ, որ դրանք ավելի հարմար են և համապատասխանում են ժամանակակից արևելահայերենի կանոններին։ 2012 թ. ապրիլի 5-ին տեղի ունեցավ անվանափոխության վերաբերյալ երկու փուլից բաղկացած^[15] քվեարկություն, որի արդյունքում որոշվեց «Վիքիփեդիա» անվանումը փոխարինել «Վիքիպեդիա» տարբերակով^[16]։

Վիքիպեդիայի զարգացմանն ուղղված ծրագրերԽմբագրել

Վիքիմեդիա Հայաստան հ․կ․ (ընթացիկ)
Վիքիպեդիան դպրոցներում և համալսարաններում (2011 թ․ փետրվարից)
«Տեղեկատվական Տեխնոլոգիաների Դպրոց» հիմնադրամի Էլեկտրոնային բովանդակության ծրագիրը, որի շրջանակներում մասնավորապես 30.09.2011 թ․ «Հայկական Հանրագիտարան» հրատարակչություն ՊՈԱԿ-ի հետ կնքված համագործակցության պայմանագրի համաձայն կարևորագույն հայերեն հանրագիտարանների բովանդակությունը գտնվում է բաց շրջանառության մեջ՝ Վիքիմեդիայի նախագծերում օգտագործվող Creative Commons BY-SA 3.0 և բարձր թույլատրագրերի հիման վրա։