Յուրգեն Կոլեր

Յուրգեն Կոլեր; գերմ.՝ Jürgen Kohler
Քաղաքացիությունը	Գերմանիա
Ծննդյան ամսաթիվ	հոկտեմբերի 6, 1965 (59 տարեկան)
Ծննդավայր	Lambsheim, Lambsheim-Heßheim, Rhein-Pfalz, Ռայնլանդ Պֆալց, Գերմանիայի Ֆեդերատիվ Հանրապետություն
Հասակ	186 սանտիմետր
Դիրք	պաշտպան
Պարգևներ Գերմանիայի տարվա ֆուտբոլիստ

Յուրգեն Կոլեր (գերմ.՝ Jürgen Kohler, հոկտեմբերի 6, 1965(1965-10-06)^[1], Lambsheim, Lambsheim-Heßheim, Rhein-Pfalz, Ռայնլանդ Պֆալց, Գերմանիայի Ֆեդերատիվ Հանրապետություն), գերմանացի ֆուտբոլիստ, պաշտպան։ Նրա 20-ամյա կարիերան մեծամասամբ անցել է Գերմանիայի դաշտերում։ Կոլերի միակ արտասահմանյան ակումբը Թուրինի «Յուվենտուսն» է։

Սպորտային կարիերա

«Յուվենտուսի» հետ Կոլերը նվաճել է 1992/1993 մրցաշրջանի ՈՒԵՖԱ-ի գավաթը և 1995 թվականի սկուդետտոն։ Լինելով «Բավարիայի» խաղացող՝ նա նաև նվաճել է իր երկրի չեմպիոնի տիտղոսը (1990), սակայն իսկական հաջողություն և ճանաչում է ունեցել Յուրգեն Կոլերը Դորտմունդի «Բորուսիայում» խաղի ժամանակ^[2]։ Գերմանիայի չեմպիոնի երկրորդ (1996) և երրորդ (2002) տիտղոսների միջև Կոլերը դառնում է ակումբային ֆուտբոլի բարձրագույն գավաթակիր՝ Չեմպիոնների Լիգա, ընդ որում՝ եզրափակչում պարտվում է խաղացողի նախկին ակումբը՝ «Յուվենտուսը»։

Հավաքականի մակարդակով Յուրգեն Կոլերը ոչ պակաս ակնառու արդյունքների է հասել՝ նրա մրցանակների հավաքածուում են աշխարհի առաջնության և Եվրոպայի առաջնության ոսկե մեդալները^[3]։ 1990 թվականին Իտալիայում կայացած աշխարհի առաջնությունում Կոլերի սխալը Անգլիայի դեմ կիսաեզրափակչի հիմնական ժամանակի վերջում, որից հետո Գարի Լինեկերը հավասարեցրեց հաշիվը, քիչ էր մնում գերմանացիները զրկվեին իրենց տեղից եզրափակչում, սակայն Գերմանիան, այնուամենայնիվ, հաղթեց 11 մետրանոցներով։

Կարիերան ավարտելուց հետո Կոլերը մարզել է Գերմանիայի երիտասարդական հավաքականը (մինչև 21 տարեկան), որից հետո զբաղեցրել է «Բայեր 04» ակումբի մարզական տնօրենի պաշտոնը (2003 թվականի մարտի 31 — 2004 թվականի հունիսի 29)։ Հետագայում մարզել է «Դույսբուրգը»։

Ձեռքբերումներ

Թիմային

Բորուսիա Դորտմունդ

ՈՒԵՖԱ Չեմպիոնների լիգայի հաղթող՝ 1997
Ֆուտբոլի Միջմայրցամաքային գավաթի հաղթող՝ 1997
Գերմանիայի ֆուտբոլի չեմպիոն՝ 1996, 2002
Գերմանիայի ֆուտբոլի սուպերգավաթի հաղթող՝ 1995, 1996

Բավարիա Մյունխեն

Գերմանիայի ֆուտբոլի չեմպիոն՝ 1990
Գերմանիայի ֆուտբոլի սուպերգավաթի հաղթող՝ 1990

Յուվենտուս

Իտալիայի ֆուտբոլի չեմպիոն՝ 1995
Ֆուտբոլի Իտալիայի գավաթի հաղթող՝ 1995
ՈՒԵՖԱ-ի գավաթի հաղթող՝ 1993

Գերմանիայի հավաքական

Ֆուտբոլի աշխարհի չեմպիոն՝ 1990
Ֆուտբոլի Եվրոպայի չեմպիոն՝ 1996, 1992 (արծաթ)

Անձնական

Գերմանիայի տարվա ֆուտբոլիստ՝ 1997
Ընդգրկվել է 1992 թվականի Եվրոպայի առաջնության խորհրդանշական հավաքականում
Ընդգրկված է Բունդեսլիգայի մրցաշրջանի թիմում (6)՝ 1986/87, 1987/88, 1988/89, 1990/91, 1998/99, 2000/01

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ Статистика Юргена Колера в матчах за клубы на rsssf.com[1] Արխիվացված 2012-08-11 Wayback Machine
↑ Статистика Юргена Колера в матчах за национальную сборную на rsssf.com[2] Արխիվացված 2019-12-12 Wayback Machine

Արտաքին հղումներ

Հավաքականի ելույթների վիճակագրությունը RSSSF կայքում(անգլ.)
Յուրգեն Կոլերի էջը weltfussball.de կայքում
Յուրգեն Կոլերի էջը fussballdaten.de կայքում
Յուրգեն Կոլերի էջը dfb.de կայքում
Յուրգեն Կոլերի էջը Transfermarkt կայքում

Վիքիպահեստն ունի նյութեր, որոնք վերաբերում են «Յուրգեն Կոլեր» հոդվածին։

[_83eb0132fd0c8d16-1] 1,0 ^1,1 Transfermarkt.com(բազմ․) — 2000.

[2] Статистика Юргена Колера в матчах за клубы на rsssf.com[1] Արխիվացված 2012-08-11 Wayback Machine

[3] Статистика Юргена Колера в матчах за национальную сборную на rsssf.com[2] Արխիվացված 2019-12-12 Wayback Machine

[1]

[2]

[3]