Սեբաստիան Կել

Սեբաստիան Կել (գեր.՝ Sebastian Kehl, փետրվարի 13, 1980(1980-02-13), Ֆուլդա, Կասելի ադմինիստրատիվ օկրուգ, Հեսսեն, Գերմանիայի Ֆեդերատիվ Հանրապետություն), գերմանացի պրոֆեսիոնալ ֆուտբոլիստ է, ով ներկայումս խաղում է գերմանական Բորուսիա Դորտմունդ ակումբում, որպես կիսապաշտպան։ 2008-2014 թվականներին եղել է Դորտմունդի Բորուսիայի ավագը։ 2014 թվականի հուլիսի 10-ի դրությամբ տրանսֆերային արժեքը 1,000,000€ է։

Սեբաստիան Կել գերմ.՝ Sebastian Kehl
Անձնական տվյալներ
Ամբողջական անուն	Սեբաստիան Կել
Քաղաքացիությունը	Գերմանիա
Ծննդյան ամսաթիվ	փետրվարի 13, 1980 (44 տարեկան)
Ծննդավայր	Հեսսեն, Գերմանիա
Հասակ	188 սմ
Քաշ	80 կգ
Դիրք	կիսապաշտպան
Ակումբային տեղեկություններ
Ներկա ակումբ	Ավարտել է կարիերան
Համար	-
Պատանեկան կարիերա
1985 - 1994 Լարբախ (Տան) 1994 - 1998 Բորուսիա (Ֆուլդա)
Մասնագիտական կարիերա*
Տարի	Ակումբ	Խաղ	(Գոլ)
1998 - 2000 Հաննովեր 96 32 (2) 2000 - 2001 Ֆրայբուրգ 40 (4) 2001 - 2015 Բորուսիա Դորտմունդ 274 (20)
Ազգային հավաքական
2001 - 2010 Գերմանիայի հավաքական 31 (3)
Պարգևներ և
* Մասնագիտական կարիերայում ընդգրկված են միայն առաջնության խաղերը և գոլերը:

Կենսագրություն

Կելը «Դորտմունդի Բորուսիա» է եկել 2001-2002 թթ.՝ «Ֆրայբուրգ» ակումբից, մերժելով «Մյունխենի Բավարիայի» առաջարկը։ 2006 թ.-ի վիրահատությունից հետո բաց է թողել 2006-2007 մրցաշրջանի առաջին կեսը, խաղադաշտ է դուրս եկել փետրվարի 4-ին, որից հետո ստիպված է եղել բաց թողնել ևս 4 շաբաթ։ 2012 թ. նրա՝ Նյուրնբերգի դեմ ընկերական խաղում խփած գոլը ճանաչվեց Գերմանիայի ամսվա լավագույն գոլ։ 2013 թ.-ի ապրիլին Դորտմունդի Բորուսիան Կելի հետ պայմանագիրը երկարաձգեց մեկ տարով։ Հաջորդ տարի Բորուսիան կրկին 1 տարով երկարաձգեց պայմանագիրը գերմանացի կիսապաշտպանի հետ, ով էլ հայտարարեց, որ այդ տարի կավարտի իր ֆուտբոլային կարիերան։ 2014-15 մրցաշրջանում առաջին գոլը խփել է Գերմանիայի գավաթի 1/4 եզրափակչի խաղի 107-րդ րոպեին, և հենց Կելի հրաշալի գոլի շնորհիվ Բորուսիան հաղթեց Հոֆֆենհայմին։

Կարիերան հավաքականում

2001 թ.-ի մայիսի 29-ին նորամուտը նշեց Գերմանիայի հավաքականում՝ Սլովակիայի դեմ խաղում, որը անցկացվել է Բրեմենում։ Այդ խաղում առաջին խաղակեսից հետո նա փոխարինման դուրս եկավ Մարկո Ռախմերի փոխարեն և օգնեց թիմին հաղթել 2-0 հաշվով։ Ազգային ընտրանու հետ Սեբաստիանը մասնակցել է 2 Ֆուտբոլի աշխարհի առաջնությունների. 2002 թ.-ին վաստակել է արծաթե մեդալ, իսկ 2006 թ.-ին՝ բրոնզ։ 2004 թ.-ին Պորտուգալիայում կայանալիք Եվրոպայի առաջնությանը Կելը և հավաքականի մյուս անդամները չկարողացան մասնակցել խմբային փուլից դուրս չգալու պատճառով։

Ձեռքբերումներ

Թմային

«Բորուսիա Դորտմունդ»

• Գերմանիայի չեմպիոն (3)։2002, 2011, 2012
• Գերմանիայի գավաթի մրցանակակիր (1)։ 2012
• Գերմանիայի սուպերգավաթի մրցանակակիր (1)։ 2013
• Ընդհանուր։ 4 մրցանակ

Անձնական կյանք

Կելը ապրում է կնոջ՝ Թինայի հետ։ 2006 թ.-ի սեպտեմբերի 26-ին ծնվեց Կելի երեխան՝ Լուիսը։ Սեբաստիանը ցանկանում է միշտ իր ընտանիքի հետ ապրել Դորտմունդում։

Արտաքին հղումներ

• Պաշտոնական կայք(գերմ.)
• Պրոֆիլը Դորտմունդի Բորուսսիայի պաշտոնական կայքում (անգլ.)
• Պրոֆիլը Բունդեսլիգայի պաշտոնական կայքում Արխիվացված 2007-10-25 Wayback Machine(գերմ.)
• Կարգավիճակը «Fussballdaten.de» կայքում (գերմ.)

Վիքիպահեստն ունի նյութեր, որոնք վերաբերում են «Սեբաստիան Կել» հոդվածին։