Հայաստանի ազգային ակադեմիական երգչախումբ

Հայաստանի ազգային ակադեմիական երգչախումբ, հիմնադրվել է 1937 թվականին։ 1961 թվականից երգչախմբի գեղարվեստական ղեկավարն է Հովհաննես Չեքիջյանը։

Հայաստանի ազգային ակադեմիական երգչախումբ
Հայաստանի պետական ակադեմիական երգչախումբ 02.jpg
Հայաստանի ազգային ակադեմիական երգչախմբի հյուրախաղերը Գյումրիում։ 30.03.2017
Հիմնական տվյալներ
Գործունեություն1937
Կայքanac.am
Armenian National Academic Choir Վիքիպահեստում

ՊատմությունԽմբագրել

Հայաստանի ազգային ակադեմիական երգչախումբը գործունեություն է ծավալել Հայաստանի բոլոր շրջաններում, Հայաստանից դուրս հանդես է եկել 180 քաղաքներում 820 համերգով։ Նյու Յորքում, Լոնդոնում, Փարիզում, Պրահայում, Բեյրութում և այլուր երգչախումբը 27 լեզուներով երգել է հայ և համաշխարհային դասական կոմպոզիտորների ստեղծագործություններ[1]։

1969 թվականից երգչախումբն ունի ակադեմիական կոչում, 1975 թվականից հանրապետության վաստակավոր կոլեկտիվ է, 2012 թվականի նոյեմբերի 15-ին ՀՀ Կառավարության որոշմամբ շնորհվել է «ազգային» կարգավիճակ[2]։

 
Հայաստանի պետական ակադեմիական երգչախմբի հյուրախաղերը Գյումրիի Վարդան Աճեմյանի անվան պետական դրամատիկական թատրոնի բեմում: 30.03.2017

Երգչախումբը ձայնագրել է Եկմալյանի և Կոմիտասի պատարագների սկավառակներ։

ՄրցանակներԽմբագրել

  • Հայաստանի պետական երգչախմբի և Ռուսաստանի սիմֆոնիկ նվագախմբերի համատեղ գործունեության ձայնագրություններից մեկը Փարիզում արժանացել է Գրան Պրիի։
  • 1980 թվականին Մոսկվայի կոնսերվատորիայի մեծ դահլիճում օլիմպիական խաղերի մշակութային միջոցառումների շրջանակում՝ միության բոլոր անվանի խմբերի մրցակցության արդյունքում՝ Հայաստանի պետական երգչախմբի կատարմամբ հնչեցված Բեթհովենի 9-րդ սիմֆոնիան ճանաչվել է լավագույնը, և դիրիժոր Հովհաննես Չեքիջյանն արժանացել է «Ժողովուրդների բարեկամություն» շքանշանին։
  • ԽՍՀՄ պետական մրցանակ
  • ՀԽՍՀ պետական մրցանակ
  • «Մեսրոպ Մաշտոց» մեդալ
  • «Մովսես խորենացի» շքանշան
  • Մխիթարյան միաբանության ոսկե մեդալ
  • ՀՀ մշակույթի նախարարության ոսկե մեդալ
  • Ֆրիտյոֆ Նանսեն շքանշան
  • ՀՊՄՀ «Խաչատուր Աբովյան» մեդալ
  • ՀՀ կրթության և գիտության նախարարության ոսկե մեդալ
  • ՀՀ սփյուռքի նախարարության «Կոմիտաս» մեդալ

ԾանոթագրություններԽմբագրել

Արտաքին հղումներԽմբագրել