Մարտին Մազմանյան

Մարտին (Մարտիրոս) Սարգսի Մազմանյան (1899, (1900) դեկտեմբերի 24 (հունվարի 5), Թիֆլիս- 1987, մայիսի 8, Երևան), հայ խորհրդային կոմպոզիտոր, խմբավար, մանկավարժ, երաժշտական-հասարակական գործիչ։ ՀԽՍՀ ժողովրդական արտիստ (1965)։

Մարտին Մազմանյան
Ծնվել է	դեկտեմբերի 24, 1899(1899-12-24) Թիֆլիս, Ռուսական կայսրություն
Մահացել է	մայիսի 8, 1987(1987-05-08) (87 տարեկանում) Երևան, Հայկական ԽՍՀ, ԽՍՀՄ
Մասնագիտություն	կոմպոզիտոր, խմբավար և մանկավարժ
Աշխատավայր	Հայֆիլհարմոնիա, Ռոմանոս Մելիքյանի անվան երաժշտական ուսումնարան և Երևանի Կոմիտասի անվան պետական կոնսերվատորիա
Կրթություն	Ներսիսեան դպրոց, Մոսկվայի Չայկովսկու անվան պետական կոնսերվատորիա, Թբիլիսիի Վանո Սարաջիշվիլիի անվան պետական կոնսերվատորիա և Երևանի Կոմիտասի անվան պետական կոնսերվատորիա
Անդամակցություն	Հայաստանի երաժշտական ընկերություն
Պարգևներ	ՀԽՍՀ ժողովրդական արտիստ

Կենսագրություն

1921 թվականին ավարտել է Թիֆլիսի Ներսիսյան դպրոցը։ 1922-1924 թթ. սովորել է Մոսկվայի (հոբոյ և խմբավարություն), 1926-1930 թթ.՝ Թիֆլիսի (ստեղծագործություն, դասատու՝ Սարգիս Բարխուդարյան) կոնսերվատորիաներում։ 1930 թվականին ավարտել է Երևանի պետական կոնսերվատորիան։ 1950-1954 թթ. եղել է Հայֆիլհարմոնիայի տնօրեն և գեղարվեստական ղեկավար, 1954-1962 թթ.` Ռոմանոս Մելիքյանի անվան ուսումնարանի տնօրեն։ 1961-1977 թթ. Երևանի պետական կոնսերվատորիայում դասավանդել է խմբավարություն։ Եղել է Հայաստանի երաժշտական ընկերության հիմնադիրներից և ընկերության նախագահի տեղակալը։ ՀՀ քաղաքներում, Թբիլիսիում, Մոսկվայում հիմնել և ղեկավարել է երգչախմբեր։ Գրել է «Ճուտիկ» մանկական օպերան, սիմֆոնիկ («Մամե և Աշե», «Հաղթանակի պոեմ»), կամերային գործիքային երկեր, խմբերգեր, ռոմանսներ, երգեր, ստեղծագործություններ մանուկների համար։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 133)։