Էմմա Ծատուրյան
- Վիքիպեդիայում կան հոդվածներ Ծատուրյան ազգանունով այլ մարդկանց մասին։
Էմմա Աղաբեկի Ծատուրյան (հոկտեմբերի 28, 1920[1], Բաքու, Ադրբեջանական ԽՍՀ - դեկտեմբերի 23, 1996[1], Կիև, Ուկրաինա), հայ խմբավար, մանկավարժ, ՀԽՍՀ արվեստի վաստակավոր գործիչ (1967)։
| Էմմա Ծատուրյան | |
|---|---|
| Ծնվել է | հոկտեմբերի 28, 1920[1] Բաքու, Ադրբեջանական ԽՍՀ |
| Մահացել է | դեկտեմբերի 23, 1996[1] (76 տարեկան) Կիև, Ուկրաինա |
| Մասնագիտություն | երաժիշտ |
| Աշխատավայր | Հայկական պետական մանկավարժական համալսարան և Հայաստանի երաժշտական ընկերություն |
| Կրթություն | Երևանի Կոմիտասի անվան պետական կոնսերվատորիա |
| Պարգևներ | |
Կենսագրություն
խմբագրել
1951 թվականին ավարտել է Երևանի պետական կոնսերվատորիան, 1982 թվականից՝ պրոֆեսոր։ 1949-1959 թվականներին եղել է Հայաստանի պետական երգչախմբի դիրիժոր-խմբավար։ 1958-1982 թվականներին դասավանդել է ՀՊՄԻ-ում։ Հայաստանի երգչախմբի ընկերության հիմնադիրներից է։ 1968 թվականից՝ Արամ Տեր-Հովհաննիսյանի անվան երգչախմբի գեղարվեստական ղեկավար, 1975-1987 թվականներին՝ նախագահ։ 1987 թվականից՝ Հայաստանի երաժշտական ընկերության նախագահ։ 1977-1987 թվականներին, 1990-1991 թվականներին եղել է հայկական ժողովրդական երգի-պարի համույթի գեղարվեստական ղեկավար[2]։
Պարգևներ
խմբագրել- ՀԽՍՀ արվեստի վաստակավոր գործիչ (1967)
- ՀԽՍՀ ժողովրդական արտիստ (1982)
- ՀԽՍՀ Պետական մրցանակ (1985)
- Հոգևոր երաժշտության միջազգային փառատոնի 1-ին մրցանակ (1994)
Ստեղծագործություններ
խմբագրել- Ութամյա դպրոցի ծրագրեր 1962-63 ուսումնական տարվա համար։ Երգ-երաժշտություն (I-VIII) դաս, Ծատուրյան Էմմա Աղաբեկի, Երևան, Հայպետուսմանկհրատ, 1962։
- Մանկական խմբերգերի ժողովածու։ Ծատուրյան Էմմա Աղաբեկի, Սանդալջյան Գ., Երևան, Հայպետհրատ, 1964։
- Սովետական հանրապետական տոն։ Ծատուրյան Էմմա Աղաբեկի, Կուլտուրայի մինիստրություն ՀԽՍՀ, Երևան, ՀԿԿ Կենտկոմի հրատարակչություն, Ա. թ.:
- Հայկական ժողովրդական երգեր։ Թաթուլ Ալթունյանի մշակմամբ, երգի-պարի անսամբլի համար, Ալթունյան Ռուբեն Թաթուլի, Ծատուրյան Էմմա Աղաբեկի, Երևան, «Սովետական գրող», 1981։
- Հայաստանի երգչախմբային ընկերության 25 տարին։ Ծատուրյան Էմմա Աղաբեկի, Սարգսյան Ա., Երևան, «Սովետական գրող», 1988։