Լիլիթ Զաքարյան
- Վիքիպեդիայում կան հոդվածներ Զաքարյան ազգանունով այլ մարդկանց մասին։
Լիլիթ Զաքարյան (հուլիսի 27, 1986, Երևան, Հայկական ԽՍՀ, ԽՍՀՄ), հայ դաշնակահարուհի։
| Լիլիթ Զաքարյան | |
|---|---|
| Ծնվել է | հուլիսի 27, 1986 (38 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Ժանրեր | դասական երաժշտություն |
| Մասնագիտություն | դաշնակահարուհի և երաժշտության ուսուցիչ |
| Գործիքներ | դաշնամուր |
| Աշխատավայր | Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա (2008) |
Կենսագրություն
խմբագրելԱվարտել է Երևանի Չայկովսկու անվան երաժշտական դպրոցը։ 2008 թվականին ավարտել է Երևանի պետական կոնսերվատորիան, 2010 թվականին՝ կոնսերվատորիայի «Կատարողական և ստեղծագործական բարձրագույն վարպետություն» լրացուցիչ կրթության լրիվ դասընթացը[1]։ Հանդես է եկել Ղազախստանի և Կիսլովոդսկի սիմֆոնիկ նվագախմբերի հետ, ելույթներ է ունեցել Հայաստանի պետական ֆիլհարմոնիկ նվագախմբի, Հայաստանի պետական երիտասարդական նվագախմբի և Հայաստանի պետական ակադեմիական երգչախմբի հետ։ 2005 թվականից աշխատում է Հայաստանի պետական երիտասարդական նվագախմբում, 2008 թվականից՝ Չայկովսկու անվան երաժշտական դպրոցում։ 2010 թվականից որպես ասիստենտ աշխատում է Երևանի պետական կոնսերվատորիայում՝ պրոֆեսոր Ս. Զաքարյանի դասարանում։
Մրցանակներ
խմբագրել- Դ. Շոստակովիչի անվան համառուսական մրցույթի դափնեկիր, 1996
- Շոպենի անվան երիտասարդ կատարողների միջազգային մրցույթի 3-րդ մրցանակ, 1997, Հարավսլավիա
- «Grand Concours International de Piano» 1-ին մրցանակ, 1998, Ֆրանսիա
- «Ժառանգություն» Համահայկական միջազգային մրցույթի դափնեկիր, 2000
- Դելֆյան խաղերի դափնեկիր, 2005, Ուկրաինա
- Արամ Խաչատրյանի անվան միջազգային մրցույթի 3-րդ մրցանակ, 2007, Հայաստան
- Դասական երաժշտության բնագավառում Հայաստանի Հանրապետության Նախագահի երիտասարդական մրցանակ, 2011[2]։