Մինի Եվրոպա

այգի Բրյուսելում

Մինի Եվրոպա, այգի Բրուպարկում, Բրյուսելում: Այգում ներկայացված են Եվրոպական միության ամենագեղեցիկ հուշարձանները՝ 1/25 մասշտաբով։ Ցուցադրված են շուրջ 80 քաղաք և 350 շինություն[2]:

Picto infobox plant.png
Մինի Եվրոպա
Laeken Mini Europe viewed from Atomium 3.jpg
Մինի Եվրոպան Բրուպարկում
Տեսակմանրակերտների զբոսայգի
Մասն էBruparck?
ԵրկիրFlag of Belgium.svg Բելգիա
ՎարչատարածքԲրյուսել
Հիմնվել էհունիսի 1, 1989
Մակերես24 000 քառակուսի մետր
ԱնդամակցությունVerband Deutscher Freizeitparks und Freizeitunternehmen?[1]
Մինի Եվրոպաը գտնվում է Բելգիաում
Մինի Եվրոպա
Մինի Եվրոպաը գտնվում է Բրյուսելում
Մինի Եվրոպա

Այգին հայտնի է մանրակերտների որակով: Այգում կան բազմաթիվ անիմացիաներ՝ գնացք, ջրաղաց, Վեզուվ հրաբխի ժայթքումը, մեքենաներ և այլն: Ուղեցույցում ներկայացված են մանրամասներ բոլոր հուշարձանների մասին: Երթուղու վերջում «Եվրոպայի հոգին» ինտերակտիվ ցուցահանդեսը ներկայացնում է Եվրոպական միությունը ինտերակտիվ և խաղային ձևով:

Այգին կառուցվել է 24.000 մ² տարածքի վրա: Նախնական ներդրումների ծավալը կազմել է 10 միլիոն եվրո։ Այգու հանդիսավոր բացումը տեղի է ունեցել 1989 թվականին, Բելգիայի արքա Ֆիլիպի կողմից: Վերջինս այդ ժամանակ արքայական գահի ժառանգորդն էր։

Հուշարձանի շինարարությունԽմբագրել

Հուշարձաններն ընտրվել են Եվրոպայի համար իրենց ճարտարապետական ​​արժեքների և կարևորության համար: Նման առաջին ընտրությունից հետո անհրաժեշտ էր գտնել գծագրեր և լուսանկարներ: Այս փուլը հետազոտելու համար ծախսվել է ավելի քան 200 հազար եվրո: Հուշարձանների մեծ մասը կառուցվել է ձուլման մեթոդով: Մասերը պատրաստվել են տարբեր նյութերից, որոնք հետո պատճենվել են սիլիկոնային ձուլման մեթոդով: Վերջնական պատճենը կազմվել է էպոքսիդային խեժից (առաջին) և պոլիեսթերային պլաստիկից (վերջնական տեսք): Երեք հուշարձաններ պատրաստված են քարից (օրինակ՝ Պիզայի աշտարակը կառուցված է մարմարից): Երկու մակետների պատրաստման համար կիրառվել է նոր ֆրեզերային տեխնոլոգիա։

Ապա կառույցները գունավորվել են: Վերջում հուշարձանը տեղադրվել էր ձևավորված և լուսավորված վայրում։ Սանտյագո դե Կոմպոստելա քաղաքը պահանջել է ավելի քան 24000 ժամ աշխատանք։

Շատ հուշարձաններ ֆինանսավորվել են Եվրոպայի երկրների կամ տարածաշրջանների կողմից:

ԱնիմացիաներԽմբագրել

Հսկայական այգում կան տարբեր տեսակի անիմացիաներ՝ գնացքներ, ջրաղացներ, ձայներ, Վեզուվ հրաբխի ժայթքումը, Բեռլինի պատի անկումը, Վենետիկի գոնդոլները, մեքենաներ։ Այս անիմացիաները ներկայացնում են արդյունաբերական նախատիպեր, որոնք կայուն են երկար ժամանակ շահագործման և տարբեր եղանակային պայմաններում (սառնամանիք, անձրև, շոգ):

Մինի Եվրոպայի ուղեցույցԽմբագրել

Ուղեցույցը պարունակում է բազմաթիվ տեղեկություններ և մանրամասներ հուշարձանների վերաբերյալ: Ուղեցույցը մատչելի է 11 լեզուներով։

Եվրոպայի հոգինԽմբագրել

Երթուղու վերջում Եվրամիության համար հատկացված տարածքը համառոտ ներկայացնում է նրա պատմությունը, հաջողությունները, մշակույթը, հաստատությունների գործունեությունը, ամենամեծ շուկան, ընդլայնման պատճառները, հիմնականում՝ խաղի ձևով։ Դպրոցների համար կան բազմաթիվ մանկավարժական ծրագրեր:

Իր ողջ գործունեության ընթացքում Մինի Եվրոպան բարոյական աջակցություն է ստացել Եվրոպական հանձնաժողովի և Եվրոպական խորհրդարանի կողմից:

Մինի Եվրոպայի մանրակերտների ցանկԽմբագրել

  • Մելկ
  • Գլենդալո և Բալիդեվիդ
  • Կաշելի ժայռ
  • Ազատության հուշարձան (Ռիգա)
  • Ադոլֆի կամուրջ
  • Մոգոշոյա պալատ
  • Կապույտ եկեղեցի
  • Օլավինլինայի ամրոց

Տես նաևԽմբագրել

ԾանոթագրություններԽմբագրել

  1. https://vdfu.org/mitglied/mini-europe
  2. «Description - Mini europe»։ Mini europe (en-US)։ Արխիվացված է օրիգինալից 2017-11-04-ին։ Վերցված է 2017-11-04 

Արտաքին հղումներԽմբագրել