Վիքիպեդիա

Ջեսիկա Ալբա

Ջեսիկա Մարիա Ալբա (անգլ.՝ Jessica Marie Alba, ապրիլի 28, 1981(1981-04-28)[2][3], Պոմոնա, Լոս Անջելես շրջան, Կալիֆոռնիա, ԱՄՆ[4]), ամերիկացի երգչուհի և դերասանուհի։ Մասնակցել է MTV-ի մի շարք կազմակերպած հաղորդումներին։

Ջեսիկա Ալբա
անգլ.՝ Jessica Alba
Հասակը170 սմ
Ծնվել էապրիլի 28, 1981 (43 տարեկան)
ԾննդավայրՊոմոնա, Կալիֆորնիա, ԱՄՆ-ի դրոշը ԱՄՆ
ԿրթությունAtlantic Theater Company?, Քլերմոնտի բարձրագույն դպրոց (1987) և American School of Correspondence?
Քաղաքացիություն ԱՄՆ,  Կանադա և  Մեքսիկայի Միացյալ Նահանգներ
ԱզգությունԱՄՆ-ի դրոշը ԱՄՆ
Կրոնկաթոլիկություն
Այլ անուն(ներ)Ջեսիկա Մարիա Ալբա
ՄասնագիտությունԴերասանուհի
Ակտիվ շրջան1984–այժմ
ԺանրերԿատակերգություն,
Դրամա,
Ֆանտաստիկա
Ընտրանի«Ֆանտաստիկ քառյակը»,
«Քաղցրիկը»,
«Լրտեսների երեխաները 4D»
Ամուսին(ներ)Քեշ Ուորեն
(2 երեխա)
Համատեղ ապրող(ներ)Michael Weatherly?[1]
Երեխա(ներ)աղջիկներ՝ Օնոր Մարի Ուորեն
Հևեն Գարներ Ուորեն
Պարգևներ և մրցանակներ
twitter.com/jessicaalba

Սկսել է նկարահանվել 13 տարեկանից։ Հայտնի է դարձել ի շնորհիվ «Մութ հրեշտակ» (2000-2002 թվականներ) հեռուստասերիալում մարմնավորած դերի[5][6]։ Այնուհետև նկարահանվել է զանազան հայտնի ֆիլմերում՝ ինչպիսիք են օրինակ «Քնի բառարան» (2003 թվական), «Մեղքերի քաղաքը» (2005 թվական) և «Ֆանտաստիկ քառյակը» (2005 թվական) ֆիլմերը[7]։

Ըստ 2006 թվականի «AskMen.com» կայքի հարցման արդյունքի՝ Ալբան գրավել է առաջին տեղը «99 ամենացանկալի կանայք» ցուցակում[8] և 2007 թվականին համարվել է «Աշխարհի ամենահրապուրիչ կինը» ըստ «FHM» ամսագրի[9]։ Ջեսիկան բազմաթիվ մրցանակներ է ստացել իր աշխատանքների համար և նույնիսկ առաջադրվել է Ոսկե Գլոբուսի «Մութ հրեշտակ» սերիալում մարմնավորած դերի համար[10]։

Վաղ տարիներ

խմբագրել

Ջեսիկա Ալբան ծնվել է 1981 թվականի ապրիլի 28-ին ԱՄՆ-ի Կալիֆորնիա նահանգի Պամոնա քաղաքում՝ Քեթրին (օրիորդական ազգանունը Ենսեն) և Մարկ Ալբայի ընտանիքում։ Ջեսիկայի մայրն ունի դանիական և ֆրանկոկանադական ծագում, իսկ հայրը ամերիկացի է՝ մեքսիկական ծագումով[11][12]։ Ունի փոքր եղբայր՝ Ջոշուա անունով։ Հոր կարերիայի պատճառով (ռազմական օդաչու) ընտանիքը նախքան Կալիֆորնիա վերադառնալը ստիպված էր ապրել Միսսիսիպի նահանգի Բիլոնսկի և Տեխաս նահանգի Դել Ռիո քաղաքներում[6][12]։

Մանկության ու պատանեկության տարիներին Ջեսիկան բազմիցս հիվանդություններ է տարել. նա երկու անգամ հիվանդացել է ատելեկտազով, տարին 4-5 անգամ թոքաբորբով, նշագեղձերի բորբոքումով։ Այդ պատճառով էլ նա մեկուսացած էր իր հասակակիցներից և գրեթե ընկերներ չուներ։ Աղջիկը տառապում էր նաև կպչուն վիճակների համախտանիշով[13][14]։ Սակայն ընտանիքի՝ Կալիֆոռնիա տեղափոխվելուց հետո աղջկա վիճակը բարելավվում է։

Ալբան դերասանական վարպետությամբ հետաքրքրվում էր 5 տարեկանից։ 12 տարեկան հասակում նա հաճախում է դերասանական վարպետության առաջին դասին, իսկ 9 ամիս անց պայմանագիր է կնքում գործակալի հետ[6][15]։ 16 տարեկանում ավարտում է դպրոցը, որից հետո դերասանական վարպետություն է սովորում Ուիլյամ Մեյսիի ու նրա կնոջ՝ Ֆելիսիտա Հաֆմանի թատերական ստուդիայում՝ «Atlantic Theater Company»[16][17], որը Մեյսին հիմնել էր ռեժիսոր ու սցենարիստ Դևիդ Մատեմի հետ միասին[16][18]։

Կարիերա

խմբագրել
 
Ջեսիկա Ալբան Փարիզում, «Աչքը» ֆիլմի պրեմիերային, 2008 թվական

Էկրանին առաջին հայտնվելը դարձել է փոքրիկ դերը «Կորուսյալ ճամբարը» («Camp Nowhere», 1994 թվական)։ Սկզբնապես նա վարձվել էր երկու շաբաթ ժամկետով, սակայն նրա դերը վեր է ածվել երկու ամսվա աշխատանքի[5]։ Ալբան հայտնվում է Nintendo-ի և J. C. Penney-ի երկու գովազդային հոլովակներում, ինչպես նաև խաղում է մի քանի անկախ ֆիլմերում։ Ջեսիկան լայն հանրությանը հայտնի է դառնում 1994 թվականին Nickelodeon հեռուստաալիքի «Ալեքս Մաքի գաղտնի աշխարհը» («The Secret World of Alex Mack») կատակերգական սերիալում խաղացած երեք դրվագներով[6]։ Նույն ժամանակ նա կատարում է Մայայի դերը «Ֆլիպեր» («Flipper») սերիալի երկու եթերաշրջանում[5][6]։

1998 թվականին նա հայտնվում է Մելիսսա Հաուերի դերում «Հարավային Բրուքլին» («Brooklyn South») քրեական դրամայի առաջին եթերաշրջանում, ինչպես նաև Լիեննի դերում «Բևեռլի Հիլզ 90210» («Beverly Hills, 90210») սերիալի երկու դրվագներում և Լեյլայի դերում Ռենդի Կուեյդի «Պ.Ա.Ն.Կ.Ե.Ր.» («P.U.N.K.S.») կատակերգությունում[5]։ Հոլլիվուդում դերասանուհու նորամուտը հանդիսացավ «Չհամբուրվածը» («Never Been Kissed») ռոմանտիկ կատակերգությունը, ինչպես նաև «Սպանող ձեռքը» («Idle Hands», 1999 թվական) կատակերգությունը։

Նրա համար առաջընթաց հանդիսացավ Ջեյմս Քեմերոնի մոտ քաստինգը, որը նրան ընտրեց գենետիկորեն նախագծված սուպերզինվոր Մաքս Գևարի 1200 այլ թեկնածուներից՝ «Մութ հրեշտակ» («Dark Angel») սերիալում։ «Մութ հրեշտակ»-ին նախապատրաստվելու ժամանակ Ջեսիկան օրական երեք ժամվա ընթացքում պարապում էր, սկսում է իրեն քաղցի ենթարկել և բավականին նիհարում է։ Նա խոստովանում է, որ այդ ժամանակ նրա մոտ, հնարավոր է, խնդիրներ կային, կապված սննդակարգի խափանումներով[19]։ «Մութ հրեշտակ» սերիալը Ալբային հանրաճանաչ է դարձնում։ Նա Մաքս Գևարի դերակատարման համար արժանանում է Teen Choice Award մրցանակին «Դերասանուհի» անվանակարգում, «Սատուրն» մրցանակին և անվանակարգում «Ոսկե Գլոբուս» մրցանակի համար[7][20]։

Նա հաճախակի սկսում է հայտնվել մոլորակի ամենասեքսուալ կանանց ցուցակներում։ 2006 թվականին Ջեսիկան արժանանում է MTV հեռուսաալիքի «Sexiest Performance» մրցանակին՝ «Մեղքերի քաղաքը» («Sin City») ֆիլմում խաղացած դերի համար։ Այդ նույն ժամանակ նա հաճախ ենթարկվում էր սուր քննադատության՝ Ալբան երեք անգամ անվանակարգվում է «Ոսկե ազնվամորի» մրցանակին 2006, 2008 և 2009 թվականներին։

Ամենահայտնի նրա դերերից են՝ պարուսույցը «Քաղցրիկը» («Honey») ֆիլմում, էկզոտիկ մերկապարուհի Նենսի Կալահանը «Մեղքերի քաղաքը» ֆիլմում և Սյու Սթորմը «Ֆանտաստիկ քառյակի» մասին կատակերգական կոմիքսի էկրանավորումում և նրա շարունակությունում։ Հետագայում նա նկարահանվել է «Բարի գալուստ Եդեմ» («Into the Blue») և «Հաջողություն, Չաք» («Good Luck Chuck») ֆիլմերում։ 2006 թվականին Ջեսիկան հանդիսանում է MTV Movie Awards մրցանակաբաշխության արարողության հաղորդավարուհին և խաղում է «Քինգ Քոնգ», «Առաքելությունն անիրագործելի է 3», «Դա Վինչիի ծածկագիրը» ֆիլմերի փոքրիկ պարոդիաներում[21]։

 
Ջեսիկա Ալբան Փարիզում, «Մարդասպանն իմ մեջ» ֆիլմի շնորհանդեսի ժամանակ 2010 թվական

2008 թվականին Ջեսիկան հայտնվում է «Աչքը» («The Eye») սարսափ ֆիլմում, օրիգինալ հոնգ կոնգյան սարսափ ֆիլմի վերականգնված տարբերակում[12][22]։ Չնայած ֆիլմը շավ չի ընդունվում քննադատների կողմից[23], Ալբայի խաղը ստանում է ինչպես դրական, այնպես էլ բացասական արձագանքներ։ Այդ դերակատարման համար դերասանուհին անվանակագվում է «Ոսկե ազնվամորի» մրցանակի՝ «Վատագույն դերասանուհի» դասակարգում և արժանանում է Teen Choice Award մրցանակի սարսափ ֆիլմերում «Լավագույն կանացի դերակատարման» համար։ Նույն 2008 թվականին Ջեսիկան Մայք Մայերսի և Ջասթին Թիմբերլեյքի հետ միասին նկարահանվում է «Սեքս Գուրու» («The Love Guru») կատակերգությունում։ Այս ֆիլմը ձախողվում է վարձույթում և բացասական է գնահատվում քննադատների կողմից։ Ալբայի խաղը նույնպես բացասական արձագանքներ է ստանում և նա կրկին արժանանում է «Ոսկե ազնվամորի»-ի անվանակարգման։

2010 թվականի սկզբին «Սանդենս» կտնոփառատոնում կայանում է Մայքլ Ուիտենբոտոմի «Մարդասպանն իմ մեջ» թրիլերի շնորհանդեսը, որում Ջեսիկան խաղում է մարմնավաճառուհի Ջոյս Լեյքլանդի դերը։ Ֆիլմը զգալիորեն բարձր է գնահատվում Ալբայի նախկին աշխատանքներից և խառը գրոխոսություններ է ստանում նրանում առկա դաժան տեսարանների պատճառով։

2010 թվականի փետրվարի 12-ին էկրան է բարձրանում Հարրի Մարշալի «Սուրբ Վալենտինի օրը» («Valentine's Day») ռոմանտիկ կատակերգությունը[24][25], որում Ջեսիկան նկարահանվում է Ջուլիա Ռոբերտսի, Էն Հեթուեյի, Էշթոն Քաթչերի, Ջենիֆեր Գարների և Բրեդլի Քուփերի հատ միասին[26]։

2010 թվականին Ալբայի հաջորդ աշխատանքն է հանդիսանում Ռոբերտ Ռոդրիգեսի «Մաչետե» («Machete») կատակերգական մարտաֆիլմը, որը պատմում է մեքսիկացի վարձու մարդասպանի մասին, որին «ծախում» են իրեն իսկ վարձողները։ Ֆիլմը անհաջողության է մատնվում վարձույթում, սակայն բազմաթիվ դրական արձագանքների է արժանանում լրատվամիջոցների կողմից։ «Մաչետե»-ում Ջեսիկան խաղում է անօրինական գաղթողների դեմ պայքարի գործակալության աշխատակցուհու դերը, որը զբաղվում է ապօրինի ներգաղթյալների որոնումով։ Ալբայից բացի այդ ֆիլմում նկարահանվել են Դենի Տրեհոն, Ռոբերտ Դե Նիրոն, Միշել Ռոդրիգեսը, Սթիվեն Սիգալը և Լինդսի Լոհանը։

2010 թվականի հոկտեմբերի 7-ին, Հեմփթոնսի կինոփառատոնում, կայանում է Մերիլին Ագրելոյի «Գաղտնի նշան» («An Invisible Sign») դրամայի պրեմիերան, որում Ջեսիկան խաղում է հոգեբանական խնդիրներով մաթեմատիկայի ուսուցչուհու դերը։

2010 թվականի դեկտեմբերին կայանում է «Ծանոթություն ծնողների հետ» ֆիլմի երրորդ մասի պրեմիերան՝ «Ծանոթացեք Ֆաքերների հետ 2» («Little Fockers») անվանումով, որում Ալբան խաղում է դեղագործական ընկերության աշխատակցուհու երկրորդական դերը։ 2011 թվականին Ջեսիկան նկարահանվում է «Լրտեսների երեխաները 4D» («Spy Kids: All the Time in the World in 4D») ֆիլմում, որը դառնում է նրա երրորդ համագործակցությունը Ռոբերտ Ռոդրիգեսի հետ[27]։

Իմիջ

խմբագրել
 

2001 թվականին Ջեսիկան առաջին տեղն է զբաղեցնում Maxim ամսագրի «Թեժ 100-յակ»-ում («Hot 100 »)։ 2005 թվականին նա People ամսագրի վարկածով համարվում է մոլորակի 50 ամենագեղեցիկ մարդկանցից մեկը, իսկ 2007 թվականին հայտնվում է 100 ամենագեղեցիկ մարդկանց ցուցակում։ 2002 թվականին Ալբան զբաղեցնում է հինգերորդ տեղը ամենասեքսուալ դերասանուհիների վարկանիշում՝ ըստ Hollywood.com կայքի հարցումների արդյունքի, վեցերորդը՝ ըստ FHM ամսագրի վարկածի և տասներկուերրորդը՝ Stuff ամսագրի վարկածի, «մոլորակի 102 ամենասաքսուալ կանանց» ցուցակում։ 2005 թվականին նա հինգերորդ տեղն է զբաղեցնում Maxim ամսագրի «Թեժ 100-յակ»-ում։

2006 թվականին դերասանուհին բիկինիով հայտնվում է «Փլեյբոյ» ամսագրի կազմին և անվանվում է աշխարհի ամենասեքսուալ աստղը։ Այդ դեպքի պատճառով Ալբան ամսագրի դեմ դատական հայցով դիմում է դատարան՝ ամսագրի կողմից լուսանկարը առանց իր համաձայնության օգտագործելու մեղադրանքով։ Կազմին լուսանկարն էր, որը նրա կողմից արվել էր «Բարի գալուստ Եդեմ» ֆիլմի գովազդային քարոզարշավի ժամանակ։ Այնուամենայնիվ, շուտով Ջեսիկան ետ է վերցնում հայցը՝ ստանալով «Փլեյբոյ» ամսագրի սեփականատեր Հյու Հեֆների անձնական ներողությունը, որը համաձայնվում է նվիրատվություն կատարել երկու բարեգործական կազմակերպությունների, որոնց Ալբան աջակցություն էր ցուցաբերում[28]։

2006 թվականին Ալբան երրորդ տեղն է զբաղեցնում «E!» հեռուստաընկերության «Աստղերի 101 ամենասեքսուալ մարմին» ցուցակում։ Նույն թվականին, AskMen.com կայքի օգտատերերի հարցման արդյունքում, նա դառնում է «99 ամենասեքսուալ կանայք» ցուցակի առաջին համարը։ Ալբան համարվում է աշխարհի ամենագրավիչ կանանցից մեկը, այն բանից հետո, երբ առաջին տեղն է գրավում Maxim ամսագրի «Թեժ 100-յակ»-ում[29]։ 2007 թվականին դերասանուհին չորրորդն էր ըստ Empire ամսագրի վարկածի՝ «100 ամենասեքսուալ կինոաստղ» ցուցակում։ 2008 թվականին Ալբան երեսունչորսերորդ տեղն է զբաղեցնում Maxim ամսագրի «Թեժ 100-յակ»-ում և GQ ամսագրի կողմից համարվում է բոլոր ժամանակների և ազգերի 25 ամենասեքսուալ դերասանուհիներից մեկը։

Ջեսիկան մտահոգված է նրանով, որ իր «սեքսուալ տիկնիկ» իմիջը ազդեցություն է թողնում իր կարիերայի և այն առաջարկների վրա, որոնք ինքը ստանում է, մեկնաբանելով հետևյալ արտահայտությամբ․ «Ինչ-որ ես չեմ մտածում, որ այս ամենը կատարվում է Նատալի Փորտմանի հետ»։ Հարցազրույցում Ջեսիկան ասում է, որ ցանկանում է լուրջ ընդունվել որպես դերասանուհի, սակայն ստիպված է մասնակցութուն ունենալ նախագծերում, որոնցում ինքը հետաքրքրված չէ, որպեսզի կարիերա անի, նաև հայտնելով, որ հետագայում նա ցանկանում է ավելի ընտրելի լինել առաջարկություններում[30]։ Ալբան իր պայմանագրերում խստորեն հավատարիմ է մնում «չմերկանալու» պայմանին։ Նա հնարավորություն ուներ մերկ հանդես գալու «Մեղքերի քաղաքը» ֆիլմում, սակայն նա մերժում է առաջարկը, ասելով․ «Ես մերկ չեմ նկարահանվում։ Ես ուղղակի այդ չեմ անում։ Գուցե դա ինձ վատ դերասանուհի է դարձնում։ Գուցե ես զրկված լինեմ որոշակի արտոնություններից։ Սակայն դա կարևոր է ինձ համար»[31]։

Անձնական կյանք

խմբագրել

Դավանանք

խմբագրել

Մանկությունից Ջեսիկան քրիստոնուհի էր կաթոլիկ դավանանքով[32], սակայն հեռանում է եկեղեցուց, քանի որ զգում էր, որ նրան այնտեղ դատում են ըստ արտաքինի։ Նա այդ մեկնաբանում է․ «Տարիքով մարդիկ դատապարտում էին ինձ և իմ հոգևոր հովիվը ինձ բացատրում էր, որ դա այն պատճառով է, որ ես կրում եմ սադրիչ հագուստ, չնայած ես այն չէի կրում։ Ուղղակի դա ինձ ցանկալի էր դարձնում մյուս սեռի համար, դա էր իմ մեղքը և դա ինձ ստիպում էր ամաչել սեփական մարմնից և լինել ուղղակի կին»[33]։

Բացի այդ, Ալբան առարկում էր նախաամուսնական կապերի և համասեռամոլության դատապարտումը եկեղեցու կողմից, ինչպես նաև դեմ էր Կտակարանում կարևոր կանացի կերպարների բացակայությանը․ «Ես մտածում էի, որ Կտակարանը կյանքի լավ ուղեկցորդ է, սակայն դա որոշակիորեն այդպես չէ, այդ պատճառով ես կապրեմ իմ կյանքով»[31]։ Նրա կրոնականությունը մարում է 15 տարեկան հասակում, երբ նրան հարավիրում են նկարահանվելու «Չիկագոյի հույսը» («Chicago Hope») սերիալի դրվագներից մեկում 1996 թվականին։ Նրա ընկերները բացասական են արտահայտվում նրա այդ դերի մասին և նա սկսում է կորցնել հավատը եկեղեցու նկատմամբ[6]։ Սակայն, չնայած եկեղեցուց հեռանալուն, նա հայտարարում է, որ այնուամենայնիվ դեռևս հավատում է Աստծուն[34]։

Փոխհարաբերություններ

խմբագրել
 
Ջեսիկա Ալբան «Ֆանտաստիկ քառյակը» ֆիլմի պրեմիերայում, Լոնդոն, 2007 թվական

«Մութ հրեշտակ» ֆիլմի նկարահանումների ժամանակ, 2000 թվականի հունվարին, Ջեսիկան սկսում է հանդիպել ֆիլմում իր խաղընկեր Մայքլ Ուեզերլիի հետ, որը վեճերի պատճառ է դառնում նրանց տասներկու տարվա տարիքային տարբերության պատճառով[35]։ Ուեզերլին նրան առաջարկություն է անում Ջեսիկայի քսանամյա տարեդերձի օրը և Ջեսիկան համաձայնվում է[12]։ 2003 թվականի օգոստոսին Ալբան և Ուեզերլնին հայտարարում են իրենց հարաբերությունների ավարտի մասին[6]։ Հետագայում Ալբան ասում է, որ տարիքային տարբերությունը նրա համար դեր չի խաղում և նա իր համար ենթադրում է այնպիսի զուգընկերներ, ինչպիսին են Մորգան Ֆրիմենը, Շոն Քոններին, Ռոբերտ Ռեդֆորդը և Մայքլ Քեյնը[36]։

2004 թվականին, «Ֆանտաստիկ քառակը» ֆիլմի նկարահանումների ժամանակ, Ջեսիկան սկսում է հանդիպել Ուորեն Քեշի հետ[37]։ 2007 թվականի դեկտեմբերի 27-ին Ալբան և Ուորենը հայտարարում են, որ իրենք նշանված են[37]։ Նրանց հարսանեկան արարողությունը կայանում է երկուշաբթի օրը, 2008 թվականի մայիսի 19-ին, Լոս Անջելեսում[38][39]։ 2008 թվականի հունիսի 7-ին Ջեսիկան աղջիկ է ծննդաբերում, որին անվանում են Օնոր Մարի Ուորեն (անգլ. Honor Marie Warren, անգլերեն Honor - պատիվ, փառք բառից)[40]։ Դստեր առաջին լուսանկարները հայտնվում են «OK!» ամսագրում, որը Ջեսիկային վճարում է 1.5 միլիոն դոլար[41]։ Ջեսիկան նշում է, որ ցանկանում է շատ երեխաներ ունենալ[42][43]։ 2011 թվականի օգոստոսի 13-ին զույգը երկրորդ աղջիկն է ունենում՝ Հևեն Գարներ Ուորեն[44]։

Բարեգործական քաղաքականություն

խմբագրել

2005 թվականին, Կաննի կինոփառատոնում, Ջեսիկա Ալբան մասնակցություն է ունենում «amfAR» բարեգործական նախագծում, որը օգնում է ՁԻԱՀ-ով հիվանդներին։ Ալբան «մեծագույն խառնաշփոթ» է առաջացնում, խոստանալով անվճար նկարահանվել պրոդյուսեր Բոբ Վայնշտեյնի «Մատանիների տիրակալը» («The Lord of the Rings») կինոեռագրության ֆիլմերից մեկում, եթե վերջինս համաձայնի 100 000 հազար դոլար վճարել պրոֆեսիոնալ թենիսիստներ Մոնիկա Սելեշի և Բորիս Բեկքերի հետ դասի համար[45]։

Ջեսիկայի բարեգործական գործունեութունը ներառում է մասնակցություն մի շարք կազմակերպությունների և հիմնադրամների նախագծերում, այնպիսին, ինչպիսին են «Clothes Off Our Back», «Habitat for Humanity», Անհետ կորածների գործերով և երեխաների շահագործման ազգային կենտրոն (National Center for Missing and Exploited Children), «Project HOME», «RADD», «Revlon Run/Walk for wonen», «SOS Children Villages», «Soles4Souls» և «Step up»[46]: Դերասանուհին հանդիսանում է Աֆրիկայում երեխաների կրթության ապահովման «1Goal» շարժման դեսպան[47]։

Ալբան բացեիբաց հաստատել և աջակցել է 2008 թվականին Դեմոկրատական կուսակցության կողմից նախագահության թեկնածու առաջադրված Բարաք Օբամային[48]։ Ջեսիկա Ալբան նկարահանվել է Declare Yourself գովազդային արշավի համար, արշավ, որի նպատակն էր 2008 թվականի ԱՄՆ-ի նախագահական ընտրություններում երիտասարդության ներգրավումը։ Մարկ Լիդելի (Mark Liddell)[49][50] լուսանկարները, որոնցում Ջեսիկան պատկերված է սև ժապավենի մեջ փաթաթված և բերանին գելոցով, իր վրա է գրավում մասսայական լրատվամիջոցների ուշադրությունը։ Նրանցից որոշները նման նյութերը անվանեցին «վրդովեցուցիչ»[50], որին Ալբան հայտարարել է, որ տվյալ լուսանկարները իրեն չեն վիրավորում։ Նա ավելցնում է, որ համարում է, որ երիտասարդները պետք է ավելի ակտիվ լինեն քաղաքապես, որ «մարդիկ արձագանքում են այն ամենին, ինչը վրդովեցուցիչ է»[51]։

2009 թվականի հունիսին, «Մարդասպանն իմ մեջ» ֆիլմի նկարահանումների ժամանակ, Օկլահոմա Սիթիում, Ալբան ներքաշված է հանդիսանում տեղացի բնակիչների հետ հակամարտությունում՝ քաղաքով մեկ ծածանվող շնաձկներով պաստառների պատճառով։ Դերասանուհին ասում է, որ նա ցանկանում էր ուշադրություն հրավիրել սպիտակ շնաձկների քանակի նվազման վրա։ Լրատվամիջոցները ենթադրում են, որ Ալբան կմեղադրվի բարբարոսության մեջ[52]։ 2009 թվականի հունիսի 16-ին Օկլահոմա Սիթիի ոստիկանությունը հայտարարում է, որ Ջեսիկա Ալբայի դեմ գործ չի հարուցի, որովհետև անշարժ գույքի սեփականատերերից ոչ մեկը, որոնց վրա փակցված էին պաստառները, նման ցանկություն չունեն[53][54]։ Ալբան People ամսագրի հայտարարությունում ներողություն է խնդրում և ասում է, որ նա ցավում է իր գործողությունների համար[53]։

2011 թվականին Ալբան մասնակցություն է ունենում Վաշինգտոնում երկօրյա լոբբինգին՝ ի նշան պաշտպանության Safe Chemicals Act, 1976 թվականի տոկսիկ նյութերի նկատմամբ վերահսկողության ԱՄՆ օրենքի փոփոխության[55][56]։

Ֆիլմագրություն

խմբագրել
Թիվ Ֆիլմի անուն Բնօրինակի անվանումը Դերը Ժանրը Ռեժիսոր Խաղընկերներ
1972-1995 ԱԲԳ հատուկ դպրոցից հետո ABC Afterschool Specials Քրիստի սերիալ,
Դրամա,
Արկածային		 Լարրի Իլայքեն, ...
1990-2000 Բևեռլի Հիլզ 90210 Beverly Hills, 90210 Լին սերիալ,
Մելոդրամա		 Դենիել Էթիաս, ...
1994 Կորուսյալ ճամբարը Camp Nowhere Գեյլ Կատակերգություն,
Արկածային		 Ջոնաթան Փրինց
1994-2000 Չիկագոյի հույսը Chicago Hope Ֆլորի Էռնանդես սերիալ,
Դրամա,
Դետեկտիվ		 Բիլլ Դ'Էլիա, ...
1994-1998 Ալեքս Մաքի գաղտնի աշխարհը The Secret World of Alex Mack Ջեսիկա սերիալ,
Ֆենտեզի,
Ֆանտաստիկա		 Պոլ Հոուեն, ...
1995-2009 Խելահեղ հեռուստատեսություն Mad TV Ջեսիկա Սիմփսոն սերիալ,
Կատակերգություն		 Բրյուս Լեդդի
1995 Մերկուրիի արշալույսը Venus Rising Երիտասարդ Իվ Մարտական Լիորա Բերիշ,
Էդգար Մայքլ Բրավո
1995-2000 Ֆլիպեր Flipper Մայա Գրահամ սերիալ,
Արկածային,
Ընտանեկան		 Դոնալդ Կրոմբի, ...
1997-1998 Հարավային Բրուքլին Brooklyn South Մելիսա Հաուեր սերիալ,
Քրեական,
Դրամա		 Մայքլ Վ. Ուոթկինս, ...
1998-1999 Սիրո նավակը Love Boat: The Next Wave սերիալ,
Կատակերգություն		 Թոնի Մորդենտե, ...
1999 Պ.Ա.Ն.Կ.Ե.Ր. P.U.N.K.S. Սամանթա Սվաբոդա Ֆանտաստիկա,
Կատակերգություն		 Շոն ՄաքՆամարա
1999 Չհամբուրվածը Never Been Kissed Քրիսթեն Դրամա,
Մելոդրամա,
Կատակերգություն		 Ռաջա Գոսնել Դրյու Բերիմոր
1999 Սպանող ձեռքը Idle Hands Մոլի Սարսափ,
Թրիլեր,
Կատակերգություն		 Ռոդմեն Ֆլենդեր
2000 Պարանոյա Paranoid Խլոե Թրիլեր Ջոն Դայգան
2000-2002 Մութ հրեշտակ Dark Angel Մաքս Գևար սերիալ,
Ֆանտաստիկա,
Մարտական		 Ջեֆ Վուլնավ, ...
2003 Քնի բառարան The Sleeping Dictionary Սելիմա Դրամա,
Մելոդրամա		 Գայ Ջենքին
2003 Քաղցրիկը Honey Հոնեյ Դանիելս Դրամա,
Մելոդրամա,
Երաժշտական		 Բիլլե Վուդրաֆ
2005 – 2013 Օֆիս The Office Սոֆի սիթքոմ,
դրամա,
Մելոդրամա		 Ռենդոլ Այնհորն Սթիվ Կարել
2005 Մեղքերի քաղաքը (ֆիլմ) Sin City Նենսի Կալահան Մարտական,
Դետեկտիվ,
Քրեական		 Ֆրենկ Միլեր,
Ռոբերտ Ռոդրիգես,
Քվենտին Տարանտինո		 Բրյուս Ուիլիս,
Միքի Ռուրկ,
Բենիսիո Դել Տորո,
Կլայվ Օուեն,
Ռոզարիա Դոունսոն,
Մայքլ Կլարկ Դունկան,
Էլայջա Վուդ,
Ջոշ Հարթնեթ
2005 Ֆանտաստիկ քառյակը Fantastic Four Սյու Սթորմ Ֆանտաստիկա,
Ֆենտեզի		 Թիմ Սթորի
2005 Բարի գալուստ Եդեմ Into the Blue Սեմ Մարտական,
Արկածային		 Ջոն Ստոկուել Պոլ Ուոկեր
2007 Տասը պատվիրաններ The Ten Լիզ Էնն Բլազեր Կատակերգություն Դեվիդ Ուեյն
2007 Ֆանտաստիկ քառյակը։ Արծաթյա սերֆերի ներխուժումը 4: Rise of the Silver Surfer Սյուզան Սթորմ / Անտեսանելի կին Ֆանտաստիկ,
Ֆենտեզի		 Թիմ Սթորի
2007 Հաջողություն, Չաք Good Luck Chuck Քեմ Դրամա,
Մելոդրամա,
Կատակերգություն		 Մարկ Հելֆրիչ Դեյն Կուկ
2007 Բարև, Բիլ Meet Bill Լաքի Դրամա,
Կատակերգություն		 Բերնի Գոլդման, Մելիսա Ուոլեք Աարոն Էկխարտ
2007 Նարկոզ Awake Սեմ Լոկվուդ Դրամա,
Թրիլեր,
Քրեական		 Ջոբի Հարոլդ Հեյդեն Քրիստեան
2008 Աչքը The Eye Սինդի Ուելս Դրամա,
Սարսափ,
Թրիլեր		 Դեվիդ Մարո, Քսավյեր Պալյու
2008 Սեքս-գուրու The Love Guru Ջեյն Բուլարդ Կատակերգություն Մարկո Շնաբել Ջասթին Թիմբեռլեյք,
Մայք Մայերս,
Ջեսիկա Սիմփսոն
2010 Մարդասպանն իմ մեջ The Killer Inside Me Ջոյս Լայքլենդ Դրամա,
Քրեական,
Թրիլեր		 Մայքլ Ուինթերբոթոն Կեյսի Աֆլեք,
Քեյթ Հադսոն
2010 Սուրբ Վալենտինի օրը Valentine's Day Մորլի Քլարկսոն Դրամա,
Կատակերգություն		 Գարի Մարշալ Քեթի Բեյթս,
Ջեսիկա Բիլ,
Բրեդլի Կուպեր,
Ջենիֆեր Գարներ,
Էն Հետուեյ,
Էշթոն Քաթչեր,
Թեյլոր Լոտներ,
Ջուլիա Ռոբերտս,
Էմմա Ռոբերտս
2010 Մաչետե Machete Սարթանա Մարտական,
Քրեական,
Թրիլեր		 Ռոբերտ Ռոդրիգես,
Ալվարո Ռադրիգես		 Դենի Տրեխո,
Միշել Ռոդրիգես,
Ռոբերտ Դե Նիրո,
Սթիվեն Սիգալ,
Լինդսի Լոհան,
Դերիլ Սաբարա
2010 Անտեսանելի նշան An Invisible Sign Մոնա Գրեյ Դրամա,
Մելոդրամա		 Մերիլ Ագրելո
2010 Ծանոթացեք Ֆաքերների հետ 2 Little Fockers Էնդի Գարսիա Կատակերգություն Փոլ Վայց Ռոբերտ Դե Նիրո,
Բեն Սթիլեր,
Հարվի Քեյթլ,
Օուեն Ուիլսոն,
Դասթին Հոֆման
2011 Լրտեսների երեխաները 4D Spy Kids: All the Time in the World in 4D Մարիսա Ուիլսոն Ֆանտաստիկա,
Կատակերգություն,
Ընտանեկան		 Ռոբերտ Ռոդրիգես Ալեքսա Վեգա,
Դենի Տրեխո,
Դերիլ Սաբարա
2012 Ամուսնալուծության մեծ երեխաներ A.C.O.D. Միշել
2013 Փախուստ Երկիր մոլորակից Escape from Planet Earth Լենա (ձայն)

Պարգևներ և անվանակարգումներ

խմբագրել

Ըստ Internet Movie Database-ի տվյալների[57]

Թվական Պարգև Անվանակարգ Ֆիլմ/Սերիալ Արդյունք
1998 YoungStar Award ցերեկային հեռուստասերիալների լավագույն երիտասարդ դերասանուհի Ֆլիպեր Առաջադրված
2001 Սատուրն Լավագույն հեռուստադերասանուհի Մութ հրեշտակ Հաղթանակ
Special Achievement Award Տարվա հեռանկարային դերասանուհի Հաղթանակ
ALMA Award Նոր սերիալի կարկառուն դերասանուհի Առաջադրված
Ոսկե Գլոբուս Լավագույն կանացի դերակատարում հեռուստասերիալում կամ դրամայում Առաջադրված
TV Guide Award Տարվա բեկում Հաղթանակ
Նոր սերիալի տարվա դերասանուհի Առաջադրված
Teen Choice Award Լավագույն դերասանուհի Հաղթանակ
Young Artist Award Սերիալի գլխավոր դերի լավագույն երիտասարդ դերասանուհի Առաջադրված
2002 ALMA Award Հեռուստասերիալի կարկառուն դերասանուհի Առաջադրված
Սատուրն Լավագույն հեռուստադերասանուհի Առաջադրված
Blimp Award Լավագույն կին-կինոհերոս Առաջադրված
Teen Choice Award Լավագույն հեռուստադերասանուհի, դրամա Առաջադրված
2003 DVD Exclusive Awards Լավագույն կանացի դերակատարում ֆիլմում Գիշերային բառարան Հաղթանակ
2004 Teen Choice Award Լավագույն համբույր Քաղցրիկը Առաջադրված
Choice Movie Chemistry Առաջադրված
Լավագույն դերասանուհի․դրամա / էկշն Առաջադրված
Լավագույն թեմատիկ կանացի դեր Առաջադրված
2005 Young Hollywood Award Ապագա գերաստղ Հաղթանակ
Teen Choice Award Լավագույն դերասանուհի․ էկշն / թրիլեր Մեղքերի քաղաքը Առաջադրված
2006 ALMA Award Երկրորդ պլանի լավագույն դերասանուհի Առաջադրված
Հեռուստնքննադատների ընտրություն Լավագույն դերասանական խումբ Առաջադրված
Սատուրն Երկրորդ պլանի լավագույն դերասանուհի Առաջադրված
MTV Movie Award Սեքսուալ դերասանական խաղ Հաղթանակ
Լավագույն հերոս Ֆանտաստիկ քառյակ Առաջադրված
Լավագույն թիմ Առաջադրված
Imagen Award Լավագույն դերասանուհի Առաջադրված
Blimp Award Լավագույն դերասանուհի Առաջադրված
Teen Choice Award Լավագույն դերասանուհի․ դրամա / էկշն Առաջադրված
Ոսկե ազնվամորի Վատագույն դերասանուհի Ֆանտաստիկ քառյակ Առաջադրված
2007 TV Land Award Մեծ և փոքր էկրանների աստղ (Կին) Առաջադրված
Spike Guys' Choice Awards Այրող Ջեսիկա Հաղթանակ
Teen Choice Award Լավագույն դերասանուհի․ էկշն / արկածային Ֆանտաստիկ քառյակ Առաջադրված
Choice Movie: Hissy Fit Առաջադրված
2008 Blimp Award Ֆիլմի լավագույն աստղ Հաղթանակ
Ազգի ընտրություն Էկշն ժանրի լավագույն դերասանուհի Առաջադրված
Լավագույն գլխավոր հերոսուհի Առաջադրված
Ոսկե ազնվամորի Վատագույն դերասանուհի Նարկոզ
Ֆանտաստիկ քառյակ
Հաջողություն, Չաք 		Առաջադրված
Վատագույն զույգ Առաջադրված
Teen Choice Award Լավագույն դերասանուհի․ սարսափ / թրիլեր Աչքը Հաղթանակ
2009 ALMA Award Հեռուստակատակերգության դերասանուհի Օֆիս Առաջադրված
Ոսկե ազնվամորի Վատագույն դերասանուհի Աչքը
Սեքս Գուրու 		Առաջադրված
2011 ALMA Award Լավագույն դերասանուհի․ դրամա / արկածային Մաչետե Հաղթանակ
Ոսկե ազնվամորի Երկրորդ պլանի վատագույն դերասանուհի Մաչետե
Մարդասպանն իմ մեջ
Սուրբ Վալենտինի օրը
Ծանոթացեք Ֆաքերների հետ 2 		Հաղթանակ
2012 Blimp Award Favorite Butt Kicker Լրտեսների երեխաները 4D Առաջադրված

Աղբյուրներ

խմբագրել
 
 Ջեսիկա Ալբա
էջը Վիքիպահեստում

Ծանոթագրություններ

խմբագրել
  1. ↑ https://www.news.com.au/entertainment/celebrity-life/hook-ups-break-ups/michael-weatherly-took-jessica-albas-virginity-when-she-was-a-teen/news-story/8416dccd8caa364b0f516682c38161ef
  2. ↑ GeneaStar
  3. ↑ Munzinger Personen (գերմ.)
  4. ↑ «Jessica Alba: Biography on MSN». MSN. 2008. Արխիվացված է օրիգինալից 2012 թ․ հոկտեմբերի 17-ին. Վերցված է 2008 թ․ հուլիսի 14-ին.
  5. ↑ 5,0 5,1 5,2 5,3 «Jessica Alba Goes To 'Sin City'». CBS. 28 марта 2005. Արխիվացված օրիգինալից 2012 թ․ փետրվարի 15-ին. Վերցված է 24 апреля 2008-ին.
  6. ↑ 6,0 6,1 6,2 6,3 6,4 6,5 6,6 «Jessica Alba: Biography». People. Արխիվացված օրիգինալից 2012 թ․ փետրվարի 15-ին. Վերցված է 24 апреля 2008-ին.
  7. ↑ 7,0 7,1 «Look at me». The Age. Australia. 2007 թ․ հունիսի 22. Արխիվացված օրիգինալից 2012 թ․ հոկտեմբերի 17-ին. Վերցված է 2008 թ․ ապրիլի 24-ին.
  8. ↑ «Jessica Alba (profile)». AskMen.com. 2006. Արխիվացված է օրիգինալից 2014 թ․ հուլիսի 14-ին. Վերցված է 2008 թ․ ապրիլի 23-ին.
  9. ↑ «100 Sexiest 2007 Winner». FHM. Արխիվացված օրիգինալից 2012 թ․ փետրվարի 15-ին. Վերցված է 23 апреля 2008-ին.
  10. ↑ «Awards for Jessica Alba». IMDb. Արխիվացված օրիգինալից 2012 թ․ փետրվարի 15-ին. Վերցված է 24 апреля 2008-ին.
  11. ↑ «Jessica Alba: Don't Call Me A Latina!!». MediaTakeout.com. 17 июня, 2007. Արխիվացված է օրիգինալից 2012 թ․ փետրվարի 15-ին. Վերցված է 12 декабря 2007-ին.
  12. ↑ 12,0 12,1 12,2 12,3 Mottram, James. «Jessica Alba: She wooed Hollywood with her sultry looks – but now she's getting serious». The Independent. Արխիվացված օրիգինալից 2008 թ․ ապրիլի 21-ին. Վերցված է 23 апреля 2008-ին.
  13. ↑ Cullen, Denise (19 августа, 2007). «My obsession» (Перепечатано с Sunday Telegraph). News.au.com. Արխիվացված օրիգինալից 2012 թ․ փետրվարի 15-ին. Վերցված է 12 декабря 2007-ին.
  14. ↑ Интервью в «Вечернее шоу с Джеем Лено|Вечернем шоу с Джеем Лено»; 26 сентября, 2005
  15. ↑ Журнал Hollywood Life; Сентябрь/Октябрь 2005, стр. 44 - 49, 106.
  16. ↑ 16,0 16,1 «Jessica Alba». People. Արխիվացված օրիգինալից 2012 թ․ փետրվարի 15-ին. Վերցված է 23 апреля 2008-ին.
  17. ↑ «Jessica Alba graduated from high school at 16». Netglimse.com. Արխիվացված օրիգինալից 2012 թ․ փետրվարի 15-ին. Վերցված է 2 ноября 2007-ին.
  18. ↑ Lawson, Terry. «Atlantic Theater Company History». Atlantic Theater Company. Արխիվացված է օրիգինալից 2012 թ․ փետրվարի 15-ին. Վերցված է 24 апреля 2008-ին.
  19. ↑ AskMen.com Editors (27 июля 2005). «Jessica Alba's anorexic hell» (անգլերեն). AskMen.com. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 14-ին. {{cite web}}: |author= has generic name (օգնություն)
  20. ↑ Lawson, Terry (2003 թ․ դեկտեմբերի 8). «Look at me». The Seattle Times. Արխիվացված օրիգինալից 2012 թ․ հոկտեմբերի 17-ին. Վերցված է 2008 թ․ ապրիլի 24-ին.
  21. ↑ «2006 MTV Movie Awards». MTV. Արխիվացված օրիգինալից 2012 թ․ փետրվարի 15-ին. Վերցված է 24 апреля 2008-ին.
  22. ↑ «Lionsgate whets appetites». The Hollywood Reporter. 2008 թ․ ապրիլի 15. Արխիվացված է օրիգինալից (subscription required) 2012 թ․ հոկտեմբերի 17-ին. Վերցված է 2009 թ․ հունիսի 26-ին.
  23. ↑ «The Eye». Rotten Tomatoes. Վերցված է 2008 թ․ փետրվարի 2-ին.
  24. ↑ «Valentine's Day (2010)». IMDb. Արխիվացված օրիգինալից 2012 թ․ հոկտեմբերի 17-ին. Վերցված է 2009 թ․ հունիսի 23-ին.
  25. ↑ «Garry Marshall Gets a Cast For Valentine's Day». Buzzsugar. Արխիվացված է օրիգինալից 2012 թ․ հոկտեմբերի 17-ին. Վերցված է 2010 թ․ սեպտեմբերի 21-ին.
  26. ↑ Hewitt, Chris (2009 թ․ հունիսի 26). «Three More Join Valentine's Day». The Hollywood Reporter. Արխիվացված օրիգինալից 2012 թ․ հոկտեմբերի 17-ին. Վերցված է 2012 թ․ սեպտեմբերի 1-ին.
  27. ↑ «Jessica Alba to Star in Spy Kids 4». movie.sky.com. Արխիվացված օրիգինալից 2012 թ․ հոկտեմբերի 17-ին. Վերցված է 2012 թ․ սեպտեմբերի 1-ին.
  28. ↑ Stephen M. Silverman (5 апреля 2006). «Playboy Apologizes to Jessica Alba» (անգլերեն). People. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 14-ին.
  29. ↑ Maxim Staff (5 июня 2009). «2009 Hot 100» (անգլերեն). Maxim. Արխիվացված է օրիգինալից 2012 թ․ փետրվարի 15-ին. Վերցված է 2010 թ․ օգոստոսի 14-ին.
  30. ↑ WENN (9 ноября 2005). «Alba Fears Whore Typecast» (անգլերեն). Moono.com. Արխիվացված է օրիգինալից 2012 թ․ փետրվարի 15-ին. Վերցված է 2010 թ․ օգոստոսի 14-ին.
  31. ↑ 31,0 31,1 Dave Itzkoff (16 октября 2006). «Fashion-Alba» (անգլերեն). ELLE.com. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 14-ին.
  32. ↑ «Jessica Alba says she'll never do a nude scene». Movies.msn.com. 14 февраля 2010. Արխիվացված է օրիգինալից 2012 թ․ հոկտեմբերի 17-ին. Վերցված է 2012 թ․ սեպտեմբերի 2-ին.
  33. ↑ WENN (11 октября 2006). «Alba Alters Religious Beliefs» (անգլերեն). Moono.com. Արխիվացված է օրիգինալից 2012 թ․ փետրվարի 15-ին. Վերցված է 2010 թ․ օգոստոսի 16-ին.
  34. ↑ «Glamour's October Cover Girl - Dark Angel Jessica Alba Reveals Her Obsessions, Love, and God» (անգլերեն). Glamour. 10 сентября 2001. Արխիվացված է օրիգինալից 2012 թ․ հուլիսի 15-ին. Վերցված է 2010 թ․ օգոստոսի 16-ին.
  35. ↑ «Dark Angel Lovers Defend Relationship» (անգլերեն). WENN. 16 октября 2001. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  36. ↑ «Jessica Alba Older Men Are Ideal Partners» (անգլերեն). FemaleFirst.com. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  37. ↑ 37,0 37,1 Julie Jordan (27 декабря 2007). «Jessica Alba Engaged!» (անգլերեն). People. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  38. ↑ «Jessica Alba Married!» (անգլերեն). A Socialite's Life. 20 мая 2008. Արխիվացված է օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  39. ↑ Julie Jordan (20 мая 2008). «Jessica Alba Gets Married to Cash Warren!» (անգլերեն). People. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  40. ↑ «Jessica Alba Welcomes a Baby Girl». People. 7 июня 2008. Արխիվացված օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  41. ↑ «Top Ten Most Expensive Baby Photos». Access Hollywood. Վերցված է 2010 թ․ օգոստոսի 18-ին.
  42. ↑ «Alba: 'I want to have lots of kids'». Contactmusic.com. 20 марта 2007. Արխիվացված է օրիգինալից 2012 թ․ փետրվարի 15-ին. Վերցված է 2010 թ․ օգոստոսի 18-ին.
  43. ↑ Triggs, Charlotte (4 мая 2009). «Jessica Alba Deals with Daughter's Teething». People. Արխիվացված օրիգինալից 2012 թ․ փետրվարի 15-ին. Վերցված է 18 августа 2010-ին.
  44. ↑ «Jessica Alba Gives Birth to Daughter Haven Garner». US magazine. Արխիվացված օրիգինալից 2012 թ․ փետրվարի 15-ին. Վերցված է 2011 թ․ օգոստոսի 15-ին.
  45. ↑ «Alba to act unpaid for aids foundation». Wenn News. 2005 թ․ հոկտեմբերի 9. Արխիվացված օրիգինալից 2013 թ․ հունվարի 20-ին. Վերցված է 2009 թ․ հունիսի 25-ին.
  46. ↑ «Jessica Alba's Charity Work». Celebrity Charity. Արխիվացված է օրիգինալից 2013 թ․ հունվարի 20-ին. Վերցված է 2008 թ․ ապրիլի 23-ին.
  47. ↑ «Jessica Alba on Motherhood, Turning 30, and Her Sex Symbol Status». 2010 թ․ մարտի 18. Արխիվացված օրիգինալից 2013 թ․ հունվարի 20-ին. Վերցված է 2012 թ․ ապրիլի 14-ին.
  48. ↑ «Jessica Alba, Ryan Phillippe support Obama in new will.i.am video». Top News Light Reading. 2008 թ․ մարտի 1. Արխիվացված է օրիգինալից 2013 թ․ հունվարի 20-ին. Վերցված է 2008 թ․ ապրիլի 25-ին.
  49. ↑ Malkin, Marc (2008 թ․ սեպտեմբերի 20). «Jessica Alba's kinky photo shoot». Արխիվացված օրիգինալից 2013 թ․ հունվարի 20-ին. Վերցված է 2008 թ․ դեկտեմբերի 28-ին.
  50. ↑ 50,0 50,1 «Jessica Alba's 'Shocking' Ad for Declare Yourself». People. 2008 թ․ հոկտեմբերի 9. Արխիվացված օրիգինալից 2013 թ․ հունվարի 20-ին. Վերցված է 2008 թ․ դեկտեմբերի 28-ին.
  51. ↑ «Jessica Alba's 'Shocking' Ad for Declare Yourself». People. 2008 թ․ սեպտեմբերի 10. Վերցված է 2010 թ․ սեպտեմբերի 21-ին.
  52. ↑ «Oklahoma City Police Probe Alba Link to Vandalism». The Insider. Արխիվացված է օրիգինալից 2009 թ․ հունիսի 13-ին. Վերցված է 2009 թ․ հունիսի 23-ին.
  53. ↑ 53,0 53,1 Meadows, Bob (2009 թ․ հունիսի 16). «Jessica Alba Won't Face Vandalism Charges for Her Shark Crusade». People. Արխիվացված օրիգինալից 2013 թ․ հունվարի 29-ին. Վերցված է 2009 թ․ հունիսի 23-ին.
  54. ↑ «Jessica Alba Apologizes for Ill Advised Decision». The Insider. 2009 թ․ հունիսի 9. Արխիվացված է օրիգինալից 2009 թ․ հունիսի 14-ին. Վերցված է 2009 թ․ հունիսի 23-ին.
  55. ↑ Gavin, Patrick (2011 թ․ մայիսի 24). «Jessica Alba on the Hill». Politico.
  56. ↑ Sinha, Vidushi (2011 թ․ մայիսի 25). «Pediatricians, Child Advocates Call for Passage of Safe Chemicals Act». Voice of America.
  57. ↑ IMDb.com «Список наград и номинаций Джессики Альбы на IMDb.com». {{cite web}}: Check |url= value (օգնություն)
 Վիքիպահեստն ունի նյութեր, որոնք վերաբերում են «Ջեսիկա Ալբա» հոդվածին։
Այս հոդվածն ընտրվել է Հայերեն Վիքիպեդիայի օրվա հոդված:
Ստացված է «https://hy.wikipedia.org/w/index.php?title=Ջեսիկա_Ալբա&oldid=9785238» էջից