Բացել գլխավոր ցանկը

Մայքլ Ջերարդ Թայսոն (անգլ.՝ Michael Gerard Tyson, հունիսի 30, 1966(1966-06-30)[3][4][5][6], Բրուքլին, Նյու Յորք), ամերիկացի պրոֆեսիոնալ բռնցքամարտիկ, ծանր քաշային կարգի ներկայացուցիչ, պատմության մեջ ամենահայտնի և ճանաչված բռնցքամարտիկներից մեկը: Առաջին ծանր քաշային կարգում երիտասարդների Օլիմպիական չեմպիոն (1982): Ծանր քաշային կարգում աշխարհի բացարձակ չեմպիոն (1987—1990): WBC (1986—1990, 1996), WBA (1987—1990, 1996), IBF (1987—1990), «Ռինգ» ամսագրի (1988—1990) վարկածներով աշխարհի չեմպիոն: «Ռինգ» ամսագրի կողմից ճանաչվել է «Տարվա բռնցքամարտիկ» (1986, 1988): BWAA վարկածով «Տարվա բռնցքամարտիկ» (1986,1988): 1985 թվականին «Ռինգ» ամսագրի կողմից ճանաչվել է «Տարվա հեռանկարային բռնցքամարտիկ»: «Ռինգ» ամսագրի կողմից ճանաչվել է լավագույն բռնցքամարտիկ՝ անկախ քաշային կարգից (1987—1989): BBC վարկածով «Տարվա մարզիկ» (1989): BBC վարկածով տարվա օտարերկրացի մարզիկ (1989), միջազգային և համաշխարհային փառքի սրահների անդամ (2010), (2011), Նևադայի բռնցքամարտի փառքի սրահի (2013) և WWE փառքի սրահի անդամ: Լաս Վեգասում տեղի ունեցած WBC ամենամյա 49-րդ կոնվենցիայի ժամանակ Մայք Թայսոնն ընդգրկվել է Գինեսի ռեկորդների գրքում և հանդիսավոր կերպով ստացել է երկու վկայական՝ իր նոկաուտների և ծանր քաշային կարգում երիտասարդ հասակում աշխարհի չեմպիոն դառնալու համար:

Մայք Թայսոն
Mike Tyson 2019 by Glenn Francis.jpg
Անձնական տեղեկություն
Սեռ`արական[1][2]
Մասնագիտացում`բռնցքամարտիկ, դերասան, հնչյունավորող և ինքնակենսագիր
Երկիր`Flag of the United States.svg ԱՄՆ
Ծննդյան ամսաթիվ`հունիսի 30, 1966(1966-06-30)[3][4][5][6] (53 տարեկան)
Ծննդավայր`Բրուքլին, Նյու Յորք
Մարզիչ(ներ)`Cus D'Amato?

«Ռինգ» ամսագրի կողմից 4 անգամ արժանացել է «Տարվա իրադարձություն» մրցանակին: ESPN հեռուստաալիքի վարկածով «Սպորտի պատմության մեջ ամենադաժան մարդը» և «Պատմության մեջ ամենաուժեղ նոկաուտիստ»:

Համարվում է մի քանի համաշխարհային ռեկորդի հեղինակ․ ծանր քաշային կարգում ամենաերիտասարդ չեմպիոն (20 տարեկան հասակում), ծանր քաշային կարգում ամենաերիտասարդ աշխարհի բացարձակ չեմպիոն (21 տարեկանում), իր առաջին մարտից հետո նա կարճ ժամանակում արժանացել է չեմպիոնական տիտղոսի և դարձել է աշխարհի բացարձակ չեմպիոն: Առաջին և միակ բացարձակ չեմպիոնը, որը մեկը մյուսի հետևից արժանացել է երեք տիտղոսի: Եղել է միակ ծանր քաշային բռնցքամարտիկը, որը ամենաբարձրն է վարձատրվել, բռնցքամարտի պատմության մեջ տեղի ունեցած 10 ամենաթանկ մարտերից 6-ը տեղի են ունեցել Մայք Թայսոնի գլխավորությամբ: 6 անգամ անընդմեջ նա պաշտպանել է աշխարհի բացարձակ չեմպիոնի տիտղոսը՝ WBC, WBA, IBF վարկածներով: Երիտասարդական Օլիմպիական խաղերում 8 վայրկյանում նոկաուտի է ենթարկել իր մրցակցին: Ծանր քաշային կարգում զբաղեցնում է 3-րդ տեղը՝ աշխարհի բացարձակ չեմպիոնի տիտղոսի համար տեղի ունեցած մարտերում իր հաղթանակների համար:

Թայսոնը երեք անգամ դատապարտվել է՝ 1992 թվական (բռնաբարության համար դատապարտվել է 6 տարի ազատազրկման, սակայն բանտում անց է կացրել ընդամենը 3 տարի), 1998 թվական (ծեծել է այն մարդկանց, որոնք հարվածել էին իր մեքենային, որի համար ազատազրկման է ենթարկվել 3,5 ամիս ժամկետով), 2008 թվական (մեկ օր անց է կացրել բանտում՝ թմրանյութեր օգտագործելու պատճառով): Երիտասարդ տարիքում նույնպես հայտնվել է մանկական գաղութներում: Ամուսնացել է 3 անգամ և ունեցել է ութ երեխա: 2009 թվականին ողբերգական մահով մահացել է նրա չորս տարեկան աղջիկը: Դավանում է իսլամ և կրում է Մալիկ Աբդուլ Ազիզ անունը (անգլ.՝ Malik Abdul Aziz): Հանդիսանում է վեգանության ներկայացուցիչ:

Բացի բռնցքամարտից Մայք Թայսոնը հայտնի է նաև իր դերասանական կարիերայով: Մասնակցել է «Թայսոն» ինքնակենսագրական ֆիլմի սցենարի ստեղծման աշխատանքներին: Նկարահանվել է երկու վավերագրական ֆիլմում՝ «Փառքի մյուս կողմը» (2003 թվական) և «Մայք Թայսոն» (2009 թվական): 2016 թվականին խաղացել է «Իպ Ման 3» ֆիլմի գլխավոր դերերից մեկը: Մականունը՝ «Երկաթե Մայք»:

Բովանդակություն

ԿենսագրությունԽմբագրել

Ծնվել է 1966 թվականի հունիսի 30-ին Նյու Յորք քաղաքի Բրուքլին փողոցում: Նրա ծնողները եղել են Լորնա Սմիթը և Ջիմի Կիրկպատրիկը: Սակայն նա իր ազգանունը ստացել է մոր առաջին ամուսնուց: Թայսոնի իսկական հայրը մինչև Մայքի ծնվելը թողել է իր ընտանիքը: Մայքի ավագ եղբոր անունը եղել է Ռոդնի, իսկ ավագ քրոջ անունը՝ Դենիզ:

Թայսոնը ունեցել է նուրբ բնավորություն և չի կարողացել պաշտպանել իրեն: Նրա մեծ եղբայր Ռոդնին, հարևան երեխաները և դասընկերները մշտապես ծաղրել են իրեն: 10 տարեկանում նա ընդունակ չէր պաշտպանել իրեն: Մի անգամ տեղական փողոցային ավազակախմբի անդամներից մեկը Թայսոնից խլել է իր սիրելի աղավնուն և պոկել նրա գլուխը: Զայրացած Մայքը հարձակվել է իրեն վիրավորողի վրա և դաժանորեն ծեծել նրան: Դրանից հետո ավազակախմբի ներկայացուցիչները սկսել են հարգանքով վերաբերվել Թայսոնին: Նրանք Թայսոնին ներքաշել են իրենց խմբի մեջ և սովորեցրել են գողություն անել, խանութներ թալանել: Այս պահվածքի պատճառով նա հայտնվել է մանկական գաղութներում: Հենց այդ ժամանակ էլ նա ծանոթացել է Մուհամմեդ Ալիի հետ, որը բանտ էր գնացել վատ պահվածք ունեցող դեռահասների հետ խոսելու համար: Ալիի հետ հանդիպումից հետո Թայսոնը առաջին անգամ սկսել է մտածել բռնցքամարտի կարիերայի մասին:

13 տարեկան հասակում Թայսոնը ուղարկվել է Նյու Յորքի հյուսիսային մասում գտնվող անչափահաս հանցագործների համար նածատեսված հատուկ դպրոց: Այդ ժամանակ նա դարձել է անուղղելի և իր հասակակիցներից տարբերվել է մեծ ֆիզիկական ուժով: Թայսոնի դպրոցի ֆիզկուլտուրայի ուսուցիչը եղել է նախկին բռնցքամարտիկ Բոբի Ստյուարտը: Մի անգամ մենախցում հայտնվելով, Թայսոնը հայտարարել է, որ ուզում է բռնցքամարտիկ դառնալ: Ստյուարտը համաձայնել է պարապել Թայսոնի հետ՝ կարգապահությունը չխախտելու պայմանով: Որոշ ժամանակ անց Սթյուարտը ևս մեկ պայման է դրել Թայսոնի առաջ՝ ինչքան լավ նա կսովորեր դպրոցում, այնքան շատ Սթյուարտը կպարապեր նրան: Թայսոնը, որին բոլորը համարում էին մտավոր հետամնաց, կարողացել է նկատելիորեն բարձրացնել ուսման մեջ իր հաջողությունները: 13 տարեկանում նա կարողացել է պառկած դիրքում բարձրացնել 100 կիլոգրամ քաշով ծանրաձողը: Որոշ ժամանակ անց Սթյուարտը հասկացել է, որ իր աշակերտը արդեն գերազանցում է իրեն և Թայսոնին ծանոթացրել է լեգենդար մարզիչ Կաս Դ’Ամատոյի հետ: Կասը Թայսոնի շուրջը ստեղծել է իսկական թիմ: Նրա մենեջեր Ջիմ Ջեյկոբսը, որը եղել է Դ’Ամատոյի հին ծանոթը, Թայսոնի տնօրինության տակ է դրել իր տեսադարանը: Այն աշխարհում ամենամեծ տեսադարանն էր, որը ներառում էր 26 հազար տեսանյութ: Դրանք ներկայացնում էին բռնցքամարտիկների մարտերի պատմությունը: Կինոթատրոն այցելելու փոխարեն Թայսոնը այցելում էր իր սեփական կինոդահլիճ, որտեղ նա դիտում էր ինչպես հին ժամանակների սև-սպիտակ, այնպես էլ ժամանակակից մարտերի տեսանյութեր: Իր ոճի ձևավորման համար մեծ նշանակություն են ունեցել Ջեկ Ջեմպսին և Ռոբերտո Դուրանը (Թայսոնը նույնիսկ իր պիտբուլին անվանել է «Դուրան»՝ ի պատիվ իր մանկության կուռք Ռոբերտո Դուրանին):

Հին մարտերի կանոնոավոր դիտումը ազդում էր ոչ միայն բռնցքամարտիկի տեխնիկայի, այլև նրա կերպարի վրա: Այդ տեսանյութերը ձևավորել էին նրա կերպարը այնպես, որ նա ռինգ էր դուրս գալիս առանց երաժշտության, առանց խալաթի, սովորական սև վարտիքով: Լրագրողների հարցերին պատասխանելով նա ասել է, որ այդպես ռինգ դուրս գալով նա իրեն զգում է «գլադիատոր և մարտիկ»:

1987 թվականի հունիսի 22-ին Մայք Թայսոնը ձերբակալվել է: Նա մոտեցել է վճարովի ավտոկայանատեղիի աշխատակցին, հետո հարվածել է այդ աշխատակցին պաշտպանող գործընկերոջը: Գործը փակվել է 105 հազար դոլլար վճարելուց հետո:

1988 թվականը բեկումնային է եղել Թայսոնի համար: Նա աշխատանքից հեռացրել էր իր մարզիչ Կևին Ռունիին և ազատել էր ողջ թիմին: Դրանից հետո նրա կարիերան աստիճանաբար սկսել էր թուլանալ: 1988 թվականի փետրվարի 9-ին նա ամուսնացել է դերասանուհի Ռոբին Գիվենսի հետ: 1999 թվականի փետրվարի 14-ին նրանք հաստատվել են Դոմինիկյան Հանրապետությունում: Թայսոնը այդպես էլ չի ավարտել միջին դպրոցը: 1989 թվականին Դոն Քինգի հետ միասին Ուիլբերֆորս քաղաքի համալսարանում արժանացել են հասարակական գիտությունների դոկտորի պատվավոր կոչմանը:

1990 թվականին Մայքը թողել է պարապմունքները և սկսել է չարաշահել ալկոհոլը: Դրա հետևանքը եղավ 1990 թվականի փետրվարի 11-ին Ճապոնիայում նրա կրած պարտությունը «Բաստեր» Դուգլասից: Մինչև հիմա այդ մարտը բռնցքամարտի պատմության մեջ համարվում է ամենասենսացիոնը: YES Network ալիքին տված իր հարցազրույցում նա խոստովանել է, որ 1990 թվականի Դուգլասի դեմ մարտը իր կարիերայում լավագույնն է եղել:

  Ես միշտ կասեմ, որ դա եղել է իմ լավագույն մարտը: Ես միշտ այն կդնեմ առաջին տեղում: Դա տարօրինակ է, բայց Կաս Դ’Ամատոն միշտ ասում էր ինձ. «Դու պետք է հաղթես բոլորին: Դու ի վիճակի ես անել դա: Սակայն ի՞նչ կկատարվի, եթե հաղթեն քեզ: Դու կկարողանա՞ս խելքի գալ դրանից հետո:» Այս մարտը ապացուցեց, որ ես կարող եմ խելքի գալ դրանից:  


Այդ մարտից հետո Թայսոնը վերադարձել է մարզումների և սկսել բուժվել:

1991 թվականի հուլիսի 19-ին նրան մեղադրել են 18-ամյա Դեզիրե Վաշինգթոնի բռնաբարության մեջ: Շատերը ասում էին, որ դա տեղի է ունեցել Դեզիրեի համաձայնությամբ: Սակայն 1992 թվականի փետրվարի 10-ին Թայսոնը ձերբակալվել է: Նա բանտում մնացել է 3 տարի՝ 6 տարվա փոխարեն:

Անձնական կյանքԽմբագրել

Թայսոնը ամուսնացել է երեք անգամ: Առաջին անգամ ամուսնացել է դերասանուհի Ռոբին Գիվենսի հետ, երկրորդ անգամ՝ բժիշկ Մոնիկա Թյորների հետ: 2009 թվականի հունիսի 6-ին երրորդ անգամ ամուսնացել է Լաքի Սփայսերի հետ: Նրա երեխաներն են Դեամատա Քիլրեյնը (ծնվել է 1990 թվականին), Միքի Լորնան (ծնվել է 1990 թվականին), Ռեյնան (ծնվել է 1996 թվականի փետրվարի 16-ին), Ամիրը (ծնվել է 1997 թվականի օգոստոսի 5-ին), Միգել Լեոնը (ծնվել է 2002 թվականին), Էքսոդուսը (դժբախտ պատահարի հետևանքով մահացել է 2009 թվականին): Որդին՝ Մարոկո Իլիյան ծնվել է 2011 թվականի հունվարի 25-ին:

Թայսոնի եղբայրը ՝ Ռոդնի Թայսոնը հանդիսանում է Լոս Անջելես բժշկական համալսարանի վնասվածքաբանության կենտրոնի բժշկի օգնականն է: Թայսոնը դարձել է իսլամի հետևորդ[7]և սստացել է Մալիկ Աբդուլ Ազիզ անունը: 2009 թվականին դարձել է վեգան[8][9]:

2009 թվականի մայիսի 26-ին ԱՄՆ Ֆինիքս քաղաքում մահացել է նրա 4-ամյա աղջիկը՝ Էքսոդուսը:

Կարիերան սիրողական բռնցքամարտումԽմբագրել

Առաջին մարտը տեղի է ունեցել Holyoke ակումբում 1981 թվականին: Այդ ժամանակ նա եղել է 15 տարեկան: Ներկաները նրան անվանել են «Տանկ»: Նույն թվականին նա ունեցել է ևս 6 մարտ: Այդ մարտերում նա միայն մի անգամ է պարտություն կրել, այն էլ Էրնի Բեննետից:

Ամբողջ ազատ ժամանակը նա նվիրել է մարզումներին: Արդեն 1982 թվականին Թայսոնը մասնակցել է երիտասարդական օլիմպիական խաղերին: Իր առաջին հակառակորդին Թայսոնը հաղթել է ընդհամենը 8 վայրկյանում:

Եզրափակչում նա ռինգ է դուրս եկել Ջո Կորտեսի դեմ: Թայսոնը միանգամից անցել է հարձակման և իր մրցակցին նոկաուտի է ենթարկել մի քանի վայրկյանի ընթացքում:

1983 թվականին նա մասնակցել է «Ոսկե ձեռնոցներ» մրցախաղին: Այստեղ նա պարտություն է կրել միայն Էլ Էվանսից: Կրեյգ Պեյնի դեմ պարտությունից հետո նա ստացել է արծաթե մեդալ: Այդ որոշումը դժգոհություն է առաջացրել հանդիսատեսի շրջանում: Տարվա վերջին Կիմուել Օդումի դեմ մարտից առաջ նա որակազրկվել է:

1984 թվականին Թայսոնը հաղթանել է իր բոլոր մարտերում: Իր սիրողական կարիերայի տրամաբանական ավարտը եղել է 1984 թվականին Լոս Անջելեսում կայացած Օլիմպիական խաղերը: Եզրափակչի ճանապարհին նա առաջին ռաունդում տեխնիկական նոկաուտի է ենթարկել Կելտոն Բրաունին, միավորներով հաղթել է Էվերի Ռոուլսին և երկրորդ ռաունդում նոկաուտի է ենթարկել Հենրի Միլիգանին: Արդյունքում նա ծանր քաշային կարգում արժանացել է «Ոսկե ձեռնոցներ» մրցանակին:

Ընտրական մարտում Թայսոնը հանդիպել է Հենրի Թիլմանի հետ: Առաջին ռաունդում Թայսոնին հաջողվել է Թիլմանին նոկդաունի ենթարկել: Երկրորդ ռաունդում Թիլմանը ուղղակի սկսել է խուսափել Թսյսոնից: Վերջինս հաճախ հետապնդել է իր հակառակորդին և հասցրել ճշգրիտ հարվածներ: Երկրորդ ռաւնդում նույնպես Թիլմաը սկսել է խուսափել Թայսոնի հարվածներից: Սակայն Թայսոնին հաջողվել է մի քանի ուժեղ հարված հասցնել իր մրցակցին: Մարտի ավարտից հետո դատավորները 3:2 հաշվով հաղթանակը շնորհել են Թիլմանին: Որոշումը հայտարարելուց հետո դահլիճը սկսել է դժգոհել և սուլոցներ արձակել:

Այնուհետև նորից ընտրական պայքարում Թայսոնը հանդիպել է Հենրի Թիլմանի հետ: Նորից դատավորները հաղթանակը շնորհել են Թիլմանին: Շատերը մտածում էին, որ դատավորները չեն ցանկացել, որ Թայսոնը մասնակցի Օլիմպիական խաղերին: Դրա հիմնական պատճառը եղել է Թայսոնի ագրեսիվ պահվածքը: Այդ մարտերի ռևանշը տեղի է ունեցել միայն 1990 թվականի հունիսի 16-ին: Թայսոնը արդեն պրոֆեսիոնալ ռինգում առաջին ռաունդում նոկաուտի է ենթարկել Թիլմանին:

1984 թվականի սեպտեմբերի 16-ին Թայսոնը Տամպերում հաղթել է «Tammer» մրցախաղ: Նրա հակառակորդը եղել է Հական Բրոկը:

Կաս Դ’Ամատոն, տեսնելով Թայսոնի օլիմպիական խաղերում կրած տհաճ պարտությունը, սկսել է բռնցքամարտիկին պատրաստել պրոֆեսիոնալ ռինգ դուրս գալու համար: Նա հրավիրել է Բիլ Քեյթոնին և Ջիմ Ջեկոբսին, որոնք էլ նրան օգնել են բռնցքամարտիկի մարտական պատրաստությունները կատարելու գործում:

ՏիտղոսներԽմբագրել

  • 1981 — Երիտասարդական Օլիմպիական խաղերի չեմպիոն
  • 1982 — Երիտասարդական Օլիմպիական խաղերի չեմպիոն
  • 1983 — «Ոսկե ձեռնոցներ» մրցախաղի արծաթե մրցանակակիր
  • 1983 — 19-րդ ազգային առաջնության շրջանակներում ոսկե մեդալակիր
  • 1984 — 20-րդ ազգային առաջնության շրջանակներում ոսկե մեդալակիր
  • 1984 — Ծանր քաշային կարգում «Ոսկե ձեռնոցներ» մրցախաղի չեմպիոն
  • 1984 — «Չեմպիոնների մրցաշարի» ոսկե մեդալակիր
 
Թայսոնի ոսկե կիսանդրին

Կարիերան պրոֆեսիոնալ բռնցքամարտումԽմբագրել

Առաջին մարտԽմբագրել

1985 թվականի մարտի 5-ին Մայք Թայսոնը առաջին անգամ դուրս է եկել պրոֆեսիոնալ ռինգ: Պրոֆեսիոնալ ռինգում Թայսոնի առաջին հակառակորդը եղել է Հեկտոր Մերսեդեսը: 1985 թվականին Թայսոնը անց է կացրել 15 մարտ: Այդ մարտերում նա նոկաուտի է ենթարկել իր բոլոր մրցակիցներին:

Կարիերայի վերելքԽմբագրել

1986 թվականի հունվարին Թայսոնը հանդիպել է Մայք Ջեյմսոնին: Թայսոնը Ջեյմսոնին նոկդաունի է ենթարկել 4-րդ և 5-րդ ռաունդներում: Նա տեխնիկական նոկաուտի է ենթարկել Ջեյմսոնին 5-րդ ռաունդում: Ջեյմսոնը առաջինն էր, որին հաջողվել է դիմակայել Թայսոնին` մինչև 5-րդ ռաունդ: Երևի դրա պատճառը այն է եղել, որ Թայսոնը իր նախորդ մարտը անց էր կացրել 13 օր առաջ:

1986 թվականի փետրվարին Թայսոնը ռինգ է դուրս եկել Ջեսի Ֆերգյուսոնի դեմ: 5-րդ ռաունդի ավարտին Թայսոնը հակառակորդին մղել է ռինգի է անկյուն և իրականացրել աջ կրյուկ նրա իրանին: Սակայն Ֆերգյուսոնը կարողացել է պաշտպանվել այդ հարվածից: Այնուհետև Թայսոնը իրականացրել է աջ ապերկոտ, որի հետևանքով կոտրվել է Ֆերգյուսոնի քիթը: Ֆերգյուսոնը հայտնվել է ռինգի հատակին: Նա կանգնել է միայն 8 հաշվին: Թայսոնը փորձել է կրկին հարվածել նրան: Ռաունդի ավարտին մնացել էր 30 վայրկյան: Թայսոնը անցել է թռիչքային հարձակման, բայց Ֆերգյուսոնը կարողացել է դիմանալ մինչև ռաունդի ավարտը: 6-րդ ռաունդում Ֆերգյուսոնը անցել է կլինչի: Ռաունդի կեսերին Ֆերգյուսոնը բռնել է Թայսոնի ձեռքերից և բաց չի թողել: Մրցադատավորը փորձել է անջատել բռնցքամարտիկներին, բայց Ֆերգյուսոնը բաց չի թողել Թայսոնին: Այդ ժամանակ մրցադատավորը կանգնեցրել է մարտը և որակազրկել Ֆերգյուսոնին: Հետագայում, որպեսզի չխախտվի Թայսոնի ծառայությունների ցուցակը, Նյու Յորքի ատլետիկական հանձնաժողովը փոխել է մարտի արդյունքը՝ արձանագրելով տեխնիկական նոկաուտ:

1986 թվականի մարտին Թայսոնը հանդիպել է Սթիվ Զոուսկին: 3-րդ ռաունդում Զոուսկը միանգամից ընդունել է գլխի հարվածներ և ընկել է ռինգի հատակին: Մրցադատավորը հաշվել է 10 վայրկյան: Զոուսկը բարձրացել է միայն 11-րդ վայրկյանին: Մարտը ավարտվել է Թայսոնի հաղթանակով:

1986 թվականի մայիսին Թայսոնը հանդիպել է Ջեյմս Թիլիսի հետ: Թիլիսը Թայսոնի դեմ մարտից առաջ միավորների տարբերությամբ պարտություն էր կրել իր վերջին երեք մարտերում: Բոլորը մտածում էին, որ Թայսոնը նրան կհաղթի նոկաուտով: Հետաքրքրականն այն փաստն է, որ Թիլիսը իր մարտերի մեծ մասում տառապել է ալերգիայով: Այդ պատճառով նա հոգնել է մարտի կեսերից և չի կարողացել շարունակել պայքարը: Թայսոնի դեմ մարտից առաջ նա լրիվ բուժվել է և ռինգ է դուրս եկել լավ մարզավիճակում: Առաջին ռաունդում Թիլիսը բաց է թողել մի քանի ուժեղ հարված: Մարտի գագաթնակետը կարելի է համարել 5-րդ ռաուդնում Թայսոնի կատարած կողային հարվածը, որի արդյունքում Թիլիսը կորցրել է հավասարակշռությունը և ընկել, բայց բարձրացել է և շարունակել մարտը: Թիլիսը փորձել է հարձակվել և հիմնականում իրականացրել է ջեբ հարվածներ, որոնք հիմնականում հանդիպել են Թայսոնի դիմադրությանը: Թիլիսը դարձել է առաջինը, որը կարողացել է մինչև մարտի ավարտը պայքարել Թայսոնի դեմ: Վերջինս չի կարողացել նոկաուտի ենթարկել իր մրցակցին, բայց մարտում մեծ առավելություն ունենալով, հաղթող է ճանաչվել դատավորների միաձայն որոշմամբ:

1986 թվականի մայիսին Թայսոնը ռինգ է դուրս եկել Միտչ Գրինի դեմ: Այս մարտը Թայսոնը անց է կացրել Թիլիսի դեմ պայքարից 17 օր հետո: Միտչ Գրինը Թայսոնի դեմ մարտից առաջ ունեցել է միայն մեկ պարտություն և համարվել է հեռանկարային բռնցքամարտիկ: Կարելի է ուշադրություն դարձնել այն փաստին, որ Գրինը, ինչպես և Թայսոնը, մեծացել է Բրաունսվիլում, մանուկ հասակում հայտնվել է նույն ավազակախմբում, որտեղ հայտնվել էր Թայսոնը: Մարտի ժամանակ Թայսոնը ղեկավարել է ամբողջ մարտը: Նա իրականացրել է մի շարք հարված դեպի մրցակիցը և կարողացել է հրաշալի կերպով պաշտպանվել: 10-րդ ռաունդի ավարտից հետո դատավորների միաձայն որոշմամբ հաղթող է ճանաչվել: Այդ մարտից հետո Գրինը 7 տարի ռինգ դուրս չի եկել:

1986 թվականի հուլիսին Թայսոնը հանդիպել է Ռեջի Գրոսին: Ռաունդի ավարտին Գրոսին հաջողվել է հարձակվել Թայսոնի վրա և իրականացնել հզոր հարվածներ: Թայսոնը վարպետորեն պաշտպանվել է համարյա բոլոր հարվածներից և նույնիսկ հարվածել է Գրոսի ձախ կողին: Գրոսը հայտնվել է ռինգի հատակին: Թայսոնը իրականացրել է ևս մի քանի հարված դեպի իր մրցակիցը: Արդյունքում Գրոսը կրկին նոկդաունի է ենթարկվել: Գրոսը կանգնել է, սակայն այլևս ի վիճակի չի եղել պայքարել: Մրցադատավորը կանգնեցրել է մարտը:

Մարտ Մարվիս Ֆրեյզերի դեմԽմբագրել

1986 թվականի հուլիսին մարտ է տեղի ունեցել երկու ամենահեռանկարային մարզիկների՝ անհաղթելի Մայք Թայսոնի և հայտնի բռնցքամարտիկ Ջո Ֆրեյզերի որդու՝ Մարվիս Ֆրեյզերի միջև: Այդ ժամանակ Մարվիսը համարվել է Թայսոնի ամենավտանգավոր հակառակորդը: Իր կարիերայում Մարվիսը ուներ 16 հաղթանակ: Այդ հաղթանակների շարքում էին Ջեյմս Բրոադի, Ջեյմս Թիլիսի, Բերնարդ Բենտոնի, Ջո Բագների, Խոսե Ռիբալտայի, Ջեյմսոն Սմիթի դեմ կրած հաղթանակները: Մարվիսը ուներ միայն մեկ պարտություն, որը կրել էր Լարի Հոլմսից: Սակայն Մայք Թայսոնի դեմ մարտը եղել է նրա ամենաստորացուցիչ մարտը: Առաջին ռաունդում Թայսոնը իր մրցակցին հասցրել է անկյուն և իրականացրել աջ ապերկոտ: Ֆրեյզերը սկսել է ճոճվել: Թայսոնը միանգամից հասցրել է ևս մի քանի ուժեղ հարված: Ֆրեյզերը ընկել է: Մրցադատավորը սկսել է հաշվել, բայց տեսնելով, որ Ֆրեյզերը անշարժ պառկած է գետնին, դադարեցրել է հաշիվը: Թայսոնը ծանր նոկաուտի էր ենթարկել իր հակառակորդին: Ֆրեյզերը ուշքի է եկել միայն մի քանի րոպե անց: Մարտը տևել է ընդհամենը 30 վայրկյան: Դա Թայսոնի կարիերայում եղել է ամենակարճ մարտը: Այդ մարտից հետո Մարվիս Ֆրեյզերը ավելի քիչ հայտնի բռնցքամարտիկների հետ անց է կացրել ևս երեք մարտ և 1988 թվականին հեռացել բռնցքամարտից:

Մարտ Խոսե Ռիբալտայի դեմԽմբագրել

1986 թվականի օգոստոսի 17-ին Թայսոնը հանդիպել է Խոսե Ռիբալտային: Ռիբալտան եղել է լավ ֆիզիկական մարզավիճակում: Այդ պատճառով մարտը շարունակվել է մինչև 10-րդ ռաունդ: Սակայն Ռիբալտան 2-րդ, 8-րդ և 10-րդ ռաունդներում հայտնվել է ռինգի հատակին: 10-րդ ռաունդի նոկդաունից հետո Ռիբալտան բարձրացել է հատակից: Թայսոնը նրան սեղմել է լարերի վրա և մի շարք ուժեղ հարված հասցրել հակառակորդի գլխին: Մրցադատավորը կանգնեցրել է մարտը և արձանագրել տեխնիկական նոկաուտ:

Չեմպիոնական պայքար Տրևոր Բերբիկի դեմԽմբագրել

1986 թվականի նոյեմբերին Մայք Թայսոնը ռինգ է դուրս եկել WBC վարկածով աշխարհի չեմպիոն Տրևոր Բերբիկի դեմ: Բերբիկը միայն 1986 թվականի փետրվարին էր նվաճել տիտղոսը և դա նրա առաջին պաշտպանությունն էր: Առաջին ռաունդում Բերբիկը անցել է բաց հարձակման, բայց ստանալով մի շարք կոշտ հարված, դադարեցրել է հարձակումը: Ռաունդի ավարտից 20 վայրկյան առաջ Թայսոն իրականացրել է ձախ կողային հարված: Բերբիկը հազիվ է շարունակել մարտը և ռաունդի վերջին վայրկյաններին համարյա եղել է նոկաուտի եզրին: 2-րդ ռաունդի առաջին վայրկյաններին Թայսոնը հարվածներ է իրականացրել դեպի Բերբիկը, որի հետևանքով վերջինս նոկդաունի է ենթարկվել: Ռաունդի ավարտից 40 վայրկյան առաջ Թայսոնը աջ ապերկոտ հարված է հասցրել Բերբիկի ծնոտին, այնուհետև ձախ հուկ հարված՝ Բերբիկի գլխին:Այդ ժամանակ Բերբիկը մոտեցել է Թայսոնին, բայց ընկել: Բերբիկը երկու անգամ փորձել է բարձրանալ, բայց կորցրել է հավասարակշռությունը և ընկել ռինգի հատակին: Երրորդ փորձից հետո նրան հաջողվել է բարձրանալ: Սակայն Բերբիկը սկսել է տատանվել և մրցադատավորը կանգնեցրել է մարտը:

Մարտ Ջեյմս Սմիթի դեմԽմբագրել

1987 թվականի մարտին WBA վարկածով աշխարհի չեմպիոն Մայք Թայսոնը հանդիպել է Ջեյմս Սմիթի հետ: Սմիթը անընդհատ պաշտպանվել է Թայսոնի հարվածներից՝ դիմելով կլինչի: Դրա արդյունքում մրցադատավորը նրանից հանել է երկու միավոր: Թայսոնը ղեկավարել է ամբողջ մարտը: Միայն 12-րդ ռաունդում է Սմիթին հաջողվել ուժեղ հարված հասցնել Թայսոնին: Սակայն դա չի փոխել մարտի ընթացքը և Թայսոնը միավորների առավելությամբ հաղթել է Սմիթին: Ռուս հայտնի մեկնաբան Վլադիմիր Գելդլին ասել է.

  Սմիթը, տեսնելով, թե Թայսոնը ինչպես է վարվել Բերբիկի հետ, մտածել է, որ կարելի է ռիսկի դիմել: Նա բռնցքամարտը փոխել է ըմբշամարտի:  


Մարտ Պինկլոն Թոմասի դեմԽմբագրել

1987 թվականի մայիսին Թայսոնը ռինգ է դուրս եկել աշխարհի նախկին չեմպիոն Պինկլոն Թոմասի դեմ: «Երկաթե Մայքի» դեմ մարտից առաջ Թոմասի մարտերի ցուցակը լավ տեսք ուներ: Նա հաղթանակներ էր տարել աշխարհի նախկին չեմպիոններ Մայք Ուիվերի, Թիմ Ուիզերսպունի, Ալֆոնսո Ռատլիֆոմի և այլ վարկանշային ծանր քաշային կարգի բռնցքամարտիկների դեմ: 6-րդ ռաունդում Թայսոնը մրցակցին երկու ձեռքերով հասցրել է ապերկոտ և կրյուկ հարվածներ: Այդ հարվածների մեծամասնությունը հասել են իրենց նպատակին: Թայսոնը հարվածել է մրցակցի ծնոտի: Թոմասը ճոճվել է: Ձախ կրյուկ հարվածից հետո Թոմասը հայտնվել է ռինգի հատակին: Նա չի հասցրել կանգնել «10» հաշվին: Մրցադատավորը կանգնեցրել է մարտը: Թայսոնի դեմ մարտից հետո, Թոմասը այլևս նոկդաունի չի ենթարկվել: Այսինքն դա եղել է Թոմասի առաջին ու վերջին նոկդաունը:

Պայքար աշխարհի բացարձակ չեմպիոնի տիտղոսի համարԽմբագրել

1987 թվականի օգոստոսին աշխարհի բացարձակ չեմպիոնի տիտղոսի համար մարտ է տեղի ունեցել ծանր քաշային կարգի բռնցքամարտիկների՝ WBC և WBA վարկածով աշխարհի չեմպիոն Մայք Թայսոնի և IBF վարկածով աշխարհի չեմպիոն Թոնի Թաքերի միջև: Ծանր քաշային բռնցքամարտի պատմության մեջ առաջին անգամ հանդիպում էին աշխարհի երկու անհաղթելի գործող չեմպիոններ: Առաջին ռաունդում Թաքերին հաջողվել է անել այն, ինչ չի հաջողվել Թայսոնի նախկին հակառակորդներին: Թաքերը իրականացրել է ուժեղ ապերկոտ հարված դեպի Թայսոնը, որի հետևանքով վերջինս մի քանի քայլ հետ է գնացել: Սակայն Թաքերը այդպես էլ չի կարողացել հաջողության հասնել: Մարտի ընթացքում Թաքերը սկսել է խուսափել մարտից, անընդհատ դիմելով կլինչի: Մարտի երկրորդ կեսին Թայսոնը սկսել է հիմնականում աշխատել ձախ ձեռքով: Սակայն դա նրան չի խանգարել հաջողության հասնել: Վերջին ռաունդի ավարտին Թայսոնը Թաքերին հասցրել է ձախ կողային հարված: Թայսոնը հաղթել է դատավորների միաձայն որոշմամբ և ծանր քաշային կարգում դարձել է աշխարհի բացարձակ չեմպիոն: Թաքերը իր կարիերայում կրել է առաջին պարտությունը: Սակայն նա յուրահատուկ ռեկորդ է սահմանել: Իր հերթին Թայսոնը նույնպես ռեկորդ է սահմանել: Նա ծանր քաշային կարգում դարձել է աշխարհի ամենաերիտասարդ բացարձակ չեմպիոն:

Մարտ Տայրել Բիգսի դեմԽմբագրել

1987 թվականի հոկտեմբերին մարտ է տեղի ունեցել երկու անհաղթելի բռնցքամարտիկի՝ աշխարհի բացարձակ չեմպիոն Մայք Թայսոնի և Օլիմպիական չեմպիոն Տայրել Բիգսի միջև: Բիգսը համարվում էր պրոֆեսիոնալ ռինգի լավագույն բռնցքամարտիկներից մեկը: Տայրել Բիգսի դեմ մարտը եղել է Թայսոնի երազանքը, որը առաջացել էր դեռևս 1987 թվականին: Մայքը փորձում էր ապացուցել բոլորին, որ նա նույնպես կարող էր Ամերիկան ներկայացնել Օլիմպիական խաղերում: Տայրել Բիգսը փորձել է Թայսոնին պարտության մատնել իր արագ հարվածներով: Սակայն անկախ ամեն ինչից Թայսոնը ղեկավարել է ամբողջ մարտը՝ հարվածներ իրականացնելով մրցակցի դեմքին և իրանին: 3-րդ ռաունդում արդեն պարզ էր, որ Երկաթե Թայսոնը կարող է միանգամից նոկաուտի ենթարկել իր մրցակցին: Սակայն ձախ կրյուկ հարվածով Թայսոնը Բիգսին նոկաուտի է ենթարկել միայն 7-րդ ռաունդում: Մարտից հետո Թայսոնը ասել է.

  Ես կարող էի Տայրել Բիգսին նոկաուտի ենթարկել 3-րդ ռաունդում: Սակայն ես դա չարեցի: Ես ուզում էի, որ նա երկար ժամանակ հիշի իմ հարվածը և այդ գիշերը:  


Մարտ Լարի Հոլմսի դեմԽմբագրել

1988 թվականի հունվարին բացարձակ չեմպիոնի տիտղոսի համար մարտ է տեղի ունեցել երկու լեգենդի՝ Մայք Թայսոնի և ամբողջ աշխարհում հայտնի Լարի Հոլմսի միջև: Մարտից առաջ Հոլմսը նվաստացրել է Թայսոնին, որի համար էլ պատասխան է տվել: Թայսոնը ղեկավարել է ամբողջ մարտը: 4-րդ ռաունդում Թայսոնը երեք անգամ իր մրցակցին հասցրել է ռինգի լարերի մոտ և նոկաուտի ենթարկել: Հոլմսը առաջին անգամ պարտվել է նոկաուտով: Վերջին 5 վայրկյանների ընթացքում Հոլմսը եղել է շոկի մեջ և չի հասկացել, թե ինչ է կատարվում ռինգում: Մարտից հետո Հոլմսը ներեղություն է խնդրել Թայսոնից: Այդ մարտի կարևորությունն այն էր, որ Հոլմսը երբեք նոկաուտի չէր ենթարկվել և մինչև իր կարիերայի ավարտն այդպիսի դեպք չէր գրանցվել:

Մարտ Թոնի Տաբսի դեմԽմբագրել

1988 թվականի մարտին Թայսոնի աշխարհի չեմպիոնի տիտղոսի առաջին պաշտպանությունն էր: Նա ռինգ էր դուրս եկել Թոնի Թաբսի դեմ: Վերջինիս քաշը եղել է 105 կգ, իսկ հասակը 182 սմ: Մարտը անց է կացվել Ճապոնիայում՝ բաց մարզադաշտում: Ծանր Թաբսը իրեն լավ է դրսևորել առաջին ռաունդում: Սակայն երկրորդ ռաունդում Թայսոնը դեպի իր մրցակիցը իրականացրել է ձախ կողային հարված: Տաբսը հետ է գնացել և ընկել: Նա չի կարողացել բարձրանալ և շարունակել մարտը:

Մարտ Մայքլ Սպինկսի դեմԽմբագրել

1988 թվականի հունիսին մարտ է տեղի ունեցել երկու անհաղթելի բռնցքամարտիկների՝ ծանր քաշային կարգում աշխարհի բացարձակ չեմպիոն Մայք Թայսոնի և միջին ծանր քաշային կարգում աշխարհի նախկին բացարձակ չեմպիոն, ինչպես նաև ծանր քաշային կարգում IBF վարկածով աշխարհի չեմպիոն Մայքլ Սպինկսի միջև: Առաջին անգամ, Մուհամմեդ Ալիի և Ջո Ֆրեյզերի միջև տեղի ունեցած առաջին մարտից հետո ռինգում հայտնվել էին երկու անհաղթելի բռնցքամարտիկ՝ նախկին և գործող աշխարհի չեմպիոնները: Մարտի ֆավորիտը եղել է Մայք Թայսոնը: Առաջին ռաունդում Թայսոնը աջ ապերկոտ հարված է հասցրել մրցակցի կզակին, հետո իրականացրել է աջ կրյուկ նրա իրանին: Սպինկսը իջել է ծնկների վրա: Նա կանգնել է միայն 3 հաշվին: Մարտը վերսկսվելուց հետո Թայսոնը կրկին աջ ապերկոտ հարված է հասցրել իր մրցակցին, որի հետևանքով վերջինս հայտնվել է ռինգի հատակին: Մրցադատավորը հաշվել է մինչև «10», բայց տեսնելով, որ Սպինկսը չի կանգնում դադարեցրել է մարտը: Ռաունդը The Ring ամսագրի կողմից ճանաչվել է «Տարվա ռաունդ»[10]: Այս մարտում Թայսոնը նոր ռեկորդ է սահմանել: Նա այդ ժամանակ աշխատել է իր ամենամեծ հոնորարաը (22 միլիոն դոլար)՝ ամենակարճ ժամանակահատվածում (91 վայրկյան): Սփինքսը աշխատել է 13.5 միլիոն դոլար:

1988 թվականի օգոստոսի 23-ին Մայք Թայսոնի և Միտչ Գրիչնի միջև ընդհարում է տեղի ունեցել, որի ընթացքում Մայքը կոտրել է Միտչի քթարմատը: Բաց բռունցքով հարվածի պատճառով Թայսոնը վնասել է իր դաստակը: Այդ ամենի արդյունքում հետաձգվել է Մայք Թայսոնի և Ֆրենկ Բրունոյի միջև պլանավորված առաջին մարտը[11]:

1989 թվականին Թայսոնը հեռացրել է այն ողջ անձնակազմին, որը նրան մեծ հաջողությունների էր հասցրել: Նրանց փոխարեն վարձել է մի քանի խաբեբա: Նա համարյա սկսել է չմարզվել: Սակայն նույնիսկ այդ դեպքում նա կարողացել է դիմանալ մինչև վերջին ռաունդները, բայց մարտերի ընթացքում սկսել է ավելի քիչ հարվածներ հասցրել, սկսել է բաց և պարզ մարտ վարել:

Մարտ Ֆրենկ Բրունոյի դեմ (1989)Խմբագրել

1989 թվականի փետրվարին Թայսոնը հանդիպել է բրիտանացի ուժեղագույն ծանր քաշային կարգի բռնցքամարտիկ Ֆրենկ Բրունոյին: Այդ ժամանակ Թայսոնը ամուսնալուծության պատճառով գտնվում էր դատավեճերի մեջ: Նա ՔԿԱԳ-ից միանգամից վազել է ռինգ: Մարտից առաջ նա մարզվել է միայն երկու շաբաթ: Արդեն մարտի առաջին վայրկյաններին Թայսոնը Բրունոյին փռել է գետնին: Մրցադատավորը արձանագրել է առաջին նոկդաունը: Սակայն Բրունոն բարձրացել է և շարունակել մարտը: 5-րդ ռաունդում Թայսոնը բրիտանացուն հասցրել է լարերի մոտ և անտարբեր հարվածներ հասցրել նրան: Մարտը ավարտվել է Թայսոնի հաղթանակով:

Մարտ Կառլ Ուիլյամսի դեմԽմբագրել

1989 թվականի հուլիսին Թայսոնը ռինգ է դուրս եկել ԱՄՆ-ի չեմպիոն Կառլ Ուիլյամսի դեմ: Առաջին ռաունդում Ուիլյամսը իրականացել է ջեբ հարված: Ի պատասխան դրա Թայսոնը ձախ ապերկոտ հարված է հասցրել մրցակցի ծնոտին: Դրա հետևանքով Ուիլյամսը հայտնվել է ռինգի հատակին և բարձրացել է միայն 8 հաշվին: Սակայն մրցադատավոր Ռենդի Նյումանը, նայելով նրան, կանգնեցրել է մարտը: Մրցադատավորը հարցազրույցի ժամանակ հայտարարել է, որ նա հարցրել է Ուիլյամսին, թե նա պատրաստ է արդյոք շարունակել մարտը: Սակայն Ուիլյամսը չի պատասխանել, և այդ պատճառով էլ նա կանգնեցրել է մարտը: Ուիլյամսը նույնպես մարտից հետո ասել է, որ նա նոկդաունի մեջ է եղել, ոչ թե նոկաուտի, և երբ մրցադատավորը նրան հարցրել է մարտը շարունակելու մասին, նա բարձրացրել է ձեռքը և չգիտի, թե ինչու է մրցադատավորը կանգնեցրել մարտը:

Մարտ Բաստեր Դագլասի դեմԽմբագրել

1990 թվականին Թայսոնը եղել է ընդամենը 23 տարեկան: Ամուսնալուծությունից և դատական քննություններից հետո Թայսոնը եղել է ֆիզիկական և հոգեբանական ծանր վիճակում: 1990 թվականի փետրվարի 11-ին տիտղոսային պայքար է տեղի ունեցել Մայք Թայսոնի և Ջեյմս «Բաստեր» Դագլասի միջև: Աշխարհի վարկանշային աղյուսակում Դագլասը զբաղեցրել է միայն 7-րդ տեղը: Նա ուներ 29 հաղթանակ, 1 ոչ ոքի և 4 պարտություն: Թոնի Թաքերի դեմ մարտից հետո Ջեյմս Դագլասը բռնցքամարտիկի համբավ էր ձեռք բերել, որը կարող էր «կոտրվել»: Մի քանի լրագրող մեկնել էին Տոկիո մարտը լուսաբանելու համար: Թայսոնը մտածում էր, որ իր մրցակիցը ոչ մի սպառնալիք չի իրականացնում իրենից, և չէր մարզվել: Այդ պատճառով Թայսոնը գտնվում էր վատ մարզավիճակում: Դրան հակառակ Դագլասը ֆիզիկապես և հոգեպես պատրաստ էր այդ մարտին: Չեմպիոնը մարտում դանդաղ է գործել: 8-րդ ռաունդում Թայսոնը աջ ապերկոտ հարված է հասցրել մրցակցի ծնոտին: Դագլասը նոկդաունի է ենթարկվել: Նա գետնին է մնացել 10 վայրկյանից ավել: Մրցադատավոր Օկտավիո Մեյրանը միանգամից չի սկսել հաշվել: «7» հաշվին մրցադատավորը կանգնեցրել է հաշիվը, շրջվել և կրկին շարունակել հաշիվը: «10» հաշվին Դագլասը դեռևս գետնին է եղել, բայց մրցադատավորը նրան հնարավորոթյուն է տվել շարունակել մարտը: Ընդհանուր հաշվով Դագլասը գետնին է մնացել 16 վայրկյան: 9-րդ ռաունդում արդեն պարզ էր, որ Թայսոնը հոգնել է: 10-րդ ռաունդում Դագլասը աջ ապերկոտ հարված է հասցրել Թայսոնի ծնոտին, իսկ հետո ձախ և աջ կրոս: Թայսոնը ընկել է: Թայսոնի բերանի հարմարանքը դուրս է թռչել: Թայսոնը համարյա բարձրացել է հատակից, բայց մրցադատավորը հաշվել է մինչև ութը և կանգնեցրել է մարտը: Մարտը կանգնեցնելուց հետո դատավորների հաշիվը ոչ ոքի է ցույց տվել՝ Լարի Ռոզադիլա (82-88 Դուգլաս), Կեն Մորիտա (87-86 Թայսոն), Մասկաձու Ուտիդա (86-86): Մարտից հետո Դոն Քինգը հայտարարել է, որ մրցադատավորը մի քիչ երկար է հաշվել Դուգլասի նոկդաունի ժամանակ: Նույնիսկ դա կարելի է նոկաուտ համարել: Մարտից հետո Թայսոնը սկսել է բուժվել ալկոհոլիզմից: Առհասարակ նա մարտից առաջ անկանոն է մարզվել, շատ ալկոհոլ է օգտագործել: Ավելի ուշ նա նշել է, որ ընդհանրապես չի մարզվել:

Մարտ Հենրի Թիլմենի դեմԽմբագրել

Դագլասի դեմ անհաջող պարտություն կրելուց հետո Թայսոնը ռևանշ է պահանջել Դագլասից: Սակայն վերջինս հրաժարվել է: Թայսոնի թիմը առաջարկել է Թոմաս Խիրնսին ռինգ դուրս գալ Թայսոնի դեմ, բայց Թոմասն անիրական պահանջներ է առաջարկել: Նա ասել է, որ Թայսոնի հետ կհանդիպի միայն այն դեպքում, երբ նա նիհարի մինչև 90 կգ և մարզվի այնպես, ինչպես մարզվել էր Դագլասի դեմ մարտից առաջ:

1990 թվականի հունիսին Թայսոնը ռինգ է դուրս եկել Թիլմենի դեմ: Առաջին ռաունդի ավարտին Թայսոնը աջ հուկ հարված է իրականացրել մրցակցի գլխին, որի հեետևանքով նա հայտնվել է գետնին: «10» հաշվին Թիլմենը դեռ պառկած է եղել գետնին:

Մարտ Ալեքս Ստյուարտի դեմԽմբագրել

1990 թվականի դեկտեմբերին Թայսոնը ռինգ է դուրս եկել Ալեքս Սթյուարտի դեմ: Մարտը ստացել է «Կոշտ սև մարտ» անվանումը: Սկզբում Թայսոնը պետք է հանդիպեր Ռենալդո Սնայփսի հետ: Սակայն Սնայփսը Ջեյմի Խոուի դեմ մարտում կոտրել էր աջ ձեռքը: Այդ պատճառով Թայսոնի հակառակորդը դարձել էր Ալեքս Սթյուարտը: Առաջին ռաունդում Թայսոնը աջ կրյուկ հարված է իրականացրել Սթյուարտի գլխին, որի հետևանքով նա հայտնվել է ռինգի հատակին: Սթյուարտը բարձրացել է «5» հաշվին: Մեկ րոպե անց նա նույն հարվածով մրցակցին կրկին գետնին է հավասարեցրել: Սթյուարտը բարձրացել է «10» հաշվին և մրցադատավորը հնարավորություն է տվել շարունակել մարտը: Նորից մեկ րոպե անց Թայսոնը աջ կրյուկ հարված է իրականացրել մրցակցի ծնոտին և նա կրկին հայտնվել է գետնին: Այդ անգամ Սթյուարտը նույնիսկ չի էլ փորձել բարձրանալ գետնից: Թայսոնը հաղթել է նոկաուտով:

Թայսոնին դուր չէր գալիս HBO ալիքի մեկնաբան Լարի Մերչանտայի քննադատությունները իր հասցեին։ Նա հեռուստաալիքի կառավարության առաջ պահանջ է դրել կամ ես կամ Մերչանտան։ Ղեկավարությունը ընտրել է Մերչանտային։ Թայսոնը НВО ալիքից հեռացել է Showtime ալիք։

Մարտ Դոնովան Ռադոկի դեմԽմբագրել

1991 թվականի մարտին Թայսոնը հանդիպել է Դոնովան Ռադոկին: Ռադոկը այդ ժամանակ համարվել է ծանր քաշային ուժեղագույն բռնցքամարտիկներից մեկը: Նրա և Մայք Թայսոնի միջև մարտը պլանավորվել էր դեռևս 1990 թվականին: Այդ մարտը դիտվել է որպես երկու լավագույն ծանր քաշայինների հանդիպում: Ռադոկը նոկդաունի է ենթարկվել 2-րդ և 3-րդ ռաունդներում: 7-րդ ռաունդում Թայսոնը ձախ հուկ հարված է հասցրել մրցակցի ծնոտին: Ռադոկը ճոճվել է և հայտնվել է պարանի վրա: Մրցադատավոր Ռիչարդ Ստիլը անսպասելի կանգնեցրել է մարտը: Որոշումը վիճարկվել է: Մարտը կանգնեցվելուց հետո ծեծկռտուք է սկսվել երկու կողմերի միջև: Թիկնապահների հայտնվելուց հետո վիճաբանությունը դադարեցվել է:

1991 թվականին կայացել է երկրորդ մարտը Ռադոկի և Թայսոնի միջև: Մարտը եղել է համառ և դաժան: Այս անգամ Թայսոնը հաղթել է միավորների առավելությամբ: Ռադոկը նոկդաունի է ենթարկվել 2-րդ և 4-րդ ռաունդներում: Ռադոկը այդ մարտում ցույց է տվել տղամարդկություն և հաղթելու ցանկություն: Դրա հիմնական ապացույցը կարելի է համարել այն փաստը, որ 8-րդ ռաունդում նա մարտը անց է կացրել կոտրված ծնոտով: Դրանից հետո Ռադոկի կարիերան նվազել է: Ավելի ուշ նա հայտարարել է, որ Թայսոնի դեմ մարտից հետո նա կորցրել է իր ֆիզիկական և հոգեկան ուժերը:

Վերադարձ դեպի ռինգԽմբագրել

1995 թվականին Թայսոնը վերադարձել է բռնցքամարտ: Նրա վերադարձը ռինգ արժանացել է «տարվա իրադարձություն» կարգավիճակին: Սակայն մարտից հետո Թայսոնի ոճը լրիվ փոխվել էր: Ավելի էր ուժեղացել հարվածի ուժգնությունը և հարձակումը: Սակայն տոկունությունը և պաշտպանությունը կտրուկ նվազել էր: Փոխվել էր նաև մարզումների կարգը: Նա արդեն այդքան ժամանակ չէր տրամադրում ֆիզիկական պատրաստություններին: Գլխավորը ֆիզիկական վիճակի պահպանումն էր:

Մարտ Փիթեր Մակնիլի դեմԽմբագրել

1995 թվականի օգոստոսին Թայսոնը ռինգ է դուրս եկել Փիթեր Մակնիլի դեմ: Առաջին ռաունդում Թայսոնը աջ կրյուկ հարված է հասցրել մրցակցի գլխին, որից հետո Մակնիլը հայտնվել է գետնին: Այնուհետև կանգնել է և սկսել է վազել ռինգում: Մրցադատավորը գրանցել է առաջին նոկդաունը: Մարտը շարունակվել է: Թայսոնը իրականացրել է հաջող հարձակում և աջ ապերկոտ հարվածով Մակնիլին կրկին նոկդաունի է ենթարկել: Մրցադատավոր Միլս Լեյնը սկսել է հաշվել: Մակնիլի անկյունից մարդիկ են դուրս եկել ռինգ: Մրցադատավորը նրանց խնդրել է հեռանալ: Սակայն նրանք հրաժարվել են: Դրանից հետո Լեյնը որոշել է որակազրկել Մակնիլին: Փիթերը տեսախցիկների դիմաց գոռացել է, որ շուտով կվերադառնա և բոլորին ցույց կտա, թե ինչի է նա իրականում ընդունակ:

Մարտ Բաստեր Մատիսի դեմԽմբագրել

1995 թվականի դեկտեմբերին Թայսոնը ռինգ է դուրս եկել անհաղթելի Բաստեր Մատիս կրտսերի դեմ: 3-րդ ռաունդում աջ ապերկոտ հարվածով Թայսոնը Մատիսին հավասարեցրել է գետնին։ Մատիսը չի կարողացել բարձրանալ«10» հաշվին: Մրցադատավորը նոկաուտ է արձանագրել:

Չեմպիոնական մարտ Ֆրենկ Բրունոյի դեմ (1996)Խմբագրել

1996 թվականի մարտին Մայք Թայսոնի և Ֆրենկ Բրունոյի միջև ռևանշ է կայացել: Ամեն ինչ արդեն պարզ է դարձել առաջին ռաունդից: Այդ ժամանակ Թայսոնը սկսել է հարվածներ իրականացրել Բրունոյի գլխին: Բրունոն կլինչի է դիմել: Դա նրան օգնել է Թայսոնին դիմակայել առաջին ռաունդում: Երկաթե Մայքը այդ մարտում կարողացել է իրեն ավելի լավ դրսևորել, քան իր վերջին մարտերում, որոնք տեղի էին ունեցել բանտից դուրս գալուց հետո: 3-րդ ռաունդում Թայսոնը աջ հարված է հասցրել մրցակցի իրանին, ձախ հուկ հարված՝ ծնոտին, հետո հարվածների շարք է իրականացրել երկու ձեռքերով: Այս ամենը ավարտվել է աջ ապերկոտի հարվածներով: Բրունոն հայտնվել է լարերի վրա և մրցադատավորը կանգնեցրել է մարտը: WBC վարկածով չեմպիոնական տիտղոսը անցել է Մայք Թայսոնին:

Չեմպիոնական մարտ Բրյուս Սելդոնի միջև (1996)Խմբագրել

1996 թվականի սեպտեմբերին Թայսոնը հանդիպել է WBA վարկածով աշխարհի չեմպիոն Բրյուս Սելդոնի դեմ: Թայսոնը միանգամից հարձակման է անցել: Երբ Թայսոնը Սելդոնին հասցրել է լարերի մոտ, վերջինս սկսել է անընդհատ կլինչի դիմել: Ռաունդի միջին հատվածում Թայսոնը ձախ ջեբ հարված է իրականացրել մրցակցի գլխին: Սելդոնը ընկել է հատակին և բարձրացել միայն «4» հաշվին: Կանգնելուց անմիջապես հետո Թայսոնը ձախ հուկ է իրականացրել Սելդոնի գլխին, որից հետո վերջինս կրկին հայտնվել է գետնին: Սելդոնը բարձրացել է «5» հաշվին: «7» հաշվին նա սկսել է տատանվել: Նա շրջվել է և մոտեցել ռինգի անկյունին: Դրանից հետո մրցադատավորը անմիջապես կանգնեցրել է մարտը: Կարելի է նշել, որ մարտից անմիջապես հետո մահացել է Թայսոնի ամենամտերիմ ընկեր Տուպակ Շակուրը: Թայսոնը հաղթել է WBA վարկածով չեմպիոնի տիտղոսը և դարձել աշխարհի եռակի չեմպիոն: Այդ մարտում Թայսոնը աշխատել է 25 միլիոն դոլար:

Մարտ Էվանդեր Հոլիֆիլդի դեմ (1996)Խմբագրել

1996 թվականի նոյեմբերին մարտ է տեղի ունեցել Մայք Թայսոնի և Էվանդեր Հոլիֆիլդի միջև: Այդ մարտի պատրաստությունները սկսվել էին դեռ այն ժամանակ, երբ Թայսոնը հայտնվել էր բանտում: Մարտի ֆավորիտը համարվել է Թայսոնը: Առաջին 5 ռաունդները անցել են փոփոխական հաջողություններով: Սակայն Թայսոնը մի փոքր առավելություն է ունեցել: 6-րդ ռաունդում Հոլիֆիլդը գլխով հարվածել է Թայսոնին, որից հետո վիրավորվել է Թայսոնի ձախ աչքը: Հետո Հոլիֆիլդը ձախ հուկ է իրականացրել Թայսոնի իրանին: Թայսոնը միայն տատանվել է և կորցրել հավասարակշռությունը: Նա բարձրացել է «5» հաշվին: 7-րդ ռաունդի ավարտից 15 վայրկյան առաջ Թայսոնը հարձակման է անցել: Հոլիֆիլդը առաջ է նետվել գլխով: Ուժեղ բախման հետևանքով վիրավորվել է Թայսոնի ձախ աչքը: Սակայն մրցադատավորը նորից այս հարվածը չկանխամտածված է համարել: 10-րդ ռաունդում Հոլիֆիլդը աջ կրոս հարված է իրականացրել Թայսոնի ծնոտին: Թայսոնը տատանվել է: Հոլիֆիլդը ևս մի քանի կրոս հարվածներ է իրականացրել: Թայսոնը փորձել է կլինչի դիմել, բայց չի հաջողվել: Հոլիֆիլդը ուղիղ աջ կրոս հարված է իրականացրել: Թայսոնը հետ է շարժվել դեպի լարը: Հոլիֆիլդը հարվածների տարափ է իրականացրել մրցակցին: Այդ ժամանակ հնչել է զանգը: Showtime-ի մեկնաբանը նշել է, որ զանգը փրկել է Թայսոնին: 11-րդ ռաունդում Հոլիֆիլդը հարվածներ է հասցրել Թայսոնի գլխին: Թայսոնը չի պատասխանել: Հետո իրականացրել է աջ և ձախ հուկ հարվածներ: Թայսոնը կրկին հայտնվել է լարերի մոտ: Հոլիֆիլդը հարձակվել է և իրականացրել ձախ կրոս հարված: Մրցադատավորը միջամտել է և դադարեցրել մարտը: Թայսոնը որոշումը չի վիճարկել: Հոլիֆիլդը դարձել է մարտի հաղթող։ Հետաքրքրական է այն փաստը, որ մարտից առաջ Թայսոնը հանգստացել է 63 օր, իսկ Հոլիֆիլդը՝ 183։ Մարտը «Ռինգ» ամսագրի կողմից ստացել է «տարվա մարտ» տիտղոսը: Թայսոնը այդ մարտի համար ստացել է 30 միլիոն դոլար, իսկ Հոլիֆիլդը՝ 5:

Մարտ Էվանդեր Հոլիֆիլդի դեմ (1997)Խմբագրել

1997 թվականի հուլիսին երկրորդ մարտն է տեղի ունեցել Մայք Թայսոնի և Էվանդեր Հոլիֆիլդի միջև: Ռևանշի ժամանակ նույնպես Թայսոնը ֆավորիտ է համարվել: Սկզբում նույն մրցադատավորն է նշանակված եղել, բայց Թայսոնի թիմը բողոքել է: Վերջնական մրցադատավորը դարձել է Միլս Լեյնը: Դա եղել է ժամանակի ամենաթանկ մարտը: Բոլոր 16 հազար տոմսերը վաճառվել են հենց առաջին օրը: Հոլիֆիլդը մարտում անընդհատ խախտել է կանոնները: 2-րդ ռաունդում Հոլիֆիլդը գլխով հարվածել է Թայսոնին, որից հետո Թայսոնի մոտ պատռվածք է հայտնվել: Թայսոնը մոտեցել է մրցադատավորին, բայց նա չի անդրադարձել այդ հարցին: Ամբողջ ռաունդի ընթացքում Հոլիֆիլդը բռնել է նրա ձեռքերից և թույլ չի տվել շարժվել: Արդեն ռաունդի միջին մասում Հոլիֆիլդը այնպես է ընկել Թայսոնի վրա, որ երկու բռնցքամարտիկներն էլ համարյա հայտնվել են գետնին: Ռաուդնի ավարտից 45 վայրկյան առաջ Հոլիֆիլդը հարվածել է Թայսոնի ծոծրակին և փորձել է կրկնել հարվածը: Մրցադատավորը բաժանել է բռնցքամարտիկներին: Թայսոնը նորից է մոտեցել մրցադատավորին, բայց այս անգամ նույնպես ուշադրության չի արժանացել: Թայսոնը հարձակման է անցել, բայց ռաունդը ավարտվել է: 3-րդ ռաունդը սկսվել է Թայսոնի հարձակմամբ: Նրա հարվածները հիմնականում հասել են իրենց նպատակին: Ամբողջ ռաունդի ընթացքում Թայսոնը առավելություն է ունեցել: Նա համարյա հարվածներ չի բաց թողել և հաճախակի է անցել հարձակումների: Ռաունդի ավարտից 40 վայրկյան առաջ Թայսոնը հարձակվել է Հոլիֆիլդի վրա, բայց Հոլիֆիլդը բռնել է նրան և հարվածել գլխով: Ի պատասխան դրա, Թայսոնը կծել է Հոլիֆիլդի աջ ականջը: Թայսոնը հարվածել է նրա մեջքին: Մրցադատավորը կանգնեցրել է մարտը: Բժիշկը զննել է Հոլիֆիլդին և ասել, որ նա կարող է շարունակել մարտը: Մրցադատավորը պատժել է Թայսոնին: Նա երկու միավոր է հանել Թայսոնի ընդհանուր միավորներից: Մարտը վերականգնվել է և երրորդ ռաունդին ավելացվել է 30 վայրկյան: Թայսոնը միանգամից հարվածներ է հասցրել մրցակցի իրանին: Ռաունդի ավարտից 20 վայրկյան առաջ Հոլիֆիլդը գլխով հարվածել է Թայսոնի ունքին: Թայսոնը, ի պատասխան դրա, կծել է Հոլիֆիլդի ձախ ականջը: Վերջինս սկսել է ոստյուններ կատարել, բայց մարտը չի կանգնեցվել: Թայսոնը հարձակվել է Հոլիֆիլդի վրա և հարվածներ իրականացրել: Հոլիֆիլդը փորձել է պատասխանել այդ հարվածներին, բայց չի կարողացել: Թայսոնը կրկին է հարվածել Հոլիֆիլդին, բայց ռաունդը ավարտվել է: Հոլիֆիլդը դուրս չի եկել 4-րդ ռաունդ: Ծեծկռտուք է սկսվել: Թիկնապահները և ոստիկանները պահել են Թայսոնին, որը փորձել է մոտիկանալ Հոլիֆիլդին: Այդ պատճառով Թայսոնը որակազրկվել է: Թայսոնը այդ մարտի համար ստացել է 20 միլիոն դոլար, իսկ Հոլիֆիլդը՝ 15: Կծելու արդյունքում նա զրկվել է բռնցքամարտիկի արտոնագրից, տուգանվել է 3 միլիոն դոլար: Դրա հետ միաժամանակ նա հոգացել է դատական ծախսերը: 1998 թվականի հոկտեմբերի 18-ին վերականգնվել է Թայսոնի արտոնագիրը: «Թայսոն» ֆիլմում Մայքը հայտարարել է, որ դա արել է ի պատասխան մրցակցի գլխային հարվածների: 2009 թվականի հոկտեմբերի 16-ին Օպրը Ուինֆրիի շոուի ժամանակ Թայսոնը ներեղություն է խնդրել Հոլիֆիլդից: Վերջինս ընդունել է Թայսոնին և ներել նրան[12][13][14]:

Արտոնագրի վերականգնումԽմբագրել

1999 թվականին վերականգնվել է Թայսոնի բռնցքամարտի արտոնագիրը։ Թայսոնի արտոնագրի վերականգնումը արժանացել է «տարվա իրադարձություն» տիտղոսին։ Սակայն Թայսոնը արդեն առաջվանը չէր։ Արդեն նա սկսել է մարզվել իր մարտերից կես ամիս առաջ։ Հիմնականում մենամարտել է ոչ այդքան ուժող, բայց վարկանշային բռնցքամարտիկների դեմ։

1999 թվականի հունվարին Թայսոնը հանդիպել է հարավաֆրիկացի բռնցքամարտիկ Ֆրանսուա Բոտայի հետ։ Թայսոնը թերագնահատել է իր հակառակորդին և քիչ է մարզվել։ Երկրորդ ռաունդում մրցադատավորը միավորներ է հանել Թայսոնից։ Այնուամենայնիվ Թայսոնը հաղթել է այդ մարտում։ Հինգերորդ ռաունդում Թայսոնը աջ կրոս հարված է հասցրել մրցակցի ծոծրակին։ Դրա արդյունքում Բոտան հայտնվել է ռինգի հատակին։ Բոտան բարձրացել է «10» հաշվին, բայց տատանվել է։ Մրցադատավորը նոկաուտ է արձանագրել։

Մարտ Ջուլիուս Ֆրենսիսի դեմԽմբագրել

2000 թվականի հունվարին Թայսոնը հանդիպել է Մեծ Բրիտանիայի չեմպիոն Ջուլիուս Ֆրենսիսիսին: Ֆրենսիսը 5 անգամ վայր է ընկել: 5-րդ անգամ ընկնելուց հետո մրցադատավորը կանգնեցրել է մարտը: Թայսոնը նոկաոտւտով հաղթել է 2-րդ ռաունդում:

Մարտ Օրլին Նորիսի դեմԽմբագրել

1999 թվականի հոկտեմբերին Թայսոնը հանդիպել է Օրլին Նորիսին: Առաջին ռաունդում Թայսոնը ձախ հուկ հարված է իրականացրել մրցակցի ծնոտին և նա հայտնվել է ռինգի հատակին: Մրցադատավորը Թայսոնից հանել է 2 միավոր: Նորիսը դուրս չի եկել 2-րդ ռաունդ: Բժիշկը զննել է նրան և ասել, որ ամեն ինչ կարգին է: Սակայն Նորիսը չի ցանկացել ռինգ դուրս գալ: Նորիսը հայտարարել է, որ ընկնելուց հետո վնասել է ծունկը: Թայսոնը ասել է, որ իր անկյունը գնալիս Նորիսը ոչ մի խնդիր չի ունեցել և իր ոտքը վնասել է այն ժամանակ, երբ նստել է աթոռին:

Մարտ Լու Սավարեզեի դեմԽմբագրել

2000 թվականի հունիսին Թայսոնը հանդիպել է Լու Սավարեզեին: Սավարեզեն նախկին մարտում հաղթել էր Ջեյմս Դագլասին: Առաջին ռաունդում Թայսոնը ձախ հուկ հարված է հասցրել Սավարեզեին, որի արդյունքում վերջինս հայտվել է նոկդաունում: Երբ բռնցքամարտիկը կանգնել է և փորձել շարունակել մարտը, Թայսոնը միանգամից հարձակման է անցել: Մրցադատավոր Ջոն Կոյլը փորձել է դադարեցնել մարտը, որովհետև Սավարեզեն եղել է անօգնական վիճակում: Սակայն Թայսոնը ուշադրություն չի դարձրել և շարունակել է մարտը: Այդ ընթացքում նա պատահական հարվածել է մրցադատավորին: Վերջինս բարձրացել է և կտրականապես արգելել շարունակել մարտը: Թայսոնը այս անգամ հնազանդվել է: Թայսոնը այս մարտում հաղթել է տեխնիկական նոկաուտով:

Մարտ Անջեյ Գոլոտայի դեմԽմբագրել

2000 թվականի հոկտեմբերին Թայսոնը հանդիպել է Անջեյ Գոլոտային: Թայսոնը միանգամից հարձակման է անցել: Առաջին ռաունդում նա աջ կրյուկ հարված է հասցրել Գոլոտային, որի արդյունքում նա նոկդաունի է ենթարկվել: Գոլոտան կանգնել է և ի վիճակի է եղել շարունակել մարտը: Առաջին ռաունդի ավարտին Գոլոտայի ձախ աչքը սկսել է արյունահոսել: Թայսոնը ամեն կերպ փորձել է մարտը հաղթել նոկաուտով: Այդ պատճառով նա իր ագրեսիվ պահվածքը շարունակել է նաև երկրորդ ռաունդում: Արդյունքում Թայսոնը հեշտությամբ հաղթել է ռաունդը բոլոր 3 դատավորների որոշմամբ: Գոլոտան 3-րդ ռաուդնում հրաժարվել է ռինգ դուրս գալ: Գոլոտայի անկյունը փոձել է նրան համոզել շարունակել մարտը, բայց անարդյունք: Գոլոտայի որոշումը նյարդայնացրել է Թայսոնին: Նա մտածում էր, որ կորցրել է նոկաուտով հաղթելու իր շանսը: Թայսոնին հազիվ են զսպել, որպեսզի նա չհարձակվի Գոլոտայի վրա: Երբ Գոլոտան լքել է դահլիճը, հանդիսատեսը նրա վրա բաժակներ է նետել: Հետագայում Showtime հեռուսատաալիքը Գոլոտային վախկոտ է համարել և հրաժարվել է ցույց տալ նրա մարտերը: Սակայն մարտից հետո Թայսոնը անցել է դոպինգ թեստ, որի արդյունքում նրա արյան մեջ հայտնաբերվել են մարիխուանայի հետքեր: Մարտը անվավեր է ճանաչվել: Մարտից հետո Գոլոտան հայտնվել է հիվանդանոցում: Նա ստացել է ուղեղի ցնցում և 4-րդ և 5-րդ վզիկի ճողվածք: Առողջական խնդիրների պատճառով նա 3 տարի ռինգ դուրս չի եկել: Իր կարիերան շարունակել է 2003 թվականի օգոստոսի 14-ին:

Մարտ Բրայան Նիլսենի դեմԽմբագրել

2001 թվականի հոկտեմբերին Թայսոնը մեկնել է Դանիա և ռինգ է դուրս եկել IBO վարկածով նախկին չեմպիոն Բրայան Նիլսենի դեմ: Դա մեծ մարտ է եղել, որի ժամանակ հանդիսատեսի թիվը հասել է 25000-ի: Ընդմիջումը լավ է անդրադարձել Թայսոնի վրա և նա ռինգ է դուրս եկել իր կարիերայում ռեկորդային քաշով: Նրա քաշը ավելացել էր 10 կիլոգրամ: Թայսոնը ղեկավարել է ամբողջ մարտը: Առաջին ռաունդից արդեն նա իր մրցակցի ուժեղ հարվածներ է հասցրել: 3-րդ ռաունդի ավարտին Թայսոնը հարվածներ է իրականացրել հակառակորդի գլխին: Դրանից հետո նա հայտնվել է ռինգի հատակին: Նիլսենը բարձրացել է «7» հաշվին: Թայսոնը հարձակվել է նրա վրա: Մի քանի վայրկյան հետո Թայսոնը ձախ հուկ հարված է իրականացրել դանիացու աճուկին: Նիլսենը մի կողմ է շպրտվել: Նրան ժամանակ է տրվել հանգստանալու համար: 6-րդ ռաունդում Երկաթե Մայքը ձախ ապերկոտ հարված է հասցրել Նիլսենին: 6-րդ ռաունդից հետո Նիլսենը հրաժարվել է շարունակել մարտը: Թայսոնը այդ մարտի համար ստացել է 13 միլիոն դոլար, իսկ Նիլսենը՝ 800000 դոլար:

Չեմպիոնական մարտ Լեննոքս Լյուիսի դեմԽմբագրել

2002 թվականի հունիսին մարտ է տեղի ունեցել Մայք Թայսոնի և Լեննոքս Լյուիսի միջև: Այս մարտը ամենամեծ եկամուտն է ունեցել՝ հավաքելով 106,9 միլիոն դոլար: Թայսոնը այդ ժամանակ խնդիրներ է ունեցել թմրանյութերի և ծանր քաշի պատճառով: Չնայած այդ մարտը մեծ նշանակություն ուներ Թայոնի համար, բայց նա ավելի շատ ժամանակ էր ծախսում ոչ թե մարզումների, այլ գիշերային ակումբների վրա: Այնպես որ նա ռինգ է դուրս եկել շատ վատ մարզավիճակում: Սակայն նույնիսկ այդ դեպքում նա համարվել է մարտի ֆավորիտը: Առաջին ռաունդում Թայսոնին հաջողվել է զարմացնել իր երկրպագուներին: Նա մոտիկ մարտ է վարել և կարողացել է մի շարք ճշգրիտ հարվածներ հասցնել Լեննոքս Լյուիսին: Վերջինս ամեն կերպ փորձել է խուսափել մոտիկ հարվածներից և անընդհատ բռնվածքների է դիմել, որի համար նա նկատողություն է ստացել մրցադատավորից: 4-րդ ռաունդում Լյուիսը հարձակվել է Թայսոնի վրա և նա հայտնվել է գետնին: Մրցադատավորը սա նոկդաուն չի հաշվել: 5-րդ ռաունդում մրցադատավորը փորձել է անջատել բռնցքամարտիկներին, բայց այդ ժամանակ Լյուիսը հարվածել է Թայսոնին: Այդ պատճառով մրցադատավորը նրան ևս մեկ նկատողություն է արել: 5-րդ ռաունդում Թայսոնի ուժերը արդեն սպառվել են և նա ընդհանրապես սկսել է չպաշտպանվել: 8-րդ ռաունդում Լյուիսը ձախ ապերկոտ հարված է հասցրել Թայսոնի ծնոտին: Թայսոնը կքանստել է, և մրցադատավորը նոկդաուն է արձանագրել: Ավարտին մոտիկ Լյուիսը աջ կրյուկ հարված է հասցրել Թայսոնին և նա հայտնվել է ռինգի հատակին: «10» հաշվին նա հազիվ կանգնել է ծնկների վրա: Մրցադատավորը նոկաուտ է արձանագրել: Այս մարտի համար երկու բռնցքամարտիկները ստացել են 35 միլիոն դոլար:

Մարտ Կլիֆորդ Էտյենի դեմԽմբագրել

2003 թվականի փետրվարին Թայսոնը հանդիպել է Կլիֆորդ Էտյենին: Առաջին ռաունդում Թայսոնը աջ կրյուկ հարված է իրականացրել Էտյենին, որի ընթացքում նա հայտնվել է ռինգի հատակին: Մրցադատավորը հաշվել է մինչև տասը: Էտյենը չի բարձրացել: Մրցադատավորը նոկաուտ է գրանցել:

Մարտ Դենի Ուիլյամսի դեմԽմբագրել

2004 թվականի հուլիսի 30-ին, 17 ամիս դադարից հետո, Թայսոնը ռինգ է դուրս եկել հայտնի բրիտանացի բռնցքամարտիկ Դենի Ուիլյամսի դեմ: Մարտի ֆավորիտը համարվել է Թայսոնը: Առաջին ռաունդը եղել է վերջին ժամանակներում անց կացրած լավագույն ռաունդը: Առաջին ռաունդում Թայսոնը մեծ առավելություն է ունեցել: Դրա արդյունքում Ուիլյամսը սկսել է անընդհատ պաշտպանվել: Սակայն հետո Թայսոնը թուլացել է և երկրորդ ռաունդում նրա առավելությունը չնչին է եղել: 3-րդ ռաուդնում Դենիս Ալֆրեդը Ուիլյամսի միավորներից երկու միավոր է հանել՝ մարտը կանգնեցնելուց հետո Թայսոնին հարվածելու համար: 4-րդ ռաունդում Թայսոնը ընկել է հատակին և չի կարողացել բարձրանալ «10» հաշվին: Այդ պարտությունը բացատրվել է նրանով, որ Թայսոնը առաջին ռաունդում ծնկի վնասվածք է ստացել և այդ պատճառով չի կարողացել շարունակել մարտը: Մի քանի օր հետո Թայսոնին վիրահատել են և նրա ոտքը մի քանի շաբաթ գիպսի մեջ է եղել:

Մարտ Կևին Մակբրայդի դեմԽմբագրել

2005 թվականի հունիսի 11-ին Թայսոնը անց է կացրել իր վերջին մարտը: Նա հանդիպել է իռլանդացի բռնցքամարտիկ Կևին Մակբրայդին: 198 սմ հասակով Մակբրայդը եղել է Թայսոնի մրցակիցներից ամենաբարձրահասկը: Մակբրայդը 17 կգ-ով գերազանցել է Թայսոնին: Մի շարք լրատվամիջոցներ Թայսոնի ռինգ դուրս գալու պատճառը փնտրել են նրա պարտքերի մեջ լինելը (նա ունեցել է 40 միլիոն դոլար պարտք և այդ գումարը վճարելու համար նրան անհրաժեշտ է եղել 7 մարտ անց կացնել): Սակայն և՛ Թայսոնը, և՛ նրա մարզիչ Ջեֆ Ֆենեչը հայտարարել են, որ դա այդպես չէ և Թայսոնը ակնկալում է չեմպիոնական մարտ մղել Վիտալի Կլիչկոյի դեմ[15][16]: Մարտից առաջ հանդերձարանում Թայսոնը հանդիպել է Մուհամմեդ Ալիին: Մարտի ժամանակ հանդիսատեսը մոլեգնորեն քաջալերել է Թայսոնին: Մակբրայդը փորձել է օգտագործել իր բարձր հասակը և ջեբ հարվածներ իրականացնել Թայսոնին: Սակայն առաջին երեք ռաունդներում հաղթանակը Թայսոնինն է եղել: 4-րդ ռաունդում Թայսոնը իրականացրել է մի քանի հաջող հարձակումներ և հարվածներ է հասցրել հակառակորդի իրանին և գլխին: Սակայն Թայսոնը հաջողության չի հասել: 5-րդ ռաունդում արդեն սպառվել են նրա ուժերը և նա հայտնվել է լարերի վրա: 6-րդ ռաունդում Թայսոնը փորձել է կոտրել մրցակցի ձեռքը: Սակայն մրցադատավորը 2 միավոր է հանել նրա միավորներից, որովհետև Թայսոնը մրցակցի վրա հարձակվել է գլուխը իջեցրած դիրքում: Դրա արդյունքում իռլանդացին վնասվածք է ստացել: Ռաունդի ավարտին Մակբրայդը հարձակվել է Թայսոնի վրա, որի արդյունքում վերջինս հայտնվել է լարերի վրա: Մրցադատավորը նոկդաուն չի արձանագրել: Թայսոնը, արդեն ուժասպառ եղած վիճակում, դժվարությամբ բարձրացել է և դանդաղ մոտեցել իր անկյունին: Այնուամենայնիվ 6 ռաունդ տևած պայքարից հետո 2 դատավորներ առավելությունը տվել էին Թայսոնին: Սակայն նա հրաժարվել է շարունակել մարտը: Մրցադատավորը տեխնիկական նոկաուտ է գրանցել[16][17][18]: Դա եղել է Թայսոնի վերջին մարտը, որից հետո նա ավարտել է իր կարիերան:

  Ուզում եմ ներողություն խնդրել իմ այն երկրպագուներից, որոնք դրա համար գումար են վճարել և ժամանակ են կորցրել: Մտածում եմ, որ ժամանակն է ավարտեմ իմ կարիերան: Ես ռինգում հայտնվելու իմաստ չեմ տեսնում: Չարժե խաբել ինքս ինձ և խայտառակել այն մարզաձևը, որին ես երկար տարիներ եմ նվիրել իմ կյանքից:
- Մայք Թայսոն
 


ՄարտերԽմբագրել

Մարտ Ռեկորդ Ամսաթիվ Տարիք Մրցակից Մրցակցի տարիք Մարտի վայր Արդյունք Մարտի տվյալներ
58
50(44)-6,2NC հունիսի 11 2005 թվական 38 տարեկան   Կևին Մակբրայդ (32-4-1) 32 տարեկան   Վաշինգտոն
TKO6 (10) 3:00
Պարտություն
57
50(44)-5,2NC հուլիսի 30 2004 թվական 38 տարեկան   Դենի Ուիլյամս (31-3) 31 տարեկան   Freedom Hall State Fairground, Լուիսվիլլ, ԱՄՆ
KO4 (10) 2:51
Պարտություն
56
50(44)-4,2NC փետրվարի 26 2003 թվական 36 տարեկան   Կլիֆորդ Էտյեն (24-1-1) 30 տարեկան   Պիրամիդա (Մեմֆիս)|The Pyramid, Տեննեսսի, ԱՄՆ
KO1 (10) 0:49
Հաղթանակ
55
49(43)-4,2NC օգոստոսի 8 2002 թվական 36 տարեկան   Լեննոքս Լյուիս (39-2-1) 36 տարեկան   Պիրամիդա (Մեմֆիս)|The Pyramid
KO8 (12) 2:25
Պարտություն
54
49(43)-3,2NC հոկտեմբերի 13 2001 թվական 35 տարեկան   Բրայան Նիլսեն (62-1) 36 տարեկան   Կոպենհագեն, Դանիա
RTD6 (10)
Հաղթանակ
53
48(42)-3,2NC հոկտեմբերի 20 2000 թվական 34 տարեկան   Անջեյ Գոլոտա (36-4) 32 տարեկան   The Palace, Աուբուրն Հիլս, Միչիգան, ԱՄՆ
NC3 (10)
Թայսոնը հաղթում է: Սակայն նրա հաղթանակը չեղյալ է համարվում, որովհետև մարզիկը օգտագործել էր թմրանյութ:
52
48(42)-3,1NC հունիսի 24 2000 թվական 33 տարեկան   Լու Սավարեզե (39-3) 34 տարեկան   Hampden Park ,Գլազգո, Շոտլանդիա, Մեծ Բրիտանիա
TKO1 (10) 0:38
Հաղթանակ
51
47(41)-3,1NC հունվարի 29 2000 թվական 33 տարեկան   Ջուլիուս Ֆրենսիս (21-7) 35 տարեկան   M.E.N. Arena, Մանչեստր, Լանկաշիր, Մեծ Բրիտանիա
TKO2 (10) 1:03
Ֆրենսիսը երկու անգամ նոկաուտի է ենթարկվում առաջին ռաունդում, 3անգամ՝ երկրորդ ռաունդում:
50
46(40)-3,1NC հոկտեմբերի 23 1999 թվական 33 տարեկան   Օրլին Նորիս (50-5) 34 տարեկան   MGM Grand ,Լաս Վեգաս, Նևադա, ԱՄՆ
NC1 (10) 3:00
49
46(40)-3 հունվարի 16 1999 թվական 32 տարեկան   Ֆրանսուա Բոտա (39-1) 30 տարեկան   MGM Grand ,Լաս Վեգաս, Նևադա, ԱՄՆ
KO5 (10) 2:59
Հաղթանակ
48
45(39)-3 հունիսի 28 1997 թվական 30 տարեկան   Էվանդեր Հոլիֆիլդ (2) (33-3) 34 տարեկան   MGM Grand ,Լաս Վեգաս, Նևադա, ԱՄՆ
DQ3 (12)
Թայսոնը որակազրկվում է Հոլիֆիլդի ականջը կծելու համար:
47
45(39)-2 նոյեմբերի 9 1996 թվական 30 տարեկան   Էվանդեր Հոլիֆիլդ (32-3) 34 տարեկան   MGM Grand, Լաս Վեգաս, Նևադա, ԱՄՆ
TKO11 (12) 0:37
Կորցնում է WBA վարկածով աշխարհի չեմպիոնի կոշումը:
46
45(39)-1 սեպտեմբերի 7 1996 թվական 30 տարեկան   Բրյուս Սելդոն (33-3) 29 տարեկան   MGM Grand, Լաս Վեգաս, Նևադա, ԱՄՆ
TKO1 (12) 1:49
Պայքարում էր WBA վարկածով աշխարհի չեմպիոնի տիտղոսի համար և կարողանում է հաղթանակ տանել:
45
44(38)-1 մարտի 16 1996 թվական 29 տարեկան   Ֆրենկ Բրունո (2) (40-4) 34 տարեկան   MGM Grand, Լաս Վեգաս, Նևադա, ԱՄՆ
TKO3 (12) 0:50
Պայքարում էր WBA վարկածով աշխարհի չեմպիոնի տիտղոսի համար և կարողանում է հաղթանակ տանել:
44
43(37)-1 դեկտեմբերի 16 1995 թվական 29 տարեկան   Բաստեր Մատիս (20-0) 24 տարեկան   Core States Spectrum, Ֆիլադելֆիա, Փենսիլվանիա, ԱՄՆ
KO3 (12) 2:32
Հաղթանակ
43
42(36)-1 օգոստոսի 19 1995 թվական 29 տարեկան   Փիթեր Մակնիլի (36-1) 26 տարեկան   MGM Grand, Լաս Վեգաս, Նևադա, ԱՄՆ
DQ1 (10) 1:29
Հաղթանակ
42
41(36)-1 հունիսի 28 1991 թվական 24 տարեկան   Դոնովան Ռադդոկ (2) (25-2-1) 27 տարեկան   Mirage Hotel & Casino, Լաս Վեգաս, Նևադա, ԱՄՆ
UD12 (12)
113-109 114-108 114-108
41
40(36)-1 մարտի 18 1991 թվական 24 տարեկան   Դոնովան Ռադոկ (25-1-1) 27 տարեկան   Mirage Hotel & Casino, Լաս Վեգաս, Նևադա, ԱՄՆ
TKO7 (12) 2:22
Հաղթանակ
40
39(35)-1 դեկտեմբերի 8 1990 թվական 24 տարեկան   Ալեքս Ստյուարտ (26-1) 26 տարեկան   Convention Center, Ատլանտիկ Սիթի, Նյու Ջերսի, ԱՄՆ
TKO1 (10) 2:27
Հաղթանակ
39
38(34)-1 հունիսի 16 1990 թվական 23 տարեկան   Հենրի Թիլմեն (20-4) 29 տարեկան   Caesars Palace, Լաս Վեգաս, Նևադա, ԱՄՆ
KO1 (10) 2:47
Հաղթանակ
38
37(33)-1 փետրվարի 11 1990 թվական 23 տարեկան   Ջեյմս Դուգլաս (29-4-1) 29 տարեկան   Tokyo Dome, Տոկիո, Ճապոնիա
KO10 (12) 1:22
Պարտություն
37
37(33)-0 հուլիսի 21 1989 թվական 23 տարեկան   Կարլ Ուիլյամս (22-2) 29 տարեկան   Convention Center, Ատլանտիկ Սիթի, Նյու Ջերսի, ԱՄՆ
TKO1 (12) 1:33
Հաղթանակ
36
36(32)-0 փետրվարի 25 1989 թվական 22 տարեկան   Ֆրենկ Բրունո (32-2) 27 տարեկան   Las Vegas Hilton, Hilton Center, Լաս Վեգաս, Նևադա, ԱՄՆ
TKO5 (12) 2:55
Հաղթանակ
35
35(31)-0 հունիսի 27 1988 թվական 21 տարեկան   Մայքլ Սպինկս (31-0) 31 տարեկան   Convention Hall, Ատլանտիկ Սիթի, Նյու Ջերսի, ԱՄՆ
KO1 (12) 1:31
Հաղթանակ
34
34(30)-0 մարտի 21 1988 թվական 21 տարեկան   Թոնի Տաբս (24-1) 30 տարեկան   Tokyo Dome, Տոկիո, Ճապոնիա
TKO2 (12) 2:54
Հաղթանակ
33
33(29)-0 հունվարի 22 1988 թվական 21 տարեկան   Լարի Հոլմս (48-2) 38 տարեկան   Convention Center, Ատլանտիկ Սիթի, Նյու Ջերսի, ԱՄՆ
TKO4 (12) 2:55
Հաղթանակ
32
32(28)-0 նոյեմբերի 26 1987 թվական 21 տարեկան   Տայրել Բիգս (15-0) 26 տարեկան   Convention Hall, Ատլանտիկ Սիթի, Նյու Ջերսի, ԱՄՆ
TKO7 (15) 2:59
Հաղթանակ
31
31(27)-0 օգոստոսի 1 1987 թվական 21 տարեկան   Թոնի Տակեր (34-0) 28 տարեկան   Las Vegas Hilton, Hilton Center, Լաս Վեգաս, Նևադա, ԱՄՆ
UD12 (12)
118-113 119-111 117-112: Հաղթանակ
30
30(27)-0 մայիսի 30 1987 թվական 20 տարեկան   Պինկլոն Թոմաս (29-1-1) 29 տարեկան   Las Vegas Hilton, Outdoor Arena, Լաս Վեգաս, Նևադա, ԱՄՆ
TKO6 (12) 2:00
Հաղթանակ
29
29(26)-0 մարտի 7 1987 թվական 20 տարեկան   Սմիթ Ջեյմս (19-5) 33 տարեկան   Las Vegas Hilton, Outdoor Arena, Լաս Վեգաս, Նևադա, ԱՄՆ
UD12 (12)
120-106 119-107 119-107: Հաղթանակ
28
28(26)-0 նոյեմբերի 22 1986 թվական 20 տարեկան   Բերբիկ Տրևոր (31-4-1) 31 տարեկան   Լաս Վեգաս, Նևադա, ԱՄՆ
TKO2 (12) 2:35
Բերբիկը երկու անգամ նոկաուդի է ենթարկվում երկրորդ ռաունդում:
27
27(25)-0 սեպտեմբերի 6 1986 թվական 20 տարեկան   Ալֆոնսո Ռատլիֆ (21-3) 30 տարեկան   Las Vegas Hilton, Hilton Center, Լաս Վեգաս, Նևադա, ԱՄՆ
TKO2 (10) 1:41
Հաղթանակ
26
26(24)-0 օգոստոսի 7 1986 թվական 20 տարեկան   Խոսե Ռիբալտա (22-3-1) 23 տարեկան   Trump Plaza Hotel, Ատլանտիկ Սիթի, Նյու Ջերսի, ԱՄՆ
TKO10 (10) 1:37
Ռիբալտան նոկաուդի է ենթարկվում երկրորդ, ութերորդ և տասերորդ ռաունդներում:
25
25(23)-0 հուլիսի 26 1986 թվական 20 տարեկան   Մարվիս Ֆրեյզեր (18-1) 25 տարեկան   Civic Center, Գլեն Ֆոլլս, Նյու Յորք, ԱՄՆ
TKO1 (10) 0:30
Հաղթանակ
24
24(22)-0 հուլիսի 11 1986 թվական 20 տարեկան   Լորենցո Բոյդ (15-5) 26 տարեկան   Stevensville Hotel, Սվեն Լեյք, Նյու Յորք, ԱՄՆ
KO2 (10) 1:43
Հաղթանակ
23
23(21)-0 հունիսի 28 1986 թվական 19 տարեկան   Ուիլյամ Խոսե (12-3) 33 տարեկան   Houston Field House, Թրոյ (Նյու Յորք), Նյու Յորք, ԱՄՆ
KO1 (10) 2:03
Հաղթանակ
22
22(20)-0 հունիսի 13 1986 թվական 19 տարեկան   Ռեջի Գրոսս(18-4) 24 տարեկան   Նյու Յորք, Նյու Յորք, ԱՄՆ
TKO1 (10) 2:36
Հաղթանակ
21
21(19)-0 մայիսի 20 1986 թվական 19 տարեկան   Միտչ Գրին (16-1-1) 29 տարեկան   Նյու Յորք, Նյու Յորք, ԱՄՆ
UD10 (10)
8-2 9-1 9-1
20
20(19)-0 մայիսի 3 1986 թվական 19 տարեկան   Ջեյմս Թիլլիս (31-8) 28 տարեկան   Civic Center, Գլեն Ֆոլլս, Նյու Յորք, ԱՄՆ
UD10 (10)
Թիլլիսը նոկաուդի է ենթարկվում չորրորդ ռաունդում: 6-4 6-4 8-2
19
19(19)-0 մարտի 10 1986 թվական 19 տարեկան   Ստիվ Զոուսկի (25-9) 31 տարեկան   Յունիոնդեյլ, Նյու Յորք, ԱՄՆ
KO3 (10) 2:39
Հաղթանակ
18
18(18)-0 փետրվարի 16 1986 թվական 19 տարեկան   Ջեսսի Ֆերգյուսոն (14-1) 28 տարեկան   Rennselaer Polytechnic Institute, Թրոյ (Նյու Յորք), Նյու Յորք, ԱՄՆ
TKO6 (10) 1:19
Ֆերգյուսոնը նոկաուդի է ենթարկվում հինգերորդ ռաունդում: Ֆերգյուսոնը որակազրկվում է վեցերորդ ռաունդում:
17
17(17)-0 հունվարի 24 1986 թվական 19 տարեկան   Մայք Ջեյմսոն (14-9) 31 տարեկան   Trump Plaza Hotel, Ատլանտիկ Սիթի, Նյու Ջերսի, ԱՄՆ
TKO5 (8) 0:46
Ջեյմսոնը նոկաուդի է ենթարկվում չորրորդ և հինգերորդ ռաունդներում:
16
16(16)-0 հունվարի 11 1986 թվական 19 տարեկան   Դևիդ Ջակո (19-5) 28 տարեկան   Empire State Plaza Convention Center, Օլբանի, Նյու Յորք, ԱՄՆ
TKO1 (10) 2:16
Ջակոն առաջին ռաունդում երեք անգամ նոկաուդի է ենթարկվում:
15
15(15)-0 դեկտեմբերի 27 1985 թվական 19 տարեկան   Մարկ Յանգ (8-6) 21 տարեկան   Latham Coliseum, Լատամ, Նյու Յորք, ԱՄՆ
TKO1 (10) 0:50
Հաղթանակ
14
14(14)-0 դեկտեմբերի 6 1985 թվական 19 տարեկան   Սեմմի Սկաֆ (13-6) 30 տարեկան   Felt Forum, Նյու Յորք, Նյու Յորք, ԱՄՆ
TKO1 (10) 1:19
Հաղթանակ
13
13(13)-0 նոյեմբերի 22 1985 թվական 19 տարեկան   Կոնրոյ Նելսոն (15-7-2) 26 տարեկան   Latham Coliseum, Լատամ, Նյու Յորք, ԱՄՆ
TKO2 (8) 0:30
Մարտը կանգնեցվում է, որովհետև կոտրվել էր Նելսոնի քիթը:
12
12(12)-0 նոյեմբերի 13 1985 թվական 19 տարեկան   Էդդի Ռիչարդսոն (10-2) 26 տարեկան   Ramada-Houston Hotel, Հյուստոն, Տեխաս, ԱՄՆ
KO1 (8) 1:17
Հաղթանակ
11
11(11)-0 նոյեմբերի 1 1985 թվական 19 տարեկան   Ստերլինգ Բենժամին (5-6-1) 33 տարեկան   Latham Coliseum, Լատամ, Նյու Յորք, ԱՄՆ
TKO1 (8) 0:54
Հաղթանակ
10
10(10)-0 հոկտեմբերի 25 1985 թվական 19 տարեկան   Ռոբերտ Կոլայ (6-7-1) 29 տարեկան   Atlantis Hotel & Casino, Ատլանտիկ Սիթի, Նյու Ջերսի, ԱՄՆ
KO1 (8) 0:37
Հաղթանակ
9
9(9)-0 հոկտեմբերի 9 1985 թվական 19 տարեկան   Դոննի Լոնգ (15-3) 28 տարեկան   Trump Casino Hotel, Ատլանտիկ Սիթի, Նյու Ջերսի, ԱՄՆ
TKO1 (6) 1:28
Լոնգը առաջին ռաունդում երեք անգամ ենթարկվում է նոկաուդի:
8
8(8)-0 սեպտեմբերի 5 1985 թվական 19 տարեկան   Մայքլ Ջոնսոն (11-5)   Atlantis Hotel & Casino, Ատլանտիկ Սիթի, Նյու Ջերսի, ԱՄՆ
KO1 (6) 0:39
Հաղթանակ
7
7(7)-0 օգոստոսի 15 1985 թվական 19 տարեկան   Լորենցո Կանադի (3-0) 23 տարեկան   Resorts International, Ատլանտիկ Սիթի, Նյու Ջերսի, ԱՄՆ
KO1 (6) 1:05
Հաղթանակ
6
6(6)-0 հուլիսի 19 1985 թվական 19 տարեկան   Լարրի Սիմս (3-16-3)   Mid-Hudson Civic Center, Նյու Յորք, ԱՄՆ
KO3 (6) 2:04
Հաղթանակ
5
5(5)-0 հուլիսի 11 1985 թվական 19 տարեկան   Ջոն Օլդերսոն (3-0)   Trump Casino Hotel, Ատլանտիկ Սիթի, Նյու Ջերսի, ԱՄՆ
RTD2 (6) 3:00
Հաղթանակ
4
4(4)-0 հունիսի 20 1985 թվական 18 տարեկան   Ռիկարդո Սպայն (1-0) 30 տարեկան   Resorts International, Ատլանտիկ Սիթի, Նյու Ջերսի, ԱՄՆ
TKO1 (6) 0:39
Սպայնը առաջին ռաունդում երկու անգամ ենթարկվում է նոկաուդի:
3
3(3)-0 մայիսի 23 1985 թվական 18 տարեկան   Դոն Հալպին (10-18) 32 տարեկան   Օլբանի, Նյու Յորք, ԱՄՆ
KO4 (4) 1:04
Հաղթանակ
2
2(2)-0 ապրիլի 10 1985 թվական 18 տարեկան   Տրենտ Սինգլեթոն (1-3)   Օլբանի, Նյու Յորք, ԱՄՆ
TKO1 (4) 0:52
Հաղթանակ
1
1(1)-0 մարտի 6 1985 թվական 18 տարեկան   Հեկտոր Մերսեդես (0-3)   Empire State Plaza Convention Center, Օլբանի, Նյու Յորք, ԱՄՆ
TKO1 (4) 1:47
Հաղթանակ
Մարտ Ռեկորդ Ամսաթիվ Տարիք Մրցակից Մրցակցի տարիք Մարտի վայր Արդյունք Մարտի տվյալներ

Համաշխարհային տիտղոսներԽմբագրել

Նախորդող՝
Տրևոր Բերբիկ
WBC Ծանր քաշային կարգում աշխարհի չեմպիոն
նոյեմբերի 22 1986 — փետրվարի 11 1990
Հաջորդող՝
Ջեյմս Դուգլաս
Նախորդող՝
Ջեյմս Սմիթ
WBA Ծանր քաշային կարգում աշխարհի չեմպիոն
մարտի 7 1987 — փետրվարի 11 1990
Հաջորդող՝
Ջեյմս Դուգլաս
Նախորդող՝
Թոնի Տակեր
IBF Ծանր քաշային կարգում աշխարհի չեմպիոն
օգոստոսի 1 1987 — փետրվարի 11 1990
Հաջորդող՝
Ջեյմս Դուգլաս
Նախորդող՝
Ֆրենկ Բրունո
WBC Ծանր քաշային կարգում աշխարհի չեմպիոն
մարտի 16 1996 թվականսեպտեմբերի 24 1996 թվական մնացել է ազատ
Հաջորդող՝
Ազատ

Լեննոքս Լյուիս

Նախորդող՝
Բրյուս Սելդոն
WBA Ծանր քաշային կարգում աշխարհի չեմպիոն
սեպտեմբերի 7 1996 թվականնոյեմբերի 9 1996 թվական
Հաջորդող՝
Էվանդեր Հոլիֆիլդ

ՄարզիչներԽմբագրել

  • Բոբի Սթյուարտ (1979)
  • Տեդի Ատլաս (1978—1982)
  • Կաս Դ’Ամատո (1980—1985)
  • Կևին Ռունի (1982—1988)
  • Ահարոն Սնուել (1989—1990)
  • Ռիչի Ջակետի (1990—1991, 1997)
  • Ջեյ Լուսավոր (1995—1996)
  • Թոմի Բրուկս (1999—2001)
  • Ռոնի Շիլդս (2002)
  • Ռոուչ Ֆրեդի (2003—2004)
  • Ջեֆ Ֆենեկ (2005)

Դերասանական կարիերաԽմբագրել

Մայք Թայսոնը խաղացել է ավելի քան 55 ֆիլմում և սերիալում:

  • «Քիք-բռնցքամարտիկը վերադառնում է» (2018)
  • «Չինացի վաճառական» (2017)
  • «Անվավոր» (2017)
  • «9 լեգենդ» (2016)
  • «Իփ Ման 3» (2016)
  • «Հորատման ռևանշ» (2013)
  • «Ինչպես հանդիպեցի ձեր մայրիկին» (2013)
  • «Շատ սարսափ կինո 5» (2013)
  • «Տղաները Վեգասից դեպի Բանգկոկ» (2011)
  • «Մարդը ընդդեմ բնության» (2011)
  • «Չառլ Շինայի ծաղրանք» (2011)
  • «Տղաները Վեգասում» (2009)
  • «Թայսոն» (2008)
  • «Ամբողջական ավարտ» (2007)
  • «Ռոկի Բալբոա» (2006)
  • «Ե՞րբ ինձ կսիրեն» (2004)
  • «Դանդի կոկորդիլոսը Լոս Անջելեսում» (2001)
  • «Բոլիվիա» (2001)
  • «Սևը և սպիտակ» (1999)
  • «Խփի՛ր ոսկորին» (1999)
  • «Խենթ հեռուսատեսություն» (1995—2009)
  • «Ընկած չեմպիոն: Մայք Թայսոնի չպատմված պատմություն» (1993)

Տես նաևԽմբագրել

ԾանոթագրություններԽմբագրել

  1. Միջազգային նույնականացման վիրտուալ նիշք — 2012.
  2. data.bnf.fr: տվյալների բաց շտեմարան — 2011.
  3. 3,0 3,1 SNAC — 2010.
  4. 4,0 4,1 Internet Broadway Database — 2000.
  5. 5,0 5,1 Encyclopædia Britannica
  6. 6,0 6,1 Discogs — 2000.
  7. Видео: Тайсон молится по-арабски перед боем
  8. Майк Тайсон стал веганом
  9. «Tyson: 'I Want to Be Bitter, But It's Not Who I am'»։ Fox News Channel։ Apr 13, 2011։ Արխիվացված է օրիգինալից 2012-06-01-ին։ Վերցված է 2012-04-07 
  10. «Past winners of The Ring's year-end awards» (անգլերեն)։ The Ring։ 2012-02-24։ Արխիվացված է օրիգինալից 2016-03-20-ին։ Վերցված է 2015-11-15 
  11. Mike Tyson — Mitch Green
  12. Holyfield vs. Tyson — 'fight of the times', AP via Slam! Boxing, 1997-06-25, Retrieved on March 9, 2007.
  13. Dahlberg, Tim. De La Hoya-Mayweather becomes richest fight in boxing history, AP via International Herald Tribune, 2007-05-09, retrieved on November 2, 2007.
  14. (հայերեն) Գովազդում Թայսոնը Հոլիֆիլդին է վերադարձնում վերջինիս «ականջի մի մասը։, https://www.youtube.com/watch?v=9KMUnqB_NiU, վերցված է 2019-08-06 
  15. Тайсон — МакБрайд. Взвешивание перед боем // Boxnews, 10.06.2005
  16. 16,0 16,1 Майк Тайсон: Я больше не хочу позорить бокс. После поражения от Макбрайда бывший чемпион мира объявил о завершении карьеры Արխիվացված է Մարտ 4, 2014 Wayback Machine-ի միջոցով: // Советский спорт, 14.06.2005
  17. Tyson announces retirement after quitting vs. McBride // USA Today, 11.06.2005
  18. Последний бой Железного Майка: Тайсон vs МакБрайд // Sports.ru

Արտաքին հղումներԽմբագրել