Հելսինգյոր

Հելսինգյոր (դան. Helsingør [hɛlseˈŋøɔˀ] , անգլ. Elsinore — Helsingor, ավելի վաղ՝ Հելսինոր), քաղաք Դանիայի Զելանդիա կղզու հյուսիսարևելյան ափին։ Աշխարհին հայտնի է որպես Վիլյամ Շեքսպիրի« Համլետ»՝ դանիական արքայազնի, գործողությունների կատարման կենտրոն։

Բնակավայր
Հելսինգյոր
դան․՝ Helsingør
Զինանշան
Երկիր	Դանիա
Առաջին հիշատակում	1231
Բնակչություն	47 364 մարդ (2018)
Ժամային գոտի	UTC+1 և UTC+2
Հեռախոսային կոդ	49
Փոստային դասիչ	3000
Պաշտոնական կայք	helsingor.dk
Հելսինգյոր (Դանիա)
Հելսինգյոր Վիքիպահեստում

Աշխարհագրություն

Տեղակայված է Էրեսուն նեղուցի արևմտյան մասում, շվեդական Հելսինգբորգի առջևում (ավտոմոբիլային լաստանավը գործում է 20 րոպե ընդմիջումներով)։ Քաղաքի միջով անցնում է եվրոպական E55 ավտոմայրուղին.

Ծագումաբանություն

Հելսինգյոր անվանումը առաջացել է Hals արմատից , որը նշանակում է «կոկորդ, նեղ նեղուց» ։

Պատմություն

Տեսարան Հելսինգյորին ծովից

1631 թվականի «Rerum Danimarcum Historica» դանիական ժամանակագրությունը պնդում է, որ Հելսինգյորը գոյություն է ունեցել դեռևս մ.թ.ա 70 թվականին , բայց այս պնդումը շատ կասկածելի է։ Առաջին անգամ Helsinger անվամբ քաղաքը հիշատակվում է 1231 թվին Վալդեմար II թագավորի օրոք։ Մինչև միջնադարյան ժամանակաշրջանը այստեղ գոյություն ուներ շուկա։ 1200 թվականին կառուցվել է առաջին եկեղեցին, որին հետագայում շրջապատում էին մի քանի վանքեր։ Այժմ պահպանված են միայն Սուրբ Օլավա և Սուրբ Մարիամ եկեղեցիները։

Մեր օրերին հասած Հելսինգյորը հիմնադրվել է 1420-ական թվականներին Դանիայի Էրիկ Պոմերանցի թագավորի օրոք։ 1429թ.-ին նա կառուցեց Կրոգեն ամրոցը, որը ընդլայնվել է 1580- ական թվականներին և վերանվանվել Կրոնբորգ։

Կրոնբորգ ամրոցը համարվում է քաղաքի գլխավոր տեսարժան վայրը։ Ամրոցի ներսում և բակում մի քանի անգամ ներկայացվել է «Համլետ» պիեսը։

Արդյունաբերություն

Քաղաքում կան արդյունեբարության հետևյալ ճյուղերը՝ Մետալուրգիա, մեքենաշինություն, նավաշինություն, սննդի, տեքստիլ արդյունաբերություն։ Քաղաքում տեղակայված են հետևյալ ընկերությունները`

• AG Kühnle, Kopp & Kausch-կոմպրեսորներ.

Հայտնի մարդիկ

• Քաղաքում ծնվել է հայտնի նկարիչ Էբերհարդ Քեյլը։
• 1829 թ. քաղաքում ծնվել է հայտնի ֆիզիկոս Լյուդվիգ Վ. Լորենցը։
• 1658-1667 թթ . Սուրբ Մարիամ եկեղեցում աշխատել է XVII դարի գերմանացի խոշորագույն կոմպոզիտորներից Դիտրիխ Բուկստեհուդեն։

Հետաքրքիր փաստեր

• Կալիֆորնիայի Լեյս Էլսինոր քաղաքը անվանվել է Հելսինգյորի անունով, ի պատիվ շեքսպիրյան «Համլետի»։
• Դանիայի ֆուտբոլի հավաքականի գլխավոր մարզումային բազան գտնվում է այստեղ։

Քույր քաղաքներ

• Վաասա (ֆիններեն՝ Vaasa), Ֆինլանդիա
• Պյառնու (էստ․՝ Pärnu), Էստոնիա
• Ռյուեյ Մալմեզոն (ֆր.՝ Rueil-Malmaison), Ֆրանսիա
• Սան Ռեմո (իտալ.՝ Sanremo), Իտալիա
• Ուումմաննաք (դան․՝ Uummannaq), Գրենլանդիա
• Հարստադ (նորվ.՝ Harstad), Նորվեգիա
• Գդանսկ (լեհ.՝ Gdańsk), Լեհաստան

Արտաքին հղումներ

• Туристическое бюро Хельсингёра
• Порт Хельсингёра
• Официальный сайт Хельсингёрского муниципалитета
• Фотографии Արխիվացված 2008-10-20 Wayback Machine
• Фотографии и описание города и замка Кронборг(չաշխատող հղում)
• Собор св. Олая в Хельсингёре Արխիվացված 2016-03-05 Wayback Machine(ռուս.)

Վիքիպահեստն ունի նյութեր, որոնք վերաբերում են «Հելսինգյոր» հոդվածին։