Բացել գլխավոր ցանկը

Կորուսյալները (հեռուստասերիալ)

Ամերիկյան հեռուստասերիալ

«Կորուսյալները» (անգլ.՝ Lost), ռոբինզոադա ժանրի ամերիկյան կրոնական[6] հեռուստասերիալ, «Էմմի» և «Ոսկե գլոբուս» մրցանակաբաշխությունների դափնեկիր։ Ֆիլմում պատմվում է Oceanic Airlines (հայ․՝ Օշեանիկ Էյրլայնս) ավիաընկերության 815 չվերթի՝ Ավստրալիայի Սիդնեյ քաղաքից ԱՄՆԼոս-Անջելես քաղաք ուղևորվող ինքնաթիռի վթարից հետո Օվկիանիայում հանելուկներով և գաղտնիքներով լի կղզում հայտնված և ողջ մնացած ուղևորների պատմությունը։ Յուրաքանչյուր սերիա ներառում է երկու սյուժե՝ հիմնական և երկրորդկան։ Հիմնական սյուժեն կղզու վրա տեղի ունեցող դեպքերի մասին է։ Երկրորդական սյուժեում պատմվում է տվյալ սերիայի հերոսի՝ կյանքի այլ հատվածում տեղի ունեցած դեպքերը (առաջին երեք եթերաշրջաններում՝ միայն անցյալում, չորրորդ եթերաշրջանում՝ անցյալում և ապագայում տեղի ունեցած դեպքերը)։ Հինգերորդ եթերաշրջանի սերիաները նույնպես երկու սյուժեով են զարգանում, որոնցից մեկը ուղղակի չորրորդ եթերաշրջանի դեպքերի շարունակությունն է, իսկ մյուսի դեպքերը տեղի են ունենում 3 տարի անց ԱՄՆ-ում։ Սերիալը ստեղծվել է Ջ. Ջ. Աբրամսի, Դեյմոն Լինդելոֆի և Ջեֆի Լիբերի կողմից և հիմնականում նկարահանվել է Հավայների Օահու կղզում[7]։ Փորձնական սերիան ցուցադրվել է ABC հեռուստաընկերության եթերում 2004 թ. սեպտեմբերի 22-ին[8] և իր էկրանների առաջ է հավաքել շուրջ 19 միլիոն մարդ[9]։ Այն բաղկացած է 6 եթերաշրջանից, որոնք ամբողջովին արդեն ցուցադրվել են։ Սերիալի գլխավոր պրոդյուսերներն են Աբրամսը, Լինդելոֆը, Քարլթոն Քյուզը, Բրայան Բարքը, Ջեք Բենդերը և ուրիշներ։ Մեծ դերասանական կազմի և Հավայներում նկարահանման բարձր գնի հետ կապված «Կորուսյալները» հեռուսասերիալն այսօր համարվում է համաշխարհային հեռուստատեսության պատմության մեջ ամենաթանկ սերիալներից մեկը։ Հեռուստադիտողների, ինչպես նաև քննադատների շրջանում հաջողություն ունեցող այս սերիալը միայն առաջին եթերաշրջանի ցուցադրման ժամանակ ԱՄՆ-ում իր շուրջը հավաքեց մոտ 16 միլիոն մարդ[10]։ Այն բազմաթիվ մրցանակների դափնեկիր է։

Picto infobox cinema.png
Կորուսյալները
Lost letters.jpg
Ժանրsupernatural drama?, գիտական ֆանտաստիկա հեռուստատեսութ՛ունում և միստերիա
ՍտեղծողDamon Lindelof?, Ջեֆրի Ջեյկոբ Աբրամս[1] և Jeffrey Lieber?
ԵրկիրFlag of the United States.svg ԱՄՆ
Լեզուանգլերեն[2]
ՌեժիսորJack Bender?, Stephen Williams? և Ջեֆրի Ջեյկոբ Աբրամս
Գլխավոր
դերերում
Nestor Carbonell?, Էվանջելին Լիլլի, Էլիզաբեթ Միթչել, Իեն Սոմերհոլդեր, Միշել Ռոդրիգես, Հարոլդ Փերինո, Ադեուալե Ակինուոյե-Ագբաջե, Ջերեմի Դևիս, Կիլե Սանչես, Ջոշ Հոլոուեյ, Հենրի Կյուսիկ, Նևին Էնդրյուս, Դենիել Դե Քիմ, Յունջին Կիմ, Ջեֆ Ֆեյի, Ռեբեկա Մեյդեր, Մայքլ Էմերսոն, Էմիլի դե Ռավին, Մալկոլմ Դեյվիդ Քելլի, Թերրի Օ'Քուին, Տիտուս Ուելիվեր, Դոմինիկ Մոնագան, Ռոդրիգո Սանտորո, Խորխե Գարսիա, Մեգի Գրեյս, Մետյու Ֆոքս, Սինտիա Ուոթրոս, Կեն Լյուն, Զուլեյկա Ռոբինսոն, Փոլա Մալքոմսոն, Ֆիոննուլա Ֆլենագան, Սեմ Անդերսոն[3], Էմ Սի Գեյնի[3], Ջոն Թերի[3], William Mapother?[3], Ալան Դեյլ[3], Քլենսի Բրաուն[3], Ջուլի Բոուեն[3], Քևին Դյուրանդ[3], Դագ Հատչինսոն[3], Ալեքսանդրա Քրոսնի[3], Լենս Ռեդիք[3], Brian Goodman?[3], Բիլ Դյուկ[3], Ռոբերտ Պատրիկ[3], Սաուլ Ռուբինեկ[3], Beth Broderick?[3], Էնդրյու Դիվոֆ[3], Սոնյա Ուոլգեր[3], Գրեմ Մակտավիշ[3], Ֆիշեր Ստիվենս[3], Զոի Բել[3], Marguerite Moreau?[3], Մադլեն Քերոլ[3], Theo Rossi?[3], Marlene Forte?[3], Michael Cudlitz?[3], Սվուսի Քերց[3], Mackenzie Astin?[3], Շոն Ուեյլեն[3], Մարկ Պելեգրինո[3], Կարտեր Ջենկինս[3], Josh Randall?[3], Էրիկ Լանժ[3], Ֆրեդրիկ Լենե[3], Diana Scarwid?[3], Թոմ Իրվին[3], Անտոնի Ազիզի[3], Ճէֆ Փէրի[3], Christopher Jaymes?[3], Veronica Hamel?[3], Jenny Gago?[3], Sterling Beaumon?[3], Քրիս Մալկի[3], Justin Chatwin?[3], Իեն Գոմես[3], Rob McElhenney?[3], Ջուլիան Բարնս[3], Քևին Չեփմեն[3], Frederick Koehler?[3], Jose Yenque?[3], Սեմ Լևին[3], Սկայ ՄակՔոուլ Բարտուսյակ[3], Ջուլի Ադամս[3], Faran Tahir?[3], Գրեգ Գրունբերգը[3], Մելիսա Գիլբերտ[3] և Michael Landon?[3]
Գործադիր պրոդյուսերCarlton Cuse?
ՍցենարիստDamon Lindelof?, Carlton Cuse?, Էդվարդ Քիթսիս, Adam Horowitz? և Elizabeth Sarnoff?
ԵրաժշտությունՄիշել Գիաչինո
Նկարահանման վայրՕահու
Եթերաշրջանների քանակ6
Սերիաների քանակ121
Էկրաններին էսեպտեմբերի 22, 2004[4]-ից մայիսի 23, 2010[5]
ՀեռուստաալիքAmerican Broadcasting Company[4]
ԸնկերությունABC Studios և Bad Robot Productions
Պատկերի ձևաչափ16:9
Պաշտոնական կայքէջ

2007 թվականի մայիսին հայտարարվեց, որ նախատեսվում է ևս երեք եթերաշրջանների նկարահանում, յուրաքանչյուր եթերաշրջանում՝ 16 սերիա, սակայն հետագայում մտադրությունը վերանայվեց։ Արդյունքում սերիալի վերջին սերիան ցուցադրվեց 2010 թ. մայիսի 23-ին[11]։ Այդ ամբողջ ընթացքում ցուցադրվել է ընդամենը 121 սերիա[12]։ Այս պահին ԱՄՆ-ում և Հայաստանում արդեն ցուցադրվել են բոլոր 6 եթերաշրջանները։

«Կորուսյալները» սերիալը մշակութային ֆենոմեն է դարձել։ Սերիալի սյուժեով ստեղծվել են գրական աշխատանքներ, կոմիքսներ։ 2006-ի ամռանը թողարկվել է The Lost Experience համակարգչային խաղը։ Չորրորդ եթերաշրջանի նախօրյակին համացանցում տեղի ունեցավ «Find 815» խաղը։ 2008 թ. փետրվարի 26-ին թողարկվեց Lost: Via Domus խաղը։

Ստեղծման պատմությունըԽմբագրել

«Կորուսյալները» հեռուստասերիալի ստեղծումը սկսվել է 2004 թ. հունվարից, երբ ABC ընկերության նախագահ Լոյդ Բրաունը ռեժիսոր Ջ. Ջ. Աբրամսին առաջարկեց սերիալ նկարահանել հեռու և անմարդաբնակ կղզում ինքնաթիռի վթարի մասին։ Չնայած իր անվստահությանը, շուտով Աբրամսին սկսեց դուր գալ սերիալի միտքը, և արդյունքում նա սկսեց Դեյմոն Լորենսի հետ համատեղ աշխատել մի ունիկալ ոճի սերիալի և դրա հերոսների վրա։ Սերիալի ստեղծումը ժամանակի առումով խիստ սահմանափակված էր։ Սակայն ստեղծողների խումբը բավականին ճկուն էր ու փորձառու։ Նրանք առանց տատանվելու փոխում կամ ստեղծում էին սերիալի նոր հերոսներ, որպեսզի դրանք հարմար լինեին այն դերասանների համար, որոնց նրանք ցանկանում էին տեսնել իրենց սերիալում[13]։

Չնայած «Կորուսյալների» փորձնական սերիան քննադատվեց ամբողջ հեռուստատեսային պատմության մեջ ամենաթանկ փորձնական սերիան դառնալու համար, այնուամենայնիվ հետագայում սերիալը դարձավ 2004-ի հեռուստատեսային սեզոնի ամենամեծ առևտրային հաջողություն ունեցող նախագծերից մեկը։[14]։ Թերևս սերիալի ամենամեծ հաջողությունը «Լավագույն դրամա» անվանակարգում 2005-ի սեպտեմբերին նվաճված «Էմմին» էր։ Այդ ժամանակ «Էմմի» ստացավ նաև Աբրամսը՝ որպես փորձնական սերիայի լավագույն ռեժիսոր։

Սերիալի կառուցվածքըԽմբագրել

Սերիալը կազմված է վեց եթերաշրջաններից։ Առաջին եթերաշրջանն ունի ընդամենը 24 սերիա, երկրորդը՝ 23, երրորդը՝ 22 (յուրաքանչյուր եթերաշրջանի վերջին սերիաները կրկնապատկված են, իսկ առաջին եթերաշրջանում կրկնապատկված է նաև փորձնական սերիան)։ Մնացած եթերաշրջանները պետք է ավելի կարճ լինեին՝ յուրաքանչյուրում 16-ական սերիա։ Սակայն, 2007 թ. նոյեմբերին սկսված սցենարիստների գործադուլի պատճառով, չորրորդ եթերաշրջանն ունեցավ ոչ թե 16, այլ 14 սերիա։ Փոխարենը հինգերորդ և վեցերորդ եթերաշրջանները պետք է ունենային 17 սերիա, սակայն վերջին եթերաշրջանն ունեցավ ընդամենը 18 մեկժամյա սերիաներ (առաջին և վերջին սերիաներն կրկնապատկված են)։ Արտոնագրված DVD-ներում կրկնապատկված սերիաներն առաձնացնում են։ Այդպիսով, առաջին եթերաշրջանն ունենում է 25, իսկ երկրորդը՝ 24 սերիա։

Սերիաների ձևաչափըԽմբագրել

Սերիաներն որոշակի կառուցվածք ունեն։ Յուրաքանչյուր սերիա սկսվում է տվյալ սերիայի հետ կապ ունեցող իրադարձությունների ներկայացմամբ, որոնք արդեն ցուցադրված են եղել նախորդ սերիաներում։ Շատ սերիաներ սկսվում են ֆիլմի հերոսներից մեկի՝ խոշոր պլանով նկարահանված աչքի տեսարանով։ Հենց այդ հերոսն էլ տվյալ սերիայում գլխավոր դերն է խաղում։ Սերիալը սկսվում և վերջանում է Ջեք Շեփարդի աչքի տեսարանով։ Լարված րոպեներին պատկերը սևանում է, որից հետո էկրանին է հայտնվում սերիալի փոքր-ինչ լղոզված տարռերով գրված անվանումը (Lost), որը շարժվում է դեպի հեռուստադիտողը։ Սերիալի սկզբում վերնագրերը սովորաբար գրվում են այբբենական կարգով, երբ ցուցադրվում են սերիայի առաջին տեսարանները։ Որոշ սերիաներում վերնագրերը գրվում են մինչև սերիալի անվանման հոլովակի ցուցադրությունը։ Այդ սերիաներում cold open (սկզբի տեսարանները) սովորականից ավելի երկար են։ Յուրաքանչյուր սերիա (բացառությամբ մի քանիսի) սկսվում է մեկ-երկու օրվա իրադարձությունների կրկնությամբ, և շարունակվում է ժամանակ առ ժամանակ տվյալ սերիայում կենտրոնական գործող անձ հանդիսացող հերոսի հիշողությունների (ֆլեշբեքերի) ցուցադրությամբ։ Հաճախ ֆլեշբեքերում հերոսներից մեկի հիշողության վերադարձն է ցուցադրվում («Մայրական ուրախությունը»), հերոսի՝ իր հետ կատարված իրադարձությունների պատմությունը («Ծանոթացեք՝ Քեվին Ջոնսոն») կամ ժամանակի միջով ենթագիտակցության անոմալ տեղափոխությունը («Հաստատունը»երրորդ եթերաշրջանի վերջին սերիայում («Հայելու մեջ նայելով») և չորրորդ եթերաշրջանում մեկ այլ հնարք է օգտագործվել՝ սյուժետային հայացք դեպի ապագա (ֆլեշֆորվարդՀինգերորդ եթերաշրջանում հեղինակները սյուժեի փոխանցման նոր միջոց են ներմուծում՝ զուգահեռաբառ ներկայացվում են երկու ժամանակաշրջաններում (20-րդ դարի 70-ական թվականների և 21-րդ դարի սկզբի) տեղի ունեցած իրադարձությունները, քանի որ հերոսների մի մասը հայտնվել են անցյալում։ Սակայն վեցերորդ եթերաշրջանի առաջին սերիայում այդ երկու ժամանակաշրջանների պատմությունները հատվում են։ Հեղինակները սկսում են օգտագործել նոր հնարք՝ այլընտրանքային իրականությունում տեղի ունեցող իրադարձությունների ցուցադրություն, որոնք առաջացել են հինգերորդ եթերաշրջանի վերջին սերիայի իրադարձություններից հետո։ Սերիաների մեծ մասն ավարտվում է իրադարձությունների անսպասելի շրջադարձով և կտրվում է ամենահետաքրքիր պահերին (այդ հնարքն կոչվում է Քլիֆհենգեր), որից հետո բարձր ձայնի ներքո ցուցադրվում է սերիալի անվանումը, սակայն այն չի շարժվում։ Սերիաների մի մասում էլ խճճված սյուժեից հետո ցուցադրվում է հարցերին մասնակի պատասխան տվող տեսարան, որից հետո էկրանը ուղղակի մթանում է։ Առանձնակի ողբերգական և հուզիչ տեսարաններով ավարտվող սերիաներում սերիալի անվանմանն ուղեկցող բարձր ձայնը բացակայում է, որն ընդգծում է միջադեպի նշանակությունը։

ԵթերաշրջաններԽմբագրել

Առաջին եթերաշրջանԽմբագրել

Առաջին եթերաշրջանը ներառում է 25 սերիա, որոնք, սկսած 2004 թ. սեպտեմբերի 22-ից, ԱՄՆ-ում եթեր էին դուրս գալիս ամեն չորեքշաբթի, ժամը՝ 20։00-ին։ Oceanic 815 չվերթի ինքնաթիռի վթարից հետո ողջ մնացածներն ընկնում են թվացյալ անմարդաբնակ կղզի՝ ստիպելով անծանոթներին համագործակցել՝ ողջ մնալու համար։ Նրանց կյանքը վտանգի է ենթարկվում հանելուկային էակների՝ բևեռային արջի, ջունգլիներում ձայներ արձակող անհայտ էակի և ոչ բարյացակամ կղզու բնակիչների՝ Ուրիշների կողմից։ Նրանք ծանոթանում են Դանիել Ռուսսո անունով մի ֆրանսուհու հետ, ով ավելի քան 16 տարի առաջ նավաբեկության պատճառով այդ կղզի էր ընկել, և հողի մեջ փորված ու մետաղական դուռ ունեցող հանելուկային բունկեր են գտնում։ Ողջ մնացածների մի մասը որոշում են լքել կղզին լաստով։

Երկրորդ եթերաշրջանԽմբագրել

Երկրորդ եթերաշրջանը ներառում է 24 սերիա, որոնք, սկսած 2005 թ. սեպտեմբերի 25-ից, ԱՄՆ-ում և Կանադայում եթեր էին դուրս գալիս ամեն չորեքշաբթի, ժամը՝ 21։00-ին։ Հիմնական իրադարձությունները, որոնք տեղի են ունենում աղետից 45 օր անց, ողջ մնացածների և Ուրիշների միջև աճող հակամարտության մասին են։ Շարունակվում է հավատի և գիտության հակադրությունը, որը դառնում է մի քանի սերիաների թեման։ Որոշ հանելուկներ բացահայտվում են, բայց դրանց փոխարեն ի հայտ են գալիս նորերը։ Սերիալում նոր հերոսներ են հայտնվում, որոնց թվում են պոչամասից ողջ մնացածներն ու կղզու մյուս բնակիչները։ Ավելի շատ բան է հայտնի դառնում կղզու անսովոր բնության և ողջ մնացածների անցյալի մասին։ Ողջ մնացածները հետազոտում են բունկերը և իմանում են DHARMA Initiative-ի և նախագծի հովանավոր Հանսո հիմնադրամի մասին։ Երբ հանելուկային Ուրիշների մասին ճշմարտությունը սկսվում է բացահայտվել, ողջ մնացածների մեկը դավաճանում է իր ընկերներին։ Պարզվում է նաև աղետի պատճառը։

Երրորդ եթերաշրջանԽմբագրել

Երրորդ եթերաշրջանը ներառում է 23 սերիա, որոնք, սկսած 2006 թ. հոկտեմբերի 4-ից, ԱՄՆ-ում և Կանադայում եթեր էին դուրս գալիս ամեն չորեքշաբթի, ժամը՝ 21։00-ին։ Որոշակի ընդմիջումից հետո սերիալը կրկին եթեր է դուրս գալիս 2007 թ. փետրվարի 7-ին, ժամը՝ 22։00-ին։ Իրադարձությունները զարգանում են վթարից 69 օր անց։ Ողջ մնացածներն ավելի շատ տեղեկություններ են իմանում կղզու խորհրդավոր պատմության և Ուրիշների մասին։ Ուրիշներից մեկը միանում է ողջ մնացածներին, երբ վերջիններս Ուրիշներից փրկվելու համար լքում են ճամբարը։ Ուրիշների և ողջ մնացածների միջև պատերազմն ու լարվածությունը հասնում են իրենց կիզակետին, և ողջ մնացածները կարողանում են կապ հաստատել փրկարարների խմբի հետ։

Չորրորդ եթերաշրջանԽմբագրել

Չորրորդ եթերաշրջանում նախատեսված էր (նախքան սցենարիստների գործադուլը) ներառել 16 սերիա, որոնք ԱՄՆ-ում և Կանադայում սկսեցին ցուցադրվել 2008 թ. հունվարի 31-ին։ Սակայն սցենարիստների գործադուլի պատճառով եթերաշրջանում ներառվեց ընդամենը 14 սերիա, որոնցից 8-ը նկարահանվել էին նախքան գործադուլը, իսկ մնացած 6-ը՝ դրանից հետո։ Այս եթերաշրջանի կենտրոնում կղզի ժամանած Kahana նավի ուղևորների և փրկվածների հարաբերություններն են, ինչպես նաև «Օշեանիկի վեցնյակի» փրկության պատմությունը (կղզուց հետո նրանց կյանքի շարունակությունը ցույց է տրվում ֆլեշֆորվարդների միջոցով)։

Հինգերորդ եթերաշրջանԽմբագրել

Հինգերորդ եթերաշրջանը մեկնարկեց 2009թ. հունվարի 21-ից երեքժամանոց պրեմիերայով, որը ներառում էր կլիպ-շոու և երկու նոր սերիա։ Մյուս սերիաները Հյուսիսային Ամերիկայում եթեր էին դուրս գալիս ամեն չորեքշաբթի, ժամը՝ 21։00-ին։ 2009թ. մայիսի 13-ին եթերաշրջանն ավարտվեց երկժամյա վերջաբանով։ Այստեղ զուգահեռաբար ներկայացվում էին երկու ժամանակաշրջաններում (20-րդ դարի 70-ական թվականների և 21-րդ դարի սկզբի) տեղի ունեցած իրադարձությունները, քանի որ հերոսների մի մասը հայտնվել էին 1974 թվականում, իսկ մյուսները հեռացել էին կղզուց։ Երեք տարի անց «Օշեանիկի վեցնյակը» վերադառնում է կղզի, և, ինչպես ասել է Լինդելոֆը, եթերաշրջանն այն մասին է, թե նրանք, ովքեր հեռացել էին կղզուց, ինչու պետք է վերադառնան։

Վեցերորդ եթերաշրջանԽմբագրել

2007 թ. մայիսի 7-ին ABC Entertainment-ի նախագահ Սթիվեն ՄաքՖերսոն հայտարարել էր, որ հեռուստասերիալը կավարտվի 2009-2010 հեռուստաեթերաշրջանում՝ ցնցող վերջաբանով։

Սերիալի գլխավոր պրոդյուսերներ Լինդելոֆը և Քյուզը հաստատում էին, որ իրենք միշտ էլ պատկերացրել են հեռուստասերիալն իր սկզբով, միջնամասով և ավարտով, և քանի որ արդեն հայտարարվել էր՝ երբ սերիալը կավարտվի, հեռուստադիտողները կարող էին հանգիստ լինել, որ այն կավարտվի այնպես, ինչպես պրոդյուսերները նախատեսել էին։ Լինդելոֆը և Քյուզը նշել էին, որ 2010 թվականը սերիալի ավարտի տարի թողնելը չափազանց ազատական էր և օգնեց նրանց կրկին բացահայտել, թե ինչի մասին է այն։ Լինդելոֆն ընդգծել էր, որ հեռուստասերիալն այլևս չի երկարաձգվի։ Իսկ Մեթյու Ֆոքսը մի անգամ հայտարարել էր, որ վերջին եթերաշրջանում Ջեք Շեփարդի և Ջոն Լոքի կերպարները դուրս կգան միմյանց դեմ։

Վեցերորդ եթերաշրջանը բացում է արդեն վաղուց ձգվող գաղտնիքները, օրինակ՝ ծխանման հրեշը, չորս մատ ունեցող հսկայական կոթողը, կմախքները, որոնց Ջոն Լոքն անվանել էր կղզու Ադամ ու Եվա։ Վերջին եթերաշրջանում ժամանակային գծերը հատվում են՝ դառնալով միայն մեկը, և այլևս չկան ֆլեշբեքեր։

Comic-Con 2009-ի ընթացքում հայտարարվել էր, որ կվերադառնան դերասաններ Ջերեմի Դևիսը, Էլիզաբեթ Միտչելը և Դոմինիկ Մոնագանը, իսկ Նեստոր Կարբոնելը կմիանա հիմնական դերասանական կազմին։ Քյուզը հայտնել էր, որ ֆլեշֆորվարդների ու ժամանակային ճամփորդությունների եթերաշրջանն ավարտվել է, և վեցերորդ եթերաշրջանում կլինի պատմողական այլ հնարք։

Հեռուստասերիալի վերջին սերիան ԱՄՆ-ում ցուցադրվեց 2010թ. մայիսի 23-ին։ Այն տևեց 2,5 ժամ, հեռուստաալիքին արժեցավ 12 000 000 $ և հեռուստաէկրանների առջև հավաքեց ավելի քան 13 միլիոն ամերիկացի հեռուստադիտող։

ԴերերումԽմբագրել

815 չվերթի ուղևորներըԽմբագրել

ՄիջնամասԽմբագրել

Դերասան Դեր
Մեթյու Ֆոքս Ջեք Շեփարդ Ջեք Շեփարդ
Էվանջելին Լիլլի Քեյթ Օսթին Քեյթ Օսթին
Ջոշ Հոլոուեյ Ջեյմս «Սոյեր» Ֆորդ Ջեյմս «Սոյեր» Ֆորդ
Դոմինիկ Մոնագան Չարլի Փեյս Չարլի Փեյս
Թերրի Օ՝Քուին Ջոն Լոք Ջոն Լոք
Նավին Էնդրյուս Սայիդ Ջարահ Սայիդ Ջարահ

Դերասան Դեր
Խորխե Գարսիա Հյուգո Ռեյես Հյուգո Ռեյես
Դանիել Դե Քիմ Ջին Քվոն Ջին Քվոն
Քիմ Յուջին Սուն Քվոն Սուն Քվոն
Էմիլի դե Ռավին Քլեր Լիթլթոն Քլեր Լիթլթոն
Հարոլդ Պերինո Մայքլ Դոուսոն Մայքլ Դոուսոն
Մալքոլմ Դեյվիդ Քելի Ուոլթ Լլոյդ Ուոլթ Լլոյդ

Դերասան Դեր
Մեգի Գրեյս Շենոն Ռութերֆորդ Շենոն Ռութերֆորդ
Իեն Սոմերհոլդեր Բուն Կարլայլ Բուն Կարլայլ
Լ. Սքոթ Կոլդուել Ռոուզ Նեդլեր Ռոուզ Նեդլեր
Մեդիսոն և Փոնո (շներ) շունը Վինսենթ շունը
Կիլե Սանչեզ Նիքքի Ֆերնանդես Նիքքի Ֆերնանդես
Ռոդրիգո Սանտորո Պաուլո Պաուլո

ՊոչամասԽմբագրել

Դերասան Դեր
Ադևալե Ակինուոյե-Ագբաջե Միսթեր Էկո Միսթեր Էկո
Միշել Ռոդրիգես Անա-Լուսիա Քորտեզ Անա-Լուսիա Քորտեզ
Դերասան Դեր
Սինթիա ՈՒոթրոս Լիբի Սմիթ Լիբի Սմիթ
Սեմ Անդերսոն Բերնարդ Նեդլեր Բերնարդ Նեդլեր

«Ուրիշներ»Խմբագրել

Դերասան Դեր
Մարկ Պելեգրինո Ջեյքոբ Ջեյքոբ
Մայքլ Էմերսոն Բենջամին Լայնուս Բենջամին Լայնուս
ՈՒիլյամ Մեյփոթեր Իթան Ռոմ Իթան Ռոմ

Դերասան Դեր
Էլիզաբեթ Միտչել Ջուլիետ Բյորկ Ջուլիետ Բյորկ
Նեստոր Կարբոնել Ռիչարդ Ալփերտ Ռիչարդ Ալփերտ
Մայք Քոնոր Գեյնի Թոմ Ֆրենդլի Թոմ Ֆրենդլի

Դերասան Դեր
Տանյա Ռեյմոնդ Ալեքս Ռուսսո Ալեքս Ռուսսո
Թայթուս ՈՒելիվեր Սևի մեջ մարդը Սևի մեջ մարդը
Հիրոյուկի Սանադա Դոգեն Դոգեն

ԱյլԽմբագրել

Դերասան Դեր
Միրա Ֆուրլան Դանիել Ռուսսո Դանիել Ռուսսո
Հենրի Իեն Քյուսիք Դեսմոնդ Հյում Դեսմոնդ Հյում
Ջերեմի Դևիս Դենիել Ֆարադեյ Դենիել Ֆարադեյ
Կեն Լյուն Մայլզ Սթրոմ Մայլզ Սթրոմ

Դերասան Դեր
Ռեբեկա Մեյդեր Շարլոտա Լյուիս Շարլոտա Լյուիս
Սոնյա ՈՒոլգեր Պենելոպա Հյում Պենելոպա Հյում
Ջեֆ Ֆահի Ֆրենկ Լապիդուս Ֆրենկ Լապիդուս
Քեվին Դյուրանդ Մարտին Քիմի Մարտին Քիմի

Դերասան Դեր
Ալան Դեյլ Չարլզ ՈՒիդմոր Չարլզ ՈՒիդմոր
Ջոն Թերրի Քրիստիան Շեփարդ Քրիստիան Շեփարդ
Զուլեյկա Ռոբինսոն Իլանա Վերդանսկի Իլանա Վերդանսկի
Ֆրանսու Շո Պիեր Չենգ Պիեր Չենգ

Դերասանների ընտրությունԽմբագրել

ԵրաժշտությունըԽմբագրել

«Կորուսյալները» ՀայաստանումԽմբագրել

Հեռուստասերիալը ցուցադրվել է Հ1 հեռուստաալիքով, հայերեն կրկնօրինակմամբ (դուբլյաժով)։

«Aloha, LOST!» հեռուստաշոունԽմբագրել

6-րդ եթերաշրջանի վերջին սերիայի ավարտից անմիջապես հետո ABC ընկերության կողմից ցուցադրվեց հրաժեշտի «Aloha, LOST!» հեռուստաշոուին, որի վարողն էր Ջիմմի Կիմմելը։ Դեկորացիաների ներքո և նվագախմբի նվագակցության տակ հեռուստասերիալի դերասանները և ռեժիսորները, ովքեր այդ պահին կրում էին Dharma Initiative - ի հագուստները, հրաժեշտ տվեցին։

«The New Man in Charge» վերջաբանըԽմբագրել

2010 թ օգոստոսի 24-ին թողարկված Lost: The Complete Collection DVD-սկավառակում, որը ներառում է Կորուսյալների բոլոր եթերաշրջանների բոլոր սերիաները, որպես վերջաբան տեղադրված էր 12 րոպե տևողությամբ «Նոր առաջնորդը» հոլովակը։

ԾանոթագրություններԽմբագրել

  1. Smith D. Abrams, J.J. // Disney A to Z: The Official Encyclopedia — 1996.
  2. http://www.imdb.com/title/tt0411008/
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 3,20 3,21 3,22 3,23 3,24 3,25 3,26 3,27 3,28 3,29 3,30 3,31 3,32 3,33 3,34 3,35 3,36 3,37 3,38 3,39 3,40 3,41 3,42 3,43 3,44 3,45 3,46 3,47 3,48 3,49 3,50 3,51 3,52 3,53 3,54 3,55 3,56 ČSFD — 2001.
  4. 4,0 4,1 4,2 ABC announces primetime premiere dates for the 2004-05 fall seasonABC, 2004.
  5. 5,0 5,1 ABC's "Lost" finale extended by a half-hourABC, 2010.
  6. Jeff Jensen (21 հունիսի 2009 թ.)։ «'Lost': The cult of 'cult TV' (Part 1)» (անգլերեն)։ Entertainment Weekly։ Արխիվացված է օրիգինալից 2012-02-08-ին։ Վերցված է 2009 թ. օգոստոսի 15–ին 
  7. «''Lost'': About the Show – ABC.com»։ Abc.go.com։ Արխիվացված է օրիգինալից 2012-02-08-ին։ Վերցված է 2010 թ. հուլիսի 24 
  8. J. J. Abrams (2004-09-22). «Pilot: Part 1». Lost. Season 1. Episode 1. ABC. 
  9. Kissell Rick (23 սեպտեմբերի, 2004 թ.)։ «ABC, Eye have quite some night (անգլ.)»։ Variety 
  10. «Season Program Rankings from 09/20/04 through 05/19/05»։ ABC Medianet։ հունիսի 21, 2005։ Արխիվացված է օրիգինալից 2012-02-08-ին։ Վերցված է փետրվարի 3, 2009 
  11. Քաղվածելու սխալ՝ Սխալ <ref> պիտակ՝ 23may անվանումով ref-երը տեքստ չեն պարունակում:
  12. «"Lost" set for three more years» (անգլերեն)։ Variety.com։ 6 մայիսի, 2007 թ.։ Արխիվացված է օրիգինալից 2012-02-08-ին 
  13. Abrams, J. J and Lloyd Braun, Lost Season 1 DVD (extras), Buena Vista Home Entertainment, 6 սեպտեմբերի, 2005 թ.
  14. Bianco Robert (26 ապրիլի, 2005 թ.)։ «A good season, with reason (անգլ.)»։ USA Today 

ՀղումներԽմբագրել