Վիքիպեդիա

Հոու Յիֆան

Հոու Յիֆան (չինարեն՝ 侯逸凡, փետրվարի 27, 1994, Նանկին, Ցզյանսու)[5][6], չինացի շախմատիստուհի, շախմատի աշխարհի կանանց չեմպիոն (2010—2012, 2013—2015, 2016 թվականից), Չինաստանի ազգային հավաքականի կազմում աշխարհի թիմային առաջնության եռակի չեմպիոն (2007, 2009, 2011)։ Աշխարհի այն երեք չեմպիոնուհիներից է (Ելիզավետա Բիկովա, Սե Ցզյուն և Հոու Յիֆան), որոնք կարողացել են ընդմիջումից հետո հետ բերել շախմատային գահը, ընդ որում՝ դա արել է երկու անգամ (2013, 2016)։

Հոու Յիֆան
չինարեն՝ 侯逸凡
Հոու Յիֆանը 2012 թվականին
Պետություն(ներ)Չինաստանի Ժողովրդական Հանրապետություն Չինաստան
Ծննդյան ամսաթիվփետրվարի 27, 1994(1994-02-27)[1][2][3] (29 տարեկան)
ԾննդավայրՆանկին, Չինաստանի Ժողովրդական Հանրապետություն Չինաստան
ԿոչումԳրոսմայստեր (2009)
Առավելագույն վարկանիշ2639 (2012-ի մարտ)
Ներկայիս վարկանիշ2628
ՖԻԴԵ համար8602980
365chessYifan_Hou
Chesstempo համար88995
ICCF համար88995
Մասնակցել էԱմառային ասիական խաղեր 2010, Շախմատի կանանց օլիմպիադա 2006[4], Կանանց շախմատային օլիմպիադա 2008[4], Կանանց շախմատային օլիմպիադա 2010[4], Կանանց շախմատային օլիմպիադա 2012[4], Կանանց շախմատային օլիմպիադա 2014[4] և Կանանց շախմատային օլիմպիադա 2016
Պարգևներ և մրցանակներ
 Hou Yifan Վիքիպահեստում

Կարիերայի սկիզբ

Հոու Յիֆանն իր շախմատային կարիերան սկսել է 6 տարեկանում։ Յիֆանը 10 տարեկանում գնացել է Պեկին, որտեղ շախմատով զբաղվել է Չինաստանի շախմատի կենտրոնում։ Նրա մարզիչը եղել է գրոսմայստեր Ե Ցզյանչուանը։

2003 թվականին Հոու Յիֆանը մասնակցել է և հաղթել աշխարհի աղջիկների մինչև 10 տարեկանների առաջնությունում[7]։ Առաջնությունը անցկացվել է Հունաստանում։ Յիֆանը 11 հնարավորից վաստակել է 9,5 միավոր։ 2004 թվականին մասնակցել է տղաների մինչև 10 տարեկանների առաջնությանը և գրավել 3-րդ հորիզոնականը[8]։

2005 թվականին, մասնակցելով Չինաստանի շախմատի առաջնությանը, լրացրել է կանանց գրոսմայստերի առաջին նորմը[9]։ 2006 թվականի մայիս-հունիս ամիսներին Յիֆանը Չինաստանի հավաքականի կազմում մասնակցել է Թուրինում անցկացվող օլիմպիադային[10], որտեղ նա 13 հնարավորից վաստակեց 11 միավոր[11], որից հետո լրացրեց կանանց գրոսմայստերի երկրորդ նորմը։ Այդ ժամանակ Յիֆանը 12 տարեկան և 3 ամսական էր[12], և դարձավ աշխարհի ամենաերիտասարդ կին գրոսմայստերը։ Պաշտոնապես կանանց գրոսմայստերի կոչմանն արժանացավ 2007 թվականի հունվարին, ՖԻԴԵ-ի նախագահական խորհրդում (Անթալիա, Թուրքիա)[13][14]։

2007 թվականին Յիֆանը 13 տարեկան հասակում, Չինաստանի շախմատի առաջնությունում հաղթելով՝ դարձավ ամենաերիտասարդ շախմատիստուհին պատմության մեջ, որը հաղթել էր այդ առաջնությունում[15][16][17]։

«Աերոֆլոտ օփեն 2007» մրցաշարում, որն անցկացվում էր Մոսկվայում[18], Յիֆանը 9 հնարավորից վաստակեց 3,5 միավոր[19]։

2007 թվականին Յիֆանը մասնակցեց Վեյկ ան Զեյի մրցաշարին[20][21]։ C մրցաշարում նա զբաղեցրեց 5-րդ հորիզոնականը։

2008 թվական

2008 թվականին Վեյկ ան Զեյի մրցաշարում 13 հնարավորից վաստակել է 6 միավոր (+3-4=6, վարկանիշը՝ 2598)[22] և B խմբում կիսել 7-10 հորիզոնականները։

 
Հոու Յիֆանը 2008 թվականի օգոստոսին: Աշխարհի երիտասարդ շախմատիստների առաջնությունում (Թուրքիա)

2008 թվականին Յիֆանը մասնակցել է Մոսկվայում անցկացվող «Աերոֆլոտ օփեն» մրցաշարին։ Նա 9 հնարավորից վաստակել է 4,5 միավոր (վարկանիշը՝ 2605), գրավել 31-րդ հորիզոնականը և առաջին անգամ լրացրել տղամարդկանց գրոսմայստերի նորմը։

2008 թվականի մարտի 10-20-ին Ստամբուլում մասնակցել է կանանց Bank Atatürk International Women Masters մրցաշարին և դարձել հաղթող՝ 9 հնարավորից վաստակելով 7 միավոր (+5-0=4, վարկանիշը՝ 2674)[23]:

2008 թվականի հունիսին 2-րդ անգամ է հաղթել Չինաստանի կանանց առաջնությունում։

Նույն թվականի օգոստոսին Հոու Յիֆանը մասնակցել է մինչև 20 տարեկան տղաների աշխարհի առաջնությանը (Այնթապ)։ 13 հնարավորից վաստակելով 9 միավոր (վարկանիշը՝ 2661)[24] և բաժանելով 3-7-րդ տեղերը՝ նա 2-րդ անգամ լրացրել է տղամարդկանց գրոսմայստերի նորմը։

 
Հոու Յիֆանը 2008 թվականի նոյեմբերին: Շախմատային օլիմպիադայի ժամանակ (Գերմանիա)

2008 թվականի օգոստոսի 28-ից սեպտեմբերի 28-ը Հոու Յիֆանը Նալչիկում մասնակցել է կանանց աշխարհի առաջնությանը[25] որն անցկացվել է գավաթային մրցակարգով։ Առաջին փուլում Յիֆանը 2:0 հաշվով հաղթել է եգիպտուհի Մոնու Հալեդին։ Երկրորդ փուլում Յիֆանը 2:0 հաշվով հաղթել է մոնղոլուհի Բաթ Մոնգոնթուլին։ Երրորդ փուլում Յիֆանը մրցում էր Իտալիան ներկայացնող Ելենա Սեդինայի հետ։ Դասական ժամակարգով պարտիաների արդյունքում գրանցվեց ոչ-ոքի՝ 1:1, իսկ արագ շախմատի երկու լրացուցիչ պարտիաներում էլ հաղթեց Յիֆանը։ Ընդհանուր հաշիվը դարձավ 3:1 հօգուտ Յիֆանի։ Չորրորդ փուլում Յիֆանը մրցում էր հայ շախմատիստուհի Լիլիթ Մկրտչյանի հետ։ Չինուհին հաղթեց 1½:½ հաշվով։ Հինգերորդ փուլում Յիֆանը խաղում էր հնդիկ շախմատիստուհի Համփի Կոներուի հետ։ Կոներուի վարկանիշը առաջնության մասնակիցների մեջ ամենաբարձրն էր՝ 2622։ Խաղն ավարտվեց 1:1 հաշվով և շախմատիստուհիները խաղացին լրացուցիչ պարտիաներ, որոնք ևս ավարտվեցին 1:1 հաշվով։ Շախմատիստուհիները խաղացին կայծակնային շախմատի երկու պարտիա, որոնցում հաղթեց Հոուն[26] և դուրս եկավ եզրափակիչ։ Եզրափակչում Յիֆանի մրցակիցը ռուս շախմատիստուհի Ալեքսանդրա Կոստենյուկն էր։ Եզրափակչում շախմատիստուհիները խաղացին 4 պարտիա. Հոու Յիֆանը պարտվեց 1½-2½ հաշվով (+0-1=3)[27]:

2008 թվականի նոյեմբերի 12-25-ին Դրեզդենում (Գերմանիա) անցկացվում էր շախմատի համաշխարհային օլիմպիադա[28]։ Հոու Յիֆանը խաղում էր Չինաստանի հավաքականի առաջին խաղատախտակի վրա։ Նա 11 հնարավորից վաստակեց 7,5 միավոր (+5-1=5) (վարկանիշ՝ 2563)[29]: Յիֆանն իր խաղատախտակի վրա զբաղեցրեց 3-րդ տեղը՝ հետ մնալով վրացի Մայա Չիբուրդանիձեից և կոլումբիացի Մարտա Բակերոյից[30]։ Չինաստանի կանանց հավաքականը գրավեց 7-րդ հորիզոնականը։

Օլիմպիադային զուգահեռ Դրեզդենում կայացավ ՖԻԴԵ-ի կոնգրեսը, որը Հոու Յիֆանին պաշտոնապես շնորհեց գրոսմայստերի կոչում։ Հոու Յիֆանը շախմատի ողջ պատմության մեջ դարձավ ամենաերիտասարդ շախմատիստուհին (14 տարեկան 6 ամսական), որ արժանացավ տղամարդկանց գրոսմայստերի կոչմանը[31]։ Կոչումը շնորհելու պահին (2008 թվականի նոյեմբեր) Յիֆանը ամենաերիտասարդ գրոսմայստերն էր ինչպես կանանց, այնպես տղամարդկանց շրջանում։

2009 թվական

2009 թվականին Վեյկ Ան Զեյի մրցաշարում 13 հնարավորից Յիֆանը վաստակեց 6 միավոր (+3-4=6, վարկանիշ՝ 2619)` B խմբում բաժանելով 9-10-րդ հորիզոնականները[32]։

2009 թվականի մարտի 5-20-ին Ստամբուլում անցկացվեց ՖԻԴԵ կանանց Գրան Պրիի առաջին մրցաշարը։ Հոու Յիֆանը 11 հնարավորից վաստակեց 8 միավոր (+6-1=4) 2-3-րդ հորիզոնականները բաժանեց հայ գրոսմայստեր Էլինա Դանիելյանի հետ։

2010 թվական

2010 թվականի դեկտեմբերի 2-25-ին Հոու Յիֆանը մասնակցել է աշխարհի կանանց առաջնությանը[33]։ Առաջնությունն անցկացվում էր Թուրքիայում, գավաթային մրցակարգով։

Առաջին փուլում Յիֆանը 2:0 հաշվով հաղթեց Էկվադորը ներկայացնող Կառլա Սեռանոյին։ Երկրորդ փուլում Յիֆանը 1½:½ հաշվով հաղթեց ռուս շախմատիստուհի Մարինա Ռոմանկոյին։ Երրորդ փուլում իրար հետ պետք է մրցեին չին շախմատիստուհիները` Յիֆանը և Կատարը ներկայացնող Չժու Չենը[34]։ Հիմնական պարտիաներն ավարտվեցին 1:1 հաշվով, և հաղթողը որոշվեց լրացուցիչ պարտիաներում։ Հոու Յիֆանը արագ շախմատում սպիտակներով հաղթեց, իսկ սևերով ոչ-ոքի խաղաց։ Ընդհանուր հաշիվը՝ 2½:1½[35]: Չորրորդ փուլում Հոու Յիֆանը 1½:½ հաշվով հաղթեց ուկրաինացի շախմատիստուհի Եկատերինա Լագնոյին։ Հինգերորդ փուլում Յիֆանը խաղաց առաջնությունում ամենաբարձր վարկանիշը (2600) ունեցող հնդիկ Համփի Կոներուի հետ։ Յիֆանը և՛ սպիտակ, և՛ սև խաղաքարերով հաղթանակ տարավ և դուրս եկավ եզրափակիչ[36]։

Եզրափակչում Յիֆանը հանդիպեց իր հայրենակից Ժուան Լուֆեյի հետ, որը երրորդ փուլում առաջնությունից դուրս էր թողել աշխարհի գործող չեմպիոնուհի Ալեքսանդրա Կոստենյուկին։ Չորս պարտիայից հետո գրանցվեց 2:2 հաշիվը։ Արագ շախմատի լրացուցիչ պարտիաներից հետո գրանցեց ընդհանուր 5:3 հաշիվ, և Հոու Յիֆանը դարձավ աշխարհի չեմպիոն։ 16-ամյա Հոու Յիֆանը դարձավ շախմատի պատմության մեջ ամենաերիտասարդ աշխարհի չեմպիոնուհին[37]։ Մինչ այդ ամենաերիտասարդ չեմպիոնուհին վրացի շախմատիստուհի Մայա Չիբուրդանիձեն էր, որը 1978 թվականին չեմպիոն էր հռչակվել 17 տարեկանում։

Հոու Յիֆանի վարկանիշը

Ժամանակ Վարկանիշ Ծանոթագրություն
01.01.2008 2527 1-ն աշխարհում աղջիկների մեջ, 5-րդն աշխարհում կանանց մեջ, 2-ինը Չինաստանի շախմատիստուհիների մեջ
01.04.2008 2549 1-ն աշխարհում աղջիկների մեջ, 4-րդն աշխարհում կանանց մեջ, 2-ինը Չինաստանի շախմատիստուհիների մեջ
01.07.2008 2557 1-ն աշխարհում աղջիկների մեջ, 4-րդն աշխարհում կանանց մեջ, 2-ինը Չինաստանի շախմատիստուհիների մեջ
01.10.2008 2578 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.01.2009 2571 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.04.2009 2590 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.07.2009 2582 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.09.2009 2585 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.11.2009 2588 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.01.2010 2590 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.03.2010 2570 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.05.2010 2589 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.07.2010 2577 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.09.2010 2578 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.11.2010 2591 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ
01.01.2011 2602 1-ն աշխարհում աղջիկների մեջ, 3-րդն աշխարհում կանանց մեջ, 1-ինը Չինաստանի շախմատիստուհիների մեջ

Վարկանիշի փոփոխության գծապատկեր

Էլոյի վարկանիշի փոփոխություններ[38]
[ստեղծել | թարմացնել]
Կաղապարի նկարագրություն
Այս կաղապարին ձեռնարկ է հարկավոր։

Նախագծին օգնելու համար դուք կարող եք ստեղծել այն։ Ձեռնարկում սովորաբար նկարագրվում են կաղապարի նշանակությունն ու օգտագործման կարգը, տրվում է նրա պարամետրերի մեկնաբանությունը։ Այդ ամենը հեշտացնում է կաղապարի օգտագործումը մյուս մասնակիցների համար։
Ձեռնարկ կազմելու ժամանակ ուշադրություն դարձրեք, որպեսզի կաղապարի էջին վերաբերող բոլոր մասերը միշտ մնան <noinclude></noinclude> թեգերի սահմաններում (անգլ. և ռուս. մեկնաբանությունները նրանց մասին)։
Նաև խորհուրդ է տրվում չանտեսել կաղապարային կատեգորիաներն (Վիքիպեդիա:Կատեգորիզացիա) ու ինթերիվիքները, որպեսզի այլ մասնակիցները հետագայում ավելի հեշտորեն գտնեն արդեն ստեղծված կաղապարները։

Այս կաղապարն օգտագործող էջերում հնարավոր սխալներից խուսափելու համար փորձարկումները կատարե՛ք կաղապարի ավազարկղում (ստեղծել | հայելի) կամ անձնական ավազարկղերում։
Այս կաղապարի ենթաէջերը։

Ծանոթագրություններ

  1. ↑ Encyclopædia Britannica
  2. ↑ Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
  3. ↑ https://www.esportsearnings.com/players/female-players
  4. ↑ 4,0 4,1 4,2 4,3 4,4 OlimpBase
  5. ↑ Profile Archived 2009-01-04 at the Wayback Machine., China Chess League
  6. ↑ «chesspawn.net»։ chesspawn.net։ Արխիվացված է օրիգինալից 2012-03-14-ին։ Վերցված է ապրիլի 25, 2014 
  7. ↑ CHN Women Team Ch.2004 – Tournament details
  8. ↑ CHN Women Team Ch.2004 – CHN, Tournament report; accessed 25 April 2014.
  9. ↑ World Ladies Tournament in Jinan, chessbase.com; accessed 24 March 2006.
  10. ↑ ChessBase news article on the Women's World Championship 2006, round two, accessed 24 March 2006.
  11. ↑ «Women's World Chess Championship 2006»։ Chessbase.com։ մարտի 27, 2006։ Վերցված է դեկտեմբերի 3, 2011 
  12. ↑ «Hou Beats Former European Champion»։ China.org.cn։ մարտի 15, 2006։ Վերցված է դեկտեմբերի 3, 2011 
  13. ↑ «Womens World Championship»։ Chessbase.com։ Վերցված է դեկտեմբերի 3, 2011 
  14. ↑ World Chess Championship (Women) 2006 FIDE Knockout Matches. Ekaterinburg, Russia, III, 2006.
  15. ↑ Corus Grandmaster Group C Final Standings Archived 2007-09-28 at the Wayback Machine.; accessed 15 February 2007.
  16. ↑ «Wijk aan Zee 2007»։ Chessbase.com։ Վերցված է դեկտեմբերի 3, 2011 
  17. ↑ «Corus, Wijk aan Zee 2007. Round 13 28th January 2007»։ Chesscenter.com։ հունվարի 28, 2007։ Վերցված է դեկտեմբերի 3, 2011 
  18. ↑ Aeroflot Open C – Tournament details
  19. ↑ Aeroflot Open C – RUS – Tournament report
  20. ↑ 8. RUS Team Women's Chmp. – Fide.com
  21. ↑ «Tomsk leads in the Russian Team Championships»։ Chessbase.com։ Արխիվացված է օրիգինալից 2008-04-11-ին։ Վերցված է դեկտեմբերի 3, 2011 
  22. ↑ Wijk R13: Aronian, Carlsen win Wijk aan Zee 2008; accessed 29 January 2008.
  23. ↑ Bank Atatürk International Women Masters.
  24. ↑ World junior chess championship.
  25. ↑ WWCC – Nalchik 2008 – and now there are just four!, fide.com, 9 September 2008
  26. ↑ WWCC – Nalchik 2008 – and now there are just four!
  27. ↑ «Чемпионат мира по шахматам среди женщин 2008»։ Արխիվացված է օրիգինալից 2014-04-05-ին։ Վերցված է 2016-01-28 
  28. ↑ Titles awarded at the 79th FIDE Congress in Dresden, Germany (16–26 November 2008)
  29. ↑ «Grandmaster GM norms application»։ Վերցված է դեկտեմբերի 3, 2011 
  30. ↑ From the Tournament-Database of Chess-Results Archived 2011-07-21 at the Wayback Machine., Olympiad Dresden 2008 Women; accessed 25 April 2014.
  31. ↑ «Olympiad in Dresden: Closing ceremony and prize giving»։ Chessbase.com։ նոյեմբերի 29, 2008։ Վերցված է դեկտեմբերի 3, 2011 
  32. ↑ «Wijk R13: Sergey Karjakin wins Wijk aan Zee 2009»։ Chess News։ Վերցված է հոկտեմբերի 17, 2015 
  33. ↑ «GM Hou Yifan wins Third Kuala Lumpur Open»։ ChessBase.com։ Վերցված է դեկտեմբերի 3, 2011 
  34. ↑ Mark Crowther (օգոստոսի 11, 2010)։ «5th FIDE Women Grand Prix Ulaanbaatar 2010»։ Chess.co.uk։ Վերցված է դեկտեմբերի 3, 2011 
  35. ↑ «Chess-Results Server Chess-results.com»։ Chess-results.com։ նոյեմբերի 17, 2010։ Վերցված է դեկտեմբերի 3, 2011 
  36. ↑ «Results of the 15th European Club Cup for Women 2010» 
  37. ↑ «The Official Website of the 16th Asian Games»։ Gz2010.cn։ հոկտեմբերի 18, 2010։ Արխիվացված է օրիգինալից 2018-01-04-ին։ Վերցված է դեկտեմբերի 3, 2011 
  38. ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org


 
Շախմատի աշխարհի չեմպիոնուհիներ

Վերա Մենչիկ (1927-1944) | Լյուդմիլա Ռուդենկո (1950-1953) | Ելիզավետա Բիկովա (1953-1956, 1958-1962) | Օլգա Ռուբցովա (1956-1958) | Նոնա Գափրինդաշվիլի (1962-1978) | Մայա Չիբուրդանիձե (1978-1991) | Սե Ցզյուն (1991-1996, 1999-2001) | Ժուժա Պոլգար (1996-1999) | Չժու Չեն (2001-2004) | Անտոանետա Ստեֆանովա (2004-2006) | Սյույ Յուհուա (2006-2008) | Ալեքսանդրա Կոստենյուկ (2008-2010) | Հոու Յիֆան (2010-2012, 2013-2015, 2016-2017) | Աննա Ուշենինա (2012-2013) | Մարիա Մուզիչուկ (2015-2016) | Թան Չժունյի (2017-2018) | Ցզյու Վենցզյուն (2018-ից)

Ստացված է «https://hy.wikipedia.org/w/index.php?title=Հոու_Յիֆան&oldid=8198477» էջից