Իոանիս Իկոնոմու
Իոանիս Իկոնոմու (հուն․՝ Ιωάννης Οικονόμου, 1964, Հերակլիոն, Կրետե, Հունաստանի Հանրապետություն), հույն թարգմանիչ և լեզվաբան, 2002 թվականից՝ Եվրոպական խորհրդարանի թարգմանիչը[1]։
| Իոանիս Իկոնոմու հուն․՝ Ιωάννης Οικονόμου | |
|---|---|
| Ծնվել է | 1964 |
| Ծննդավայր | Հերակլիոն, Կրետե, Հունաստան |
| Քաղաքացիություն |  Հունաստան |
| Ազգություն | հույն |
| Կրթություն | Հարվարդի համալսարան, Կոլումբիայի համալսարան և Սալոնիկի համալսարան |
| Կարողություն | աշխատում է 47 լեզվով |
| Մասնագիտություն | թարգմանիչ |
| Աշխատանք | Եվրոպական խորհրդարանի թարգմանիչ |
| Աշխատավայր | Եվրոպական խորհրդարան |
| Ամուսին | Տոմեկ |
Համարվում է պոլիգլոտի ժամանակակից ուշագրավ օրինակ։ Իոանիս Իկոնոմուն տիրապետում է 32 լեզուների, չնայած, որ իր մայրենի լեզուն հունարենն է։ Բացի հունարենից, նա խոսում է նաև Եվրոպական Միության 24 պաշտոնական լեզուներից 21-ով։
Այդ երեք լեզուներ չիմանալը նա պատճառաբանում է, որ լիտվերենը մոռացել է, իսկ մալթերենի և գալիսերենի սովորելու համար ժամանակը չի հերիքում։ Նա խոսում է նաև հին լեզուներով, այդ թվում լատիներենով, հին անգլերենով, հին իռլանդերենով և հին պարսկերենով[2][3]։
Նա կատարել է ավելի քան 2,500 թարգմանություն Եվրոպական խորհրդարանում, հիմնականում՝ հունարեն, գերմաներեն և ֆրանսերեն լեզուներով։
Կենսագրություն խմբագրել
Իոանիս Իկոնոմուն ծնվել է 1964 թվականին Հունաստանի Կրետե կղզու մայրաքաղաք Հերակլիոնում։ Դեռ փոքր հասակից առանձնակի սեր է ունեցել օտար լեզուների հանդեպ։
Իր սովորած առաջին օտար լեզուն եղել է գերմաներենը, որը նա սովորել է դեռևս 7 տարեկան հասակում։ Նա ասում է, որ գերմաներեն խոսել իրեն սովորեցրել է գերմանացի մի կին, ով տեղափոխվել էր Կրետե ապրելու։ 10 տարեկան հասակում նա սկսել է ուսումնասիրել իտալերեն լեզուն։ Իոանիսի դասընկերները փորձում էին սովորել իտալերեն և վերջինս գերզանցել է նրանց։ Արդեն 13 տարեկան հասակում Իոնանիսը խոսում էր ռուսերեն լեզվով։ Իր ռուսերեն սովորելու շարժարիթը նա ներկայացնում է սերը Դոստաևսկու ստեղծագործությունների նկատմամբ։
14 տարեկանում նա սկսում է ուսումնասիրել տարօրինակ թվացող մի լեզու՝ սվահիլի, որը կիրառական էր Արևելյան Աֆրիկայի երկրներում։ 16 տարեկանում բավականին դժվարությամբ սովորել է թուրքերեն։ Այս տարիներին Հունաստանում թուրքերեն դասագրքեր չկային և նրա ծնողները ստիպված էին ուսուցիչ գտնել Հյուսիսային Կիպրոսից։
Թուրքերենից հետո նա սովորել է արաբերեն, իսկ հետո՝ 18 տարեկանում նաև ուրդու, հինդի և սանսկրիտ։ Չափահաս հասակում նա խորապես ուսումնասիրել է եվրոպական լեզուները։ Բացի նշված լեզուներից ներկայումս նա խոսում է նաև խորվաթերեն, ֆիններեն, նորվեգերեն, ադրբեջաներեն, եբրայերեն, չինարեն, լեհերեն, դանիերեն, լատիշերեն, էստոներեն, շվեդերեն, իսպաներեն, ֆրանսերեն, անգլերեն, նիդերլանդերեն, բուլղարերեն, չեխերեն և այլ լեզուներով։
Չինարենը հույն թարգմանչի ամենասիրած լեզուն է։ Սովորել է Սալոնիկի Արիստոտելի համալսարանի լեզվագիտության ֆակուլտետի արևելյան լեզուների բաժնում, այնուհետև՝ Ամերիկայի Միացյալ Նահանգների Կոլումբիայի համալսարանում։
Այնուհետև սովորում է Հարվարդի համալսարանի հնդեվրոպական լեզուներ և գրականություն ֆակուլտետը։ Ամուսնացած է Տոմեկ անունով մի լեհուհու հետ։
Ծանոթագրություններ խմբագրել
- ↑ Tsagari, Daphne. «Ապչեցնող հույն թարգմանիչը բացի հունարենից տիրապետում է ևս 31 լեզուների». Վերցված է 2016 թ․ նոյեմբերի 5-ին.
- ↑ «Ես խոսում եմ 32 լեզուներով». Cafebabel. Արխիվացված է օրիգինալից 2018 թ․ մայիսի 2-ին. Վերցված է 2016 թ․ նոյեմբերի 5-ին.
- ↑ Worldcrunch.com. «Հիպեր-պոլիգլոտ, Եվրախորհրդարանի հույն թարգմանիչը տիրապետում է 32 լեզուների». worldcrunch.com. Վերցված է 2016 թ․ նոյեմբերի 5-ին.
