Բացել գլխավոր ցանկը

Աշոցք

գյուղ ՀՀ Շիրակի մարզում
HS Disambig.svg Անվան այլ կիրառումների համար տե՛ս՝ Աշոցք (այլ կիրառումներ)

Աշոցք, գյուղ Հայաստանի Շիրակի մարզում, մարզկենտրոնից 35 կմ հյուսիս, Աշոցքի սարահարթում, Ախուրյանի ձախակողմյան վտակ, Աշոցք գետի ափերին։

Գյուղ
Աշոցք
Ղուկասյանի արձան.JPG
Ղուկասյանի արձանը
Կոորդինատներ: 41°02′15″ հս․ լ. 43°51′29″ ավ. ե. / 41.03750° հս․. լ. 43.85806° ավ. ե. / 41.03750; 43.85806
ԵրկիրՀայաստան Հայաստան
ՄարզՇիրակի
ՂեկավարԿարեն Մանուկյան (ՔՊ)
Հիմնադրված է1825 թ.
Այլ անվանումներՂուկասյան
Մակերես32.9 կմ²
ԲԾՄ1990 մ
Պաշտոնական լեզուՀայերեն
Բնակչություն2491[1] մարդ (2012)
Ազգային կազմՀայեր
Ժամային գոտիUTC+4
Հեռախոսային կոդ+374 245[2]
Փոստային ինդեքս2801
Փոստային ինդեքսներ2801
##Աշոցք (Հայաստան)
Red pog.png

Աշոցք է վերանվանվել 1990 թ-ի նոյեմբերի 14-ին։

Գյուղը գտնվում է 8-10 բալանոց սեյսմիկ ակտիվ գոտում։

ԱշխարհագրությունԽմբագրել

Աշոցքը գտնվում է Հայաստանի հյուսիս-արևմուտքում, Ախուրյան գետի վերին հոսանքի ավազանում։ Բնակավայրը ծովի մակերևույթից բարձր է 2006-2039 մետր։

Տարածքի ռելիեֆը բարդ է, տարածքի ամենացածր կետը 1969 մետր է, առավելագույնը՝ 2750 մետր։

Աշոցք գյուղով է անցնում Գյումրի-Նինոծմինդա (Վրաստան) միջպետական նշանակության ավտոճանապարհը։ Համայնքն ուղիղ գծով հեռու է Վրաստանի սահմանից 12 կմ, իսկ Թուրքիայի սահմանից՝ 22 կմ։

ՊատմությունԽմբագրել

Գյուղը հիմնադրվել է 1829 թվականին՝ հիմնականում Արևմտյան Հայաստանի Մուշ և Ալաշկերտ գավառներից գաղթված բնակչության կողմից։ Բնակավայրը սկզբում կոչվել է Ղզլղոչ, ապա՝ Ղուկասյան (բոլշևիկյան գործիչ Ղուկաս Ղուկասյանի անունով) և միայն 1990 թվականից վերանվանվել Աշոցք։ Գյուղում պահպանվել է XIX դարի եկեղեցի (Սուրբ Ղևոնդյանց), հին գերեզմանոց։ Մինչև Հայաստանի Հանրապետության վերջին վարչատարածքային բաժանումը Աշոցքը համանուն շրջանի շրջկենտրոնն էր (1995 թ.-ին ընդունված օրենքի համաձայն Աշոցքի շրջանը լուծարվեց)։

ԿլիմաԽմբագրել

Կլիման բարեխառն է, բնորոշ կարճատև զով ամառով և երկար ու ցուրտ ձմեռով։ Օդի տարեկան միջին ջերմաստիճանը 4,1 °C է, բացարձակ առավելագույնը՝ 32 °C, բացարձակ նվազագույնը՝ -36 °C[3]։ Սառնամանիքների տևողությունը 167 օր, ձյունածածկի տևողությունը 154 օր[3]։ Մթնոլորտային տեղումների տարեկան միջին քանակը կազմում է 619 մմ։

ԲնակչությունԽմբագրել

Աշոցքի ազգաբնակչության փոփոխությունը.[4]

Տարի 1873 1886 1931 1959 1970 1979 2001 2004
Բնակիչ 438 602 916 1459 1693 2069 2378 3006

ՏնտեսությունԽմբագրել

 
3 գառնուկները Աշոցքի տարածքում։

Բնակչությունը զբաղվում է անասնապահությամբ, հացահատիկի և կերային կուլտուրաների մշակությամբ։

Խորհրդային տարիներին Աշոցքում կար ժողովրդական սպառման ապրանքների գործարան, կինոթատրոն, հյուրանոց, հիվանդանոց, պոլիկլինիկա, կուլտուրայի տուն, կապի բաժանմունք, պրոֆտեխնիկական ուսումնարան, սանիտարահամաճարակային կայան, միջնակարգ և երաժշտական դպրոցներ, մսուր-մանկապարտեզ, գրադարան, կենցաղսպասարկման կոմբինատ և այլն։

1988 թ-ի երկրաշարժից հետո, Հռոմի Հովհաննես Պողոս II պապի նվիրատվությամբ, Աշոցքում կառուցվել է «Տիրամայր Նարեկ» հիվանդանոցը, որն սպասարկում է ոչ միայն տեղի, այլ նաև Ջավախքի բնակչությանը։

Պատմամշակութային կառույցներԽմբագրել

Աշոցքում կա եկեղեցի, մատուռ, իսկ հարավարևելյան մասում՝ հին բնակավայրի մնացորդներ։

Տես նաևԽմբագրել

ԾանոթագրություններԽմբագրել

Արտաքին հղումներԽմբագրել