Վիքիպեդիա

Հոակին Ֆենիքս

Հոակին Ռաֆայել Ֆենիքս (անգլ.՝ Joaquin Raphael Phoenix, [hwɑːˈkiːn ˈfiːnɪks], ծնված՝ Հոակին Ռաֆայել Բոտոմ, հոկտեմբերի 28, 1974(1974-10-28)[1][2][3], Ռիո Պիեդրաս), ամերիկացի դերասան, պրոդյուսեր և երաժիշտ։

Picto infobox masks.png
Հոակին Ֆենիքս
անգլ.՝ Joaquin Phoenix
Joaquin Phoenix in 2018.jpg
Ծնվել էհոկտեմբերի 28, 1974(1974-10-28)[1][2][3] (48 տարեկան)
ԾննդավայրՌիո Պիեդրաս
ՔաղաքացիությունFlag of the United States.svg ԱՄՆ
Կրոնաթեիզմ[4]
Մասնագիտությունդերասան, հեռուստատեսային դերասան, կինոդերասան, փողոցային կատարող, կինոպրոդյուսեր, սցենարիստ, հնչյունավորող, երգիչ, ռեփեր, բնապահպան, հեռուստատեսային պրոդյուսեր, animal rights advocate, ակտիվիստ, երաժշտական տեսահոլովակների ռեժիսոր և կինոռեժիսոր
ԸնտրանիԳլադիատոր, Walk the Line?, Ջոկեր, Signs? և The Master?
Ծնողներհայր՝ John Lee Phoenix?[5], մայր՝ Արլին Ֆենիքս
Համատեղ ապրող(ներ)Մառա Ռունի[6]
Պարգևներ և մրցանակներ

Դերասան Ռիվեր Ֆենիքսի կրտսեր եղբայրը։

«Ոսկե Գլոբուս» կինոմրցանակի քառակի անվանակարգված և դափնեկիր, Վենետիկի կինոփառատոնի Վոլպի գավաթի դափնեկիր լավագույն դերասանի համար և «Գրեմմի» մրցանակի դափնեկիր, «Օսկար» մրցանակի և Բրիտանական կինոակադեմիայի մրցանակի եռակի անվանակարգված։

Ֆենիքսին համաշխարհային ճանաչում բերել է հռոմյան կայսր Կոմմոդոսի դերը «Գլադիատոր» ֆիլմում, հայտնի է նաև դերերով «Նշաններ», ««Ռուանդա» հյուրանոց», «Խորհրդավոր անտառ», «Անցնել սահմանը» և «Նա» ֆիլմերում։ Քննադատների մեծամասնության կարծիքով նրա դերասանական տաղանդի գագաթնակետն է հանդիսանում Ֆրեդի Կուելի դերը «Վարպետը» ֆիլմում, այդ դերի համար Ֆենիքսը Ամերիկյան կինոակադեմիայի «Օսկար» մրցանակի հանձնման արարողության ժամանակ համարյա վերցնում էր արձանիկը լավագույն դերասանի համար[7][8][9]։

ԿենսագրությունԽմբագրել

Հոակին Ֆենիքսը ծնվել է 1974 թվականի հոկտեմբերի 28-ին Սան Խուանում, Պուերտո Ռիկո։ Մայրը՝ Առլին Շերոն Ֆենիքս (անգլ.՝ Arlyn Phoenix, ծնված Դունեց, ծնվել է 1944 թվականին), սերում էր Բրոնքսում բնակություն հաստատած Հունգարիայից և Ռուսաստանից ներգաղթած հրեական ընտանիքից[10]։ Հայրը՝ Ջոն Լի Բոտոմ (անգլ.՝ John Lee Bottom), ծնունդով Կալիֆորնիայից էր և կաթոլիկ։ Առլինը իր ընտանիքը լքել էր 1968 թվականին և տեղավոխվել Կալիֆորնիա, իսկ այնուհետև հանդիպում է ապագա ամուսնուն ճանապարհորդելու ժամանակ։ Նրանք ամուսնանում են 1969 թվականին։ Նրա ծնողները եղել են «Աստծո զավակներ» աղանդի հետևորդներ և զբաղվում էին քարոզչական գործունեությամբ, ճապարհորդելով Հարավային Ամերիկայում[11]։ Վերջ ի վերջո նրա ծնողները հիասթափվում են «Աստծո զավակներից» և 1978 թվականին որոշում են ընդունում հեռանալ աղանդից և վերադառնալ ԱՄՆ։ Նրանք փոխում են իրենց ազգանունը Ֆենիքս՝ թռչուն, որը վերածնվում է մոխրից և խորհրդանշում է նոր սկիզբ[12]։ Այնտեղ Հոակինի մայրկ սկսում է աշխատել NBC-ում, քասթինգի բաժնում։ Նրանց երեխաները սկսում են նկարահանվել գովազդում և հեռուստասերիալներում։

Ջոն Լիի և Առլին Ֆենիքսի ընտանիքում կան 5 երեխաներ՝ 2 որդի՝ Ռիվեր (1970-1993), Հոակին և 3 դուստրեր՝ Լիբերտի, Ռեյն և Սամեր։

Առաջին հեռուստատեսային դերը Հոակինը խաղացել է 1982 թվականին, «Յոթ հարսնացուներ յոթ եղբայրների համար» կատակերգական դրամայում, ավագ եղբայր Ռիվեր Ֆենիքսի հետ։

1995 թվականին նա հայտնվում է «Ինչի համար արժե մահանալ» ֆիլմում։ Ֆիլմում Ֆենիքսի խաղընկերներն են լինում Նիկոլ Քիդմանը, Մեթ Դիլոնը և Քեյսի Աֆլեքը։ 2008 թվականի հոկտեմբերի վերջին Հոակինը հայտարարում է կինոարտադրությունից իր հեռանալու մասին, որպեսզի «իրեն ամբողջությամբ նվիրի երաժշտական ասպարեզին»։ Հետագայում պարզվում է, որ հայտարարությունը հանդիսանում էր «Ես դեռևս այստեղ եմ» կենսա-վավերագրական ֆիլմի մի մասը, նկարահանված Քեյսի Աֆլեքի կողմից, ով նաև հանդիսանում է նրա քույր Սամերի ամուսինը։

Հոակին Ֆենիքսը վեգան է (բուսակերության առավել խիստ տեսակ)։ 2003 թվականին մասնակցություն է ունենում կենդանիների նկատմամբ դաժանության մասին պատմող «Երկրաբնակները» վավերագրական ֆիլմի ստեղծման աշխատանքներին, որում, բացի նրանից, մասնակցություն են ունենում նաև այլ բազմաթիվ վեգաններ[13]։ Հոակին Ֆենիքսը ֆիլմի մասին ասում է այսպես. «Բոլոր ֆիլմերից, որոնց վրա ես աշխատել եմ, սրա մասին խոսում են առավել շատ»։ «Յուրաքանչյուրը, ով դիտել է «Երկրաբնակները», նրա մասին պատմում է ևս երեքին»[13]։ Այդ ֆիլմում մասնակցության համար Հոակինը Սան Դիեգոյի կինոփառատոնում պարգևատրվում է Humanitarian Award մրցանակով[14]։

Հոակին Ֆենիքսը հանդիսանում է «Կենդանիների պաշտպանության» (IDA) և «Մարդիկ կենդանիների նկատմամբ էթիկական վերաբերմունքի համար» (PETA) կազմակերպությունների անդամ[15]։

ՖիլմագրությունԽմբագրել

Թվական Անվանում Բնօրինակ անվանում Կերպար
1989 Ծնողներ Parenthood Հարի Բակմեն-Լամպկին
1995 Ինչի համար արժե մահանալ To Die For Ջիմի Էմմեթ
1997 Էբոտների մտացածին կյանքը nventing the Abbotts Դա Հոլտ
1998 Ֆորս-մաժոր Return to Paradise Լյուիս ՄակԲրայտ
1999 8 միլիմետր 8MM Մաքս Կալիֆորնիա
2000 Դուքս դե Սադի փետուրը Quills Աբբա դյու Կոլմեր
2000 Գլադիատոր Gladiator հռոմյան կայսր Կոմմոդոս
2000 Յարդեր The Yards Վիլի Գուտիերես
2001 Նշաններ Signs Մերիլ Հես
2003 Արջուկ եղբայր Brother Bear Կենայ
2004 Թիմ 49. Կրակե աստիճան Ladder 49 Ջեկ Մորիսոն
2004 «Ռուանդա» հյուրանոց Hotel Rwanda լրագրող Ջեկ Դալգլիշ
2004 Խորհրդավոր անտառ The Village Լյուցի Հանտ
2005 Երկրաբնակներ Earthlings ձայնավորում
2005 Անցնել սահմանը Walk The Line Ջոնի Կեշ
2007 Արգելված ճանապարհ Reservation Road Իթան լիրներ
2007 Գիշերվա տիրակալները We Own The Night Բոբի Գրին
2008 Սիրեկանները Two Lovers Լեոնարդ Կրեդայտոր
2010 Ես դեռևս այստեղ եմ I’m Still Here խաղում է ինքն իրեն
2012 Վարպետ The Master Ֆրեդի Կուել
2013 Ճակատագրական կիրք The Immigrant Բրունո Վեյս
2013 Նա Her Թեոդոր Տուոմբլի
2014 Բնածին արատ Inherent Vice Լարի «Դոկ» Սպորտելո
2015 Իռացիոնալ մարդ Irrational Man Էյբ Լուկաս

Մրցանակներ և անվանակարգումներԽմբագրել

ԾանոթագրություններԽմբագրել

  1. ↑ 1,0 1,1 GeneaStar
  2. ↑ 2,0 2,1 Roglo — 1997. — ed. size: 8549233
  3. ↑ 3,0 3,1 Munzinger Personen (գերմ.)
  4. ↑ https://collider.com/joaquin-phoenix-jesus-christ-mary-magdalene-movie/
  5. ↑ 5,0 5,1 Pas L. v. Genealogics — 2003. — ed. size: 683713
  6. ↑ https://www.harpersbazaar.com/celebrity/latest/a30488001/joaquin-phoenix-rooney-mara-relationship-timeline/
  7. ↑ «The Return of Joaquin Phoenix: Oscar Buzz for ‘The Master’» (անգլերեն)։ The Daily Beast։ 17 сентября 2012։ Վերցված է 2014-1-23 
  8. ↑ Мэтт Сингер. (3 декабря 2012)։ «The Criticwire Survey: The Best Performance of the Year» (անգլերեն)։ Indiewire։ Արխիվացված է օրիգինալից 2014-02-01-ին։ Վերցված է 2014-1-23 
  9. ↑ Каван Чешковски. (17 сентября 2012)։ «Joaquin Phoenix Says Rap Hoax 'I'm Still Here' Helped Liberate His Career» (անգլերեն)։ The Huffington Post։ Վերցված է 2014-1-23 
  10. ↑ Naomi Pfefferman (ապրիլի 12, 2002)։ «The Days of Summer»։ Jewish Journal։ Վերցված է սեպտեմբերի 1, 2007 
  11. ↑ Roberta and David Ritz (October 1995)։ «Strange Days»։ Us Magazine։ Վերցված է սեպտեմբերի 1, 2007 
  12. ↑ «PREMIERE April 1988»։ Aleka.org։ Վերցված է օգոստոսի 24, 2010 
  13. ↑ 13,0 13,1 Официальный сайт фильма «Земляне»
  14. ↑ «I Saw Earthlings.com Cast and Crew»։ Isawearthlings.com։ Արխիվացված է օրիգինալից 2012-02-16-ին։ Վերցված է 2010-03-17 
  15. ↑ Joaquin Phoenix’s Charity Work

Արտաքին հղումներԽմբագրել

 
Ստացված է «https://hy.wikipedia.org/w/index.php?title=Հոակին_Ֆենիքս&oldid=8617932» էջից