Երվանդ Ղազանչյան

Երվանդ Ղազանչյան
Ծնվել է	հունիսի 2, 1937
Ծննդավայր	Երևան, Հայկական ԽՍՀ, ԽՍՀՄ
Մահացել է	հուլիսի 30, 2019 (82 տարեկան)
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ (1958)
Քաղաքացիություն	ԽՍՀՄ և Հայաստան
Ազգություն	հայ
Մասնագիտացում	ռեժիսոր
Ամուսին	Գալյա Նովենց
Պարգևներ	Երևանի պատվավոր քաղաքացի Հայաստանի ժողովրդական արտիստ և Գյումրու պատվավոր քաղաքացի
IMDb	ID ID 1742001

Վիքիպեդիայում կան հոդվածներ Ղազանչյան ազգանունով այլ մարդկանց մասին։

Երվանդ Խաչատուրի Ղազանչյան (հունիսի 2, 1937(1937-06-02)^[1], Երևան, Հայկական ԽՍՀ, ԽՍՀՄ^[1] - հուլիսի 30, 2019(2019-07-30), Երևան, Հայաստան), հայ բեմադրիչ։ Պրոֆեսոր (1991)։ Հայաստանի Հանրապետության ժողովրդական արտիստ (2004)։

1949-1952 թվականներին աշխատել է Երևանի պատանի հանդիսատեսի թատրոնում որպես սկսնակ դերասան։ 1953-1958 թվականներին սովորել է Երևանի գեղարվեստա-թատերական ինստիտուտի դերասանական ֆակուլտետի Վարդան Աճեմյանի կուրսում՝ դրամատիկ թատրոնի դերասանի որակավորմամբ։ 1958-1962 թվականներին աշխատել է Կապանի Ա. Շիրվանզադեի անվան պետական թատրոնում որպես դերասան և ռեժիսոր, իսկ 1962-1965 թվականներին սովորել է Երևանի գեղարվեստա-թատերական ինստիտուտի ռեժիսորական բաժնում, ստանալով դրամատիկ թատրոնի ռեժիսորի որակավորում։ 1964-1965 թվականներին սովորել է Լենինգրադի Գորկու անվան պետական ակադեմիական թատրոնին կից ստուդիայի ռեժիսորական բարձրագույն կուրսերում՝ Գեորգի Տովստոնոգովի ղեկավարությամբ։ 1974 թվականից դասավանդել է Երևանի գեղարվեստա-թատերական ինստիտուտում։

1967-1970 թվականներին աշխատել է Երևանի Գաբրիել Սունդուկյանի անվան ազգային ակադեմիական թատրոնում որպես ռեժիսոր, իսկ 1984-1986ին՝ որպես տնօրեն և գեղարվեստական խորհրդի նախագահ։ 1970-1976 թվականներին՝ Լենինականի պետական թատրոնում որպես գլխավոր ռեժիսոր։ 1976-1978 թվականներին աշխատել է Երևանի Հրաչյա Ղափլանյանի անվան պետական դրամատիկական թատրոնում որպես գեղարվեստական ղեկավար և տնօրեն։ 1980-1984 և 1986-1993 թվականներին աշխատել է Երևանի Պատանի հանդիսատեսի թատրոնում որպես գլխավոր ռեժիսոր։ 1993 թվականից` Երևանի Հակոբ Պարոնյանի անվան երաժշտական կոմեդիայի պետական թատրոնի գեղարվեստական ղեկավար, 1993-2002 թվականներին` տնօրեն։

1995-2007 թվականներին եղել է Հայաստանի թատերական գործիչների միության նախագահ։

Բեմադրությունները

Ժան Պոլ Սարտր - «Անթաղ մեռելներ»
Ալեքսանդր Շիրվանզադե - «Պատվի համար»
Ալեքսանդր Շիրվանզադե - «Մորգանի խնամին»
Ֆյոդոր Դոստոևսկի - «Ապուշը»
Ֆյոդոր Դոստոևսկի - «Ոճիր և պատիժ»
Ժորա Հարությունյան - «Հարսանիք»
Ժորա Հարությունյան - «Պարոն Բաբիկը և ուրիշները»
Բերտոլդ Բրեխտ - «Կուրաժ մայրիկը»
Ֆեդերիկո Գարսիա Լորկա - «Արյունոտ հարսանիք»
Եղիշե Չարենց - «Երկիր Նաիրի»
Միխայիլ Սալտիկով-Շչեդրին - «Մի քաղաքի պատմություն»
Ուիլյամ Շեքսպիր - «Ոչնչից մեծ աղմուկ»
Ուիլյամ Շեքսպիր - «12-րդ գիշեր»
Սանին - «Ես մարդ եմ»
Ժան Բատիստ Մոլիեր - «Քաղքենին ազնվական»
Նիկոլայ Գոգոլ - «Ամուսնություն»
Ժիրայր Անանյան - «Ես եմ, եկել եմ»
Ժիրայր Անանյան - «Տե՛ր, մի թող մեզ անտեր»
Ժիրայր Անանյան - «Մեռնելու էլ իրավունք չունիմ»
Արիստոֆանես - «Լիսիստրատե»
Հակոբ Պարոնյան - «Ատամնաբույժն արևելյան»
Կարինե Խոդիկյան - «Լիր արքայի ծաղրածուն»
Չխեիձե - «Կամուրջ»
Կառլո Գոցցի - «Թագավոր եղջերուն»
Արամաշոտ Պապայան «Գնա մեռի,արի սիրեմ»
Արտեմի Այվազյան, Գարեգին Երիցյան «Ուշ լինի,նուշ լինի»
Տիգրան Չուխաջյան «Կարինե»
Գուրգեն Խանջյան «Քարերը հավաքելու ժամանակն է»

Պարգևներ և կոչումներ

ՀԽՍՀ արվեստի վաստակավոր գործիչ (1974)
ՀԽՍՀ Պետական մրցանակ (1986)
Պրոֆեսոր (1991)
Հայաստանի Հանրապետության ժողովրդական արտիստ (2004)
ՀԹԳՄ «Արտավազդ» մրցանակ (կրկնակի)
Երևանի պատվավոր քաղաքացի (2005)
Հայաստանյայց Առաքելական Սուրբ Եկեղեցու «Սուրբ Սահակ-Սուրբ Մեսրոպ» շքանշան (2008)
«Հայրենիքին մատուցած ծառայությունների համար» 1-ին աստիճանի մեդալ (2012)^[2]
Հայաստանի Հանրապետության Նախագահի մրցանակ (2014)^[3]
Գյումրու պատվավոր քաղաքացի (2016)^[4]
«Հայրենիքին մատուցած ծառայությունների համար» 1-ին աստիճանի շքանշան (2017)^[5]

Ընտանիք

Դերասանուհի Գալյա Նովենցի ամուսինն էր, բեմադրիչ Հակոբ Ղազանչյանի հայրը, դերասանուհի Մարիամ Ղազանչյանի պապը։

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.
↑ «Հայրենիքին մատուցած ծառայությունների համար» 1-ին աստիճանի մեդալով պարգևատրելու մասին
↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿ ՇՆՈՐՀԵԼՈՒ ՄԱՍԻՆ
↑ «Գյումրու պատվավոր քաղաքացիները». www.gyumricity.am. Արխիվացված է օրիգինալից 2018 թ․ հոկտեմբերի 2-ին. Վերցված է 2019 թ․ հունվարի 6-ին.
↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 21-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 18)։

[_64f5a1586f195210-1] 1,0 ^1,1 ^1,2 ^1,3 ^1,4 ^1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.

[2] «Հայրենիքին մատուցած ծառայությունների համար» 1-ին աստիճանի մեդալով պարգևատրելու մասին

[3] ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿ ՇՆՈՐՀԵԼՈՒ ՄԱՍԻՆ

[4] «Գյումրու պատվավոր քաղաքացիները». www.gyumricity.am. Արխիվացված է օրիգինալից 2018 թ․ հոկտեմբերի 2-ին. Վերցված է 2019 թ․ հունվարի 6-ին.

[5] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 21-ին.

[1]

[2]

[3]

[4]

[5]

Երվանդ Ղազանչյան

Ծնվել է	հունիսի 2, 1937(1937-06-02)^[1]
Ծննդավայր	Երևան, Հայկական ԽՍՀ, ԽՍՀՄ^[1]
Մահացել է	հուլիսի 30, 2019(2019-07-30) (82 տարեկան)
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ (1958)^[1]
Քաղաքացիություն	ԽՍՀՄ և Հայաստան
Ազգություն	հայ
Մասնագիտացում	ռեժիսոր
Ամուսին	Գալյա Նովենց
Պարգևներ	Երևանի պատվավոր քաղաքացի Հայաստանի ժողովրդական արտիստ և Գյումրու պատվավոր քաղաքացի
IMDb	ID ID 1742001