Բեվերլի Գրեյս Ջոնս (անգլ.՝ Beverly Grace Jones, մայիսի 19, 1948(1948-05-19)[1], Սպենիշ թաուն, Միդլսեքս, Ճամայկա[2]), արմատներով Ճամայկայից ամերիկացի երգչուհի, կինոդերասանուհի, մոդել։

Գրեյս Ջոնս
Հիմնական տվյալներ
Բնօրինակ անունանգլ.՝ Grace Jones
Ի ծնե անունանգլ.՝ Grace Beverly Jones
Նաև հայտնի է որպեսGrace Mendoza
Ծնվել էմայիսի 19, 1948(1948-05-19)[1] (75 տարեկան)
Սպենիշ թաուն, Միդլսեքս, Ճամայկա[2]
Երկիր Ճամայկա
Ժանրերփոփ, նոր ալիք, դիսկո, ռիթմ էնդ բլյուզ, սոուլ և ժամանակակից R&B[3]
Մասնագիտությունդերասանուհի, մոդել, երգչուհի, կինոդերասանուհի, երգերի հեղինակ և ստուդիական երաժիշտ
Երգչաձայնկոնտրալտո
Գործիքներակորդեոն և վոկալ[3]
ԼեյբլIsland Records, Capitol Records և Epic Records
ԿրթությունOnondaga Community College?
Պարգևներ
Ճամայկայի շքանշան
Կայքgracejones.com
 Grace Jones Վիքիպահեստում

Կենսագրություն խմբագրել

Մանկություն Ճամայկայում խմբագրել

Գրեյսը ծնվել է Ճամայկայում՝ Սփենիշ Թաունում 1948 թվականի մայիսի 19-ին[4]՝ եկեղեցական քարոզչի և քաղաքագետի ընտանիքում[5][6][7]։ Մինչ ծնողներն աշխատում էին Միացյալ Նահանգներում, Գրեյսին, քույրերին և եղբայրներին խնամում և դաստիարակում էին տատիկն ու պապիկը։ Ջոնսը շատ խիստ դաստիարակություն է ստանում ճամայկյան հիսունականների եկեղեցու ազդեցության ներքո։ Նա այցելում էր եկեղեցի շաբաթական երեք անգամ։ Ընտանիքի երկու կողմերն էլ, թե՛ հայրական, թե՛ մայրական կողմերը հավատացյալներ էին։ Գրեյս Ջոնսի ընտանիքում շատ եպիսկոպոսներ կային՝ պապը, ապուպապը, եղբայրը՝ Նոելը նույնպես դարձավ եպիսկոպոս։

Փոքրիկ Ջոնսը շատ ամաչկոտ աղջնակ էր, որն ուներ միայն մեկ ընկերուհի՝ դասընկերուհին։ Դասընկերները հաճախ էին բարկացնում Գրեյսին՝ անվանելով նրան «բարակ փայտ»։ Ջոնսը զբաղվում էր սպորտով և հանգստություն էր գտնում հայրենի Ճամայկայի բնության գրկում[8]։

Պատանեկություն ԱՄՆ-ում և կարիերայի սկիզբ խմբագրել

Գրեյս Ջոնսը երբ դարձավ 13 տարեկան, ընտանիքի հետ միասին տեղափոխվեցին Միացյալ Նահանգների Նյու Յորք նահանգի Սիրակյուս քաղաք։ Այստեղ նա ապրեց ծնողների հետ[9]։ Ջոնսը դպրոցն ավարտելուց հետո կրթությունը շարունակեց Սիրակյուսի համալսարանում։ Այստեղ նա ուսանում էր իսպաներեն, որտեղ դարձավ լեզվի մասնագետ (Spanish major)[10]: Համալսարանում Ջոնսին ուշադրություն դարձրեց դրամայի պրոֆեսորը, ով առաջարկեց աշխատել իր հետ Ֆիլադելֆիայում մի պիեսի աշխատանքներում։ Ջոնսը համաձայնեց և մեկնեց նրա հետ[10]։ Երբ Գրեյսը դարձավ տասնութ տարեկան, տեղափոխվեց Նյու Յորք։ Այստեղ պայմանագիր կնքեց «Wilhelmina Modelling agency» ընկերության հետ և սկսեց որպես մոդել աշխատել։ Հետո տեղափոխվեց Փարիզ 1970 թվականին[10][11]։ Փարիզի նորաձևության աշխարհը միանգամից ուշադրություն դարձրեց անսովոր խափշիկ Ջոնսի վրա։ Իվ Սեն Լորենը, Կլոդ Մոնտանան և Կենզո Տակադան անմիջապես նրան դարձրին պոդիումի մոդել։ Գրեյսը սկսեց նկարահանվել Elle, Vogue, Stern ամսագրերի համար։ Նրա հետ աշխատեցին այնպիսի լուսանկարիչների, որպիսիք էին Հելմուտ Նյուտոնը, Գի Բուրդենը և Հանս Ֆեյերը[12]։ Փարիզյան տարիներին նա տուն վարձակալեց Ջերի Հոլի և Ջեսիկա Լենգի հետ։ Վերջիններս հաճախակի էին այցելում 1970-1980-ականներին «Club Sept» փարիզյան ամենահայտնի գեյ-ակումբներից մեկը. այստեղ շփվում էին Ջորջիո Արմանիի և Կարլ Լագերֆելդի հետ[13]։

Առաջին դիսկո-ալբոմներ, համագործակցություն Թոմ Մուլտոնի հետ խմբագրել

Գրեյս Ջոնսն իր երաժշտական կարիերան սկսեց Նյու Յորքի գեյ-ակումբներում։ Նա խիստ ուշադրություն էր դարձնում իր արտաքին տեսքի և հանդերձանքի վրա ու հաճախակի համասեռական իմիջով էր հանդես գալիս։ Իր առաջին պայմանագիրը Գրեյս Ջոնսը ստորագրեց «Island Records» լեյբլի հետ դիսկո ժանրում։ Նրա պրոդյուսերը դարձավ Թոմ Մուլտոնը։ Վերջինս աշխատում էր Ֆիլադելֆիայի «Sigma Sound Studios» ընկերությունում։ Գրեյսի դեբյուտային ալբոմը դարձավ «Portfolio», որը լույս ընծայվեց 1977 թվականին։ Ալբոմը պարունակում էր երեք երգ բրոդվեյյան մյուզիքլներից։ Ալբոմի երկրորդ երեսին նույնպես կային երգեր։

Արտիստականություն խմբագրել

Իմիջ խմբագրել

Գրեյս Ջոնսը հայտնի է իր անդրոգին տեսքով, այսինքն նա կարողանում է և՛ տղամարդու տեսքով բեմ բարձրանալ, և՛ կնոջ։ Նրան բնորոշ է քառակուսի սանրվածքը և կոշտուկոպիտ հանդերձանքը։ Ի դեպ, զգեստների դիզայները Ժան Պոլ Գուդն է (անգլ.՝ Jean-Paul Goude): Ջոնսը հայտնի է իր էքսցենտրիկ խառնվածքով[14]։ Ցայսօր էլ նա հայտնի է իր արտառոց և տարօրինակ կերպարով, որը խորը ազդեցություն է թողել շատ արտիստների վրա, այդ թվում՝ Էնի Լենոքսի[15], Լեդի Գագայի, Ռիհաննայի[16][17], Brazilian Girls[18], Գրայմսի[17], Ռոշին Մյորֆիի[19], Նայլ Ռոջերսի[20], Santigold[21] և Basement Jaxx[22]:

Գրեյս Ջոնսը 2013 թվականին Guardian ամսագրի կողմից դարձավ 50 լավ հագնվող կանանցից մեկը (հիսունամյա կանանց շրջանում)[23]։

Ձայն խմբագրել

Գրեյս Ջոնսը հանդես է գալիս կոնտրալտո ձայնատեսակով։ Կատարում է երկու եղանակով։ Առաջինը մոնոտոն կիսաձայն երգելու ոճն է, ինչպես "Private Life", "Walking in the Rain" և "The Apple Stretching": Երկրորդը գրեթե սոպրանո կատարումն է, ինչպես հետևյալ երգերում՝ "La Vie en Rose", "Slave to the Rhythm" և "Victor Should Have Been a Jazz Musician": Երգչուհու ձայնը երկուսուկես օկտավայի է հասնում[16]։

Անձնական կյանք խմբագրել

Ջոնսը ամուսնացած է եղել երկու անգամ։ Առաջին ամուսինը պրոդյուսեր Քրիս Ստենլին էր։ Վերջինիս հետ ամուսնացավ 1989 թվականին։ Երկրորդ ամուսնությունը 1996 թվականին էր թիկնապահ Աթիլա Ալտոնբեյի հետ[24]։

Լուսանկարիչ Ժան Պոլ Գուդի հետ Գրեյս ունի զավակ՝ Պաուլուն։ Վերջինս երեխա ունենալով տատիկ է դարձրել Գրեյսին[16]։

Երգչուհին չորս տարի անընդմեջ հանդիպել է շվեդ դերասան Դոլֆ Լունդգրենի հետ, ով աշխատում էր որպես թիկնապահ սիդնեյյան ակումբներից մեկում և հետագայում դարձավ Գրեյսի անձնական թիկնապահը[25]։
1990 թվականից Գրեյսը սկսեց հանդիպել դանիացի դերասան Սվեն Օլե Տորսենի հետ։ Երկուսի միջև հարաբերությունները շարունակվեցին ընդհուպ 2007 թվականը[26]։

Սկավառակագրություն խմբագրել

Ստուդիական ալբոմներ խմբագրել

  • Portfolio (1977)
  • Fame (1978)
  • Muse (1979)
  • Warm Leatherette (1980)
  • Nightclubbing (1981)
  • Living My Life (1982)
  • Slave to the Rhythm (1985)
  • Island Life(1985)
  • Inside Story (1986)
  • Bulletproof Heart (1989)
  • The Ultimate (1993)
  • Hurricane (2008)

Ֆիլմագրություն խմբագրել

  • 1973 — Գորդոնի պատերազմը /Gordon’s War/ Մերի
  • 1975 — Պահպանեք աչքերը /Attention les yeux!/ Սուիդի
  • 1981 — Մահացու վրեժխնդրություն/Deadly Vengeance/ Սլիկի ընկերուհին
  • 1984 — Քոնան-Ավերողը /Conan the Destroyer/ Զուլա
  • 1985 — Հայացք սպանությանը/A View to a Kill / Մեյ Դեյ
  • 1986 — Վամպ /Vamp/ Քաթրինա
  • 1987 — Ուղիղ դժոխքից /Straight to Hell/ Սոնյա
  • 1987 — Սիեստա /Siesta/ Կոնչիտա
  • 1992 — Բումերանգ /Boomerang/ Սթրեյնջ
  • 1995 — Դաջվածք/Cyber Bandits/ Մասակո
  • 1998 — ՄակՔինսի կղզին/McCinsey’s Island/ Ալանսո Ռիխտեր
  • 1999 — Palmer’s Pick Up/ Միսիս Ռեմո
  • 1999—2002 — Գազանների տիրակալը (սերիալ) /BeastMaster/ Նոկինջա
  • 2001 — Միջնաբերդ/Shaka Zulu: The Citadel/ Թագուհի
  • 2002 — Pavarotti & Friends 2002 for Angola/ Հրավիրյալ աստղ
  • 2008 — Ֆա՛լկո, գրողը տանի, մենք դեռ ողջ ենք /Falco — Verdammt, wir leben noch!/ Կելներին
  • 2008 — Չելսին սառույցով /Chelsea on the Rocks/ Բիվ

Հետաքրքիր փաստեր խմբագրել

  • 1988 թվականին Գրեյս Ջոնսին շնորհվում է «Ոսկե ազնվամորի» որպես երկրորդ պլանի կնոջ վատագույն դեր «Սիեստա» ֆիլմի համար։
  • 2015 թվականին Ջոնսը լույս է ընծայում մեմուարների ժողովածուն՝ «Երբեք չեմ գրելու մեմուարներ» վերնագրով։

Ծանոթագրություններ խմբագրել

  1. 1,0 1,1 filmportal.de — 2005.
  2. 2,0 2,1 2,2 Deutsche Nationalbibliothek Record #133276570 // Gemeinsame Normdatei (գերմ.) — 2012—2016.
  3. 3,0 3,1 Montreux Jazz Festival Database
  4. "Grace Jones" biography, The Guardian.
  5. Henley, Patricia. The Hummingbird House. Denver: MacMurray, 1999. Print.
  6. «Robert Winston Jones Obituary». syracuse.com. Վերցված է 2013 թ․ հունիսի 9-ին.
  7. «City of Refuge Church – Los Angeles Bishop Noel Jones». Արխիվացված է օրիգինալից 2013 թ․ հունիսի 5-ին. Վերցված է 2013 թ․ հունիսի 10-ին.
  8. Sawyer, Mirnada (2008 թ․ հոկտեմբերի 11). «State of Grace: Miranda Sawyer Meets Grace Jones». London: The Observer. Վերցված է 2013 թ․ մայիսի 24-ին.
  9. Brown, Helen (2008 թ․ նոյեմբերի 4). «Grace Jones at 60». London: The Telepgraph. Վերցված է 2013 թ․ հունիսի 3-ին.
  10. 10,0 10,1 10,2 «Jones the Exotic May Day». The Afro-American. 1985 թ․ հունիսի 8. Վերցված է 2013 թ․ մայիսի 26-ին.
  11. Lopez, Antonio (2012). Antonio Lopez: Fashion, Art, Sex, and Disco. Rizzoli. ISBN 0847837920.
  12. Kershaw, Miriam (1997). «Performance Art». Art Journal. 56 (Performance Art): 19–25.
  13. «Grace Jones». Fashion Insider: Supermodels Encyclopedia. Արխիվացված է օրիգինալից 2013 թ․ հոկտեմբերի 12-ին. Վերցված է 2013 թ․ մայիսի 5-ին.
  14. Sewards, Lisa. «'It's hard being a freak!' Grace Jones has built a 30-year career on scaring the hell out of us. But, she says, she's really a big softie | Mail Online». Daily Mail. London.
  15. O'Brien, Lucy (1991). Annie Lennox. London: Sidgwick & Jackson.
  16. 16,0 16,1 16,2 «10 Things You Never Knew About... Grace Jones». www.clashmusic.com. Վերցված է 2012 թ․ հունվարի 1-ին.
  17. 17,0 17,1 Beta, Andy (2014 թ․ մայիսի 1). «Grace Jones - Nightclubbing». Pitchfork. Վերցված է 2014 թ․ մայիսի 1-ին.
  18. «Brazilian Girls Interview (clip 16) Brazilian Girls on fashion, Grace Jones, designers, Alexander McQueen, Issey Miyake, and Bjork. Produced by Uncensored Interview / Zen Cat Productions. Brazilian Girls Interview (clip 16) on July 24, 2008 in New York City (Footage by WireImage Video/Getty Images)». GETTY Images. Արխիվացված է օրիգինալից 2016 թ․ մարտի 4-ին. Վերցված է 2013 թ․ մայիսի 17-ին.
  19. «Roison talks Grace». Վերցված է 2013 թ․ մայիսի 4-ին.
  20. «Amazing Grace Nile Rodgers». Վերցված է 2013 թ․ մայիսի 4-ին.
  21. «Cool Accidents, Santigold's Mixtape». Cool Accidents. Վերցված է 2013 թ․ մայիսի 15-ին.
  22. «Basement Jaxx on Grace Jones, Live Performance, Sex, and Passion». Արխիվացված է օրիգինալից 2016 թ․ մարտի 4-ին. Վերցված է 2013 թ․ մայիսի 7-ին.
  23. Cartner-Morley, Jess; Mirren, Helen; Huffington, Arianna; Amos, Valerie (2013 թ․ մարտի 28). «The 50 best-dressed over 50s». The Guardian. London.
  24. «Grace Jones». www.nndb.com. Վերցված է 2009 թ․ հոկտեմբերի 15-ին.
  25. Dolph Lundgren interview. Blockbuster, Youtube. Վերցված է 2011 թ․ մայիսի 22-ին.
  26. Willman, Chris (1990 թ․ փետրվարի 11). «Queen of Pop Shock Struts into the '90s: Before Madonna and Annie Lennox, Grace Jones paved the way. Now the multi-media artist sets her sights on 'softer'». The Los Angeles Times. Վերցված է 2013 թ․ հունիսի 3-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Գրեյս Ջոնս» հոդվածին։