HS Disambig.svg Անվան այլ կիրառումների համար տե՛ս՝ Ջորջիո Արմանի (այլ կիրառումներ)

Ջորջիո Արմանի (իտալ.՝ Giorgio Armani, հուլիսի 11, 1934(1934-07-11)[1][2][3][4], Պյաչենցա, Էմիլիա Ռոմանիա, Իտալիայի թագավորություն), իտալացի դիզայներ։

Ջորջիո Արմանի
իտալ.՝ Giorgio Armani
GiorgioArmani.jpg
Ծնվել էհուլիսի 11, 1934(1934-07-11)[1][2][3][4] (85 տարեկան)
ԾննդավայրՊյաչենցա, Էմիլիա Ռոմանիա, Իտալիայի թագավորություն
ՔաղաքացիությունFlag of Italy.svg Իտալիա
Ազգությունիտալացի
ԿրթությունՄիլանի համալսարան
Մասնագիտությունձեռնարկատեր և նորաձևության դիզայներ
ԱշխատավայրGiorgio Armani
Պարգևներ և
մրցանակներ
Պատվավոր լեգիոնի շքանշանի սպա և CFDA Lifetime Achievement Award?[5]
Կայքgiorgioarmani.com/index.html
Giorgio Armani Վիքիպահեստում

ԿենսագրությունԽմբագրել

Ծնվել է 1934 թվականի հուլիսի 11-ին Իտալիայի հյուսիսում գտնվող Պյաչենցա քաղաքում, որտեղ դաստիարակություն է ստացել իր մեծ եղբոր՝ Սերժոյի և փոքր քրոջ՝ Ռոզաննայի հետ։ Նրա մայրն էր՝ Մարիա Ռայմոնդին, հայրը՝ Ուգո Արմանին (Հայ-Իտալական արմատներով)[6]: Դպրոցն ավարտելուց հետո ընդունվում է Բոլոնիայի բժշկական համալսարան, սակայն երեք տարի ուսանելուց հետո թողնում է ուսումը։ 1957 թ.-ին անցնում ծառայության Իտալիայի զինված ուժերում։ Վերադառնալով ծառայությունից Ջորջիոն սկսում է աշխատել սկզբում որպես լուսանկարչի օգնական, այնուհետև հագուստի խանութում՝ ցուցափեղկերի ձևավորող։

ԿարիերաԽմբագրել

1961 թվականին աշխատանքի է ընդունվում հանրահայտ իտալացի դիզայներ Նինո Չերուտիի մոտ՝ որպես օգնական։ աշխատում է Չերուտիի մոտ աշխատում է 6 տարի ՝ օգնելով նրան ստեղծել հագուստ տղամարդկանց համար։

1974 թվականին, 40 տարեկան հասակում վաճառելով ավտոմեքենան և ընկերներից գումար պարտք վերցնելով՝ Արմանիին հաջողվում է ներկայացնել իր ստեղծած հագուստը։

1975 թվականին գրանցում է Giorgio Armani ապրանքանիշը։

1981 թվականին Ջորջիո Արմանին ստեղծում է նոր, երիտասարդական և փոքր-ինչ մատչելի հագուստի գիծ, որը կոչում է Emporio Armani։

1989 թվականին լույս է տեսնում Emporio Armani Magazine ամսագիրը։ Նույն թվականին Լոնդոնում բացվում է Արմանիի առաջին ռեստորանը՝ Emporio Armani Express-ը։

1997 թվականին Emporio Armani-ն սկսկում է ժամացույցներ և դեկորատիվ կոսմետիկա արտադրել՝ Emporio Armani Beauty Components։

2002 թվականին Արմանին սկսում է զարդեր արտադրել՝ EMPORIO ARMANI Gioielli անունով։ Նույն թվականին նա ընտրվում է ՄԱԿ-ի բարի կամքի դեսպան Հայաստանի փախստականների հարցերով[7]։

2005 թվականին ստեղծվում է Emporio Armani Red-ը։ Այս մակնշմամբ ապրանքի վաճառքից ստացված ողջ հասույթը ուղղվում է ՁԻԱՀ-ով հիվանդ աֆրիկացի կանանց և երեխաներին։

ՄրցանակներԽմբագրել

Պատվավոր Լեգեոնի շքանշան ( 2008, Ֆրանսիա)[8]

ԾանոթագրություններԽմբագրել

Արտաքին հղումներԽմբագրել