Բացել գլխավոր ցանկը
Վիքիպեդիա

Գյուստավ Կուրբե

ֆրանսիացի նկարիչ
(Վերահղված է Գուստավ Կուրբեից)

Ժան Դեզիրե Գյուստավ Կուրբե (ֆր.՝ Gustave Courbet, հունիսի 10, 1819(1819-06-10)[1][2][3][4][5][6][7][8][9][10], Օռնան[11] - դեկտեմբերի 31, 1877(1877-12-31)[1][2][4][5][6][7][8][9][10], Լա Տուր դե Պեյլց[11]), ֆրանսիացի նկարիչ։

Գյուստավ Կուրբե
Gustave Courbet
Tournachon, Gaspard-Félix - Gustave Courbet (1819-1877) (Zeno Fotografie).jpg
Ծնվել էհունիսի 10, 1819(1819-06-10)[1][2][3][4][5][6][7][8][9][10]
ԾննդավայրՕռնան[11]
Վախճանվել էդեկտեմբերի 31, 1877(1877-12-31)[1][2][4][5][6][7][8][9][10] (58 տարեկանում)
Մահվան վայրԼա Տուր դե Պեյլց[11]
ՔաղաքացիությունՖրանսիա[12]
ԿրթությունՇվեյցարական ակադեմիա
Մասնագիտություննկարիչ, քանդակագործ և communard
Ոճռեալիզմ
Թեմաներգեղանկարչություն
Ուշագրավ աշխատանքներԼեռնային գետակի աղբյուր, Աշխարհի ծագումը, Աղբյուր և Թաղումը Օրնանում
ՄեկենասներAlfred Bruyas?
ՈւսուցիչCharles-Antoine Flajoulot?, Charles de Steuben? և Nicolas-Auguste Hesse?
ՊարգևներExhibition of French Artists? և Պատվո լեգեոնի շքանշանի ասպետ[13]
ԱնդամակցությունՀամայնքի խորհուրդ
ստորագրություն
Courbet autograph.svg
Gustave Courbet Վիքիպահեստում

ԿենսագրությունԽմբագրել

1837 թվականից հաճախել է Շ.Ա. Ֆլաժուլոյի նկարչական դպրոցը (Բեզանսոն)։ Գեղարվեստական կանոնավոր կրթություն չի ստացել։ Կրել է 17-րդ դարի իսպանական և հոլանդական գեղանկարչության ազդեցությունը։ 1848 թվականի հեղափոխությունը մեծապես կանխորոշել է Կուրբեի արվեստի դեմոկրատական ուղղվածությունը։ Հակադրվելով ռոմանտիզմին և ակադեմիական կլասիցիզմին՝ Կուրբեն առաջադրել է նոր տիպի «պոզիտիվ» (Կուրբի արտահայտությունն է) արվեստ, որն արտացոլում է կյանքն իր ընթացքի մեջ, հաստատում աշխարհի նյութական նշանակալիությունը և ժխտում գեղարվեստական այն արժեքը, ինչ հնարավոր չէ մարմնավորել առարկայորեն շոշափելի։ Ձգտելով բացահայտել Ֆրանսիայի բնության և առօրեական կյանքի բանաստեղծականությունը՝ Կուրբեն ստեղծել է ռեալիստական պաթոսով տոգորված մոնումենտալ կտավներ («Թաղումը Օռնանում», 1849, էուվր, Փարիզ)։ Այդ շրջանի կոմպոզիցիաներն առանձնանում են տարածական սահմանափակվածությամբ, կայուն հավասարակշռությամբ, մեղմ գունաշարով։ Մեծ հետաքրքրություն ցուցաբերելով աշխատանքի թեմայի նկատմամբ՝ Կուրբեն ստեղծել է հերոսականացված, պլաստիկորեն արտահայտիչ, ընդգծված բնավորություններով կերպարներ («Քար ջարդողները», 1849, նկարը ոչնչացել է, նախկինում եղել է Դրեզդենի պատկերասրահում), ճշմարտացիությամբ է պատկերել հասարակ ժողովըրդի կանանց («Լողացող կանայք», 1853, Ֆաբրի թանգարան, Մոնպելիե)՝ համարձակորեն համադրելով մերկ մարմինները ռեալիստական բնապատկերին։ Իր՝ դարաշրջանի դեմոկրատական իդեալներին հավատարիմ՝ Կուրբեն շեշտել է սոցիալական մոտիվները՝ մերձենալով գրոտեսկին (1863 թվականի հակակղերական սյուժեներով գծանկարներ)։ Արվեստի հասարակական հնչեղությունը կարևորվել է «Հանդիպում» («Բարե ձեզ, պարոն Կուրբե», 1854, Ֆաբրի թանգարան, Մոնպելիե) և «Արվեստանոց» (1855, Լուվր, Փարիզ) այլաբանական կոմպոզիցիաներում, որոնցում իրեն պատկերել է իր պերսոնաժների ու բարեկամների միջավայրում՝ տեսական ելույթներ ունենալիս («Ռեալիզմ» դեկլարացիան, 1855, «ճառ՝ նկարիչների համագումարում», 1861, Անտվերպեն)։ 1860-ական թվականներին աշխատելով բնության գրկում՝ Կուրբեյի երփնագիրը դարձել է լուսառատ։ Նրա բնանկար ներին և նատյուրմորտ ներին բնորոշ են առարկայական հստակությունը և դիտողականությունը («Ձմեռային բնանկար», 1867, Լուվր, «Մրգեր», 1871, Տանհաուզերի պատկերասրահ, Նյու Յորք)։ Ուշ շրջանի աշխատանքներում ի հայտ են եկել տարփամոլության և սալոնայնության նշաններ։ 1871 թվականի Փարիզ ի կոմունայի ակտիվ մասնակից Կուրբեն մեղադրվել է Վանդոմյան սյուն ը տապալելու համար, հետապնդվել է և վտարանդվել Շվեյցարիա։ Կուրբենյի ազդեցությունը նկատելի է Ստեփան Աղաջանյան ի արվեստում։ Կուրբենյի «Աղջկա դիմանկար»-ը Հայաստանի ազգային պատկերասրահին է նվիրաբերել ԽՍՀՄ ժողովրդական նկարիչ Երվանդ Քոչարը։

ՊատկերասրահԽմբագրել

  • «Ինքնանկար սև շան հետ», 1842 թ.

  • «Երազ», 1866 թ.

  • «Նկարչի արվեստանոցը», 1855 թ.

  • «L'Après-dînée à Ornans», 1849 թ.

  • «Բարև պարոն Կուրբե», 1854 թ.

  • «Proudhon et ses enfants», 1865 թ.

  • «le Château de Thoraise», 1865 թ.

  • Աշխարհի սկիզբը, 1866

  • «Bords de Mer en Normandie», 1867 թ.

  • «L'Hallali du cerf», 1867 թ.

  • «Կինը ալիքների մեջ», 1868 թ.

  • «L'Hiver», 1868 թ.

  • «Ալիք», 1869 թ.

  • «Étretat», 1870 թ.

  • «Plage de Normandie»,
    1872-75 թթ.

ԾանոթագրություններԽմբագրել

  1. ↑ 1,0 1,1 1,2 1,3 1,4 data.bnf.fr: տվյալների բաց շտեմարան — 2011.
  2. ↑ 2,0 2,1 2,2 2,3 2,4 Gustave Courbet
  3. ↑ 3,0 3,1 Gustave Courbet — ministère de la Culture.
  4. ↑ 4,0 4,1 4,2 4,3 4,4 Jean Désiré Gustave Courbet — 2006.
  5. ↑ 5,0 5,1 5,2 5,3 5,4 Gustave Courbet — 2006. — ISBN 978-0-19-977378-7, 978-0-19-989991-3
  6. ↑ 6,0 6,1 6,2 6,3 6,4 Encyclopædia Britannica
  7. ↑ 7,0 7,1 7,2 7,3 7,4 SNAC — 2010.
  8. ↑ 8,0 8,1 8,2 8,3 8,4 Itaú Cultural Enciclopédia Itaú Cultural — São Paulo: Itaú Cultural, 1987. — ISBN 978-85-7979-060-7
  9. ↑ 9,0 9,1 9,2 9,3 9,4 Internet Speculative Fiction Database — 1995.
  10. ↑ 10,0 10,1 10,2 10,3 10,4 Discogs — 2000.
  11. ↑ 11,0 11,1 11,2 11,3 11,4 11,5 German National Library, Berlin State Library, Bavarian State Library et al. Record #118522450 // Gemeinsame Normdatei — 2012—2016.
  12. ↑ Շվեդիայի Ազգային թանգարանի նկարիչների ցանկ — 2016.
  13. ↑ Base Léonore — ministère de la Culture.
 
 Գյուստավ Կուրբե
էջը Վիքիպահեստում
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 27)։  
Ստացված է «https://hy.wikipedia.org/w/index.php?title=Գյուստավ_Կուրբե&oldid=5878303» էջից