Ջեյմս Բրեդդոկ

Ջեյմս Ուոլտեր Բրեդդոկ (անգլ.՝ James Walter Braddock, հունիսի 7, 1905(1905-06-07), Hell's Kitchen, Նյու Յորք շրջան, Նյու Յորք, Նյու Յորք, ԱՄՆ - նոյեմբերի 29, 1974(1974-11-29), Նոտթ Բերգեն, Հուդզոն շրջան, Նյու Ջերսի, ԱՄՆ), իռլանդական ծագումով ամերիկացի բռնցքամարտիկ, որը 1935-37 թթ. հանդիսացել է աշխարհի չեմպիոնը՝ ծանրքաշային կարգում։

Ջեյմս Բրեդդոկ անգլ.՝ James J. Braddock
Ծնվել է	հունիսի 7, 1905(1905-06-07)
Ծննդավայր	Hell's Kitchen, Նյու Յորք շրջան, Նյու Յորք, Նյու Յորք, ԱՄՆ
Մահացել է	նոյեմբերի 29, 1974(1974-11-29) (69 տարեկան)
Մահվան վայր	Նոտթ Բերգեն, Հուդզոն շրջան, Նյու Ջերսի, ԱՄՆ
Գերեզման	Նյու Ջերսի
Քաղաքացիություն	ԱՄՆ
Մասնագիտություն	բռնցքամարտիկ
Կայք	jamesjbraddock.com
James J. Braddock Վիքիպահեստում

Նա հայտնի է կարիերայի անկմամբ (աջ ձեռքի վնասվածքներ, մի շարք պարտություններ, 1929 թ. սկսված տնտեսական Մեծ Ճգնաժամի ժամանակ ընտանիքի ծախսերը հոգալու համար ընդհուպ մինչև նավամատույցում բեռնակիր աշխատելը) և զարմանահրաշ վերադարձով ու աշխարհի չեմպիոնի կոչման նվաճմամբ, որի համար ստացել է «Մոխրոտիկ» (Cinderella Man) մականունը։

Նրա բնութագրիչ գծերից էին աջ ձեռքի հուժկու հարվածները և «գրանիտե» կզակը։

Հանդես էր գալիս Ջեյմս Ջ. Բրեդդոկ անվամբ (հավանաբար հետևելով նախկին չեմպիոններ Ջեյմս. Ջ. Կորբետի և Ջեյմս Ջ. Ջեֆրիսի անուններին)։

Վաղ տարիները

Բրեդդոկը ծնվել է Նյու Յորքի «Դժոխքի Խոհանոց» (Hell's Kitchen) հատվածում՝ Արևմտյան 51-րդ փողոցում, որը բավականին մոտ է Մեդիսոն Սքվեր Գարդենին (Madison Square Garden), որտեղ նա հետագայում հայտնի էր դառնալու։

Երիտասարդ տարիքում Բրեդդոկը ցանկացել է խաղալ Նոտր-Դամի Համալսարանի (University of Notre Dame) ամերիկյան ֆուտբոլի (en:American football - ձևափոխված ռեգբի) լեգենդար մարզիչ Կնուտ Ռոքնիի (Knute Rockne) թիմում, բայց իր իսկ խոստովանությամբ՝ ավելի շատ մկաններ ուներ, քան ուղեղ։

Կարիերայի սկիզբը և անկումը

21 տարեկանում Բրեդդոկը արդեն պրոֆեսիոնալ բռնցքամարտիկ էր թեթև ծանրքաշային կարգում։ Երեք տարի անց նրա ցուցանիշներն էին՝ 44-2-2, ընդ որում 21-ը՝ նոկաուտ։

1928 թ. նա հաղթանակ տարավ՝ նոկաուտի ենթարկելով բարձր վարկանիշ ունեցող Թաֆի Գրիֆիտսին (Tuffy Griffiths)։ Հաջորդ տարի նա հնարավորություն վաստակեց պայքարելու չեմպիոնի կոչման համար, բայց 15 ռաունդի արդյունքում չնչին տարբերությամբ պարտվեց Թոմի Լուգրանին (Tommy Loughran)։

Բրեդդոկը ծանր տարավ այդ պարտությունը թե հոգեբանական և թե առողջական (նրա աջ ձեռքը մի քանի տեղ ճաքեր էր տվել) առումներով։

Նրա վարկանիշը հաջորդ 33 մենամարտերի արդյունքում ընկավ մինչև 11-20-2։ Հաշվի առնելով ընտանիքի ծանր վիճակը 1929 թ. սկսված տնտեսական Մեծ ճգնաժամի ժամանակ՝ նա դադարեցրեց բռնցքամարտիկի իր կարիերան և սկսեց աշխատել նավամատույցում իբրև բեռնակիր (այդ ժամանակ աջ ձեռքի վնասվածության պատճառով նա սկսեց ավելի շատ օգտագործել ձախ ձեռքը, ինչի արդյունքում այն աջ ձեռքից ավելի ուժեղ դարձավ)։

Վերադարձը և չեմպիոնի կոչման նվաճումը

1934 թ. Բրեդդոկը մենամարտի հնարավորություն ստացավ Ջոն Գրիֆինի (John Griffin) հետ։ Չնայած Բրեդդոկը նախատեսվում էր ընդամենը իբրև աստիճան՝ Գրիֆինի բարձրացող կարիերայի համար, նա նոկաուտի ենթարկեց Գրիֆինին արդեն երրորդ ռաունդում։ Այնուհետև Բրեդդոկը հաղթեց աշխարհի ապագա թեթև ծանրքաշային չեմպիոն Ջոն Լյուիսին (John Henry Lewis), իսկ ծանրքաշային կարգում չեմպիոնի ևս մեկ բարձր վարկանիշ ունեցող հավակնորդի՝ Արտ Լասկիին (Art Lasky) հաղթելուց հետո նա չեմպիոնի կոչման համար մարտի իրավունք ստացավ ծանրքաշային կարգում աշխարհի չեմպիոն Մաքս Բայերի (Max Baer) հետ։ Բրեդդոկը հատուկ ընտրվել էր Բայերի թիմի կողմից՝ իբրև թույլ հակառակորդ (թե ուժի և թե տարիքի [30 տարեկան՝ ընդդեմ Բայերի 26-ի] չափանիշներով)։

1935 թ. հունիսի 13-ին Մեդիսոն Սքվեր Գարդեն մարզասրահում (Madison Square Garden Bowl) իր անկոտրում դիմացկունության շնորհիվ Բրեդդոկը դատավորների միաձայն որոշմամբ նվաճեց ծանրքաշային կարգում բռնցքամարտի աշխարհի չեմպիոնի կոչումը՝ բոքսի պատմության մեջ ամենազարմանալի հաղթանակներից մեկը տանելով (մարտից առաջ նրան 10-ից 1 շանս էին տալիս)։

Բրեդդոկը միշտ հիշում էր պետական նպաստ ստանալուց զգացած նվաստացումը, բայց նաև՝ ոգեշնչումը Կաթոլիկ Աշխատողների Շարժումից (անտուն և քաղցած մարդկանց օգնելու նպատակով 1933 թ. հիմնադրված սոցիալական արդարության քրիստոնեական կազմակերպություն)։ Դեպի ռինգ հաղթական վերադարձից հետո Բրեդդոկը վերադարձրեց պետությունից ստացած նպաստների գումարը, սկսեց կանոնավոր նվիրատվություններ կատարել տարբեր Կաթոլիկ Աշխատողների Տների, ինչպես նաև՝ ընտանեկան ճաշերին տնազուրկ հյուրեր հրավիրել։

Մարտեր

Մարտ	Ամսաթիվ	Մրցակից	Մարտի վայր	Ռաունդներ	Ծանոթագրություն
86	հունվարի 21 1938	Թոմի Ֆարր (69-25-17)	Մեդիսոն Սքուեր Գարդեն, Նյու Յորք, ԱՄՆ	SD10 (10)	Հաղթանակ
85	հունիսի 22 1937	Ջո Լուիս (31-1-0)	Comiskey Park, Չիկագո, Իլինոյս, ԱՄՆ	KO8 (15)	Պարտություն
84	հունիսի 13 1935	Մաքս Բեր (40-7-0)	Քուինս, Նյու Յորք, ԱՄՆ	UD15 (15)	Հաղթանակ
83	մարտի 22 1935	Արտ Լասկի (33-2-3)	Մեդիսոն Սքուեր Գարդեն, Նյու Յորք, ԱՄՆ	UD15 (15)	Հաղթանակ
82	նոյեմբերի 16 1934	Ջոն Հենրի Լյուիս (34-2-3)	Մեդիսոն Սքուեր Գարդեն, Նյու Յորք, ԱՄՆ	PTS10 (10)	Հաղթանակ
81	հունիսի 14 1934	Կորն Գրիֆֆին (44-10-4)	Madison Square Garden Bowl, Քուինս, Նյու Յորք, ԱՄՆ	TKO3 (5)	Հաղթանակ
80	սեպտեմբերի 25 1933	Էյբ Ֆելդման (18-1-0)	Memorial Field Stadium, Նյու Յորք (նահանգ), ԱՄՆ	NC6 (10)	Բրեդդոկը կոտրում է աջ ձեռքը։
79	հուլիսի 21 1933	Չեստեր Մատան (16-19-1)	Playgrounds Stadium, West New York, Նյու Ջերսի, ԱՄՆ	PTS10 (10)	Հաղթանակ
78	հունիսի 21 1933	Լեց Քեննեդի (44-19-1)	Oakland Arena, Ջերսի Սիթի, Նյու Ջերսի, ԱՄՆ	PTS10 (10)	Հաղթանակ
77	մայիսի 19 1933	Էլ Սթիլման (36-8-3)	Arena, Սենթ Լուիս, Միսսուրի, ԱՄՆ	UD10 (10)	Պարտություն
76	ապրիլի 5 1933	Մարտին Լևանդովսկի (25-5-2)	Arena, Սենթ Լուիս, Միսսուրի, ԱՄՆ	MD10 (10)	Պարտություն
75	մարտի 21 1933	Էլ Սթիլլման (36-7-2)	Arena, Սենթ Լուիս, Միսսուրի, ԱՄՆ	TKO10 (10)	Հաղթանակ
74	մարտի 1 1933	Էլ Էտորե (30-0-0)	Olympia A.C., Ֆիլադելֆիա, Փենսիլվանիա, ԱՄՆ	DQ4 (8)	Պարտություն
73	հունվարի 20 1933	Հանս Բիրկի (22-16-3)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS10 (10)	Պարտություն
72	հունվարի 13 1933	Մարտին Լևանդովսկի (25-4-2)	Chicago Stadium, Չիկագո, Իլինոյս, ԱՄՆ	PTS10 (10)	Հաղթանակ
71	նոյեմբերի 9 1932	Լու Սկոցա (67-23-7)	Civic Auditorium, Սան Ֆրանցիսկո, Կալիֆոռնիա, ԱՄՆ	TKO6 (10)	Պարտություն
70	հոկտեմբերի 21 1932	Թոմ Պատրիկ (23-12-3)	Legion Stadium, Հոլիվուդ, Կալիֆոռնիա, ԱՄՆ	PTS10 (10)	Պարտություն
69	սեպտեմբերի 30 1932	Դինամիտ Ջեքսոն (34-8-2)	Coliseum, Սան Դիեգո, Կալիֆոռնիա, ԱՄՆ	PTS10 (10)	Հաղթանակ
68	սեպտեմբերի 21 1932	Ջոն Լուիս (18-1-0)	Civic Auditorium, Սան Ֆրանցիսկո, Կալիֆոռնիա, ԱՄՆ	PTS10 (10)	Պարտություն
67	հուլիսի 25 1932	Թոնի Շուկկո (39-5-0)	Madison Square Garden Bowl, Long Island City, Քուինս, Նյու Յորք, ԱՄՆ	PTS8 (8)	Պարտություն
66	հունիսի 21 1932	Վիսենտե Պարիլե (10-2-0)	Madison Square Garden Bowl, Long Island City, Քուինս, Նյու Յորք, ԱՄՆ	PTS5 (5)	Հաղթանակ
65	մայիսի 13 1932	Չառլի Ռեցլաֆ (38-2-1)	Boston Garden, Բոստոն, Մասաչուսեթս, ԱՄՆ	SD10 (10)	Պարտություն
64	մարտի 18 1932	Բակստեր Կալմես (25-3-3)	Chicago Stadium, Չիկագո, Իլինոյս, ԱՄՆ	UD10 (10)	Պարտություն
63	դեկտեմբերի 4 1931	Էլ Գեյներ (21-4-0)	Arena, Նյու Հեյվեն, Կոնեկտիկուտ, ԱՄՆ	PTS10 (10)	Պարտություն
62	նոյեմբերի 10 1931	Մաքսի Ռոզենբլում (110-20-12)	Auditorium, Մինեապոլիս, Մինեսոտա, ԱՄՆ	NC2 (10)	Անավարտ
61	հոկտեմբերի 9 1931	Ջո Սեկիրա (43-14-6)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS10 (10)	Պարտություն
60	սեպտեմբերի 3 1931	Էնդի Միտչել (31-6-2)	Navin Field, Դեթրոյթ, Միչիգան, ԱՄՆ	PTS10 (10)	Ոչ ոքի
59	Մարտի 30 1931	Ջեք Քելլի (31-11-0)	Arena, Նյու Հեյվեն, Կոնեկտիկուտ, ԱՄՆ	PTS10 (10)	Հաղթանակ
58	մարտի 5 1931	Ջեք Ռոպեր (31-19-6)	Madison Square Garden Stadium, Մայամի, Ֆլորիդա, ԱՄՆ	KO1 (6)	Հաղթանակ
57	հունվարի 23 1931	Էրնի Շաաֆ (28-8-2)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	SD10 (10)	Պարտություն
56	սեպտեմբերի 19 1930	Ֆիլ Մերկուրիո (22-13-3)	Boston Garden, Բոստոն, Մասաչուսեթս, ԱՄՆ	KO2 (10)	Հաղթանակ
55	օգոստոսի 11 1930	Բեյբե Հանթ (44-1-4)	Braves Field, Բոստոն, Մասաչուսեթս, ԱՄՆ	PTS10 (10)	Պարտություն
54	հուլիսի 2 1930	Ջո Մոնտե (26-10-2)	Fenway Park, Բոստոն, Մասաչուսեթս, ԱՄՆ	PTS10 (10)	Հաղթանակ
53	հունիսի 5 1930	Գարոլդ Մեյս (21-8-0)	Playgrounds Stadium, West New York, Նյու Ջերսի, ԱՄՆ	PTS10 (10)	Պարտություն
52	ապրիլի 7 1930	Բիլլի Ջոնս (21-7-1)	Arena, Ֆիլադելֆիա, Փենսիլվանիա, ԱՄՆ	UD10 (10)	Պարտություն
51	հունվարի 17 1930	Լեո Լոմսկի (68-12-3)	Coliseum, Չիկագո, Իլինոյս, ԱՄՆ	SD10 (10)	Պարտություն
50	դեկտեմբերի 7 1929	Ջեյք Ուորեն (14-5-2)	Ridgewood Grove, Բրուքլին, Նյու Յորք, ԱՄՆ	KO2 (6)	Հաղթանակ
49	նոյեմբերի 15 1929	Մաքսի Ռոզենբլում (84-16-10)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS10 (10)	Պարտություն
48	օգոստոսի 27 1929	Յալե Օկուն (44-16-5)	Olympic Auditorium, Լոս Անջելես, Կալիֆոռնիա, ԱՄՆ	PTS10 (10)	Պարտություն
47	հուլիսի 18 1929	Թոմի Լաուգրան (58-7-5)	Yankee Stadium, Բրոնքս (Նյու Յորք), Նյու Յորք, ԱՄՆ	UD15 (15)	Պարտություն
46	ապրիլի 22 1929	Էդդի Բենսոն (13-14-3)	Broadway Auditorium, Բուֆֆալո, Նյու Յորք (նահանգ), ԱՄՆ	KO1 (10)	Հաղթանակ
45	մարտի 11 1929	Ջիմմի Սլետտերի (99-6-0)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	TKO9 (10)	Հաղթանակ
44	փետրվարի 4 1929	Ջորջ Ջեմաս (19-32-1)	Laurel Garden, Նյուարկ, Նյու Ջերսի, ԱՄՆ	KO1 (10)	Հաղթանակ
43	հունվարի 18 1929	Լեո Լոմսկի (62-7-3)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	MD10 (10)	Պարտություն
42	նոյեմբերի 30 1928	Տաֆի Գրիֆիթս (38-1-1)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	TKO2 (10)	Հաղթանակ
41	հոկտեմբերի 17 1928	Պիտ Լացո (55-11-3)	Newark Armory, Նյուարկ, Նյու Ջերսի, ԱՄՆ	PTS10 (10)	Հաղթանակ
40	օգոստոսի 8 1928	Ջո Սեկիրա (27-3-4)	Ebbet's Field, Բրուքլին, Նյու Յորք, ԱՄՆ	PTS10 (10)	Պարտություն
39	հուլիսի 25 1928	Նանդո Տասսի (12-5-0)	Ebbet's Field, Բրուքլին, Նյու Յորք, ԱՄՆ	PTS10 (10)	Ոչ ոքի
38	հունիսի 27 1928	Բիլի Վիդաբեկ (29-12-5)	Playgrounds Stadium, West New York, Նյու Ջերսի, ԱՄՆ	NWS10 (10)	Ոչ ոքի
37	հունիսի 7 1928	Ջո Մոնտե (15-4-1)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS10 (10)	Պարտություն
36	մայիսի 16 1928	Ջիմմի Ֆրենսիս (12-9-2)	Playgrounds Stadium, West New York, Նյու Ջերսի, ԱՄՆ	NWS10 (10)	Հաղթանակ
35	մայիսի 7 1928	Ջեք Դարնելլ (3-10-1)	Grotto Auditorium, Ջերսի Սիթի, Նյու Ջերսի, Նյու Ջերսի, ԱՄՆ	KO4 (10)	Հաղթանակ
34	հունվարի 6 1928	Պոլ Սվիդերսկի (5-3-1)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS8 (8)	Հաղթանակ
33	հոկտեմբերի 7 1927	Ջո Մոնտե (13-1-0)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS10 (10)	Ոչ ոքի
32	օգոստոսի 31 1927	Գերման Գելլեր (6-0-1)	Playgrounds Stadium, West New York, Նյու Ջերսի, ԱՄՆ	NWS10 (10)	Պարտություն
31	օգոստոսի 10 1927	Վիկ Մակլագլին (21-13-6)	Playgrounds Stadium, West New York, Նյու Ջերսի, ԱՄՆ	NWS10 (10)	Հաղթանակ
30	հուլիսի 21 1927	Ջորջ Լարոկկո (21-6-1)	Yankee Stadium, Բրոնքս (Նյու Յորք), Նյու Յորք, ԱՄՆ	UD6 (6)	Հաղթանակ
29	հուլիսի 13 1927	Ջիմմի Ֆրենսիս (11-7-2)	Playgrounds Stadium, West New York, Նյու Ջերսի, ԱՄՆ	NWS10 (10)	Հաղթանակ
28	հունիսի 8 1927	Ջիմմի Ֆրենսիս (11-7-2)	Playgrounds Stadium, West New York, Նյու Ջերսի, ԱՄՆ	NWS10 (10)	Հաղթանակ
27	մայիսի 27 1927	Պոլ Կավալեր (17-2-1)	Arcola Park, Paramus, Նյու Ջերսի, ԱՄՆ	NWS10 (10)	Պարտություն
26	մայիսի 20 1927	Ջորջ Լարոկկո (21-5-0)	Yankee Stadium, Բրոնքս (Նյու Յորք), Նյու Յորք, ԱՄՆ	PTS6 (6)	Ոչ ոքի
25	մայիսի 11 1927	Ջեք Սթոուն (0-21-0)	Playgrounds Stadium, West New York, Նյու Ջերսի, ԱՄՆ	NWS10 (10)	Հաղթանակ
24	մայիսի 2 1927	Սթենլի Սիմմոնս (2-2-0)	Oakland Arena, Ջերսի Սիթի, Նյու Ջերսի, ԱՄՆ	TKO1 (6)	Հաղթանակ
23	ապրիլի 19 1927	Ֆրենկի Լեննոն	Փենսիլվանիա, ԱՄՆ	TKO3 (6)	Հաղթանակ
22	մարտի 15 1927	Թոմ Մակկիրնան (5-11-0)	ԱՄՆ	KO2	Հաղթանակ
21	մարտի 8 1927	Նիկ Ֆադիլ (13-5-1)	Pioneer Sporting Club, Նյու Յորք, Նյու Յորք (նահանգ), ԱՄՆ	PTS6 (6)	Հաղթանակ
20	մարտի 3 1927	Լու Բարբա (5-1-0)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	PTS4 (4)	Հաղթանակ
19	փետրվարի 15 1927	Ջեք Նելսոն (0-4-1)	Փենսիլվանիա, ԱՄՆ	PTS6 (6)	Հաղթանակ
18	փետրվարի 1 1927	Ջոննի Ալբերտս (4-0-1)	Փենսիլվանիա, ԱՄՆ	KO4 (6)	Հաղթանակ
17	հունվարի 28 1927	Ջորջ Լարոկկո (17-3-0)	Մեդիսոն Սքուեր Գարդեն, Նյու Յորք, Նյու Յորք, ԱՄՆ	KO1 (4)	Հաղթանակ
16	դեկտեմբերի 20 1926	Դոկ Կոնրադ (1-1-0)	4th Regiment Armory, Ջերսի Սիթի, Նյու Ջերսի, ԱՄՆ	NWS4 (4)	Ոչ ոքի
15	դեկտեմբերի 8 1926	Ջո Հադսոն (4-3-1)	Manhattan A.C., Նյու Յորք, Նյու Յորք (նահանգ), ԱՄՆ	PTS6 (6)	Հաղթանակ
14	դեկտեմբերի 4 1926	Էլ Սեթլ (2-1-0)	Walker A.C., Նյու Յորք, Նյու Յորք (նահանգ), ԱՄՆ	PTS6 (6)	Հաղթանակ
13	նոյեմբերի 12 1926	Լու Բարբա (3-0-0)	Pioneer Sporting Club, Նյու Յորք, Նյու Յորք (նահանգ), ԱՄՆ	PTS6 (6)	Հաղթանակ
12	սեպտեմբերի 30 1926	Կարմին Կագգիանո (0-5-0)	Playgrounds Stadium, West New York, Նյու Ջերսի, ԱՄՆ	KO1 (6)	Հաղթանակ
11	սեպտեմբերի 16 1926	Ռեյ Քեննեդի	Playgrounds Stadium, West New York, Նյու Ջերսի, ԱՄՆ	KO1 (6)	Հաղթանակ
10	սեպտեմբերի 13 1926	Մայք Ռոք	Oakland Arena, Ջերսի Սիթի, Նյու Ջերսի, ԱՄՆ	KO1 (6)	Հաղթանակ
9	սեպտեմբերի 7 1926	Ջին Տրավերս (0-1-0)	Oakland Arena, Ջերսի Սիթի, Նյու Ջերսի, ԱՄՆ	KO1 (6)	Հաղթանակ
8	հուլիսի 9 1926	Վալտեր Վեսթման	Boyle's Thirty Acres, Ջերսի Սիթի, Նյու Ջերսի, ԱՄՆ	TKO3 (6)	Հաղթանակ
7	հունիսի 28 1926	Ջիմ Պիրսոն (0-2-0)	Oakland Arena, Ջերսի Սիթի, Նյու Ջերսի, ԱՄՆ	KO2	Հաղթանակ
6	հունիսի 18 1926	Լի Դոբսոն (4-1-0)	Boyle's Thirty Acres, Ջերսի Սիթի, Նյու Ջերսի, ԱՄՆ	KO1 (4)	Հաղթանակ
5	մայիսի 3 1926	Վիլլի Դեյլի	Ջերսի Սիթի, Նյու Ջերսի, ԱՄՆ	KO1	Հաղթանակ
4	մայիսի 2 1926	Ջեկ Օ Դեյ (1-4-0)	Ջերսի Սիթի, Նյու Ջերսի, ԱՄՆ	KO1	Հաղթանակ
3	մայիսի 1 1926	Ֆիլ Վայսբերգեր (1-8-0)	Ջերսի Սիթի, Նյու Ջերսի, ԱՄՆ	KO1	Հաղթանակ
2	ապրիլի 22 1926	Ջորջ Դեշներ (1-2-0)	Knights of Columbus, Ridgefield Park, Նյու Ջերսի, ԱՄՆ	KO2 (6)	Հաղթանակ
1	ապրիլի 13 1926	Էլ Սեթլ (0-1-0)	Amsterdam Hall, Յունիոն Սիթի, Նյու Ջերսի, ԱՄՆ	NWS4 (4)	Ոչ ոքի

Հետաքրքիր փաստեր

• 2001 թ. Բրեդդոկը ներառվել է Բռնցքամարտի Միջազգային Պանթեոնի մեջ։
• 2005 թ. «Մոխրոտիկը» (Cinderella Man) ֆիլմը պատմում է Բրեդդոկի անկման, պայքարի ու հաղթանակի մասին։ Ֆիլմի ռեժիսորն է Ռոն Հովարդը (Ron Howard), Բրեդդոկի դերում՝ Ռասըլ Կրոուն (Russell Crowe)։ Հարևանուհիներից մեկի դերում հանդես է գալիս Բրեդդոկի թոռնուհի Ռոզմարի Դեվիտը (Rosemarie DeWitt)։

Ծանոթագրություններ

Վիքիպահեստն ունի նյութեր, որոնք վերաբերում են «Ջեյմս Բրեդդոկ» հոդվածին։