|
| Իմ մասին
|
|
Բարի գալուստ իմ մասնակցային էջ։ Ես Արարատ Եգանյանն եմ, Վիքիմեդիա Հայաստան ՀԿ-ի անդամ, Տավուշի մարզի Կողբ գյուղից եմ։ Ինձ հետաքրքրում են հայոց և համաշխարհային պատմությունները։ Խմբագրում եմ տարբեր վիքինախագծեր՝ հիմնականում՝ Հայերեն Վիքիպեդիա։ Ուսումնասիրում եմ Հայաստանի իրավունքը և զբաղվում լեռնագնացությամբ։ Կարծում եմ, որ այժմ անհրաժեշտ է ոչ թե աշխատել Հայերեն Վիքիպեդիայի հոդվածների քանակը մեծացնելու, այլ եղած հոդվածների որակը բարձրացնելու վրա։ Ընդունելով, որ մենք անում ենք կամավորական աշխատանք, և ոչ ոք ոչ մեկին չի կարող ստիպել խմբագրել՝ այնուամենայնիվ, կարծում եմ, որ հոդվածը ստեղծելիս անհրաժեշտ է ամբողջությամբ գրել այն, քանի որ կիսատ գրելու դեպքում հավանականությունը քիչ է, որ ինչ-որ մեկը հետագայում այն կբարելավի։ Եթե դու ունես օգնության կարիք, ապա կարող ես հանգիստ դիմել ինձ՝ գրելով իմ քննարկման էջում։
|
| Վիքիգործունեութուն
|
|
Հիմնական խմբագրումներ
- Ես սիրում եմ աշխատել մի շարք թեմաների շուրջ, սակայն իմ աշխատանքի մեծ մասը դեռևս նվիրված է պատմական թեմատիկային: Այն հոդվածները, որոնց վրա ես մեծ աշխատանք եմ կատարել․
- Վարդանանց պատերազմ
   և Վահանանց պատերազմ - հոդվածները ամբողջովին բարելավված են իմ կողմից, աղբյուրագրությունը նույնպես կատարել եմ ես՝ օգտվելով Լեոյի 2-րդ հատորից։ Երկրորդ հոդվածը ապագայում կարող է վերանայվել և դրվել գնահատման։
- Հայ-հռոմեական պատերազմ - հոդվածի մեծ մասը, աղբյուրագրությունը և նկարազարդումը արված է իմ կողմից։
- Պապ թագավոր և Սմբատ Ա Նահատակ - վիքիճամբարների ընթացքում բարելավված իմ հոդվածները, որոնք պատմում են հայոց հզորագույն թագավորների մասին։
- Արտաշեսյանների թագավորություն և Արշակունիների թագավորություն - բարելավվել, նկարազարդվել և աղբյուրագրվել է ամբողջությամբ իմ կողմից, առաջին հոդվածն անցել է գնահատում, սակայն չի կարողացել ընտրվել ընտրյալ հոդված։
- Հայեր - հոդվածը ամբողջովին բարելավվել, նկարազարդվել և աղբյուրագրվել է իմ կողմից, ըստ իս՝ պատնմության բաժինը փոքր-ինչ երկար է, ինչը ուղղելուց հետո կարելի է այն ներկայացնել գնահատման և փորձել դարձնել այն ընտրյալ հոդված։
- Թուրք-թաթարական խռովություններ և Ելտըզի մահափորձ - Հայաստանի նոր շրջանի պատմության մասին պատմող իմ հոդվածները․ առաջինը ստեղծվել, իսկ երկրորդը բարելավվել է իմ կողմից։
- Մելիքգյուղ - իմ նախնիների գյուղի մասին պատմող հոդվածը, որը ամբողջովին բարելավվել է իմ կողմից։ Այն անցել է գնահատման փուլը, ապա ստացել լավ հոդվածի կարգավիճակ։
- Կեսարի քաղաքացիական պատերազմ
 - համաշխարհային պատմության վերաբերյալ իմ առաջին մեծ գործը։ Այն բարեհաջող անցել է գնահատման փուլը և ստացել ընտրյալ հոդվածի կարգավիճակ, 2020 թվականի տարվա 4 հոդվածներից մեկն է։
- Ալեքսանդր Մակեդոնացու արշավանքներ - իմ դեռևս ամենամեծ հոդվածն է, որը պատմում է Ալեքսանդր Մեծի արշավանքների մասին։ Այն ներկայացվել է գնահատման, սակայն բավարար ձայնել չի հավաքել և չի ընտրվել ընտրյալ հոդված։ Այն դարձել է 2020 թվականի Տարվա հոդվածներից առաջինը։
- Սկսել եմ գրել/բարելավել Հույն-պարսկական պատերազմների մասին պատմող հոդվածները՝ Նաքսոսի պաշարում (մ․թ․ա․ 499), Պարսկական առաջին ներխուժում Հունաստան , Պարսկական երկրորդ ներխուժում Հունաստան, Հոնիական ապստամբություն
- Արևելագիտական հետաքրքիր հոդվածներիցս մի քանիսը՝ Քրդերը Թուրքիայում, Մեսխեթցի թուրքեր, Մեսխեթցի թուրքերի աքսոր, Հայերը Նախիջևանում և այլն։
Փոքր խմբագրումներ
- Ես ամեն օր մի քանի անգամ ստուգում եմ իմ հսկացանկը, որպեսզի իմ հոդվածները զերծ պահեմ վանդալությունններից։ Ես փորձում եմ նաև ամեն օր հետևել նոր ստեղծվող հոդվածներին և վերջին փոփոխություններին՝ սխալները ուղղելով կամ տեղեկացնելով ադմիններին։ Ընդունում եմ նաև SVG ֆայլերի թարգմանության հայտեր՝ օգնելով ստանալ հայալեզու ֆայլեր։
Նկարազարդում
- Ես իմ գրեթե բոլոր կարևոր հոդվածները նկարազարդում են տարբեր կաղապարներով՝ ավելացնելով նկարներ, մեջբերումներ և տարբեր տեսաֆայլեր։ Հետաքրքրվում եմ լուսանկարչությամբ, մասնակցել/մասնակցում եմ «Վիքին սիրում է հուշարձաններ» և «Վիքին սիրում է Երկիրը» լուսանկարչական մրցույթներին։ Իմ հոդվածների նկարազարդման համար հաճախ թարգմանում եմ քարտեզներ․ դա իմ մոտ արդեն քիչ թե շատ ստացվում է, բայց ես փորձում եմ կատարելագործել իմ հմտությունները։ Եթե ինչ-որ մեկը կցանկանա օգնել ինձ նրբություններում, ես երախտապարտ կլինեմ նրան։
|
| Իմ նկարներից մի քանիսը
|
|
Ես ակտիվություն եմ ցուցաբերում նաև Վիքիպահեստում՝ փորձելով այն հարստացնել գեղեցիկ և որակյալ նկարներով։ Ես հաճախակի մասնակցում եմ լուսանկրաչական մրցույթների։
Իմ ստեղծած/թարգմանած քարտեզներից մի քանիսը՝
|
|
.jpg)
