Մասնակից:LilitMir/Ավազարկղ4

Լամիս Բրեդիս (ռուս.՝ Ламис Бредис, ), խորհրդային մուլտիպլիկացիայի ռեժիսոր, սցենարիստ և նկարիչ։

Կենսագրություն

Ծնվել է 1912 թվականի հունվարի 2-ին^[1]^[2] Ռիգայում^[3]։

Սովորել է Լենինգրադի ռազմածովային ուսումնարանում^[1]^[2]։

1933-1934 թվականներին սովորել է «Կրոկոդիլ» հանդեսի կողմից կազմակերպված ծաղրանկարիչների դասընթացներում^[1]^[2]։ Ըստ այլ աղբյուրների՝ նա հաճախել է այդ դասընթացներին Ալեքսեյ Ռադակովի մոտ 1933-1935 թվականներին^[3]։

1934 թվականին սկսել է զբաղվել մուլտիպլիկացիայով՝ աշխատելով Վիկտոր Սմիրնովի փորձարարական մուլտիպլիկացիոն արվեստանոցում^[1]^[2]։ Այնուհետև որոշ ժամանակ աշխատել է «Մոսֆիլմ» ստուդիայում^[1]^[2]։

1936 թվականին (այլ աղբյուրների համաձայն՝ 1935 թվականին^[3]) աշխատանքի է անցել «Սոյուզմուլտֆիլմ» ստուդիայում, որտեղ համագործակցել է Լեոնիդ Ամալրիկի, Պանտելեյմոն Սազոնովի, Իվան Իվանով-Վանոյի, Վլադիմիր Սուտեևի, Դմիտրի Բաբիչենկոյի, Զինաիդա և Վալենտինա Բրումբերգ քույրերի և այլոց հետ։ Հանդես է եկել որպես նշված Բրումբերգ քույրերի, Սուտեևի, Սազոնովի որոշ ֆիլմերի համառեժիսոր^[1]^[2]։

1941-1949 թվականներին եղել է «Սոյուզմուլտֆիլմ» ստուդիայի գեղարվեստական մուլտիպլիկացիայի ռեժիսոր^[1]^[2]^[3]։

1945 թվականից եղել է ԽՄԿԿ անդամ^[3]։

ԽՍՀՄ կինեմատոգրաֆիայի նախարար Իվան Բոլշակովի 1949 թվականի մարտի 28-ի թիվ 94/մ հրամանի կետերից մեկի համաձայն հեռացվել է ռեժիսորական աշխատանքից, ստուդիայում մնացել է միայն որպես մուլտիպլիկատոր նկարիչ, և նրան խիստ նկատողություն է հայտարարվել։ Հրամանի արձակման պատճառ են դարձել «Շտապ օգնություն» մուլտիպլիկացիոն ֆիլմում հայտնաբերված գաղափարական-գեղարվեստական սխալները^[4]։

1950 թվականին նա լքել է «Սոյուզմուլտֆիլմ» ստուդիան^[3]։

1954 թվականին աշխատանքի է անցել «Մոսնաուչֆիլմ» ստուդիայում^[1]^[2]։ Այլ աղբյուրների համաձայն՝ նա այդ ստուդիայի հետ համագործակցել է 1941 թվականից^[3]։

Դասավանդել է Սոյուզմուլտֆիլմին կից մուլտիպլիկատոր-նկարիչների դասընթացներում (1944-1950 թվականներին^[3])։ Եղել է համապատասխան ուսումնական ծրագրի համահեղինակներից։ Ընդգրկվել է կուրսային ամբիոնի կազմում^[1]^[2]:

1955 թվականին Մոսկվայի Սատիրայի թատրոնում Վլադիմիր Մայակովսկու համանուն պիեսի հիման վրա բեմադրված «Փայտոջիլը» պիեսի համար պատրաստել է «Հրդեհ» և «Հյուրերի ժամանումը» անիմացիոն ներդիրները^[3]։

Մահացել է 1957 թվականի հունվարի 14-ին^[1]^[2]։ Ըստ այլ տվյալների՝ մահացել է 1956 թվականի դեկտեմբերի 31-ին Մոսկվայում^[3]։

Ֆիլմագրություն

Հիմնական աղբյուրը^[1]^[2]․

«Սոյուզմուլտֆիլմ» ստուդիայի մուլտֆիլմեր
Տարի	Մուլտֆիլմի անվանում	Դեր
1936	«Աֆրիկայում շոգ է»	Նկարիչ-մուլտիպլիկատոր
	«Գնդիկ Բոքոնիկ»
	«Շինարար աղվեսը»
1937	«Ձմեռ պապն ու գորշ գայլը»
	«Դերձակ-նապաստակ»
	«Կարմիր գլխարկը»	Բեմադրող նկարիչ
	«Հանրության սիրելին»	Նկարիչ-մուլտիպլիկատոր
	«Քաղցր թխվածք»
	«Աղմկոտ լող»
1938	«Քեռի Ստյոպան»	Ռեժիսոր
	«Իվաս»	Նկարիչ-մուլտիպլիկատոր
	«Ստախոսը»
	«Որսորդ Ֆեոդորը»
	«Հեքիաթ Եմելիայի մասին»
	«Աշխատասեր աքլորը և անհոգ մկները»
1941	«Բարմալեյ»
	«Փիղն ու Մոսկան»	Ռեժիսոր, սցենարիստ
	«Անգղեր»	Նկարիչ
1942	«Տոնածառը (Ամանորյա հեքիաթ)»	Նկարիչ-մուլտիպլիկատոր
1942	«Քաղցրակերը»	Ռեժիսոր, սցենարիստ
1943	«Շատերից մեկը»	Ռեժիսոր
	«Հեքիաթ Սալթան թագավորի մասին»	Նկարիչ-մուլտիպլիկատոր
	«Ֆոն Գրաբբե»	Ռեժիսոր
1944	«Արծիվ և խլուրդ»	Ռեժիսոր, սցենարիստ, նկարիչ-մուլտիպլիկատոր
1944	«Սինդբադ նավաստի»	Ռեժիսոր, նկարիչ-մուլտիպլիկատոր
1945	«Ձմեռային հեքիաթ»	Նկարիչ-մուլտիպլիկատոր
1945	«Կորած հավատարմագիրը»	Ռեժիսոր, նկարիչ-մուլտիպլիկատոր
1946	«Գարնանային մեղեդիներ»	Նկարիչ-մուլտիպլիկատոր
	«Սիրամարգի պոչը»
	«Ուրախության երգը»
1947	«Քեզ, Մոսկվա»
1948	«Առաջին դասը»	Ռեժիսոր
	«Գորշ վզիկ»	Նկարիչ-մուլտիպլիկատոր
	«Հեքիաթ զինվորի մասին»
	«Ֆեդյա Զայցև»
1949	«Գարնանային հեքիաթ»
	«Սագեր և կարապներ»
	«Շտապօգնություն»	Ռեժիսոր
	«Կախարդական զանգակ»	Նկարիչ-մուլտիպլիկատոր
1950	«Աղջիկը կրկեսում»
	«Կուժ ու շվի»
	«Դեղին արագիլը»
	«Հեքիաթ ձկնորսի և ձկան մասին»
	«Հրաշք ջրաղաց»

Նովոսիբիրսկի կինոստուդիայի վավերագրական ֆիլմեր
Տարի	Ֆիլմի անվանում	Դեր
1947	«Բույսերի կյանքի պատմություն»^[3]	Նկարիչ

Մրցանակներ

1944․ «Պատվո նշանի» շքանշան՝ «Հայրենական պատերազմի օրերին Խորհրդային կինեմատոգրաֆիայի բնագավառում հաջող աշխատանքի և բարձրարվեստ կինոֆիլմերի թողարկման համար»^[5]
1947․ Վենետիկի միջազգային կինոփառատոնի դիպլոմ «Ուրախության երգը» մուլտֆիլմի համար^[3]
1948․ Աշխատանքային կարմիր դրոշի շքանշան՝ «գունավոր կինեմատոգրաֆիայի զարգացման և կատարելագործման գործում ձեռք բերած հաջողությունների համար»^[6]
1948․ Վենետիկի միջազգային կինոփառատոնի դիպլոմ «Բույսերի կյանքի պատմություն» վավերագրական ֆիլմի համար^[3]
1949․ Մարիանսկե Լազնեում (Չեխոսլովակիա) 4-րդ միջազգային կինոփառատոնի դիպլոմ «Գորշ վզիկ» մուլտիպլիկացիոն ֆիլմի համար^[3]

Գրախոսություններ, ակնարկներ, քննադատություններ

Համաձայն ԽՍՀՄ կինեմատոգրաֆիայի նախարար Ի.Գ. Բոլշակովի 1949 թվականի մարտի 28-ի թիվ 94/մ հրամանի, «Շտապ օգնություն» ֆիլմը, որի ռեժիսորը Լամիս Բրեդիսն էր, իր գաղափարական և գեղարվեստական բովանդակությամբ արատավոր էր, «ֆիլմի հեղինակները բռնել էին ֆիլմի կարևոր քաղաքական թեմայի՝ ռեակցիոն իմպերիալիստական քաղաքականության կոպիտ խեղաթյուրման և գռեհկացման ճանապարհը»։ Գ. Ն. Բորոդինի կարծիքով, այս ֆիլմը և այդ հրամանը ողբերգական հետք են թողել Բրեդիսի ճակատագրի վրա, որին այլևս երբեք թույլ չեն տվել ռեժիսորական աշխատանք ծավալել^[4]։

Ըստ Կիրիլ Մալյանտովիչի հուշերի, որը հրապարակվել է 2001 թվականին «Կինոգիտական նոթեր» ամսագրում, Լամիս Բրեդիսը «Սոյուզմուլտֆիլմ» ստուդիայի լավագույն նկարիչ-մուլտիպլիկատորներից մեկն էր։ Ըստ ազգության՝ լատիշ: Բնավորությամբ՝ խորամանկ և դեմագոգ^[7]։

Ըստ Եվգենի Միգունովի հուշերի, որոնք հրապարակվել են «Կինոգիտական նոթեր» ամսագրում 2001 թվականին, Լամիս Բրեդիսը լավ է իմացել մուլտֆիլմ նկարելու տեխնիկան, բայց լավ չի նկարել: Նա բարեխղճորեն վերլուծում էր, բայց ընդունակ չէր ստեղծագործական ազդակների։ Ազգությամբ լատվիացի էր, մանկության տարիներին եղել է անօթևան: Իր բնույթով նա խորամանկ, երկդիմի կարիերիստ էր, որոշ ժամանակ եղել է կուսակցության բյուրոյի անդամ։ Չնայած ղեկավարության վստահությունը ձեռք բերելու կարողությանը, նա հեռացվել է «Սոյուզմուլտֆիլմից» ինտրիգների, բամբասանքների և դավաճանության համար, ինչին հակված էր։ Հարբած ժամանակ նա դեմ չի եղել կռվելու։ Նոր աշխատավայրում, հարբած լինելով, ոտքով հարվածել է ստուդիայի աշխատակցուհիներից մեկին (հղի կնոջ)։ Այդ պահվածքից կատաղած գործընկերներն անմիջապես դաժան ծեծի են ենթարկել նրան, ինչի հետևանքով էլ մեկ ամիս անց նա մահացել է^[8]։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Энциклопедия отечественной мультипликации, 2006
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 аниматор.ру
↑ ^3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 ^3,11 ^3,12 ^3,13 Художники народов СССР, 1972
↑ ^4,0 ^4,1 Бородин, 2000
↑ Указ Президиума Верховного Совета СССР «О награждении орденами и медалями работников кинематографии» : [арх. 6 հունիսի 2021] // Литература и искусство. — 1944. — № 16 (120) (15 ապրիլի). — С. 1.
↑ Указ Президиума Верховного Совета СССР «О награждении орденами и медалями работников кинематографии СССР» : [арх. 28 հուլիսի 2021] // Советское искусство. — 1948. — № 38 (1126) (18 սեպտեմբերի). — С. 1.
↑ Малянтович, 2001
↑ Мигунов, 2001

Գրականություն

Бредис Ламис // Энциклопедия отечественной мультипликации / Сост. Сергей Капков. — М. : Алгоритм, 2006. — С. 126—127. — 838 с. — 3000 экз. — ISBN 5-9265-0319-4.
Наталья Василькова. Роман Качанов : Значение имеют открытия, а не поиски // Наши мультфильмы: лица, кадры, эскизы, герои, воспоминания, интервью, статьи, эссе / Редакторы: Наталья Лозинская, Андрей Трофимов. — М. : Интеррос, 2006. — С. 100—101. — 349 с. — ISBN 5-91105-007-2.
Кирилл Малянтович. Аниматоры «Союзмультфильма» / Предисл. и коммент. Георгий Бородин // Киноведческие записки. — 2007. — Вып. 81. — С. 168—201.
Кирилл Малянтович. Как боролись с «космополитами» на «Союзмультфильме» (рассказ-воспоминание) / Публикация, предисловие и комментарии Г. Н. Бородина // Киноведческие записки. — 2001. — Вып. 52. — С. 191—196.
Евгений Мигунов. Я — космополит? / Публикация, предисловие и комментарии Г. Н. Бородина // Киноведческие записки. — 2001. — Вып. 52. — С. 197—205.
«Скорая помощь». Судьба мультфильма Медведкина / Публикация, предисловие и комментарии Г. Н. Бородина // Киноведческие записки. — 2000. — № 49. — С. 83—85.

Արտաքին հղումներ

«Бредис Ламис». аниматор.ру. Վերցված է 2021 թ․ մայիսի 27-ին. {{cite web}}: Unknown parameter |deadurl= ignored (|url-status= suggested) (օգնություն); Unknown parameter |subtitle= ignored (օգնություն)