Կարմիր գլխարկը (մուլտֆիլմ, 1937)

Կարմիր գլխարկը (ռուս.՝ Красная шапочка), խորհրդային նկարված մուլտֆիլմ, որը նկարահանվել է 1937 թվականին, Վալենտինա և Զինաիդա Բրումբերգների կողմից։ Մուլտֆիլմն ստեղծվել է ըստ Շառլ Պերոյի հեքիաթի մոտիվների, սակայն շատ է տարբերվում դրանից։ Մուլտֆիլմը նկարահանվել է դասական «դիսնեյյան» ոճով, որը խորհրդային մուլտիպլիկացիայում առկա էր մինչև 1939 թվականը։

Կարմիր գլխարկը
Տեսակ	մուլտֆիլմ
Ժանր	մանկական ֆիլմ
Ռեժիսոր	Վալենտինա Բրումբերգ և Զինաիդա Բրումբերգ
Սցենարիստ	Վալենտինա Բրումբերգ և Զինաիդա Բրումբերգ
Երաժշտություն	Անատոլի Ալեքսանդրով
Երկիր	ԽՍՀՄ
Ընկերություն	Սոյուզմուլտֆիլմ
Թվական	1937

Սյուժե

Մուլտֆիլմը պատմում է դյուրահավատ աղջկա` Կարմիր գլխարկի մասին, որին քիչ էր մնում` ուտեր գայլը։

Նկարահանող խումբ

սցենարի հեղինակներ	Վալենտինա և Զինադիա Բրումբերգ, Տատյանա Բասմանովա, Ա.Կարպովա
երգերի տեքստի հեղինակ	Գեորգի Բերյոզկո
ռեժիսորներ	Վալենտինա Բրումբերգ, Զինաիդա Բրումբերգ
օգնական	Տատյանա Բասմանովա
կոմպոզիտոր	Ա. Ալեքսանդրով
նկարիչ-մուլտիպլիկատորներ	Լամիս Բրեդիս, Լև Պոզդնեև
հնչյունային օպերատոր	Ս. Ռենսկի
օպերատոր	Դ. Կարետնի

Տարբերություններ հեքիաթից

• Մուլտֆիլմում գայլը չի կարողանում ուտել ո՛չ Կարմիր Գլխարկին, ո՛չ էլ տատիկին։ Համապատասխանաբար, նրա փորը ոչ ոք չի կտրում, ինչպես դա լինում է հեքիաթում։
• Մուլտֆիլմում գայլի վերջը գալիս է այլ կերպ, քան հեքիաթում. այստեղ գայլն ընկնում է պոմիդորներով տակառի մեջ, որը կատուն կողպում է, իսկ հետո գլորում է այն ճանապարհով, որից հետո տակառը սուզվում է գետի մեջ։
• Հանդիպման ժամանակ գայլը հագնում է այծի կաշի, ինչի պատճառով էլ Կարմիր Գլխարկը նրան հավատում է։

Փաստեր

Այծի կաշի հագած գայլը երգում է «Տատիկը մի մոխրագույն այծ ուներ» երգը։

Վերաթողարկում

Մուլտֆիլմը SECAM համակարգով 1980-ականներին թողարկվել է տարբեր մուլտֆիլմերի հավաքածուներում, իսկ 1990-ականներին PAL ի համակարգով ընդգրկվել է «Սոյուզ» ստուդիայի մուլտֆիլմերի հավաքածուներում (1994 թվականից)։

Արտաքին հղումներ

• «Կարմիր գլխարկը» մուլտֆիլմը «Անիմատոր.ռու» կայքում
• «Կարմիր գլխարկը» ՅուԹյուբում

Վիքիպահեստն ունի նյութեր, որոնք վերաբերում են «Կարմիր գլխարկը (մուլտֆիլմ, 1937)» հոդվածին։