Թևանիկ
2014 թ․ մրցանակակիր կինոռեժիսոր Ջիվան Ավետիսյանը նկարահանում է իր առաջին լիամետրաժ գեղարվեստական ֆիլմը՝ Թևանիկը, որը աշխարհի տարբեր բեմերից պատմել է Արցախյան ազատամարտի մասին։
 | |
|---|---|
 | |
| Երկիր |  Հայաստան Լիտվա |
| Ժանր | Պատերազմական դրամա |
| Թվական | 2014 |
| Լեզու | հայերեն, լուսագրերը՝ ռուսերեն, անգլերեն, ֆրանսերեն, հունարեն, հոլանդերեն, իսպաներեն, ռումիներեն, պարսկերեն, լեհերեն |
| Ռեժիսոր | Ջիվան Ավետիսյան |
| Պրոդյուսեր | Մասիս Բաղդասարյան, Գևորգ Գևորգյան, Կեստուտիս Դրազդաուսկաս |
| Սցենարի հեղինակ | Առնոլդ Աղաբաբով, Կարինե Խոդիկյան |
| Դերակատարներ | Սոս Ջանիբեկյան, Կարեն Ջանգիրով և Գրետա Մեջլումյան |
| Օպերատոր | Նարեկ Մարտիրոսյան |
| Երաժշտություն | Յոնաս Յուրկունաս |
| Տևողություն | 81 րոպե |
| Թրեյլեր | https://www.youtube.com/watch?v=J830Ne5lwsY |
SydneysBuzz-ը Թևանիկը համարել է ՕՍԿԱՐ 2015 թ․ Լավագույն Օտարերկրյա ֆիլմ անվանակարգի թեկնածու։
Ֆիլմի մասին
խմբագրելՖիլմը ցուցադրվել է ոչ միայն Հայաստանում, այլ նաև աշխարհի 20-ից ավելի երկրներում, ներառյալ՝ Կանադայում, ԱՄՆ-ում, Արգենտինայում, Անգլիայում, Ֆրանսիայում, Գերմանիայում, Իտալիայում, Ավստրիայում, Լեհաստանում, Ռումինիայում, Հունաստանում, Լատվիայում, Լիտվայում, Շվեդիայում, Բելգիայում, Հոլանդիայում, Բոսնիա և Հերցեգովինայում, Կիպրոսում, Լիբանանում, Իրանում, Վրաստանում, Ռուսաստանում, Չինաստանում, Ավստրալիայում։
Թևանիկը թարգմանվել է 9 լեզուներով՝ ռուսերեն, անգլերեն, ֆրանսերեն, հունարեն, հոլանդերեն, իսպաներեն, ռումիներեն, պարսկերեն և լեհերեն։
Սյուժե
խմբագրելԹևանիկը պատմում է պատերազմի արհավիրքների մասին՝ երեխաներ, ովքեր չեն հիշում իրենց հայրերին, մայրեր, ովքեր կորցրել են իրենց որդիներին, ընդհատված մանկություններ, բաժանված ընտանիքներ։ Թևանիկը նաև հայրենիքի հանդեպ սիրո մասին է, երբ ապրելու ցանկություն ունեցող մարդը զոհաբերում է իր կյանքը հանուն հայրենիքի։
Ֆիլմը կազմված է երաժշտական կամ բանաստեղծական ստեղծագործության պես երեք մասից՝ պատմելով երեք պատանիների պատմությունը երեք տարբեր տեսանկյուններից։
Հերոսներն ու նրանց պատմությունները տարբեր են, բայց պատմությունները միավորում է պատերազմը, որը քանդում ու բաժանում է ընտանիքները։
Ֆիլմի առաջին մասում տեսնում ենք ներդաշնակ ընտանիք, որը ստիպված է լինում բաժանվել ստեղծված պատերազմական իրավիճակում։ Փոքրիկ Արամը դառնում է քանդվող ընտանիքի ողբերգության կրողը։ Նրա մանկությունը մեկ օրում ավարտվում է, և պատճառը մեկն է՝ պատերազմը։
Երկրորդ մասը պատմում է պատանի Աստղիկի մասին, ում մանկությունն ընդհատվում է Արցախյան պատերազմի պատճառով։ Աստղիկը կորցնում է հարազատներին, իր սերն ու իդեալը։
Ֆիլմի երրորդ հատվածը նվիրված է 14-ամյա Թևանիկին, որը մասնակից է դառնում պատերազմական գործողություններին։ Պատերազմի ժամանակ գեղեցիկի վրա ձեռք բարձրացնելու նրա անկարողության հետևանքով վայրկյանները որոշիչ ու ճակատագրական են դառնում[1]։
Դերերում
խմբագրել- Սոս Ջանիբեկյան
- Կարեն Ջանգիրով
- Արթուր Մանուկյան
- Արա Սարգսյան
- Բաբկեն Չոբանյան
- Սաթենիկ Հախնազարյան
- Գրիգոր Գաբրիելյան
- Հենրիկ Շահբազյան
- Մերի Մովսեսյան
- Հովհաննես Խոդերյան
- Արթուր Մանուկյան
- Մարինե Գաբրիելյան
- Սերգեյ Մագալյան
- Նարեկ Ներսիսյան
- Վահագն Գալստյան
- Գրետա Մեջլումյան
- Ռեհինա Բուդնիկ
Ստեղծագործական կազմ
խմբագրել- Ջիվան Ավետիսյան - ռեժիսոր
- Առնոլդ Աղաբաբով, Կարինե Խոդիկյան - սցենարի հեղինակներ
- Մասիս Բաղդասարյան, Գևորգ Գևորգյան - պրոդյուսերներ
- Կեստուտիս Դրազդաուսկաս - համարտադրող
- Արսեն Սարգսյան - մոնտաժող
- Սալբի Աղաջանյան - դիմահարդար
- Օվսաննա Պետրոսյան - հագուստի նկարիչ
- Հայկ Իսրայելյան - հնչ. ռեժիսոր
- Լինաս Դաբրիսկա - գույն և հատուկ էֆեկտներ
- Անտոն Քեշիշյան - բեմադրող նկարիչ
- Նարեկ Մարտիրոսյան - օպերատոր
- Յոնաս Յուրկունաս - կոմպոզիտոր
Մրցանակներ
խմբագրել| Թվական | Ամիս/ամսաթիվ | Պետություն/քաղաք | Փառատոնի անունը | Մրցանակ |
|---|---|---|---|---|
| 2016 | հունիս | ԱՄՆ | «Hollywood International Moving Pictures Film Festival 2016» | «Լավագույն օտարալեզու ֆիլմ»[2][3] |
| 2016 | հունվարի 9-13 | Ուֆա, Ռուսաստան | «Серебряный Акбузат 2 Международный фестиваль национального и этнического кино» | «Լավագույն օպերատորական աշխատանք» |
| 2015 | սեպտեմբերի 8 | Լեհաստան, Վարշավա | «VI-th International Historical And Military Film Festival Awards» | «Ռազմական գիտության ընկերակցության մրցանակ» |
| 2015 | օգոստոսի 19-30 | Ռումինիա, Բուխարեստ | «Romania International Film Festival» | «Լավագույն ֆիլմ» |
| 2015 | մայիսի 9 | ԱՄՆ, Լոս Անջելես | «2-nd Annual World Entertainment Awards» | «Տարվա լավագույն հայկական ֆիլմ» |
| 2015 | մարտի 5 | Հայաստան, Երևան | «Հայկյան» մրցանակաբաշխություն | «Հատուկ մրցանակ»՝ Ջիվան Ավետիսյանին |
| 2015 | փետրվար 28 | Հունաստան, Աթենք | Նէա Զմիռնիի քաղաքապետարանի կողմից | «Ոսկե հուշամեդալ»՝
Ջիվան Ավետիսյանին |
| 2015 | փետրվար 18 | Հայաստան, Երևան | «Իրավունք» թերթ | «Տարվա լավագույն ֆիլմ» |
| 2014 | դեկտեմբերի 12-21 | Իտալիա, Հռոմ | «Overloօk International Film Festival»- | «Լավագույն ինքնատիպ աշխատանք» |
| 2014 | նոյեմբերի 14-16 | ԱՄՆ, Լոս Անջելես | «Arpa International Film Festival» | «Լավագույն սցենար» |
| 2014 | հոկտեմբերի 20-25 | Չինաստան, Սիան | «First Silk Road International Film Festival» | «Հանդիսատեսի համակրանք» |
| 2014 | հուլիսի 13-20 | Հայաստան, Երևան | «Ոսկե Ծիրան միջազգային կինոփառատոն» | «Հայկական համայնապատկեր» ծրագրում գլխավոր մրցանակ՝ «խաղարկային լավագույն լիամետրաժ ֆիլմ»[4] |
Ֆիլմի հատուկ ցուցադրություններ
խմբագրել| Թվական | Ամիս/ամսաթիվ | Պետություն/քաղաք | Փառատոնի անունը | Ցուցադրվել է / ներկայացվել է |
|---|---|---|---|---|
| 2016 | նոյեմբերի 1 | Չեխիա, Պրահա | Charles University | Ցուցադրվել է |
| 2016 | սեպտեմբերի
10-17 |
Մակեդոնիա, Բիտոլա | 37th International Cinematographers' Film Festival MANAKI BROTHERS | Ցուցադրվել է |
| 2015 | սեպտեմբերի 4 | Հոլանդիա, Հիլվերսում | «Filmtheatre Hilversum» | Ցուցադրվել է |
| 2015 | հունիսի 25 | Գերմանիա, Քյոլն | «Filmhauskino Köln» | Ցուցադրվել է |
| 2015 | հունիսի 17-24 | Արգենտինա, Բուենոս Այրես | «The 16th edition of the International Human Rights Film Festival» | Փառատոնի բացման ֆիլմ |
| 2015 | ապրիլի 26 | Գերմանիա, Բեռլին | «Arsenal - Institute for Film and Videokunst» | Ցուցադրվել է |
| 2014 | դեկտեմբերի 1-7 | Վրաստան, Թբիլիսի | «Tbilisi International Film Festival» | Փառատոնի փակման ֆիլմ |
| 2014 | օգոստոսի 20-23 | Բոսնիա և Հերցեգովինա, Սարաևո | «Saraevo Film Festival- Cinelink Market» | Ներկայացվել է |
| 2014 | մայիսի 19 | Ֆրանսիա, Կանն | «The 67th Cannes International Film Festival and Fair» | Ներկայացվել է |
Անվանակարգեր
խմբագրելՄիջազգային դիստրիբյուցիա
խմբագրել- ԱՄՆ - HYASA ENTERTAINMENT կազմակերպությունը Լոս Անջելոսի Pacific կինոթատրոնում իրականացրել է ֆիլմի ցուցադրությունները։
- Ռումինիա - BRIGHT FILM SRL ընկերությունը Ռումինիայում իրականացնում է ֆիլմի ցուցադրությունները։
- Հունաստան - FEEL GOOD ընկերությունը Հունաստանում իրականացնում է ֆիլմի DVD-ների վաճառքը։
Ծանոթագրություններ
խմբագրել- ↑ «Թևանիկ»․ ֆիլմ՝ սիրո և պատերազմի մասին
- ↑ Ճիւան Աւետիսեանի «Թեւանիկ» ֆիլմը մրցանակ ստացաւ Հոլիվուտի մէջ
- ↑ Armenian Film on Karabakh Conflict Wins at Hollywood Festival
- ↑ ««Թևանիկ» ֆիլմը Ոսկե ծիրան կինոփառատոնի «Հայկական համայնապատկեր» ծրագրում». Արխիվացված է օրիգինալից 2017 թ․ ապրիլի 18-ին. Վերցված է 2016 թ․ հուլիսի 3-ին.