Բացել գլխավոր ցանկը

Թխվածքաբլիթ, խմորից թխված, սովորաբար քաղցր, երկարաժամկետ պահպանման համար նախատեսված, քիչ խոնավությամբ ոչ մեծ հրուշակեղեն: Թխվածքաբլիթի համար նախատեսված խմորին երբեմն ավելացնում են սերմնահատիկներ: Սովորաբար թխվածքաբլիթը ձևավորում են շրջանների, քառակուսիների, աստղիկների, ձողիկների տեսքով: Երբեմն պատրաստում են նաև միջուկով թխվածքաբլիթներ. որպես միջուկ՝ կիրառում են շոկոլադ, չամիչ, խտացրած կաթ, կրեմ, կամ երբեմն պատրաստում են երկշերտ թխվածքաբլիթ, որի երկու շերտերը միմյանց են միանում նախապես պատրաստած միջուկով:

Picto infobox mets.png
Թխվածքաբլիթ
Koekjestrommel open.jpg
Ենթատեսակհրուշակեղեն, Q27238206? և կերակուր
Առաջացման երկիրՊարսկաստան
Ստեղծման տարեթիվ7-րդ դար
Biscuits Վիքիպահեստում
Gevulde koeken en kano-s met detail.jpg
Různé druhy cukroví (2).jpg

ԴասակարգումԽմբագրել

Առանձնացնում են թխվածքաբլիթի հետևյալ տեսակները.

  • շաքարային
  • չոր[1]
  • ամոքահունց, որը կարող է լինել շաքարավազային, շերտավոր, հարովի կամ վարսակաձավարի ալյուրից:

Բոլոր այս տարբերակներն իրարից տարբերվում են պատրաստման եղանակով և խմորի նյութակազմվածքով:

Թխվածքաբլիթի արդյունաբերական արտադրության համար նախատեսված խմորի տեսակներԽմբագրել

Շաքարային խմորի պատրաստում Հոսընթացային արտադրության դեպքում շաքարային խմորի հունցումը[2], որպես կանոն, իրականացվում է անդադար գործող հունցման մեքենաներում: Բիսկվիթային խմորի առանձնահատկությունն այն է, որ դրա պատրաստման համար օգտագործվում է 10-12 տարբեր տեսակի հումք: Խմորի անընդհատ հունցման դեպքում հումքի բոլոր տեսակները պետք է անընդհատ խմորաշաղախ մեքենայի մեջ լցոնվեն անհրաժեշտ հարաբերակցությամբ:

Շաքարային թխվածքաբլիթը բնորոշվում է զգալի ծակոտկենությամբ, փխրունությամբ, ուռուցիկությամբ, դիմերեսին ունի պատկեր, ինչն ապահովվում է պլաստիկ խմորը մշակելու միջոցով. այդ խմորն ունի ձգվող և ճկուն նյութակազմվածք:

Ձգվող թխվածքաբլիթ, շերտավոր է, փխրունությունն ու ուռուցիկությունն ավելի քիչ են, շաքարի և ճարպերի պարունակությունը քիչ է, մշակվում է առաձգական խմորից՝ բարձր մեխանիզացված հոսքագծային արտադրողականությամբ (մինչև 900 կգ/ժ):

Ձգվող խմորը շաքարային խմորից տարբերվում է իր էլաստիկ հատկանիշներով: Այսպիսի խմոր ստանալու համար պետք է հունցման ժամանակ սպիատակուցային տարրերի ուռուցիկության համար անհրաժեշտ պայմաններ ստեղծել: Այս պայմանները նախատեսվում են այն ժամանակ, երբ ընտրվում են հումքի բաղադրատարրերը և խմորի հունցման տեխնոլոգիական պարամետրերը:

Ձգվող խմորի մեջ, որի խոնավությունը գրեթե 1,5 անգամ բարձր է շաքարային խմորի խոնավությունից, շաքարի պարունակությունը գրեթե 2 անգամ ավելի քիչ է:

Ամոքահունց թխվածքաբլիթ. արտադրվում է տարբեր ձևերով, ոչ մեծ չափերի է լինում, խմորը պարունակում է մեծ քանակությամբ շաքարավազ, յուղ և ձվամթերք:

Թխվածքաբլիթի տեսակներԽմբագրել

ԾանոթագրություններԽմբագրել

ԳրականությունԽմբագրել

  • Похлёбкин В.В. Печенье // Кулинарный словарь. — М.: Э, 2015. — С. 287. — 456 с.