Բացել գլխավոր ցանկը

Ակնունի

հայ հրապարակախոս, լրագրող, հասարակական գործիչ

Էդվարդ Ակնունի (իսկական անունը՝ Խաչատուր Մալումյան, 1863[1][2][3], Մեղրի[1] - 1915[1][2][3], Մեծ Եղեռնի զոհ), հասարակական-քաղաքական գործիչ, հրապարակախոս։ ՀՅԴ կուսակցության անդամ։

Ակնունի
Db Agnouni khachadour maloumian 1.jpg
Ծնվել է1863[1][2][3]
ԾննդավայրՄեղրի[1]
Մահացել է1915[1][2][3]
Ազգությունհայ
ԿրթությունՆերսիսեան դպրոց
Մասնագիտությունլրագրող, հրապարակախոս, հասարակական գործիչ և քաղաքական գործիչ
Khachatur Malumian Վիքիպահեստում

ԿենսագրությունԽմբագրել

Նախնական կրթությունն ստացել է ծննդավայրում։ Ավարտել է Թիֆլիսի Ներսիսյան դպրոցը (1883), հետագայում ուսումը շարունակել Ժնևում։ Աշխատակցել է «Մշակին», եղել խմբագրության քարտուղարը, Գ. Արծրունու գաղափարների ջերմ պաշտպանն ու օգնականը։ 1899 թվականին Ժնևում աշխատել է «Դրոշակի» խմբագրությունում, ուր տպագրվել է նրա «Կովկասյան խաբրիկներ» հոդվածաշարը՝ Է. Ակնունի ստորագրությամբ։

Եղել Է Քրիստափոր Միքայելյանի աջակիցներից, քարոզչական մեծ աշխատանք է կատարել Եվրոպայում ի նպաստ Հայ դատի։ Եռանդուն մասնակցել է ՀՀԴ կուսակցության 1907 թ. Վիեննայի IV ընդհանուր ժողովին, որից հետո նրա ջանքերով և մասնակցությամբ Փարիզում գումարվել Է Օսմանյան կայսրության բոլոր ընդդիմադիր կազմակերպությունների խորհրդաժողով (որը և նախապատրաստեց Օսմանյան կայսրության սահմանադրության հըռչակումը)։ 1908 թվականին ավելի է աշխուժացել Կ. Պոլսում նրա հասարակական, քաղաքական գործունեությունը։ 1910-1911 թթ. քարոզչությամբ հանդես է եկել Հս. Ամերիկայում, Եգիպտոսում, Լիբանանում, Զմյուռնիայում, Էրզրումում (որտեղ 1914 թվականի օգոստոսին մասնակցել է ՀՀԴ կուսակցության VIII ընդհանուր ժողովին)։

ԵրկերԽմբագրել

  • Ակնունի Էդուարդ, Բողոքի ձայն, Պոսթըն, 1911, 102 էջ։
  • Ակնունի Էդուարդ, Դէպի կռիւ, Ժընեւ, 1904, 275 էջ։
  • Ակնունի Էդուարդ, Դէպի Երկիր, Պոսթըն, 1911, 32 էջ, Երեւան, 2002, 32 էջ։
  • Ակնունի Էդուարդ, Կովկասեան վէրքեր, առաջին հատ., Ժընեւ, 1903, 368 էջ։

ԾանոթագրություններԽմբագրել

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։