Վիքիպեդիա

Վիբրատոր (սեռական խաղալիք)

Վիբրատորը կամ թրթռիչը, որը երբեմն անվանվում է նաև մերսիչ, սեռական խաղալիք է, որն օգտագործվում է մարմնի վրա՝ հաճելի սեռական խթանում առաջացնելու համար։ Թրթռիչների շատ տարբեր ձևեր և մոդելներ կան։ 2010-ականների թրթռիչների մեծ մասը պարունակում է էլեկտրականությամբ աշխատող սարք, որը զարկ կամ պուլսացիա է տալիս։ Թրթռիչները կարող են օգտագործվել ինչպես անհատական, այնպես էլ մեկ կամ ավելի մարդկանց զուգընկերների հետ։ Գոյություն ունեն սարքեր, որոնք օգտագործվում են զույգերի կողմից՝ երկու զուգընկերների սեռական օրգանները խթանելու համար[1]։ Դրանք կարող են կիրառվել էրոգեն գոտիների վրա, ինչպիսիք են կլիտորը, վուլվան կամ հեշտոցը, առնանդամը, սկրոտումը կամ սրբանը, սեռական խթանման և օրգազմի հասնելու համար։ Վիբրատոր կարող է առաջարկվել սեռական թերապևտների կողմից այն կանանց, ովքեր դժվարանում են օրգազմի հասնել միջոցով մաստուրբացիայի կամ ներթափանցման միջոցով[2]։

Վիբրատորներ սեքս խանութում
Վիբրատոր զույգերի համար. Սիրո մատանի

Տեսակները խմբագրել

 
Hitachi Magic Wand
 
Techno Rabbit թրթռիչ
 
Դիզայներական թրթռիչներ
 
«Գրպանի հրթիռ» տեսակի թրթռիչ

Թրթռիչները շատ հաճախ ունենում են էլեկտրական շարժիչներ[3]։ Որոշ վիբրատորներ վաճառվում են որպես «մարմնի մերսիչներ», չնայած նրանք դեռ կարող են օգտագործվել, օրինակ, որպես չափահասների սեռական խաղալիքներ ավտոէրոտիզմի ժամանակ։ Որոշ թրթռիչներ աշխատում են մարտկոցներով, իսկ մյուսներն ունեն հոսանքի լար, որը միանում է վարդակից։ Կա նաև թրթռիչ, որն օգտագործում է հոսքը փոշեկուլից եկող օդը` կլիտորը խթանելու համար։ Հին երաժշտական թրթռիչների ժամանակակից տարբերակները թրթռումները համապատասխանեցնում են նվագարկչի կամ բջջային հեռախոսի երաժշտության ռիթմի հետ։ Շքեղ ապրանքանիշների որոշ թրթռիչներ նաև ամբողջովին ծածկված են բժշկական սիլիկոնով՝ առանց արտահայտված կառավարման վահանակների կամ կարերի։ Չնայած ցանկացած սեռական խաղալիքի համար անհրաժեշտ է պատշաճ մաքրում, բակտերիաների աճի համար ավելի քիչ տեղ ունենալը նվազեցնում է վարակի հավանականությունը։

Չնայած որոշ ընկերություններ վաճառում են զգալիորեն ավելի մեծ չափի դիլդոներ և թրթռիչներ, դրանց մեծ մասը, որոնք վաճառվում են հեշտոցային կամ անալ օգտագործման համար, ունեն միջին առնանդամի չափի[4]։

Թրթռիչների լայն տեսականի կա, բայց դրանց մեծ մասը դասվում է ըստ մի քանի կատեգորիաների.

  • Կլիտորալ. գավազանի տեսքով ուժեղ թրթռիչները արտաքինից խթանում են կլիտորը։ Թրթռիչի երկակի տեսակը խթանում է ինչպես կլիտորը, այնպես էլ G կետը։ Սովորաբար դրանք աշխատում են մարտկոցներով, իսկ որոշները կարող են օգտագործվել ջրի տակ։ Կլիտորալ թրթռիչի ամենատարածված տեսակը փոքր է, ձվաձև և երկար լարով ամրացված բազմաստիճան մարտկոցի տուփին։ Լինում են փամփուշտանման, կենդանակերպ, հրթիռանման և մարդկային մեծ լեզուների նման և այլ դիզայններով։ Անկախ դիզայնից, կլիտորային թրթռիչի հիմնական գործառույթը տարբեր արագությունների և ուժգնությունների թրթռումն է։ Որոշ կլիտորային թրթռիչներ կարող են տեղադրվել հեշտոցի մեջ։ Սովորաբար դրանք ունեն փոքր «թև» թրթռիչի հիմքի մոտ՝ ապահովելով միաժամանակ կլիտորի և հեշտոցի գրգռումը։
  • Դիլդո - Սրանք մոտավորապես առնանդամի տեսքի և չափի են և կարող են պատրաստված լինել պլաստիկից, սիլիկոնից, ռետինից, վինիլից կամ լատեքսից։ Թրթռացող դիլդոները կարող են լինել անձնական օգտագործման կամ գործընկերոջ կողմից կիրառվող։ Դրանք կարող են օգտագործվել հեշտոցային և անալ ներթափանցման, ինչպես նաև բերանի խոռոչի ներթափանցման համար[5]։ Դրանք տարբեր չափերի, գույների և նյութների են, և կարող են լինել երկկողմանի, այնպես որ միաժամանակ կարող են իրականացվել և՛ անալ, և՛ հեշտոցային խթանումներ։
  • Ձվաձև կամ փամփուշտանման թրթռիչ - Նախատեսված են կլիտորային կամ պենիսի գրգռման և հեշտոցային կամ անալ ներթափանցման համար։ Լինում են լարային և անլար տարբերակներ։
  • Անջրանցիկ. Դրանք կարող են օգտագործվել թաց վիճակում, օրինակ՝ ցնցուղի տակ։ Չնայած վաճառվում է որպես անջրանցիկ, դրանց մեծ մասը չպետք է սուզել։ Ստորջրյա օգտագործման համար նախատեսվածները կարող են օգտագործվել լողավազանում, լոգարանում կամ ցնցուղում կամ ցանկացած այլ խոնավ վայրում։ Կարող է առաջարկվել, որ այս թրթռիչներն օգտագործվեն ջրի հետ համատեղելի քսանյութի հետ, ինչպիսին է սիլիկոնային հիմքով քսանյութը։ Սակայն բոլոր ջրակայուն թրթռիչների դեպքում չէ այդպես, քանի որ սիլիկոնային հիմքով քսանյութերը կարող են քայքայել սիլիկոնային թրթռիչները։
  • Նապաստականման - Երկկողմանի է՝ նախատեսված միաժամանակ հեշտոցի և կլիտորի գրգռման համար։ Այն ներկայացվել է Սեքսը մեծ քաղաքում հեռուսասերիալում 90-ականների վերջին[6]։ Նապաստականման թրթռիչը իրականում բաղկացած է տարբեր չափերի երկու թրթռիչներից։ ֆալուսի նման թրթռիչը նախատեսված է հեշտոցի ներթափանցման համար, մինչդեռ ավելի փոքր կլիտորային խթանիչը թեքված է դեպի հիմնական թրթռիչը։ Նապաստականման թրթռիչը անվանվել է կլիտորային խթանիչի տեսքի պատճառով, որը հիշեցնում է նապաստակի ականջներ։ Դրանք սովորաբար պատրաստված են ռետինից, պլաստմասից, սիլիկոնից կամ լատեքսից և ունեն գույների, չափերի և դիզայնի բազմազանություն։
  • G կետ - Նման է ավանդական թրթռիչին, բայց ունի կորություն և, հաճախ, փափուկ ժելեանման ծածկույթ։ Կորությունը նախատեսված է G կետը կամ շագանակագեղձը խթանելու համար։ Այս տեսակի թրթռիչը պատրաստված է այնպիսի նյութերից, ինչպիսիք են սիլիկոնը կամ ակրիլը։ Այն կարող է օգտագործվել վիբրացիայով կամ առանց դրա։ Խորհուրդ է տրվում օգտագործել զգալի քանակությամբ քսանյութով, հատկապես երբ օգտագործվում են անալ եղանակով։
  • Ճկվող թրթռիչներ - Սրանք կարող են տարբեր աստիճանի թեքվել մարմնի ձևին հարմարվելու համար և օգտագործվում են դժվարամատչելի էրոգեն գոտիները գտնելու և գրգռելու համար։ Կարող են ստանալ տարբեր տեսակի թրթռիչների տեսք՝ G կետ, անալ, պենիս, երկակի և այլն։
  • Ծրագրավորվող և հեռակառավարվող թրթռիչներ - Կարող են տեղադրվել սեռական օրգաններում կամ դրանց դեմ և նախապես ծրագրավորված լինել կամ հեռակա կարգով կառավարվել։ Օրինակ՝ «Little Rooster»-ը ժամաչափ է, որի նպատակն է գրգռել օգտագործողին՝ սկզբում նրբորեն թրթռալով, իսկ հետո՝ ավելացող ուժով[7]։ Մնացած թրթռիչներն ունեն ձեռքի հեռակառավարիչ, որը հասանելի է ինչպես լարային, այնպես էլ անլար տարբերակով և կարող է օգտագործվել արագությունն ու ուժգնությունը կարգավորելու համար։
  • Գրպանի հրթիռանման թրթռիչներ - Գլանաձև է, որի ծայրերից մեկի վրա կա թրթռացող ուռուցիկություն։ Այն նախատեսված է կլիտորը կամ կրծքերը գրգռելու, այլ ոչ թե հեշտոցի ներթափանցման համար։ Մինի-թրթռիչ է, որի երկարությունը սովորաբար մոտ հինգ դյույմ է և հիշեցնում է փոքրիկ, ճամփորդական չափի լապտեր։ Սրանք նկարագրվում են որպես զուսպ սեքս խաղալիքներ, որոնք կարող են տեղափոխվել մեկի քսակի կամ պանակի մեջ, բայց անաղմուկ թրթռիչներից չէ։ Շատ օգտվողներ պնդում են, որ այն բավականին աղմկոտ է։ Իր փոքր չափի շնորհիվ այն սնուցվում է մեկ մարտկոցով և սովորաբար ունի միայն մեկ արագություն։
  • «Թաքնված» թրթռիչներ - Թրթիռները ունեն առօրյա առարկաների տեսք՝ շրթներկեր, բջջային հեռախոսներ կամ արվեստի նմուշներ։ Ժամանակ առ ժամանակ որոշ կանայք այս գործառույթի համար օգտագործում են իրական բջջային հեռախոսներ։ Այս տեսակի թրթռիչները պատրաստվում են տարբեր տեսակի նյութերից, ձևերից և գույներից։ Թաքնված թրթռիչները սովորաբար համեմատաբար փոքր են, և հիմնականում ունեն միայն մեկ արագություն և սնուցվում են մեկ մարտկոցով։ Դրանք հակված են կրկնօրինակել այն օբյեկտի ճշգրիտ ձևն ու դիզայնը, որը փորձում են նմանակել։
  • Անալ թրթռիչներ - նախատեսված են անալ օգտագործման համար և ունեն բռնկված հիմք կամ բռնակ ամբողջությամբ ներթափանցումը և հետանցքում մնալը կանխելու համար։ Անալ թրթռիչները ունեն տարբեր ձևեր, բայց դրանք սովորաբար հետույքի խցաններ են կամ ֆալուսի նման թրթռիչներ։ Առաջարկվում է օգտագործել զգալի քանակությամբ քսայուղով, պետք է նրբորեն և զգուշորեն ներդնել, որպեսզի կանխեն հետանցքի լորձաթաղանթի հնարավոր վնասումը։
  • Թիթեռ - Այս վիբրատորը ամրացվում է ոտքերին և կոնքերին և ապահովում առանց ձեռքերի օգնության կլիտորալ ստիմուլացիա սեռական ակտիվության ժամանակ։ Այն լինում է երեք տեսակի՝ ավանդական, հեռակառավարվող և անալ կամ հեշտոցային խթանիչներով։ Պատրաստվում է սիլիկոնից, պլաստմասից, լատեքսից կամ ժելեից։
  • Առնանդամի թրթռացող մատանի - Հիմնականում անլար է, տեղադրված կամ կցված է առնանդամի մատանուն, սովորաբար օգտագործվում է սեռական հարաբերությունների ընթացքում կլիտորի խթանման համար։
  • Կրկնակի տարածքի թրթռիչներ - թրթռիչները նախատեսված են երկու էրոգեն գոտիներ միաժամանակ կամ իրարից անկախ խթանելու համար։ Սովորաբար դրանք լինում են կլիտորի խթանիչի և հեշտոցի խթանիչի տեսքով, օրինակ՝ Sybian-ը։ Տղամարդկանց համար կան թրթռիչներ, որոնք միաժամանակ խթանում են շագանակագեղձը և պերինան։
  • Եռակի տարածքի թրթռիչներ - Այս թրթռիչները նախատեսված են միաժամանակ կամ առանձին երեք էրոգեն գոտիներ խթանելու համար։ Սրանք կանանց մոտ խթանում են հեշտոցը, կլիտորը և անալ շրջանները։ Տղամարդկանց համար նախատեսված նմուշները խթանում են անուսը, պերինան և ամորձապարկը։
  • Տարբեր արագության թրթռիչներ. Դրանք օգտվողներին թույլ են տալիս հարմարեցնել, թե որքան արագ պետք է լինեն թրթռիչի զարկերակային կամ մերսման շարժումները։ Կախված թրթռիչի տեսակից` արագության փոփոխությունը կատարվում է կոճակը մի քանի անգամ սեղմելով` օգտագործողներին թույլ տալով օգտագործման ընթացքում մի քանի անգամ փոխել արագությունը։
  • Խելացի թրթռիչներ. Դրանք միանում են բջջային ծրագրերին Bluetooth LE կապի միջոցով՝ թույլ տալով այնպիսի գործառույթներ, ինչպիսիք են ինտերնետի միջոցով հեռահար հեռակառավարումը, մուլտիմեդիայի բովանդակությանը համապատասխան վիբրացումը, ծրագրավորվող վիբրացումները, ինչպես նաև հավելվածով օգտագործվող այլ թրթռիչներ, որոնք օգտագործում են կենսաբանական կամ զգայական ուսումնասիրման, բարելավման, հետազոտման կամ այլ փորձերի համար։
  • Womanizer. Կլիտորային խթանիչ, որն աշխատում է օդային վիբրացիաների և ներծծման միջոցով[8][9]։

Վիբրատորներ հաշմանդամ մարդկանց համար խմբագրել

Հաշմանդամ մարդկանց համար վիբրատորները կարող են սեռական կյանքի էական մասը կազմել երկու հիմնական պատճառով. նախ` դա կարող է լինել սեռական բավարարվածություն ստանալու միակ միջոցը` թևի և ձեռքի թույլ աշխատանքի պատճառով։ Երկրորդ, որոշ հաշմանդամ տղամարդկանց համար թրթռիչի օգտագործումը սերմնահեղուկի նմուշ ապահովելու միակ ձևն է արտամարմնային բեղմնավորման համար։

Պատմություն խմբագրել

Վաղ զարգացում խմբագրել

Էլեկտրական թրթռիչը հորինվել է 19-րդ դարի վերջին` որպես ցավազրկման և տարբեր հիվանդությունների բուժման բժշկական գործիք։ Առաջին օգտագործումը հիշատակվում է Փարիզի Սալպետրերի հիվանդանոցում 1878 թվականին, որի հեղինակը համարվում է Ռոմեն Վիգուրուն։ Անգլիացի բժիշկ և գյուտարար Ջոզեֆ Մորտիմեր Գրանվիլը, ով նույնպես մշակել է վաղ մոդելներից մեկը, հիշատակվում է որպես «ժամանակակից էլեկտրոմեխանիկական թրթռիչի հայր»[10]: Մորտիմեր Գրանվիլի՝ 1883-ին լույս տեսած Նյարդերի թրթռումը և գրգռումը որպես գործառութային խանգարման և օրգանական հիվանդությունների բուժման միջոցներ գրքում նկարագրվում են թրթռիչի օգտագործման նպատակները` ցավազրկում և նևրալգիայի, նևրաստենիայի, հիվանդագին դյուրագրգռության, մարսողության խանգարման և փորկապության բուժում[11]։ Այս վաղ թրթռիչները լայն տարածում գտան բժշկության շրջանում և օգտագործվում էին կանանց և տղամարդկանց հիվանդությունների, այդ թվում՝ հիստերիայի, արթրիտի, փորկապության, ամենորեայի, բորբոքումների և ուռուցքների բուժման համար։ Առաջին համաշխարհային պատերազմի վիրավոր որոշ զինվորներ թրթռումային թերապիա ստացան որպես բուժում Սերբիայի անգլիական և ֆրանսիական հիվանդանոցներում[10]:

 
1913-ի գովազդ

1900-ականներից սկսած թրթռիչները սկսեցին վաճառվել ամսագրերում տնային օգտագործման համար այլ էլեկտրական կենցաղային իրերի հետ միասին` նրանց առողջության և գեղեցկության ենթադրյալ առավելությունների համար։ Վառ օրինակը «Թրթռումայինն» էր, գովազդ, որը հայտնվեց McClure's ամսագրում 1899 թվականի մարտին, որն առաջարկվում էր որպես «Նևրալգիա, Գլխացավ, Կնճիռներ» -ի բուժում։ Այս գովազդներն անհետացան 1920-ականներին, հնարավոր է՝ պոռնոգրաֆիայում հայտնվելու պատճառով[12]:

Կանանց սեռական խթանման համար վաղ օգտագործումը խմբագրել

 
Sears, Roebuck and Company– ի կատալոգ, 1918

Տեխնոլոգիական պատմաբան Ռեյչել Մայնեսը իր «Օրգազմի տեխնոլոգիան» [10] գրքում պնդում է, որ 19-րդ դարի վերջին թրթռիչի զարգացումը մեծ մասամբ պայմանավորված էր բժիշկների պահանջներով` սեռական օրգանների մերսումն ավելի հեշտ կատարելու համար, հաճախ դեպի «հիստերիկ պարոքսիզմ» (օրգազմ), որը պատմականորեն բուժում էր հանդիսանում կանանց հիստերիայի՝ երբեմնի բժշկական ախտորոշման համար։ Մայնեսը գրում է, որ այս բուժումը խորհուրդ էր տրվում հին դասական Եվրոպայում, ներառյալ Հիպոկրատի կորպուսում և Գալենի կողմից, և շարունակվում էր օգտագործվել միջնադարյան և ժամանակակից ժամանակաշրջաններում[10], բայց բժիշկների կողմից չէր դիտվում որպես սեռական երևույթ ներթափանցման բացակայության պատճառով[10], փոխարենը դիտվում էր որպես բարդ և հոգնեցուցիչ առաջադրանք[10]: Մայնեսը գրում է, որ Սալպետրիերիում թրթռիչի առաջին օգտագործումը եղել է հիստերիկ կանանց համար, բայց նշում է, որ Ջոզեֆ Մորտիմեր Գրանվիլը հերքել է, որ ինքը այդ գյուտը օգտագործել կամ երբևէ կօգտագործեր այդ նպատակով[10]: Բացի այդ, Մեյնսը նշում է, որ այդ բժշկական թրթռիչների իրական օգտագործումը և այն թրթռիչները, որոնք վաճառվել են տնային օգտագործման համար 20-րդ դարի սկզբին, բացահայտ չեն հայտարարվել, այլ եղել են «սոցիալական քողարկմամբ»[10]: Առաջարկվող գովազդի օրինակներից մեկը National Home Journal- ում Bebout-ի ձեռքով աշխատող մեխանիկական թրթռիչի` 1908 թվականի գովազդն է, որը պարունակում է հետևյալ տեքստը. «Նուրբ, հանգստացնող, աշխուժացնող և թարմացնող։ Հորինել է մի կին, ով գիտի կնոջ կարիքները»[10]:

Մյուս պատմաբանները համաձայն չեն Մայնեսի հետ սեռական օրգանների մերսման պատմական տարածվածության մասին` որպես կանանց հիստերիայի բուժման միջոց, և այն բանի շուրջ, թե որքանով են այդ նպատակով օգտագործվել վաղ ժամանակաշրջանի վիբրատորները։ Այն գաղափարը, որ օրգազմի խթանումը հին և միջնադարյան Եվրոպայում կանանց հիստերիայի ստանդարտ բուժում է, վիճարկվում է աղբյուրների խեղաթյուրման պատճառով[13], 19-րդ և 20-րդ դարասկզբին այդ բուժման դեպքերը և այն կատարելու համար վաղ թրթռիչների օգտագործումը նկարագրվել է որպես պրակտիկա, որը, եթե ընդհանրապես տեղի ունենար, կսահմանափակվեր ծայրահեղ սահմանափակ խմբով[14]։ Մայնեսն ասում է, որ իր տեսությունը պետք է ավելի շուտ դիտարկվի որպես վարկած, քան փաստ[15]։ 2018-ին Հոլի Լիբերմանը և Էրիկ Շացբերգը տպագրեցին հոդված, որտեղ նշվում էր, որ Մայնեսի պնդումները հաստատող «ոչ մի ապացույց» չի գտել։ Նրանք Մայնեսի աշխատանքի լայն ընդունումը անվանել են «որակի ակադեմիական վերահսկողության հիմնարար ձախողում»[16]: 2020 թվականից սկսած քննարկման երկու կողմերն էլ շարունակում են առաջ քաշվել[17]:

1960-ական թվականներ խմբագրել

Թրթռիչը կրկին ի հայտ եկավ 1960-ականների սեռական հեղափոխության ժամանակ։ 1966 թ.-ի հունիսի 30-ին Jon H. Tavel- ը հայտ ներկայացրեց «Անլար էլեկտրական թրթռիչ` մարդու մարմնի օգտագործման համար» արտոնագիր ստանալու համար[18]։ Անլար թրթռիչը արտոնագրվել է 1968թ.-ի մարտի 28-ին, և շուտով դրան հաջորդեցին այնպիսի բարելավումներ, ինչպիսիք են բազմաստիճան և մեկ կտորով կոնստրուկցիան, ինչը արտադրությունն ավելի էժան էր դարձնում և հեշտացնում սարքի մաքրումը։

2013 թ.-ից սկսվում են արտադրվել վերալիցքավորվող թրթռիչներ, որոնք ավելի քիչ ազդեցություն են ունենում շրջակա միջավայրի վրա, քան մարտկոցով աշխատող թրթռիչները[19]։

2017-ին գենդերային և սեռական ուսումնասիրությունների դոցենտ Լին Քոմելլան նշել է, որ «սեռական խաղալիքների փաթեթավորումը ... փոխարինվել է ավելի մեղմ և մաքրված պատկերներով ... այժմ հնարավոր է թրթռիչ գնել Walgreens- ի շատ թաղամասերում»[20]։ Մեծ Բրիտանիայի դեղատներից Boots- ը հետևեց ԱՄՆ-ի դեղատան առաջատարին և 2019 թվականից սեքս խաղալիքներ է վաճառում ինչպես առցանց, այնպես էլ որոշ խանութներում[21]։

Յուրացում խմբագրել

2009 թ.-ին Սեքսուալ բժշկության ամսագրում հրապարակված հետազոտությունը ցույց է տալիս, որ Միացյալ Նահանգներում 18-ից 60 տարեկան կանանց մոտ 53% -ը թրթռիչ է օգտագործել[22]։ 2010 թ.-ին Սեքսուալ և ամուսնական թերապիայի ամսագրում կատարված ուսումնասիրությունը ցույց է տվել, որ ԱՄՆ-ում հետերոսեքսուալ տղամարդկանց 43.8% -ը թրթռիչ է օգտագործել։ Այս տղամարդկանց 94% -ը դա արել է որպես զուգընկերոջ հետ նախախաղի մաս, իսկ 82% -ը դա արել է որպես սեռական հարաբերությունների մաս[23]։ Ոչ հետերոսեքսուալ տղամարդկանց շրջանում 49.8% -ն է օգտագործել թրթռիչ[24]։

Իրավական և էթիկական խնդիրներ խմբագրել

Վիբրատորների տիրապետումն ու վաճառքը որոշ իրավասություններում, այդ թվում՝ Հնդկաստանում, անօրինական է, չնայած դրանք վաճառվում են առցանց։

Մինչ վերջերս, Ամերիկայի Հարավային և Գրեյթ Փլեյնսի որոշ նահանգներ ամբողջովին արգելում էին թրթռիչների վաճառքը, ուղղակիորեն կամ «անպարկեշտ սարքերը» կարգավորող օրենքների միջոցով[25]։ 2007-ին դաշնային վերաքննիչ դատարանը ուժի մեջ մտցրեց Ալաբամայի օրենքը, որն արգելում է սեռական խաղալիքների վաճառքը։ Օրենքը` 1998-ի Անպարկեշտության դեմ պայքարի մասին օրենքը, նույնպես հաստատվել է Ալաբամայի Գերագույն դատարանի կողմից 2009 թ. սեպտեմբերի 11-ին։

2008-ի փետրվարին ԱՄՆ դաշնային վերաքննիչ դատարանը չեղյալ հայտարարեց Տեխասի կանոնադրությունը, որն արգելում էր թրթռիչների և այլ սեռական խաղալիքների վաճառքը՝ համարելով, որ այդպիսի օրենքը խախտում է ԱՄՆ Սահմանադրության 14-րդ կետով երաշխավորված անձնական կյանքի իրավունքը[26]։ Վերաքննիչ դատարանը մեջբերեց Լորենսն ընդդեմ Տեխասի դատավարությունը, որտեղ 2003 թ.-ին ԱՄՆ Գերագույն դատարանը չեղյալ էր հայտարարել համասեռամոլ զույգերի միջև համաձայնեցված սեռական հարաբերությունների արգելքը` համարելով այն հակասահմանադրական, քանի որ սահմանափակում էր մասնավոր ինտիմ կյանքի իրավունքը։ Նմանատիպ դեպքեր են եղել Կոլորադոյում և Կանզասում։ 2009 թվականի դրությամբ Ալաբաման միակ նահանգն է, որտեղ սեռական խաղալիքների վաճառքը արգելող օրենքը մնում է, չնայած Ալաբամայի բնակիչներին բժշկի նշանակմամբ թույլատրվում է գնել սեքս խաղալիքներ :Ամերիկացի կենսաբան և բժշկական պատմաբան Ջեյքոբ Մ. Ապելը պնդում է, որ սեռական խաղալիքները «սոցիալական բարիք» են, և այն սարքերը, որոնք նա անվանում է «ամուսնական փոխարինիչներ», կարևոր դեր են խաղում միլիոնավոր ամերիկացիների հուզական կյանքում[27]։ Ապելը գրել է.

  Չեմ կարող ասել՝ Ալաբամայի կանայք ավելի շատ վիբրատորների ունեն, թե Աստվածաշունչ։ Եթե ենթադրելու լինեմ, կասեմ, որ մեծամասնությունը ավելի մեծ օգտակարություն է ստանում վիբրատորների օգտագործումից։ Բնականաբար, ավելի շատ հաճույք։ Հետևաբար, որևէ ռացիոնալ հիմք չկա, որ սեռական խաղալիքների օօգտագործումը արգելվի ամուսնական զույգերի կամ չամուսնացածների կամ անգամ երեխաների համար։ Հիմա, երբ հստակ գիտենք, որ մաստուրբացիան փոքրահասակ աղջիկներին չի կուրացնում կամ մազերի մեջ պալմաներ չեն աճում, սեռական խաղալիքների մասին իրազեկումը նրանց չի վնասի։ Ես չեմ ցանկանա, որ երեխաները ծանոթ լինեն այնպիսի իրերին, ինչպիսիք են ատրճանակները, կրակայրիչները, թույները, ֆասթ ֆուդը. սեռական խաղալիքները այս ցանկի ամենավերջին հորիզոնականում են[27]։  

Մշակույթ խմբագրել

Պատմական Hysteria ֆիլմը ներկայացնում է Ջոզեֆ Մորտիմեր Գրանվիլեի կողմից վիբրատորի ստեղծման ձևափոխված պատմությունը, և կանացի հիստերիայի բուժումը օրգազմի միջոցով[28]։ Դրա պատմական ճշգրտությունը քննադատվել է այն պատճառով, որ նրա վիբրատորները ստեղծված էին տղամարդկանց ցավերը մեղմացնելու նպատակով։

In the Next Room (or The Vibrator Play) Սառա Ռուլի պիեսն է։ Այն վիբրատորների վաղ պատմության մասին է, երբ բժիշկները դրանք կիրառում էին որպես կլինիկական սարք՝ կանանց օրգազմի հասցնելու և այդպիսով «հիստերիան» բուժելու միջոց։

1980-ականներին և 1990-ականներին թրթռիչներն ավելի ու ավելի տեսանելի դարձան հասարակական մշակույթում, հատկապես 1998-ի օգոստոսյան HBO- ի « Սեքսը մեծ քաղաքում» շոուի մի դրվագից հետո, որում Շարլոտի կերպարը կախվածություն ստացավ նապաստակի թրթռիչից։ Հայտնվելով 2009-ի մարտին ամերիկյան հանրաճանաչ «Օփրա Ուինֆրի շոու» հեռուստասերիալում[29] դոկտոր Լորա Բերմանը խորհուրդ տվեց, որ մայրերը սովորեցնեն իրենց 15 կամ 16 տարեկան դուստրերին հաճույքի գաղափարը՝ նրանց համար գնելով կլիտորային թրթռիչ։ Այսօր CVS- ը, Walgreens- ը, Kroger- ը, Safeway- ը, Target- ը և Walmart- ը ԱՄՆ-ի ազգային խոշոր ցանցային մանրածախ վաճառողներից են, որոնք խանութների դարակներում թրթռիչ են ներառում[30]։

Grace and Frankie- ում, որի պրեմիերան կայացավ 2015-ին, վերնագրի երկու կերպարները ստեղծում են տարեցների համար թրթռիչների նախագծման և վաճառքի բիզնես։

Տես նաև խմբագրել

Մատենագիտություն խմբագրել

Ծանոթագրություններ խմբագրել

  1. ↑ «Can't Have an Orgasm with Intercourse». Արխիվացված է օրիգինալից 2011 թ․ հունվարի 24-ին. Վերցված է 2010 թ․ նոյեմբերի 24-ին.
  2. ↑ «Female Orgasm». Արխիվացված է օրիգինալից 2011 թ․ հունվարի 24-ին. Վերցված է 2010 թ․ նոյեմբերի 24-ին.
  3. ↑ «Vibrators - Different Kinds». www.sextoys411.com. Արխիվացված է օրիգինալից 2019 թ․ նոյեմբերի 23-ին. Վերցված է 2018 թ․ սեպտեմբերի 24-ին.
  4. ↑ Herbenick, Debby; Barnhart, Kathryn J.; Beavers, Karly; Benge, Stephanie (2015 թ․ մարտ). «Vibrators and Other Sex Toys are Commonly Recommended to Patients, But Does Size Matter? Dimensions of Commonly Sold Products». The Journal of Sexual Medicine. 12 (3): 641–645. doi:10.1111/jsm.12798. PMID 25631708.
  5. ↑ «Vibrators for Oral Sex». Tootimid.
  6. ↑ «The Mr Big vibrator». Marie Claire. 2008 թ․ մայիսի 13. Արխիվացված է օրիգինալից 2011 թ․ հունվարի 24-ին. Վերցված է 2010 թ․ մայիսի 15-ին.
  7. ↑ Jane Fae Ozimek (2011 թ․ նոյեմբերի 23). «Erotica 2011 stands firm against rise of the sex machines». The Register.
  8. ↑ Neville, Lucy (2020 թ․ դեկտեմբերի 29). «"I've made literally all of my friends buy it." Mamamia reviews 'The Womanizer' sex toy». Mamamia (ավստրալիական անգլերեն). Վերցված է 2021 թ․ փետրվարի 5-ին.
  9. ↑ Reid, Rebecca (2020 թ․ հոկտեմբերի 29). «We put Lily Allen's new sex toy to the test». The Independent (անգլերեն). Վերցված է 2021 թ․ փետրվարի 5-ին.
  10. ↑ 10,0 10,1 10,2 10,3 10,4 10,5 10,6 10,7 10,8 Maines, 1999
  11. ↑ Mortimer Granville, Joseph (1883). Nerve-vibration and excitation as agents in the treatment of functional disorder and organic disease. J. & A. Churchill.
  12. ↑ Maines, 1999, էջ 104-109
  13. ↑ King, Helen (2011). «Galen and the widow: towards a history of therapeutic masturbation in ancient gynaecology» (PDF). EuGeStA: Journal on Gender Studies in Antiquity. 1: 205–235. Արխիվացված է օրիգինալից (PDF) 2017 թ․ մայիսի 16-ին. Վերցված է 2021 թ․ ապրիլի 6-ին.
  14. ↑ Hall, Lesley. «Doctors masturbating women as a cure for hysteria/'Victorian vibrators'». lesleyahall.net. Վերցված է 2016 թ․ հոկտեմբերի 29-ին.
  15. ↑ Maines, Rachel. «Big Think Interview With Rachel Maines». bigthink.com. Վերցված է 2016 թ․ նոյեմբերի 16-ին.
  16. ↑ Lieberman, Schatzerg
  17. ↑ Lieberman, 2020
  18. ↑ «Cordless electric vibrator for use on the human body». google.co.uk/patents. Google Patents. Վերցված է 2016 թ․ նոյեմբերի 11-ին.
  19. ↑ Seale, Andrew (2013). «Diverting Dildos». Alternatives Journal. 39 (5): 40–41. ISSN 1205-7398.
  20. ↑ Lynn Comella, Sex Toys and Social Entrepreneurship: the future is feminist
  21. ↑ https://www.cosmopolitan.com/uk/love-sex/sex/a29017077/boots-sex-toys/ Cosmopolitan, Boots now sells loads of new sex toys, here are the best
  22. ↑ Debby Herbenick, Michael Reece, Stephanie Sanders, Brian Dodge, Annahita Ghassemi, J. Dennis Fortenberry, Prevalence and Characteristics of Vibrator Use by Women in the United States: Results from a Nationally Representative Study. The Journal of Sexual Medicine July 2009: 6(7):1857–1866.
  23. ↑ Reece, Michael; Herbenick, Debby; Dodge, Brian; Sanders, Stephanie A.; Ghassemi, Annahita; Fortenberry, J. Dennis (2010 թ․ սեպտեմբերի 30). «Vibrator Use Among Heterosexual Men Varies by Partnership Status: Results From a Nationally Representative Study in the United States». Journal of Sex & Marital Therapy. 36 (5): 389–407. doi:10.1080/0092623X.2010.510774. PMID 20924935.
  24. ↑ Reece, M; Rosenberger, JG; Schick, V; Herbenick, D; Dodge, B; Novak, DS (2010). «Characteristics of vibrator use by gay and bisexually identified men in the United States». The Journal of Sexual Medicine. 7 (10): 3467–76. doi:10.1111/j.1743-6109.2010.01873.x. PMID 20561168.
  25. ↑ «Lingere Store Accused of Violating State Obscenity Laws». KBCD.com. Արխիվացված է օրիգինալից 2011 թ․ հունվարի 24-ին. Վերցված է 2007 թ․ մայիսի 22-ին.
  26. ↑ «Appeals court overturns Texas ban on sex toys». NBC News. Վերցված է 2008 թ․ փետրվարի 14-ին.
  27. ↑ 27,0 27,1 Appel, Jacob Alabama's Bad Vibrations, Sept 25, 2009 Արխիվացված 29 Սեպտեմբեր 2009 Wayback Machine
  28. ↑ «Joseph Mortimer Granville». Nndb.com. Վերցված է 2013 թ․ օգոստոսի 1-ին.
  29. ↑ «Teens and Vibrators - Dr. Laura Berman». Oprah.com. 2009 թ․ մարտի 26. Վերցված է 2013 թ․ օգոստոսի 1-ին.
  30. ↑ «Many chain stores now add a toy aisle for adults». Արխիվացված է օրիգինալից 2015 թ․ ապրիլի 26-ին. Վերցված է 2016 թ․ մարտի 24-ին.

Արտաքին հղումեր խմբագրել

 Վիքիպահեստն ունի նյութեր, որոնք վերաբերում են «Վիբրատոր (սեռական խաղալիք)» հոդվածին։
Ստացված է «https://hy.wikipedia.org/w/index.php?title=Վիբրատոր_(սեռական_խաղալիք)&oldid=9549934» էջից