Մոսս (Նորվեգիա)

Մոսս (նորվ.՝ Moss), քաղաք և կոմունա Նորվեգիայում։ 2013 թվականի հունվարի 1-ի տվյալներով քաղաքի բնակչությունը կազմում է 30 988 մարդ։

Բնակավայր
Մոսս
Դրոշ Զինանշան
Երկիր	Նորվեգիա
Համայնք	Էստֆոլդ, Վիկեն և Էստֆոլդ
Մակերես	137,77 կմ², 252,06 կմ²
Բնակչություն	▲51 240 մարդ (հունվարի 1, 2023)
Ժամային գոտի	UTC+1
Պաշտոնական կայք	moss.kommune.no​(նորվ.)
Մոսս (Նորվեգիա) (Նորվեգիա)
Մոսս Վիքիպահեստում

Պատմություն

Մոսս կոմունան կազմավորվել է 1838 թվականի հունվարի 1-ին։ 1943 թվականի հուլիսի 1-ին Ելյոյ գյուղական կոմունան ներառվել է Մոսս քաղաքի կազմում։

Աշխարհագրություն

Գտնվում է Նորվեգիայի հարավ-արևելքում՝ երկրի մայրաքաղաք Օսլոյից 60 կմ հարավ, Օսլո-ֆյորդայի ծովափին։ Վարչականորեն Մոսսը գտնվում է Օսթֆոլ ֆյուլքեում։

Տնտեսություն

Մոսսում կա մեծ նավահանգիստ, ինչը հնարավորություն է տալիս Նորվեգիայի տարբեր մասերից և մայրցամաքից ամեն տարի ընդունել ավելի քան 2000 նավ։ Մոսսը վաղուց դարձել է արդյունաբերական կենտրոն, այն ներկայումս ունի մոտ 250 արդյունաբերական ձեռնարկություն՝ ներառյալ համազգային նշանակություն ունեցող մի քանի ընկերություն, ինպիսիք են՝ Պետերսոն Ա․ Ս․ (թուղթ և բջջանյութ), Helly Hansen (անջրաթափանց հագուստ) և Տրիո-Վինգ (Վինկարդ կողպեք)։

1720 թվականին դառնալով առևտրական կենտրոն՝ Մոսսը պահպանել է այդ նշանակությունը մինչ օրս՝ սպասարկելով մոտ 50 հազար գնորդ՝ քաղաքից և շրջանից, մինչև անգամ Օսլոյից։

Տեսարժան վայրեր

Մոսսը հայտնի է իր քանդակներով, որոնցից 60-70-ը ցրված է ամբողջ քաղաքում։ Այդ է պատճառը, որ ոմանք Մոսսն անվանում են «քանդակների քաղաք»։ Մոսսում կա 4 պատկերասրահ, որոնք արվեստի սիրահարներին հնարավորություն են ընձեռում ծանոթանալ նորվեգական և սկանդինավյան գեղանկարչությանը։

Քույր քաղաքներ

• Բլյոնդյուոուս (իսլ.՝ Blönduós), Իսլանդիա
• Մեծ Նովգորոդ, Ռուսաստան
• Վիրջինիա Բիչ (անգլ.՝ Virginia Beach), Վիրջինիա, ԱՄՆ
• Վիսմար (գերմ.՝ Wismar), Գերմանիա
• Կարլստադ (շվեդ.՝ Karlstad), Շվեդիա
• Նոկիա (ֆիններեն՝ Nokia), Ֆինլանդիա
• Հորսենս (դան․՝ Horsens), Դանիա

Պատկերասրահ

• 
• 

Արտաքին հղումներ

• Համայնքի պաշտոնական կայքը

Վիքիպահեստն ունի նյութեր, որոնք վերաբերում են «Մոսս (Նորվեգիա)» հոդվածին։