Մանրամասներ Վ․ Ի․ Լենինի դիմանկարին
«Մանրամասներ Վ․ Ի․ Լենինի դիմանկարին» (ռուս.՝ «Штрихи к портрету В. И. Ленина»), խորհրդային չորս հեռուստատեսային գեղարվեստական ֆիլմերի շարք՝ նվիրված Լենինի 1918 թվականի կյանքին և գործունեությանը։ Նկարահանվել է «Էկրան» ստեղծագործական միավորման կողմից[1] 1967-1970 թվականներին։ 1970-ականների սկզբին ԽՍՀՄ Կենտրոնական հեռուստատեսությամբ առաջին մասի միակ ցուցադրությունից հետո ֆիլմի ցուցադրությունն արգելվել է, և այն չցուցադրվեց մինչև 1987 թվականը։
 | |
|---|---|
| Երկիր | .svg){kind=small} ԽՍՀՄ |
| Ժանր | դրամա |
| Թվական | 1967 |
| Լեզու | ռուսերեն |
| Ռեժիսոր | Leonid Pchyolkin? |
| Սցենարի հեղինակ | Միխայիլ Շատրով |
| Դերակատարներ | Միխայիլ Ուլյանով, Օլեգ Տաբակով, Իգոր Կվաշա և Օլեգ Եֆրեմով |
| Երաժշտություն | Նիկոլայ Կարետնիկով |
| Կինոընկերություն | Էկրան |
Կրկնվող «պրեմիերան» լայնորեն քննարկվեց պետական լրատվամիջոցներում։ Լեոնիդ Պչյոլկինը հիշում է․ «1960-ականների վերջում ես նկարահանեցի Լենինի մասին «Մանրամասներ դիմանկարին» կինոշարքը, Միխայիլ Շատրովի սցենարով, հիմնված փաստաթղթերի վրա։ Լենինը դաժան մարդ էր, և ինձ թվաց, որ Միխայիլ Ուլյանովը շատ համապատասխան է այդ դերին։ Այդպես, այդ ֆիլմերը քսան տարի շարունակ չցուցադրվեցին։ Այն, որ դրանց ցուցադրությունը կարգելվի բոլշևիկների ժամանակներում, ես չէի կարող պատկերացնել։ Պարզվեց, իմ ֆիլմերի ցուցադրությունից ոչ շատ առաջ քաղբյուրոն որոշեց սկսել մեծարել Լեոնիդ Իլյիչ Բրեժնևին լրատվամիջոցներում և արվեստում։ Լենինը սկսեց համարվել ոչ պետքական։ Սկսվել էր նոր անձի պատամունք»։
Սյուժե
խմբագրել- Ֆիլմ 1. «Անվանական քվեարկություն» ներկայացնում է բուռն հակասությունների պատկերը, որը բռնկվեց բոլշևիկյան ղեկավարության միջև 1918 թվականի գարնանը Բրեստ-Լիտովսկի խաղաղության պայմանագրի ստորագրման շուրջ։ Ֆիլմի կենտրոնական դրվագը՝ Լենինի վեճն է Բուխարինի հետ Բրեստ-Լիտովսկի պայմանագրի վավերացման հարցով Սովետների IV արտահերթ համագումարի պատգամավորների վճռական անվանական քվեարկության նախօրեին։
- Ֆիլմ 2. «Կես ժամ Վ. Ի. Լենինի գրասենյակում. 1918» պատկերում է 1918 թվականի ամռանը խորհրդային կառավարության հերթական նիստերից մեկի դրվագը։ Քննարկվող հարցերի թվում է նաև մահացած անարխիստ առաջնորդ Պ. Ա. Կրոպոտկինի հուշատախտակի կառուցման նախագիծը (սցենարիստ Միխայիլ Շատրովի սխալմամբ)։
- Ֆիլմ 3. «Ժողովրդական կոմիսարների խորհրդի օդը» – 1918 թվականի աշնանը Կրեմլի բակում զբոսնելիս վերքերից նոր ապաքինված Լենինի վավերագրական կադրերի խաղարկային շարունակությունն է։ Այն սկսվում է խորհրդային առաջին կինոհանդեսի՝ «Կինո-Նեդելյա»-ի վերնագրով և ոճավորված է որպես փաստաթուղթ։
- Ֆիլմ 4. «Կոմունա ՎԽՈՒՏԵՄԱՍ» – ներկայացնում է Լենինի հանդիպումը և քննարկման տեսքով շփումը նկարիչ-ուսանողների՝ խորհդային նոր մշակույթի երիտասարդ ներկայացուցիչների հետ։
Դերերում
խմբագրել- Միխայիլ Ուլյանով - Վլադիմիր Լենին
- Իգոր Կվաշա[2] - Յակով Սվերդլով
- Օլեգ Տաբակով - Նիկոլայ Բուխարին
- Օլեգ Եֆրեմով - Յուլի Մարտով
- Անատոլի Պապանով - Դավիթ Ռյազանով
- Եվգենի Եվստիգնեև - Անատոլի Լունաչարսկի
- Պյոտր Շերբակով - Արտյոմ
- Իրինա Միրոշնիչենկո - Նատաշա Գոպներ
- Կիրիլ Լավրով - Վասիլի Կայուրով
- Վլադիսլավ Ստրժելչիկ - դոկտոր Գրախովսկի
- Մարկ Պրուդկին - դոկտոր Վլադիմիր Մինց
- Իվան Սոլովյով - դոկտոր Վլադիմիր Ռոզանով
- Տամարա Լոգինովա - Մարիա Ուլյանովա
- Ալեքսանդր Պաշուտին - «Կարմրահեր», գրող-ֆուտուրիստ
- Արմեն Ջիգարխանյան - Վիտալի Սեմյոնովիչ, Մոսկվայի քաղաքային խորհրդի նախագահ
- Նիկոլայ Կարաչենցով (տիտրերում Կարաչենցև) - նկարիչ-ֆուտուրիստ (նախատիպ - Սերգեյ Սենկին)
- Հարրի Բարդին - նկարիչ-ֆուտուրիստ
- Գեորգի Կուլիկով - Ժողովրդական կոմիսարների խորհրդի անդամ
- Վիկտոր Սերգաչյով - Վ. Վոլոդարսկի
- Վլադիմիր Կենիգսոն - Ալեքսանդր Յուլիևիչ Գե
- Նիկիտա Պադգորնի - Լիխաչ
- Սերգեյ Նեկրասով - Բորիս Կամկով
- Յուլիեն Բալմուսով - Լև Կամենեվ
- Գալիկս Կոլչիցկի - Վլադիմիր Բոնչ-բրուևիչ
- Լյուդմիլա Վոզիյան - Մարիա Սպիրիդինովա
- Եվգենի Դուբասով - Ալեքսանդր Մյասնիկով
- Գեննադի Կոչկոժարով - Լոմով
- Վլադիմիր Եմելյանով - Մաքսիմ Գորկի
- Բորիս Ուիլյանով - Յուրի Ստեկլով
- Մարգարիտա Յուրիևա - Ալեքսանդրա Կոլլոնտայ
- Մարիա Պաստուխովա - Նադեժդա Կրուպսկայա
- Նատալյա Վերովա - Ինեսա Արմանդ
- Այնո Տալվի - Կլարա Ցետկին
- Զինովի Ֆիլլեր - Գեորգի Չիչերին
- Նիկոլայ Ալեքսեև - Գրիգորի Պետրովսկի
- Ալեքսանդր Գրավե - Ալեքսանդր Ցյուրուպա
- Ֆիլիմոն Սերգեև - Դոնատ Չերեպանով
Մրցանակներ
խմբագրել- 1987, «Զլատա Պրագա» հեռուստաֆիլմերի միջազգային կինոփառատոն, մրցանակ Մ․ Ուլյանովին տղամարդու լավագույն դերակատարման համար։