Արտասահմանյան արվեստի ազգային պատկերասրահ (Սոֆիա)
Արտասահմանյան արվեստի ազգային պատկերասրահ (բուլղար․՝ Национална галерия за чуждестранно изкуство), արտասահմանյան արվեստի ազգային պատկերասրահ Բուլղարիայի մայրաքաղաք Սոֆիայում։ Գտնվում է Ալեքսանդր Նևսկու անվան հրապարակում, տեղավորված է XIX դարի նեոդասական ոճի կառույցում, որը նախկինում ծառայել է որպես փոստային ծառայության շենք։ Համարվում է ոչ-բուլղարական արվեստի ազգային ինստիտուտ։
Արտասահմանյան արվեստի ազգային պատկերասրահ | |
|---|---|
 | |
| Տեսակ | պատկերասրահ |
| Երկիր |  Բուլղարիա[1] |
| Տեղագրություն | Սոֆիա և Սոֆիայի համայնք |
| Ղեկավարության նստավայր | Սոֆիա, Բուլղարիա |
| Հիմնադրվել է | 1985 |
| Կայք | nationalartgallerybg.org |
 | |
 | |
Պատմություն
խմբագրելՊատկերասրահի շենքը կառուցվել է 1882-1884 թվականներին իշխան Ալեքսանդր Բատենբերգի օրոք։ Շենքը նախագծել է ավստրիացի ճարտարապետ Ֆրիդրիխ Շվանբերգը[2]։ Երկրորդ համաշխարհային պատերազմից հետո շինությունը վերակառուցվել է[3]։
Պատկերասրահը հիմնադրվել է 1985 թվականի նոյեմբերի 5-ին որպես Սուրբ Կյուրեղ և Մեթոդիոսի հիմնադրամ, որի ֆոնդերը հետագայում համալրվել են նվիրատվությունների և Բուլղարիայի ազգային պատկերասրահի արտասահմանյան արվեստի հավաքածուի հաշվին[4]։ Մեծ նվիրատվություն է կատարել նաև 1980 թվականին Լյուդմիլա Ժիվկովայի հիմնադրած «Բուլղարիայի պետականության 13 դարերը» հիմնադրամը։
Հավաքածու
խմբագրելՊատկերասրահի մշտական հավաքածուն ներկայացնում է եվրոպական, ասիական (բուդդիստական, ճապոնական, հնդկական) և աֆրիկյան արվեստի նմուշներ, ինչպես նաև ունի առանձին ժամանակակից արվեստի և փորագրության բաժիններ։ Նմուշների մի մասը գտնվում է վերականգնման գործընթացում, մյուս մասը ֆոնդերում է ցուցադրության տարածքի սղության պատճառով։
Հնդկական արվեստ
խմբագրելՀնդկական արվեստը ներկայացված է 1-ին, 2-րդ, 3-րդ սրահներում։ 1-ին սրահում ցուցադրված է հնդկական մանրանկարչությունը, հավաքածուն ներառում է ավանդական մոտիվներով աշխատանքներ, մոնղոլական, Դելիի սուլթանության շրջանների և Ռաջաստան և Պահարա դպրոցների կտավներ։ 2-րդ սրահում ներկայացված է 320-550 թթ. կրոնական քանդակներ, որոնք ներկայացնում են հնդկական աստվածների կերպարներ՝ Վիշնու, Գանեշա, Բրահմա, Շիվա, Կրիշնա։ 3-րդ սրահում ցուցադրված է XVI դարի քրիստոնեական հազվադեպ քանդակներ, որոնք իրենց վրա կրում են հնդկական ավանդույթի ազդեցություն։
Ճապոնական արվեստ
խմբագրել4-րդ սրահում ներկայացված է XVIII դարի ճապոնական «ուկիյո-է» տպագրությունը, «ուկիյո-է»-ի զարգացումը, ճապոնական և եվրոպական արվեստների առաջին շփումները։ Ներկայացված են նաև արվեստագետներ Կացուշիքա Հոքուսայի, Հիրոսիգե Ուտագավայի, Այզն Կիկուկավայի և Կիտագավա Ուտամարոյի աշխատանքները։
Աֆրիկական արվեստ
խմբագրելԱֆրիկական արվեստի հավաքածուն ներկայացված է 5-րդ սրահում և կազմված է կրոնական պաշտամունքի քանդակներից, դիմակներից, որոնք ներկայացնում են Բենինի և Գանայի տեղական մշակույթը, կան նաև դոգոն քանդակներ։
Բուդդիստական արվեստ հարավարևելյան Ասիայից
խմբագրել6-րդ սրահում ներկայացված է Հարավարևելյան Ասիա տարածաշրջանի բուդդիստական արվեստը. բուդդայի տարբեր դիրքերով և տարբեր նյութերից ստեղծված արձաններ, ձեռագրեր, XI դարի կիրառական արվեստի այլ նմուշներ։ Հավաքածուն պատկերասրահին է նվիրաբերվել 1987 թվականին։
Եվրոպական կերպարվեստ
խմբագրել7, 8, 9-րդ սրահներում ցուցադրվում է XV-XX-րդ դարերի եվրոպական կերպարվեստը։ VII սրահում ներկայացված է Վերածննդի կերպարվեստը, ինչպես նաև հոլանդական ոսկե դարաշրջանի նկարչությունը։ Ամենահին նմուշներից է Անդրեա դել Վերոկկիոյի «Քրիստոսի մկրտությունը», 15-րդ դարի։ Իտալական նկարիչներից ներկայացված են Պիետրո Պերուջինոյի, Կորեջիոյի, Ռոսո Ֆորենտինոյի, Ջովանի Մորոնինի, Ալեսանդրո Մանյասկոյի աշխատանքները։ Հոլանդական կերպարվեստից ներկայացված են Յան վան Գոյենի, Նիկոլաս Բերխեմի, Իսահակ վան Օստադեի, Ֆրանս Ֆրանկենի, Ալբրեխտ Դյուրերի և Ռեմբրանդի աշխատանքներից։
8-րդ սրահում ներկայացված են XVIII դարի և XIX դարի սկզբի ֆրանսիական, ֆլամանդական կերպարվեստը՝ Ժան Գրյոզ, Ֆրանցիսկո Գոյա և Յան Ֆրանս վան Բրեդալ։ 9-րդ սրահում XIX դարի երկրորդ կեսի և XX դարի քանդակներ ու գեղանկարներ են Օգյուստ Ռոդենից, Իվան Մեշտրովիչից, Պիեռ-Օգյուստ Ռենուարից, Մարկ Շագալից, Պաբլո Պիկասոից, Խոան Միրոից և Սալվադոր Դալիից։ 10-րդ սրահում ներկայացված են Les Nabis պոստ-իմպրեսիոնիստ ավանգարդ նկարիչների աշխատանքներ։
Այլ
խմբագրել11-19-րդ սրահներում ներկայացված են տարբեր ցուցադրություններ, այդ թվում «Աշնանային սալոն» (սրահ 18), XX դարի սկզբի փարիզյան թեմաներով և հեղինակների գործեր, ժամանակակից իսպանական արվեստ, Նիկոլայ Ռերիխին նվիրված ցուցադրություն, ինչպես նաև Նոր սրահ, որտեղ ներկայացվում են ժամանակավոր ցուցադրությունները։
Պատկերասրահ
խմբագրել| Ցուցադրություններ | |||||||||
| |||||||||
Ծանոթագրություններ
խմբագրել- ↑ GeoNames — 2005.
- ↑ «The municipal buildings from the Liberation until 1920» (Bulgarian). Sofia Municipality website. Արխիվացված է օրիգինալից 2006 թ․ մայիսի 24-ին. Վերցված է 2006 թ․ հուլիսի 24-ին.
{{cite web}}: CS1 սպաս․ չճանաչված լեզու (link) - ↑ «За нас» (Bulgarian). Национална галерия за чуждестранно изкуство. Վերցված է 2009 թ․ հուլիսի 25-ին.
{{cite web}}: CS1 սպաս․ չճանաչված լեզու (link) - ↑ «Bulgarian National Gallery for Foreign Art website» (Bulgarian and English). Վերցված է 2008 թ․ սեպտեմբերի 28-ին.
{{cite web}}: CS1 սպաս․ չճանաչված լեզու (link)
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Արտասահմանյան արվեստի ազգային պատկերասրահ (Սոֆիա)» հոդվածին։ |