Ֆորեսթ Գամփ
«Ֆորեսթ Գամփ» (անգլ.՝ Forrest Gump), ռեժիսոր Ռոբերտ Զեմեկիսի 1994 թվականին նկարահանված ֆիլմ, գլխավոր դերում հանդես է գալիս Թոմ Հենքսը։
Ֆիլմի հիմքում Ուինսթոն Գրումի համանուն վեպն է, որը լույս է տեսել 1986 թվականին։
Սյուժե
խմբագրելՖիլմի գլխավոր հերոսը Ֆորեսթ Գամփն է (անգլ.՝ forest gump, որ թարգմանաբար նշանակում է «անտառի հիմարիկ»), ով ապրում է Ալաբամա նահանգում՝ Գրինբոու անվանումով մի փոքրիկ հորինված քաղաքում։ Ֆիլմը սկսվում է մի տեսարանով, որտեղ Ֆորեսթը նստած է կանգառի նստարանին և պատմում է իր կյանքի պատմությունը տարբեր մարդկանց, ովքեր այդ պահին նստած են իր կողքին։
Նա պատմում է, որ ծնվել է Գրինբոու քաղաքում։ Հաշմանդամություն ունի և տեղաշարժվում է դժվարությամբ։ Դրանից բացի նրա ինտելեկտի գործակիցը (IQ) 75 է, և դպրոցի տնօրենը չի ցանկանում նրան ընդունել դպրոց (մայրը համաձայնվում է սեռական կապի մեջ մտնել տնօրենի հետ, որից հետո միայն Ֆորեսթը ընդունվում է դպրոց)։
Դպրոցում նա ծանոթանում է մի աղջկա՝ Ջեննի Կարրենի հետ և նա դառնում է նրա միակ ընկերը։ Նրանք հաճախ են իրար հետ զբոսնում Ջեննիի դաժան հոր կալվածքներում, որտեղ եգիպտացորենի արտում նրանք երբեմն-երբեմն աղոթում են, որ Ջեննիի հայրը այլևս չծեծի ու բռնության չենթարկի Ջեննիին։
Ֆորեսթի ոտքերի հենակները պատահաբար ընկնում են այն ժամանակ, երբ նա փախչում է իրեն հետապնդող խուլիգաններից։ Ֆորեսթը պատմում է իր կյանքի մասին, և պարզվում է, որ նա իր կյանքի ընթացքում.
- զբաղվում է սպորտով,
- սկզբում որպես ֆուտբոլիստ իր արագությամբ հասնում է մեծ հաջողությունների, դասվում երկրի լավագույն մարզիկների շարքը,
- այնուհետև սկսում է սեղանի թենիս խաղալ և նույնպես ունենում է ապշեցուցիչ հաջողություններ,
- մասնակցում է Վիետնամական պատերազմին, որտեղ շրջափակման ժամանակ ցանկանալով փրկել իր սևամորթ ընկեր Բաբբային, նա փրկում է իր դասակի վիրավոր մարտիկներին (որոնց թվում նաև իր հրամանատար լեյտենանտ Դենին, ով վիրաբուժությունից հետո մնում է առանց ոտքերի) և ԱՄՆ-ի նախագահի կողմից պարգևատրվում է բարձրագույն շքանշանով,
- իր զոհված ընկեր Բաբբայի խորհրդով զբաղվում է ծովային ուտելի կենդանիների ձկնորսությամբ և ստանում մեծ շահույթ,
- պատահաբար ներդրում է կատարում մի ընկերությունում, որը հետագայում դառնում է աշխարհի խոշորագույն ընկերություններից մեկը, և նա հարստանում է որպես բիզնեսմեն։
Ֆորեսթի մայրը մահանում է քաղցկեղից, որից հետո նա սկսում է զբաղվել մի այլ գործով՝ իր մեքենայով անվճար հնձում է կանաչապատ տարածքները։ Մի անգամ նրան պատահաբար այցի է գալիս իր դպրոցական ընկերուհի Ջեննին (ում նա վերջին անգամ տեսել էր գիշերային ակումբներից մեկում որպես մերկապարուհի աշխատելիս), Ֆորեսթը նրան ամուսնության առաջարկություն է անում, իսկ Ջեննին մերժում է։ Սակայն նրանք մի գիշեր իրար հետ են անցկացնում, իսկ առավոտյան Ջեննին հեռանում է՝ նրան նվիրելով մեկ զույգ սպորտային կոշիկ։ Այդ դեպքից հետո Ֆորեսթը սկսում է վազել (Ջեննիի նվիրած մարզակոշիկներով)։ Նա սկսում է վազել ամբողջ երկրով մեկ՝ հատելով երկրի սահմանը մի քանի անգամ։ Դրանով նա արժանանում է ողջ երկրի հետաքրքրությանը, շատ լրագրողներ ու հասարակական ընկերություններ հետաքրքրվում են թե ինչու է նա վազում, հանուն ինչի կամ ինչ գաղափարի, սակայն նա պատասխանում է, որ ուղղակի ցանկանում է վազել և վազում է։ Վազելու ընթացքում նա շատ հետևորդներ է ունենում, ովքեր նույնպես վազում են նրա հետ, և մի օր, ինչպես Ֆորեսթն է պատմում, անսպասելիորեն նա դադարում է վազելուց, նույնքան անսպասելի, ինչպես սկսել էր վազել։
Դրանով նրա պատմությունը նստարանին նստած ավարտվում է։ Իր վերջին ունկնդրին նա պատմում է, որ Ջեննին տեսել էր իրեն հեռուստացույցով վազելիս, իմացել իր տեղը և նամակ գրել։ Ֆորեսթը գտնում է Ջեննիին և պարզվում է, որ նա երեխա է ունեցել Ֆորեսթից, ում նույնպես անվանել է Ֆորեսթ ի պատիվ հոր՝ Ֆորեսթ Գամփի։ Ջեննին պատմում է, որ ինքը վարակված է մի համաճարակով, որի դեմ դեղամիջոց չկա և նա պետք է մահանա։ Չնայած դրան նրանք ամուսնանում են։ Ամուսնությանը ներկա է գտնվում նաև լեյտենանտ Դենը, ով արդեն քայլում է տեղադրված երկաթյա «ոտքերի» օգնությամբ։ Դենը նույնպես ամուսնանում է։ Որոշ ժամանակ անց Ջեննին մահանում է։
Ֆիլմը միաժամանակ նաև ԱՄՆ-ի պատմության յուրօրինակ ժամանակագրություն է, որտեղ միաժամանակ նկարագրվում են ԱՄՆ-ի պատմության տարբեր դեպքեր։ Ֆիլմում կան կադրեր կապված Էլվիս Փրեսլիի, Ջոն Լենոնի, ԱՄՆ-ի տվյալ ժամանակի նախագահներ Ռիչարդ Նիքսոնի և Ջոն Քենեդիի հետ։
Ֆիլմի մասին
խմբագրելՖիլմը ցույց է տալիս մեզ շրջապատող աշխարհը Ֆորեսթ Գամփի տեսանկյունից, ով իրերին այլ կերպ է նայում և ունի իր ուրույն ու միաժամանակ շատ հետաքրքիր աշխարհընկալումը։ Ֆորեսթը միամիտ է, արդար, ֆիզիկապես ուժեղ ու բարի։
Դերերում
խմբագրել- Թոմ Հենքս - Ֆորեսթ Գամփ
- Ռոբին Ռայթ - Ջեննի
- Գերի Սինիզ - լեյտենանտ Դեն
- Սալլի Ֆիլդ - միսսիս Գամփ, Ֆորեսթի մայրը
- Մայքելթի Ուիլյամսոն - Բաբբա
- Հեյլի Ջոել Օսմենթ - Ֆորեսթ Գամփի որդին
Մրցանակներ և փաստեր
խմբագրելՖիլմը 1994 թվականի ամենաշահութաբեր ֆիլմն է աշխարհում։
Արժանացել է մոտ 32 կինոմրցանակի ամբողջ աշխարհում, այդ թվում ստացել է նաև 6 Օսկար հետևյալ անվանակարգերում՝
- լավագույն ֆիլմ
- լավագույն ռեժիսոր
- լավագույն դերասան (Թոմ Հենքս)
- լավագույն սցենար (Էրիկ Ռոթ)
- լավագույն մոնտաժ (Արթուր Շմիդտ)
- լավագույն հատուկ էֆֆեկտներ (Կեն Ռալստոն, Ջորջ Մերֆի, Ստեֆան Ռոզենբաում, Ալլեն Հոլլ)
3 Ոսկե Գլոբուս`
- Ոսկե Գլոբուս լավագույն ռեժիսորի համար
- Ոսկե Գլոբուս լավագույն ֆիլմի համար (դրամա)
- Ոսկե Գլոբուս լավագույն դերասանի համար (դրամա) անվանակարգերում։
- Ամերիկյան բոլոր ժամանակների 100 լավագույն ֆիլմերի ցանկում 76-րդն է։
- 250 լավագույն ֆիլմեր (ըստ IMDb վարկածի)ի ցանկում 30-րդն է (2011 թվականի օգոստոսի 4-ի դրությամբ)։
- Ամերիկյան բոլոր ժամանակների 100 լավագույն ոգեշնչող ֆիլմերի ցանկում 37-րդն է։
- Ամերիկյան բոլոր ժամանակների ֆիլմերի 100 լավագույն խոսքերի ցանկում Ֆորեսթ Գամփի «Իմ մայրը միշտ ասում էր, - Կյանքը նման է շոկոլադե կոնֆետների տուփի. երբեք չես իմանա, թե ինչ քաղցրավենիք քեզ բաժին կհասնի այնտեղից» խոսքը 40-րդն է։
Ծանոթագրություններ
խմբագրել- ↑ http://www.masslive.com/sports/index.ssf/2013/01/on_the_run_best_running_movies.html
- ↑ 2,0 2,1 2,2 2,3 2,4 2,5 2,6 2,7 2,8 Forrest Gump — 1994.
- ↑ 3,0 3,1 http://www.imdb.com/title/tt0109830/?ref_=chttp_tt_13
- ↑ http://www.metacritic.com/movie/forrest-gump
- ↑ http://www.boxofficemojo.com/movies/?id=forrestgump.htm
- ↑ Kinopolis (գերմ.) — 1905.
- ↑ Internet Movie Database — 1990.
- ↑ http://www.sfi.se/sv/svensk-filmdatabas/Item/?type=MOVIE&itemid=19742
- ↑ 9,0 9,1 http://www.filmaffinity.com/es/film444796.html
- ↑ 10,0 10,1 10,2 10,3 10,4 10,5 10,6 http://www.ofdb.de/film/904,Forrest-Gump
- ↑ 11,00 11,01 11,02 11,03 11,04 11,05 11,06 11,07 11,08 11,09 http://www.imdb.com/title/tt0109830/fullcredits?ref_=tt_ov_st_sm
- ↑ 12,0 12,1 12,2 http://www.allocine.fr/film/fichefilm_gen_cfilm=10568.html
- ↑ 13,0 13,1 http://www.fotogramas.es/Peliculas/Forrest-Gump
- ↑ 14,0 14,1 http://www.cinematografo.it/cinedatabase/film/forrest-gump/30244/
- ↑ 15,00 15,01 15,02 15,03 15,04 15,05 15,06 15,07 15,08 15,09 15,10 15,11 ČSFD (չեխերեն) — 2001.
- ↑ http://stopklatka.pl/film/forrest-gump
- ↑ 17,0 17,1 https://www.webcitation.org/6HFbzb537?url=http://www.boxofficemojo.com/movies/?id=forrestgump.htm
- ↑ Box Office Mojo — 1999.
 | Վիքիպահեստն ունի նյութեր, որոնք վերաբերում են «Ֆորեսթ Գամփ» հոդվածին։ |