Օսկար Շմեռլինգ
Օսկար Իվանեի Շմեռլինգ (վրաց.՝ ოსკარ შმერლინგი, հուլիսի 1 (13), 1863[1][2][3], Ստավրոպոլ, Ստավրոպոլի նահանգ, Ռուսական կայսրություն[3] - հունվարի 2, 1938[1][2][3], Թբիլիսի, Վրացական ԽՍՀ, ԽՍՀՄ[3] ), ծագումով գերմանացի, վրաց նկարիչ[4]։ Ապրել և ստեղծագործել է Թբիլիսիում։
Օսկար Շմեռլինգ ռուս.՝ Оскар Иванович Шмерлинг | |
|---|---|
 | |
| Ծնվել է | հուլիսի 1 (13), 1863[1][2][3] |
| Ծննդավայր | Ստավրոպոլ, Ստավրոպոլի նահանգ, Ռուսական կայսրություն[3] |
| Վախճանվել է | հունվարի 2, 1938[1][2][3] (74 տարեկան) |
| Մահվան վայր | Թբիլիսի, Վրացական ԽՍՀ, ԽՍՀՄ[3] |
| Քաղաքացիություն |  Ռուսական կայսրություն, .svg){kind=small} Վրաստանի Դեմոկրատական Հանրապետություն և .svg){kind=small} ԽՍՀՄ |
| Կրթություն | Սանկտ Պետերբուրգի գեղարվեստի ակադեմիա և Մյունխենի գեղարվեստի ակադեմիա |
| Մասնագիտություն | նկարիչ, դաստիարակ և ծաղրանկարիչ |
| Ժանր | Ծաղրանկար |
 Oskar Shmerling Վիքիպահեստում | |
Կենսագրություն խմբագրել
Օսկար Շմեռլինգը ծնվել է Ստավրոպոլում։ 1884 թվականին ընդունվել է Սանկտ Պետերբուրգի Գեղարվեստի կայսերական ակադեմիայի փորագրության բաժին, իսկ հետո ուսումը շարունակել է Մյունխենի գեղարվեստի ակադեմիայի մարտանկարչության բաժնում։ 1892 թվականին վերադառնալով Թիֆլիս, սկսել է զբաղվել մանկավարժական գործունեությամբ։ Դասավանդել է Անդրկովկասյան օրիորդաց ինստիտուտում։ 1902-1916 թվականներին Օսկար Շմեռլինգը Գեղեցիկ արվեստների խրախուսման Կովկասյան ընկերությանը կից գեղանկարչության և քանդակագործության դպրոցի տնօրենն էր, իսկ Թիֆլիսի գեղարվեստի ակադեմիայի հիմնադրման օրից՝ այնտեղի պրոֆեսորն էր[4]։
Օսկար Շմեռլինգը մասնակցել է Գեղեցիկ արվեստների խրախուսման Կովկասյան ընկերության ցուցահանդեսներին և իր նշանակալի ավանդն ունի մանկական գրքերի նկարազարդման գործում։ Առավելապես հայտնի է իր ծաղրանկարներով ու շարժերով, որոնք արտացոլում էին հին Թիֆլիսի կյանքը և առաջին անգամ թողարկվել են 1910-ական թվականներին՝ բացիկների տեսքով[4]։ Համագործակցել է բազմաթիվ ամսագրերի հետ ինչպիսիք են՝ հայկական «Խաթաբալա», վրացական «Ծնոբիս պուրցելի», «Էշմախիս մատրահի», «Շուրդուլի», «Բզիկի», այդ թվում 1906-1917 թվականներին ադրբեջաներենով Թիֆլիսում լույս տեսնող «Մոլլա Նասրեդդին» ամսագրի հետ։
Օսկար Շմեռլինգին աշակերտել են Լադո Գուդիաշվիլին, Քեթևան Մաղալաշվիլին, Ալեքսանդր Ցիմակուրիձեն, Միխեիլ Ճիաուրելին, Երվանդ Քոչարը և այլն[5]։ Նրան բարձր են գնահատել Շալվա Դադիանին, Սանդրո Շանշիաշվիլին և Իոսեբ Գրիշաշվիլին, համարելով նրան վրաց մուլտիպլիկացիայի պիոները։
Օսկար Շմեռլինգի դուստրը արվեստագետ Ռենե Շմեռլինգն է։
Արտաքին հղումներ խմբագրել
Ծանոթագրություններ խմբագրել
- ↑ 1,0 1,1 1,2 1,3 1,4 Faceted Application of Subject Terminology
- ↑ 2,0 2,1 2,2 2,3 2,4 Artnet — 1998.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 https://schmerling.org/en/people/oskar-schmerling
- ↑ 4,0 4,1 4,2 Чогошвили Н. Л. Немецкая художественная традиция и Грузия с начала XIX века до 40-вых годов XX века. — Тбилиси, 2006.
- ↑ ქართულ პოლიტიკურ კარიკატურას სწორედ ოსკარ შმერლინგმა ჩაუყარა საფუძველი
 | Վիքիպահեստն ունի նյութեր, որոնք վերաբերում են «Օսկար Շմեռլինգ» հոդվածին։ |