Տեղ (գյուղ)

գյուղ ՀՀ Սյունիքի մարզում
(Վերահղված է Տեղից)

Տեղ, գյուղ Հայաստանի Սյունիքի մարզում, մարզկենտրոնից 85 կմ հյուսիս-արևելք։

Գյուղ
Tegh.jpg
ԵրկիրՀայաստան Հայաստան
ՄարզՍյունիքի
Հիմնադրված է10-րդ դար թ.
Մակերես38,79 կմ²
ԲԾՄ1350 մետր
Պաշտոնական լեզուհայերեն
Բնակչություն2443 մարդ (2011)
Խտություն65 մարդ/կմ²
Ազգային կազմՀայեր
Կրոնական կազմՀայ Առաքելական եկեղեցի
Տեղաբնականունտղցի
Ժամային գոտիUTC+4
##Տեղ (գյուղ) (Հայաստան)
Red pog.png

ՊատմությունԽմբագրել

Ըստ պատմական վկայության, Տեղ գյուղը հիմնել է Սյունիքի թագուհի Շահանդուխտ II-ը՝ X դարում[1]։ Մինչ այդ, Տեղի տարածքում եղել է քարանձավային բնակատեղի, որի մոտակայքում IV-V դդ կառուցվել է սբ. Գևորգ եկեղեցին։ Ուշ միջնադարում Տեղը եղել է մելիքանիստ գյուղ։

Դըգ անվանումով ընդգրկված է եղել Արևելյան Հայաստանի Ելիզավետպոլի նահանգի Զանգեզուրի գավառում[2]։

ԲնակչությունԽմբագրել

Տեղի ազգաբնակչության փոփոխությունը[3]՝

Տարի Բնակչություն
1831 798 մարդ [4]
1873 2285 մարդ [4]
1897 2703 մարդ [4]
1922 2669 մարդ [4]
Տարի Բնակչություն
1926 2167 մարդ [4]
1931 2775 մարդ [4]
1939 2570 մարդ [4]
1959 2213 մարդ [4]
Տարի Բնակչություն
1970 2197 մարդ [4]
1979 2109 մարդ [4]
1989 1755 մարդ [4]
2001 2333 մարդ [4]
Տարի Բնակչություն
2004 2520 մարդ [4]
2011 2443 մարդ


ՏնտեսությունԽմբագրել

Բնակչությունը հիմնականում զբաղվում է անասնապահությամբ, դաշտավարությամբ, պտղաբուծությամբ, կարտոֆիլի և կերային կուլտուրաների մշակությամբ։ Խորհրդային շրջանում լայն տարածում են ունեցել նաև ծխախոտագործությունը և ճակնդեղի մշակումը[1]։

Պատմամշակութային կառույցներԽմբագրել

Տեղում կանգուն Ս. Գևորգ եկեղեցին ունի թաղածածկ դահլիճի հորինվածք և կառուցված է սրբատաշ խոշոր քարերից։ Շենքի տարածքը բաղկացած է 2 մասից։ Հնագույնը՝ արևելյանը, կառուցված է վաղ միջնադարում (IV-V դարերում), իսկ արևմտյան հատվածը կցվել է 1737 թ.-ին։ Տեղից մոտ 3 կմ հարավ-արևելք գտնվում է «Սըռնեզցի» կոչվող եկեղեցին։ Այն կառուցված է սրբատաշ բազալտից և լավ է պահպանվել։ Գյուղի մեջ գտնվում են ուշ միջնադարի հայկական բնակելի ճարտարապետության արժեքավոր հուշարձաններ. Մելիք-Բարխուդարյանների «Ամարաթը» (1783 թ.), «քարե օթախը» (թաղածածկ սենյակներից բաղկացած բնակելի համալիր), մի շարք գլխատներ[1]։

ՊատկերասրահԽմբագրել

Տես նաևԽմբագրել

ԾանոթագրություններԽմբագրել

  1. 1,0 1,1 1,2 Տեղ գյուղի էջը Սյունիքի մարզպետարանի կայքում(չաշխատող հղում)
  2. «Հայաստանի և հարակից շրջանների տեղանունների բառարան», հտ 2, էջ 95
  3. «Հայաստանի հանրապետության բնակավայրերի բառարան, էջ 197»։ Արխիվացված է օրիգինալից 2014-09-12-ին։ Վերցված է 2014 Հունիսի 28 
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 Հայաստանի Հանրապետության բնակավայրերի բառարան (հայ.)Երևան: 2008. — 184 p.

Արտաքին հղումներԽմբագրել