Շտուրովո
Շտուրովո (սլովակերեն՝ Štúrovo, մինչև 1948 թվականը՝ Parkan; գերմաներեն՝ Gockern ; հունգարերեն՝ Párkány)[2], քաղաք Սլովակիայի հարավ-արևմուտքում, Դանուբ գետի ափին՝ նրա Հրոն վտակի գետաբերանի մերձակայքում, հունգարական Էստերգոմ քաղաքի դիմաց, որի հետ միացված է Մարիա Վալերիայի պատվին անվանակոչված կամրջով։
Բնակավայր | |||
---|---|---|---|
Շտուրովո | |||
սլովակ.՝ Štúrovo | |||
| |||
Երկիր | Սլովակիա | ||
Հիմնադրված է | 1075 թ. | ||
Առաջին հիշատակում | 1075 | ||
Մակերես | 13,44 կմ² | ||
ԲԾՄ | 109 մետր | ||
Բնակչություն | ▼9777 մարդ (հունվարի 1, 2021)[1] | ||
Ժամային գոտի | UTC+1 և UTC+2 | ||
Հեռախոսային կոդ | 036 | ||
Փոստային դասիչ | 94301 | ||
Ավտոմոբիլային կոդ | NZ | ||
Պաշտոնական կայք | sturovo.sk | ||
| |||
Պատմություն խմբագրել
Ռազմավարական կարևոր դիրքի շնորհիվ քաղաքի ներկայիս տարածքը բնակեցվել է դեռ նախապատմական ժամանակներում։ 9-րդ դարում այստեղ են եկել հունգարական ցեղեր, որոնք հիմնել են Կակատ բնակավայրը (պատմական փաստաթղթերում առաջին անգամ այն հիշատակվել է 1075 թվականին)։ 16-րդ դարի կեսերին բնակավայրն ընկել է թուրքերի լծի տակ։ 1683 թվականին Յան Սոբեսկի Երրորդի զորքերը ջախջախել են թուրքերին[3] և ազատագրել բնակավայրը, որին Մարիա Թերեզա կայսրուհին 1740 թվականին քաղաքի կարգավիճակ է շնորհել։ 1850 թվականին գործարկվել է երկաթուղային կայարանը (Վիեննա-Բուդապեշտ երկաթգծի վրա)։ 1895 թվականին շահագործման է հանձնվել Մարիա Վալերիայի անվան կամուրջը, որը հետագայում երկու անգամ՝ Առաջին և Երկրորդ աշխարհամարտերի ավարտական փուլերի շրջանում պայթեցվել է և, վերջնական վերակառուցումից հետո, արդեն երրորդ անգամ շահագործման հանձնվել 2001 թվականին։ 1948 թվականին քաղաքը, որ մինչ այդ Պարկան էր կոչվում, վերանվանվել է Շտուրովո (սլովակ նշանավոր հեղափոխական և գրող Լյուդովիտ Շտուրի անունով)։
Ժողովրդագրություն խմբագրել
Բնակչության թվաքանակի փոփոխությունները.
Զբոսաշրջություն խմբագրել
Շտուրովոյով է անցնում «Սուլթանի արահետ» անվանումը կրող զբոսաշրջային հետիոտն երթուղին, որն սկսվում է Վիեննայից և ավարտվում է Ստամբուլում՝ անցնելով Ավստրիայի, Սլովակիայի, Հունգարիայի, Խորվաթիայի, Սերբիայի, Ռումինիայի, Բուլղարիայի, Հունաստանի և Թուրքիայի տարածքներով։
Գործընկեր քաղաքներ խմբագրել
Շտուրովոն գործընկերային կապեր է հաստատել[4] հետևյալ քաղաքների հետ[5].
Գրականություն խմբագրել
- Párkány, in: Guy Miron (Hrsg.): The Yad Vashem encyclopedia of the ghettos during the Holocaust. Jerusalem : Yad Vashem, 2009 ISBN 978-965-308-345-5, S. 576f.
Պատկերասրահ խմբագրել
-
Տեսարան քաղաքից
-
Մարիա Վալերիա կամուրջը
-
Տեսարան քաղաքից
-
Քաղաքում առանձնացված հետիոտնային գոտին
-
Յան Սոբեսկու հուշարձանը
Ծանոթագրություններ խմբագրել
- ↑ The 2021 Population and Housing Census — Bratislava: Statistical Office of the Slovak Republic.
- ↑ http://slovnik.juls.savba.sk/?d=obce
- ↑ Dezobry et Bachelet, Dictionnaire de biographie, t.1, Ch.Delagrave, 1876, P.
- ↑ Partnerské mestá
- ↑ Website der Stadt
Արտաքին հղումներ խմբագրել
Վիքիպահեստն ունի նյութեր, որոնք վերաբերում են «Շտուրովո» հոդվածին։ |