Շիմոն Չեխովիչ
Շիմոն Չեխովիչ (լեհ.՝ Szymon Czechowicz, հուլիսի 22, 1689, Կրակով, Ռեչ Պոսպոլիտա - հուլիսի 21, 1775[1][2][3][…], Վարշավա, Ռեչ Պոսպոլիտա), բարոկկոյի դարաշրջանի լեհ անվանի նկարիչ։ Համարվում է քրիստոնեական կերպարվեստի ասպարեզում 18-րդ դարի ամենաուսյալ ու կատարյալ գեղանկարիչներց մեկը Լեհաստանում, ով վարպետացել է հատկապես նրբագեղ կերպարներ ստեղծելու գործում[4]։ Նրա հիմնադրած նկարչական դպրոցը մեծ ազդեցություն է գործել լեհական արվեստի ու մշակույթի վրա[5]։
Շիմոն Չեխովիչ | |
---|---|
Ծնվել է | հուլիսի 22, 1689 |
Ծննդավայր | Կրակով, Ռեչ Պոսպոլիտա |
Վախճանվել է | հուլիսի 21, 1775[1][2][3][…] (85 տարեկան) |
Մահվան վայր | Վարշավա, Ռեչ Պոսպոլիտա |
Քաղաքացիություն | Ռեչ Պոսպոլիտա |
Մասնագիտություն | նկարիչ |
Ոճ | բարոկկո նկարչություն |
Թեմաներ | գեղանկարչություն |
Հայր | Jan Czechowicz? |
Ազգականներ | Q30100424? |
Szymon Czechowicz Վիքիպահեստում |
Կենսագրություն
խմբագրելՇիմոն Չեխովիչը սկզբնական շրջանում նկարչության դասեր է առել պալատական նկարիչ Ֆրանցիշեկ Մաքսիմիլիան Օսոլինսկուց։ 1711 թվականին նա մեկնել է Իտալիայի մայրաքաղաք Հռոմ, ընդունվել Սուրբ Ղուկասի անվան ակադեմիան (Accademia di San Luca), որտեղ աշակերտել է Բենեդետո Լուտիին (Benedetto Luti)[6]: Հռոմում ուսանելու տարիներին կրկնօրինակել է այնպիսի վարպետների որոշ ստեղծագործություններ, ինչպես՝ Ռաֆայելը, Գվիդո Ռենին, Պիտեր Պաուլ Ռուբենսը, Ֆեդերիկո Բարոչչին։ 1716 թվականին Չեխովիչն ակադեմիայի պարգևներին է արժանացել իր երկու ստեղծագործությունների՝ «Սամսոնը հնազանդեցնում է առյուծին» և «Հաղթական վերադարձ արշավանքից» նկարների համար[6]։ Ուսումնառության շրջանում նա ժամանակ առ ժամանակ վերադարձել է հայրենիք, պատկերազարդել լեհական մի շարք եկեղեցիների խորանները (Կրակովում և Կելցեում)[6]։
1731 թվականին, ավարտելով ուսումնառության շրջանը, Շիմոն Չեխովիչը վերջնականապես վերադարձել է Լեհաստան, Վարշավայում մրցության մեջ մտել Յոհան Սամուել Մոքի հետ՝ Ավգուստ Երկրորդ Հզորի պալատական նկարչի պաշտոնն ստանալու համար[6]։ Կարճ ժամանակում նա դիմանկարներ և կրոնական թեմաներով լավագույն նկարներ արարող վարպետի համբավ է ձեռք բերել[6], և նրան նկարներ են պատվիրել այդ ժամանակներում հայտնի լեհ մեծատոհմիկ ազնվականները, բարձրաստիճան եկեղեցականները, մեծահարուստները։
Գրականություն
խմբագրել- R. Janonienė - Szymon Czechowicz, 2005, Vilnius
- Tomas Venclova - Szymon Czechowicz, 2006, Vilnius
- Volga Bazhenava - Szymon Czechowicz, 2006, Minsk
Պատկերասրահ
խմբագրելՎերնագիրը | Տարին | Հավաքածուն | Պատկերը |
---|---|---|---|
Յան Չապսկու դիմանկարը | 1742 | Լվովի ազգային պատկերասրահ, Ուկրաինա | |
Սուրբ Թերեզա եկեղեցու ավագ խորանի նկարազարդումները | Վիլնյուսի Սուրբ Թերեզա եկեղեցի, Լիտվա | ||
Սուրբ Հովհաննեսի նահատակությունը | 1750 | Վարշավայի ազգային թանգարան | |
Հարություն | 1758 | Վարշավայի ազգային թանգարան | |
Միխալ Յուզեֆ Մասալսկու դիմանկարը | 1765 | Վիեննայի դիմանկարչության պատկերասրահ | |
Մոգերի երկրպագությունը | XVIII դար | Լվովի Sztuki պատկերասրահ |
Ծանոթագրություններ
խմբագրել- ↑ 1,0 1,1 1,2 RKDartists (նիդերլ.)
- ↑ 2,0 2,1 2,2 Simon Czechowicz // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00045577
- ↑ 3,0 3,1 3,2 Ryszkiewicz A. Czechowicz, Szymon // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T020980
- ↑ Lucyna Sławińska – Targosz (2002). «Szymon Czechowicz. Między Wilnem a Krakowem». archiwum2000.tripod.com. Վերցված է 2010 թ․ հունվարի 19-ին.
- ↑ Wojciech Adamski (2001). Anna Jamróz; Magdalena Olkuśnik; Elżbieta Wójcik (eds.). Popularna encyklopedia powszechna (լեհերեն). Oficyna Wydawnicza Fogra. ISBN 83-85719-54-7. Արխիվացված է օրիգինալից 2016 թ․ օգոստոսի 3-ին.
- ↑ 6,0 6,1 6,2 6,3 6,4 Monika Ochnio (2002). «Szymon Czechowicz». www.culture.pl. Արխիվացված է օրիգինալից 2011 թ․ մայիսի 15-ին. Վերցված է 2010 թ․ հունվարի 19-ին.
Արտաքին հղումներ
խմբագրել- (Լեհերեն) Biography Արխիվացված 2011-05-15 Wayback Machine
- Obrazy - artyzm.com
Վիքիպահեստն ունի նյութեր, որոնք վերաբերում են «Շիմոն Չեխովիչ» հոդվածին։ |