Թոլեդոյի արվեստի թանգարան

Թոլեդոյի արվեստի թանգարան
Տեսակ	պատկերասրահ
Երկիր	ԱՄՆ
Տեղագրություն	Թոլեդո
Հասցե	2445 Monroe Street
Հիմնադրվել է	1901
Հիմնադիր	Edward Libbey?
Այցելուներ	340 000 մարդ
Տնօրեն	Բրայան Քենեդի
Կայք	toledomuseum.org(անգլ.)

Թոլեդոյի արվեստի թանգարան (անգլ.՝ Toledo Museum of Art), Օհայո նահանգի Թոլեդո քաղաքի ամենախոշոր գեղարվեստական թանգարանն է։ Այնտեղ պահվում է ավելի քան 30.000 ցուցանմուշ։

Թանգարանը հիմնադրվել է 1901 թվականին, ապակեգործ Էդվարդ Լիբբի կողմից։ 1912 թվականից նորից տեղափոխվել է իր նախորդ շենք, որը իր ոճով հիշեցնում է հին աշխարհի տաճարները։ Շինությունը երկու անգամ ընդարձակել են։ 2010 թվականից թանգարանի տնօրեն է դարձել Բրայան Քենեդին (որը թանգարանի 9-րդ ղեկավարն էր)։

Թանգարանին է պատկանում 19-րդ և 20-րդ դարերի եվրոպական և ամերիկյան արժեքավոր նկարների հավաքածու և մեծ նկարչական ապակուց պատրաստված ապրանքների հավաքածու։ Հետաքրքիր են նաև Վերածննդի դարաշրջանի և ճապոնական արվեստի հնությունների բաժինները։

Թանգարանի արևելյան թևում գտնվում է պարահանդեսի դահլիճը, որը կառուցվել է 1930-ական թվականներին նեոդասական ոճով։ Այն Թոլեդոյի սիմֆոնիկ նվագախմբի համերգային հիմնական դահլիճն է։ Նախատեսված է 1750 հոգու համար։

2001 թվականին թանգարանի մոտ բացվում է քանդակագործության այգի, Մոնորո փողոցի վրա։ Այստեղ պահվում են հիմնականում 20-րդ դարի երկրորդ կեսի ամերիկացի քանդակագործների աշխատանքներ։

Տեսողական արվեստի կենտրոնը, որը կառուցվել է 1990-ական թվականներին, Ֆրենկ Գերիի նախագծով, իր մեջ ներառում է գրադարան, թանգարան, ինչպես նաև` ստուդիա, գրասենյակային և կրթական հաստատություն Թոլեդո համալսարանի գեղարվեստական ֆակուլտետի համար։

2000 թվականին ճապոնական ճարտարապետական SANAA ֆիրման նախագծել է առանձին մասնաշենք, որպեսզի այնտեղ պահվեն ապակե իրերի հավաքածուներ։ Ապակե տաղավարը բացվել է 2006 թվականի օգոստոսին և արժանացել է ճարտարապետական քննադատների հիացական արձագանքին^[4]։ Ինտերիերում գտնվում է նշանավոր ապակե մեծ քանդակ, որը ստեղծել է Դեյլ Չիհուլին։