Երուսաղեմի արքաների տոհմածառ

Երուսաղեմի արքաների տոհմածառ, 1099-1291 թվականներին ժամանակակից Իսրայելի, Պաղեստինի, Հորդանանի ու Լիբանանի տարածքում ստեղծված խաչակրաց պետության՝ Երուսաղեմի թագավորության իշխող վերնախավի տոհմածառը՝ ըստ արքայատոհմերի։ Այստեղ ներկայացված են Երուսաղեմի արքաներն ու թագուհիները, ովքեր իշխել են Երուսաղեմ քաղաքի նվաճումից՝ Առաջին խաչակրաց արշավանքից սկսած, մինչև 1291 թվականը՝ թագավորության նոր կենտրոն Աքքա քաղաքի անկումը։

Երուսաղեմի գահին բազմել են հիմնականում ֆրանսիական, հազվադեպ՝ գերմանական ծագում ունեցող ազնվականներ։ Նրանցից վերջինները՝ Լուսինյանները, իշխել են նաև Կիպրոսի թագավորությունում։ Լուսինյանների մայրական կողմի ներկայացուցիչները 1342 թվականից փոխարինել են նաև Հեթումյաններին և բազմել Կիլիկիայի հայկական թագավորության գահին։