Արքմենիկ Նիկողոսյան

Վիքիպեդիայում կան հոդվածներ Նիկողոսյան ազգանունով այլ մարդկանց մասին։

Արքմենիկ Հրայրի Նիկողոսյան (նոյեմբերի 14, 1979(1979-11-14), Ծովակ, Վարդենիսի շրջան, Հայկական ԽՍՀ, ԽՍՀՄ), հայ գրականագետ, խմբագիր, բանասիրական գիտությունների թեկնածու (2008), ՀԳՄ անդամ 2007 թվականից, ՀԳՄ երիտասարդական բաժանմունքի նախագահ 2006 թվականից։

Արքմենիկ Նիկողոսյան
Ծնվել է	նոյեմբերի 14, 1979(1979-11-14) (44 տարեկան) Ծովակ, Վարդենիսի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	գրականագետ և խմբագիր
Հաստատություն(ներ)	Գրական թերթ
Անդամակցություն	ՀԳՄ
Ալմա մատեր	ԵՊՀ հայ բանասիրության ֆակուլտետ (2003) և Գրականության ինստիտուտ
Գիտական աստիճան	բանասիրական գիտությունների թեկնածու (2008)
Տիրապետում է լեզուներին	հայերեն
Պարգևներ

Կենսագրություն

Ծնվել է Վարդենիսի շրջանի (այժմ Գեղարքունիքի մարզ) Ծովակ գյուղում։ Սովորել է տեղի միջնակարգ դպրոցում, որն ավարտելուց հետո ընդունվել է ԵՊՀ բանասիրական ֆակուլտետը։ 2001 թ.-ին ավարտել է բակալավրիատը, 2003 թ.-ին՝ մագիստրատուրան, նույն թվականին ընդունվել է ՀՀ ԳԱԱ Մ. Աբեղյանի անվան ինստիտուտի ասպիրանտուրա (ստացիոնար)։ 2001 թվականից ուսմանը զուգահեռ հայ գրականության պատմություն և գրականության տեսություն է դասավանդել Վարդենիսի մանկավարժական ինստիտուտում։ 2004-2005 թվականներին աշխատել է «Գրական թերթ»-ի խմբագրությունում՝ որպես գրաքննադատության բաժնի վարիչ։ 2005 թվականից Հայ գրականություն է դասախոսում Երևանի Մաշտոցի անվան համալսարանում։

2008 թ.-ին «Առաքել Դավրիժեցու «Պատմությունը» իբրև գրական երկ» թեմայով պաշտպանել է թեկնածուական ատենախոսություն և ստացել բանասիրական գիտությունների թեկնածուի աստիճան։ 2008 թվականից աշխատում է ՀՀ ԳԱԱ Մ. Աբեղյանի անվան գրականության ինստիտուտի հայ հին և միջնադարյան գրականության բաժնում որպես ավագ գիտաշխատող։ Մասնակցել է ՀԳՄ «Գրեթերթ» պարբերականի ստեղծման աշխատանքներին։ 2009 թվականից ՀԳՄ վարչության ու նախագահության անդամ է։ 2011 թվականից «Անտարես» հրատարակչության գլխավոր խմբագիրն է։Գրական մամուլում հանդես է եկել մի քանի տասնյակ գրականագիտական հոդվածներով։

Երկերի մատենագիտություն

• Գրառումներ ընթացքից (հոդվածների ժողովածու), Երևան, ՀԳՄ. հրատ., 2007։
• Առաքել Դավրիժեցու Պատմությունն իբրև գրական երկ, Ե., Անտարես, 2012։
• Խոսքի տարածությունը (հոդվածների ժողովածու), Ե., Անտարես, 2015, 312 էջ:

Ա. Նիկողոսյանի հրապարակումները մամուլում

• Ուրիշ պատասխանատվություն, «Գարուն», 2016, № 1:

Կազմած և խմբագրած գրքերը

• Աշոտ Գաբրիելյան, Հրեշտակները ասեղի ծայրին (բանաստեղծություններ), Երևան, Տոներ, 2001։
• Ռոման Կյուրեղյան, Երբ անձրևի են սպասում... (բանաստեղծություններ), Երևան, ՀԳՄ «Նոր-դար» հրատ., 2003։
• Հասմիկ Սիմոնյան, Լուսնոտ բառեր (բանաստեղծություններ), Երևան, ՀԳՄ հրատ., 2005։
• Արեգ Ազատյան, Զատիկի ոտքից բռնված (պատմվածքներ), Երևան, Ապոլոն, 2006։
• Գուրգեն Խանջյան, Լուր չկա (վեպ), Երևան, ՀԳՄ հրատ., 2006։
• Հովհաննես Գրիգորյան, Գիշերահավասար, (բանաստեղծությունների ընտրանի), Երևան, ՀԳՄ հրատ., 2006։
• Մհեր Բեյլերյան, Սկյութների ստվերները (վիպակ), Երևան, ՀԳՄ հրատ., 2007։
• Մհեր Արշակյան, Պատմվածքներ, Երևան, ՀԳՄ հրատ., 2008։
• Գուրգեն Խանջյան, Նամակներ ընթացքից (պատմվածքներ, Էսսեներ, կոլաժներ), Երևան, հեղ. հրատ., 2009։
• «18-33. արդի հայ արձակ» (անթոլոգիա), Երևան, Համազգային հայ կրթական և մշակութային միություն, 2009։
• Կարեն Անտաշյան, անտաշատ. պոեզիա 78%, Երևան, հեղ. հրատ.2009։
• Հրաչյա Սարիբեկյան, Հովհաննես Պետրոսյան (մատենագետի կյանքն ու գործունեությունը), Երևան, Դար, 2009։
• Հասմիկ Սիմոնյան, Թափթփված սենյակներ (բանաստեղծություններ), Երևան, Իրավունք, 2010։
• Նառա Վարդանյան Արգելված պտուղ, Սատիրիկոն հրատ., 2014։

Պարգևներ

• Մովսես Խորենացու մեդալ (2017)

Ծանոթագրություններ

Վիքիդարանն ունի նյութեր, որոնք վերաբերում են «Արքմենիկ Նիկողոսյան» հոդվածին։