Կարեն Անտաշյան
Կարեն Գառնիկի Անտաշյան (փետրվարի 3, 1983, Կիրովական, Հայկական ԽՍՀ, ԽՍՀՄ), հայ բանաստեղծ, էսսեիստ[1]։ Գրանիշ գրական նախագծի հիմնադիր։ «Այլերեն» հայերեն սայթաքումների բառարանի հիմնադիր։ Համագործակցող հեղինակ Երևան ամսագրում։
Կարեն Անտաշյան | |
|---|---|
 | |
| Ծնվել է | փետրվարի 3, 1983 (41 տարեկան) |
| Ծննդավայր | Կիրովական, Հայկական ԽՍՀ, ԽՍՀՄ |
| Մասնագիտություն | բանաստեղծ |
| Քաղաքացիություն |  Հայաստան |
| Կրթություն | ՀԱՊՀ (2005) |
| Կայք | antashyan.com |
Կենսագրություն խմբագրել
1999-2005 թվականներին սովորել է Հայաստանի ճարտարագիտական համալսարանում։ 2005-2007 թվականներին ծառայել է Հայաստանի զինված ուժերում։ 2009 թվականին հիմնադրել է Գրանիշ գրական համայնքն ու կայքը, որի գլխավոր նպատակը արդի հայ գրողների և գրականության հանրահռչակումն է։ Ներկայումս այն հայ ժամանակակից գրականության ամենաընդգրկուն և ամենաընթերցվող հավաքածուներից մեկն է համացանցում։ 2011-2015 թվականին գրող և գրաքննադատ ընկերների հետ (Արքմենիկ Նիկողոսյան, Հասմիկ Հակոբյան, Արամ Պաչյան, Աշոտ Գաբրիելյան ) հիմնադրել է «Գրանիշ» գրական հանդեսը[2], որ հրատարակում էր գրական-գեղարվեստական կամ հանրային հնչեղություն ունեցող որևէ թեմայի շուրջ գոյացող թեմատիկ համարներ։ 2013 թվականից Բուն TV հիմնադրամի հոգաբարձուների խորհրդի նախագահն է։ 2018 թվականին հիմնադրել և վարում է «Այլերեն - հայերեն» սայթաքումների բառարանը, որը հայերեն նորահայտ բառերի հավաքածու է հեղինակի մեկնաբանություններով։ 2019 թվականին ստեղծել է բոնսայ արվեստին նվիրված առաջին հայկական հարթակը՝ Բոնսայի հանրագիտարանը Արխիվացված 2021-11-29 Wayback Machine։ 2018-2019 թվականներին եղել է Երևանի ավագանու անդամ, որտեղ լիազորությունները դադարեցրել է սեփական դիմումի համաձայն։[1] 2020 թվականին ՀՀ ԿԳՄՍ նախարարությունը Կարեն Անտաշյանի «Ես մնում եմ, երկիր» բանաստեղծությունը ներառել է 11-րդ դասարանի լրացուցիչ ընթերցանության և նախագծային աշխատանքների առաջարկվող գրականության ցանկում[3]։ Տիգրան Մանսուրյանի հետ համագործակցությամբ ստեղծել է «Երևան» ստեղծագործությունը[4], որի պրեմիերան կայացել է 2019 թվականի հուլիսի 13-ին։ Որպես համագործակցող հեղինակ հանրային հնչողություն ունեցող տարբեր հարցերի շուրջ պարբերաբար էսսեներ է հրապարակում Երևան ամսագրում։ 2021 թվականից անդամակցում է գրողների միջազգային ՓԵՆ ակումբի հայկական բաժանմունքին[5]։ Չորս բանաստեղծական գրքերի հեղինակ է[6]։
Գրքեր խմբագրել
Մրցանակներ և պարգևներ խմբագրել
- Երևանյան գրքի փառատոնի «Պոեզիա» անվանակարգում առաջին մրցանակ, 2022 թ․[9]
- Ինքնագիր գրական ակումբի ժյուրիի հատուկ մրցանակ «Ականջներդ կկտրեմ» պատմվածքի համար, 2010 թ.
- Գրեթերթի 2008 թվականի պոեզիայի մրցանակ «Բերքի տոն» բանաստեղծական շարքի համար։
- Հակոբ Կարապենցի անվան պարգև «մամուլում տպագրված բանաստեղծական շարքի համար», 2008 թ.
Ծանոթագրություններ խմբագրել
- ↑ «Կարեն Անտաշյան | Գրանիշ» (ամերիկյան անգլերեն). Վերցված է 2021 թ․ նոյեմբերի 29-ին.
- ↑ «Հանդես | Գրանիշ» (ամերիկյան անգլերեն). Վերցված է 2021 թ․ նոյեմբերի 30-ին.
- ↑ «ԿԳՄՍ-ն ներկայացրել է 7-12-րդ դասարանների համար գրականության ցանկի աշխատանքային լրամշակվող տարբերակը․ Ոսկեդարի և միջնադարյան հայ գրականությունը ներառված են». www.tert.am. Արխիվացված է օրիգինալից 2021 թ․ նոյեմբերի 30-ին. Վերցված է 2021 թ․ նոյեմբերի 30-ին.
- ↑ «Հետևիր արևին, արի Երևան». կայացավ «Երևան» պատանեկան սիմֆոնիկ նվագախմբի համերգը, Վերցված է 2021 թ․ նոյեմբերի 30-ին
- ↑ «Կարեն Անտաշյանի հեղինակային էջը ՓԵՆ ակումբի էջում». penarmenia.org (ամհարերեն). Վերցված է 2021 թ․ նոյեմբերի 29-ին.
- ↑ «Կարեն Անտաշյանի գրքերը – Կարեն Անտաշյան». Վերցված է 2021 թ․ նոյեմբերի 29-ին.
- ↑ «Կարեն Անտաշյանի «ԴԶՈՆ» բանաստեղծությունների ժողովածուն․ «Բարձր գրականություն»». Հայաստանի Հանրային Ռադիո. Վերցված է 2021 թ․ նոյեմբերի 30-ին.
- ↑ Երբ բանաստեղծը քուրմ է դառնում, Վերցված է 2021 թ․ նոյեմբերի 29-ին
- ↑ «Ամփոփվել է գրքի երևանյան 5-րդ փառատոնը. հայտնի են մրցանակակիրները». Armtimes.com. Վերցված է 2022 թ․ հոկտեմբերի 17-ին.