Buta Airways

Buta Airways, ադրբեջանական բյուջետային ավիաընկերություն, «Ադրբեջանական ավիաուղիներ» ՓԲԸ-ի կազմում գտնվող կառուցվածքային ստորաբաժանում, տեղակայված է Բաքվի Հեյդար Ալիևի անվան օդանավակայանում։

Buta Airways
ՕՏՄԱ J2 ՔԱՄԿ AHY Պայմանականչ AZAL
Հիմնադրվել է	14 դեկտեմբերի 2016 թվական
Գործունեության սկիզբ	աշուն 2017 թվական
Կենտրոններ	«Հեյդար Ալիև» միջազգային օդանավակայան
Չվերթների բոնուսային ծրագրեր	AZAL Miles
Նպատակակետեր	Մոսկվա, Ստամբուլ, Կիև
Գլխամաս	Բաքու, Ադրբեջան
Ղեկավարություն	Նազիմ Սամեդով
butaairways.az

Պատմություն

2016 թվականի դեկտեմբերին «Ադրբեջանական ավիաուղիներ» ՓԲԸ-ի (AZAL) վարչության նիստում որոշում է կայացվել Ադրբեջանում սեփական ցածրաբյուջետային փոխադրող ստեղծելու մասին։

2017 թվականի հունիսի 2-ին հանրությանը ներկայացվեց ավիաընկերության լոգոն և լիվրեյը։ Buta Airways-ի լոգոտիպն իր մեջ միավորում է Սիմուրգ դիցաբանական սրբազան թռչունի խորհրդանիշը, որը ներկայացված է ադրբեջանական բուտայի զարդանախշի տեսքով։

Նավատորմ

Buta Airways Embraer 190 ինքնաթիռը թռչում է Կիևի օդանավակայանում

2018 թվականին ընկերության ավիապարկում առկա է բրազիլական արտադրության Embraer 190 ութ ինքնաթիռ։

Ուղղություններ

2019 թվականի դեկտեմբերի դրությամբ ավիաընկերությունը Բաքվից ուղիղ չվերթներ է իրականացնում դեպի հետևյալ քաղաքներ։

• Ալանիա
• Անկարան
• Ստամբուլ (Սաբիհա Գյոքչենի անվան միջազգային օդանավակայան)
• Իզմիր
• Կիև («Բորիսպոլ»)
• Լվով
• Մոսկվա («Վնուկովո»)
• Միներալնիե Վոդի
• Սանկտ-Պետերբուրգ
• Կազան
• Սոֆիա
• Թբիլիսի
• Թեհրան
• Բաթումի
• Օդեսա
• Խարկով
• Աստրախան
• Ուֆա
• Էդ-Դամմամ
• Էր-Ռիադ

Իրականացվում են նաև ուղիղ չվերթներ Գյանջայից դեպի Մոսկվա («Վնուկովո» օդանավակայան)։

Ավիատոմսեր

Buta Airways-ի ավիատոմսերի արժեքը սկսվում է 29 եվրոյից՝ մեկ ուղղությամբ թռչելու համար։  Սակայն ամենաէժան սակագինը՝ «բյուջետ»-ը, չի ներառում ձեռքի ուղեբեռը։ Ավիաընկերությունը առաջարկում է նաև ավելի բարձր սակագներ «Ստանդարտ» և «Սուպեր», որոնք ներառում են լրացուցիչ ընտրանքներ.