Ալանիա (Թուրքիա)

Ալանիա
Բնակավայր
	Ալանիա
	թուրքերեն՝ Alanya
Երկիր	Թուրքիա
Հիմնադրված է	1872 թ.
Մակերես	1598,51 կմ²
Բնակչություն	▲364 180 մարդ (2022)
Ժամային գոտի	UTC+3
Փոստային դասիչ	07400
Ավտոմոբիլային կոդ	07
Պաշտոնական կայք	alanya.bel.tr(թուրքերեն)
	Ալանիա (Թուրքիա) (Թուրքիա)
	Ալանիա (Թուրքիա) (Թուրքիա)
	Ալանիա Վիքիպահեստում

Ալանիա (թուրքերեն՝ Alanya), մինչ 1935 թվականը Ալայա, ծովափնյա քաղաք Թուրքիայի հարավարևմտյան մասում, Անթալիայի մարզում։ Ալանիան ամբողջ աշխարհում հանրահայտ հանգստավայր է, որը մատուցում է ամառային հանգստի բոլոր հնարավոր տարբերակները։

Բնակչությունը մոտ 100 000 է։ Գտնվում է Միջերկրական ծովի ափին` Անթալիայից 138 կմ հեռավորության վրա։

Բնակավայրը հիմնվել է դեռևս մ.թ.ա. II դարում հույն ծովայինների կողմից։ Սկզբնական շրջանում այն ծառայում էր որպես կեցավայր ծովայինների և հանցագործների համար։ Անտիկ Ալանիան հայտնի է նաև Կարակեսիոն և Կալոնորոս անվանումներով, որը հունարենից թարգմանած նշանակում է «սքանչելի լեռ»։

Ժամանակի ընթացքում Ալանիան անցել է մեկ բյուզանդացիների, մեկ արաբների, իսկ հետո արդեն թուրքերի ձեռքը։ Քանի որ Ալանիան ավելի մոտ էր գտնվում սելջուկների մայրաքաղաք Կոնիային, այն իր նշանակությամբ գերազանցեց Անթալիային և դարձավ խոշոր ռազմական և առևտրային նավահանգիստ։ 1571 թվականին անցել է Օսմանյան կայսրության կազմը։

Հարավից եզերված լինելով Միջերկրական ծովի տաք ջրերով, իսկ հյուսիսից պաշտպանվելով Տավրոսյան լեռնահամակարգի լեռներով, Ալանիան համարվում է Թուրքիայի ամենատաք հանգստավայրը։ Տարեկան միջին ջերմաստիճանը +20 °C (համեմատության համար Անթալիայինը` +17 °C, Սոչիինը` +14 °C, իսկ Նիցցայինը` +16 °C):

Ձմեռը Ալանիայում անձրևային և կարճ, իսկ ամառը` չոր և շոգ։ Կլիման` սուբտրոպիկ միջերկրածովային է։