Տիմոտի Շալամե
Տիմոտի Շալամե (անգլ.՝ Timothée Chalamet, դեկտեմբերի 27, 1995[1][2], Նյու Յորք շրջան, Նյու Յորք, ԱՄՆ[3][4]), ամերիկացի դերասան, որը առավել հայտնի է «Ինտերստելլար», «Կոչի՛ր ինձ քո անունով» և «Հայրենիք» ֆիլմերի դերերով։
 ֆր.՝ Timothée Chalamet | |
|---|---|
 | |
| Ծնվել է | դեկտեմբերի 27, 1995[1][2] (27 տարեկան) |
| Ծննդավայր | Նյու Յորք շրջան, Նյու Յորք, ԱՄՆ[3][4] |
| Կրթություն | Կոլումբիայի համալսարան[5][6] և Նյու Յորքի համալսարան[7] |
| Քաղաքացիություն | .svg){kind=small} Ֆրանսիա[8][9] և  ԱՄՆ[8][9] |
| Կրոն | հուդայականություն[8] և քրիստոնեություն |
| Մասնագիտություն | կինոդերասան, հեռուստատեսային դերասան, թատրոնի դերասան և դերասան |
| Համատեղ ապրող(ներ) | Lourdes Leon?[10][11] |
| Պարգևներ և մրցանակներ | |
2017 թվականին Տիմոտին ավելի մեծ ճանաչում է ձեռք բերել որոշ ֆիլմերում իր կատարած երկրորդական դերերի շնորհիվ, դրանք են` Գրեգ Գերվինգի «Լեդի Բյորդ» և Սքոթ Կուպերի «Թշնամիներ» ֆիլմերը։ Նաև Լուկա Գուադանյինոյի ռոմանտիկ դրամա` «Կոչի՛ր ինձ քո անունով» ֆիլմում իր կերտած գլխավոր դերի համար։ Վերջինս նրան հնարավորություն է տվել դառնալ Օսկար մրցանակաբաշխության «Լավագույն դերասան» անվանակարգի հաղթողի հավակնորդներից մեկը, այդպիսով դառնալով պատմության մեջ այդ անվանակարգի երրորդ ամենաերիտասարդ նոմինանտը։
Հաջորդ տարի նա նկարահանվել է «Գեղեցիկ տղան» ֆիլմում, որում կերտել է պատանի թմրամոլի կերպարը, որի համար էլ նոմինացվել է Ոսկե գլոբուս և BAFTA համաշխարհային մրցանակաբաշխությունների «Լավագույն երկրորդական դերի տղա դերասան» անվանակարգում։
Բեմի վրա Տիմոտին խաղացել է Ջոն Պատրիկ Շենլի «Անառակ որդին» պիեսի գլխավոր դերում, որի համար նոմինացվել է Դրամատիկական լիգայի մրցանակին և հաղթել է Լյուսիլ Լորթելի մրցանակը։
Կրթություն և վաղ տարիներԽմբագրել
Շալամեն ծնվել է Մանհեթենի Դժոխքի խոհանոց թաղամասում[23], պարուհի Նիկոլ Ֆլենդերի և թարգմանիչ Մարկ Շալամեյի ընտանիքում։ Նա ունի ավագ քույր` Պաուլին անունով, նա դերասանուհի է և ապրում է Ֆրանսիայում։ Նրա քեռին դերասան և ռեժիսոր է` Ռոդման Ֆլենդերը, իսկ նրա քեռակինը՝ սցենարիստ և հեռուստատեսային պրոդյուսեր Էմի Լիպմանը։ Նրա պապիկը եղել է գրող և սցենարիստ՝ Հարոլդ Ֆլնեդերը (1924 - 1975)[24][25]։ Նրա հայրը ֆրանսիացի է, իսկ մայրը՝ հրեական ծագմամբ ամերիկացի, ով ունի ռուսական և ավստիրական արմատներ[26]։ Նա սովորել է Նյու Յորքի Ֆիորելո ԼաԳարդիայի անվան միջնակարգ դպրոցում[27][28]։
Տիմոտին ամառները անցկացնում էր Լե Շամբոն-Սուր-Լինգոնում, փոքրիկ ֆրանսիական մի գյուղում, որը գտնվում էր Լիոնից երկու ժամ հեռավորության վրա, իր հայրական տատիկի տանը։
Նա հայտարարել է, որ իր Ֆրանսիայում գտնվելը հանգեցրել է միջմշակութային ինքնության խնդիրների։ «Երբ ես այնտեղ էի, ես դարձա իմ Ֆրանսիական տարբերակը» նշել է դերասանը Կանադական նորություններ թերթի` La Presse-ի հետ հարցազրույցի ժամանակ։ «Ես ամբողջովին տարված էի մշակույթով և նույնիսկ երազում էի ֆրանսերենով»։
Մանուկ հասակում նրա երազանքն է եղել դառնալ պրոֆեսիոնալ ֆուտբոլիստ։ «Ֆրանսիայում ես ֆուտբոլական ճամբարի մարզիչ էի։ Երբ ես տասներեք տարեկան էի, ես մարզում էի վեցից տաս տարեկան երեխաներին»։
Տիմոտին սովորել է Ուիլիամ Տ. Շերմանի PS 87 տարրական դպրոցում։ Այնուհետև ուսումը շարունակել է Delta ընտրովի ծրագրի` Բուքեր Տ. Վաշինգտոնի MS 54 միջնակարգ դպրոցում։ Միջնկարգ դպրոցի տարիները և դպրոցական կյանքը Տիմոտին բացատրել է այսպես. «Կյանքիս երեք անտանելի տարիները»` դպրոցում ստեղծագրծական խմբակի բացակայության պատճառով։ Ֆիորելլո Հ. ԼաԳվարդիայի Երաժշտական, Արվեստի և Թատրոնի ավագ դպրոցը շատ կարևոր դեր խաղաց նրա դերասանական կյանքում։ Այդ մասին նա ասել է. «Ես իսկապես ունեյի շատ հրաշալի ուսուցիչներ և ուղղակի սիրահարվել էի այդ ամենին։ Ես զգում էի, որ այդ ամենը կարող էր և պետք է համարվեր իսկական արվեստ»։
ԼաԳվարդիայում Հարրի Շիֆմենը եղել է նրա դպրոցական երկրորդ տարվա դերասանական բաժնի ուսուցիչը։ Նա ուղղակի հիանում էր Տիմոտիի դերասանական տաղանդով, և այդ մասին նա հարցազրույցում ասել է. «Ես նրան նշանակել եմ ամենաբարձր միավորները, որ երբևէ կարող էի նշանակել երեխայի դերասանական խաղի համար»։
Նա ավարտել է 2013 թվականին և խաղացել է բազմաթիվ դպրոցական մյուզիքլներում, ինչպիսինք են` "Կաբարե" մյուզիքլը Էմսիի կերպարով և Օսկար Լինդքվիստի կերպարը "Քաղցր բարեգործություն" մյուզիքլում։ Նա նաև YoungArts-ի շրջանավարտներից է։
Ավագ դպրոցը ավարտելուց հետո Տիմոտին մեկ տարի սովորել է Կոլումբիական համալսարանում, "Մշակութային անտրոպոլոգիա" բաժնում։ Այնուհետև տեղափոխվել է Նյու Յորքի Gallatin School of Individualized Study համալսարան, որպեսզի ավելի ազատորեն շարունակի իր դերասանական կարիերան։
ԿարիերաԽմբագրել
2008-2016. Վաղ դերերԽմբագրել
Մանուկ հասակում Տիմոտին նկարահանվել է որոշակի հեռուստատեսային գովազդներում և երկու կարճամետրաժ սարսափ ֆիլմերում, դրանք են` "Քաղցր ատամ " և "Ծաղրածու" ֆիլմերը։ Այնուհետև հեռուստատեսության ասպարեզում խաղացել է երկարատև ոստիկանական ընթացակարգային "Օրենք և կարգ" սերիալում (2009), որտեղ կերտել է սպանությունից տուժածի դեր։ Անհայտ դերում հանդես է եկել "Սիրող Լիան" հեռուստատեսային ֆիլմում (2009)։
2001 թվականին նա The Talls - ում հանդես է եկել "Off-Broadway" ներկայացման մեջ, 1970-ականների սկզբին ստեղծված կոմեդիա, որտեղ նա խաղացել էր սեռական հետաքրքրություններ ունեցող 12-ամյա Նիկոլասի դերը։ Նյու Յորքի Daily News- ի գլխավոր թատրոնի քննադատը գրել է. «Շալամեն ուրախությամբ նկարագրում է սեքսի մասին դեռահասի հետաքրքրասիրությունը»։ 2012 թվականին նա մշտական դերեր է խաղացել «Royal Pains» դրամատիկական շարքում և «Homeland» հայտնի լրտեսական թրիլլերում, որտեղ նա խաղացել է փոխնախագահի ապստամբ տղայի Ֆինն Վալդենի դերը։ Մնացած դերասանական անձնակազմի հետ նա նոմինացվել է "Լավագույն դերասանական անձնակազամ" անվանակարգում, դրամատիկական սերիալի համար։
2014 թվականին երկրորդական դերով հանդես է եկել Ջեյսոն Ռեյթմանի "Men, Women & Children" լիամետրաժ ֆիլմում։ Այնուհետև հենց նույն թվականին նկարահանվել է Քրիստոֆեր Նոլանի "Interstellar" ֆիլմում, որտեղ կերտել է Մեթյու ՄաքՔոնահի որդու` Թոմ Կուպերի դերը։ Ֆիլմը ստացավ բազում դրական արձագանքներ, քննադատները շատ բարձր մակարդակի գնահատական տվեցին դերասանների խաղը և այդպիսով ֆիլմը ամբողջ աշխարհով ցուցադրվելու շնորհիվ ձեռք բերեց 675 միլիոն դոլլար։ Նաև 2014 թվականին Շալամեն "Worst Friends" ֆիլմում եղել է գլխավոր հերոսի մանուկ ժամանակվա դերակատարը։ Կոմեդիա, որը թատրոններու ունեցավ սահմանափակ թվով ցուցադրություններ և ստացավ դրական արձագանքներ։ 2015-ին Շալամեն նկարահանվեց Էնդրյու Դրոզ Պալերմոյի "One & Two" ֆանտաստիկ ֆիլմի գլխավոր դերերից մեկում։ Նա մարմնավորում էր Զակի որդու դերը, ով իր քրոջ հետ միասին սկսում է ուսումնասիրել ` իր և իր քրոջ գերբնական ուժերը և ընտանեկան մութ գաղտնիքները, ինչից իրենց մայրը հիվանդացել էր։ Ֆիլմի պրեմիերան կայացել է Բեռլինի միջազգային կինոփառատոնի ժամանակ։ Ֆիլմը ստացել է շատ բազմազան կարծիքներ և գնահատականներ։ Նրա հաջորդ դերը եղել է Ջեյմս Ֆրանկոյի կերպարի` Ստեֆան Էլիոտի պատանեկության ժամանակների դերը` Պամելա Ռոմանովսկիի "The Adderall Diaries" ֆիլմում։ 2015-ի վերջին դերը եղել է "Love the Coopers " ամանորյա կոմեդիան։ Որտեղ նա խաղացել է Սեմ և Շառլոտ Կուպերների ինքնամփոփ ու մռայլ թոռնիկի` Չարլի Կուպերի դերը։ Ցավոք, քննադատները ֆիլմին տվեցին բացասական կարծիքներ։
2016 թվականի փետրվարին Մանհեթենի ակումբային թատրոնում նա բեմի վրա խաղացել է Ջոն Պատրիկ Շենլի "Անառակ որդին" պիեսի գլխավոր դերում։ Ընտրվելով իր թատերագրի, ռեժիսոր` Ջոն Պատրիկ Շենլիի և պրոդյուսեր` Սքոթ Ռուդինի կողմից, Տիմոտին ընդօրինակեց փոքրիկ Շենլիին, անհաջողակ մի տղա Բրոնքսից, ով սովորում էր հեղինակավոր Նյու Հեմփշիրի նախապատրաստական դպրոցում` 1963 թվականին։ Այս դերի համար նա ստացավ շատ դրական կարծիքներ և Դրամատիկական լիգայի մրցանակաբաշխության ժամանակ հաղթեց Լյուսիլ Լորթելի մրցանակը։ Նա նաև Լիլի Ռեյբի հետ միասին նկարահանվել է Ջուլիա Հարթի "Միսս Ստիվենս" ֆիլմում, կերտելով Բիլլիի դերը։ The Hollywood Reporter-ից Սթիվեն Ֆարբերը գրել է. «Նա զարմացնող է նույնիսկ այն ժամանակ, երբ ուղղակի առանց ձայն հանելու հետևում է մնացած դերասանների խաղին։ Երբ լինում են պահեր,որտեղ նրա զայրույթը պետք է դուրս գա սահմաններից, կամ նա պետք է խաղա հոգեկան խանգարումներով կերպարի դեր, այդ ժամանակ նա ուղղակի ապշեցնում է։ Իսկ դրամատիկական մրցույթի ժամանակ նրա "Վաճառողի մահը"-ից կարդացած կլիմատիկական ելույթը խոսում է այն մասին, որ այս երիտասարդ և տաղանդավոր դերասանին շատ պայծառ ապագա է սպասում կյանքի տարբեր ոլորտներում։ (Ես նույնիսկ չեմ հիշում որ երբևիցե այս պիեսի ավելի լավ կատարում տեսած լինեմ)»։ Սթիվեն Հոլդենը նրան համեմատեց Ջեյմս Դինի հետ։
2017- մինչև օրսԽմբագրել
2017 թվականին Տիմոտին նկարահանվել է Լուկա Գուադանյինոյի ռոմանտիկական դրամա ` "Call Me by Your Name" ֆիլմում, որը ստեղծվել է հիմնվելով Անդրե Ասիմենի նույնանուն նովելի հիման վրա։ Ֆիլմը Էլիո անունով պատանու մասին է, ով 1980-ականներին իր ընտանիքի հետ ապրելով Իտալիայում, սիրահարվում է Օլիվերին, համալսարանի ուսանող, ով եկել էր պրակտիկայի Էլիոյի հոր մոտ և պետք է որոշ ժամանակ ապրեր նրանց տանը։ Դերը ստանձնելու համար Տիմոտին պետք է սովորեր իտալերեն լեզուն և կիթառ ու դաշնամուր նվագել։ Ֆիլմի պրեմիերան տեղի ունեցավ Sundance 2017 կինոփառատոնի ժամանակ, Տիմոտիի դերը ողջունելի էր։ Empire-ից Օլլի Ռիչարդսը գրել է. «Ֆիլմը, որտեղ բոլորը հիանալի են կատարում իրենց դերերը, Տիմոտին բոլորին ստիպում է ունենալ այնպիսի տեսք, կարծես թե նրանք խաղում են։ Նա միայնակ կարողանում է ֆիլմը դարձնել ուշադրության արժանի»։ The Hollywood Reporter-ից Ջոն Ֆրոշը գրել է. « Այս տարի դեռ ոչ մի դերակատարություն չէր եղել այպիսի էմոցիոնալ, ֆիզիկապես և հոգեպես կենդանի», և Տիմոտիին ավելացրեց թերթի տարվա լավագույն դերակատարումների ցուցակում։ Նյու Յորք Թայմսը Տիմոտիին ավելացրեց տարվա լավագույն դերասանների շարքում։ "Կոչի՛ր ինձ քո անունով "ֆիլմի իր դերի համար Տիմոտին ստացավ Gotham Awards-ի մրցանակը` "Լավագույն գլխավոր դերասան" անվանակարգում։ Նաև նոմինացվեց` Ոսկե Գլոբուս, SAG Awards, BAFTA Awards և Academy Awards համաշխարհային մրցանակաբաշխությունների "Լավագույն դերասան" անվանակարգում։ Նա համարվում է պատմության մեջ այդ անվանակարգի երրորդ ամենաերիտասարդ նոմինանտը, նրանից առաջ վերջին նոմինանտը եղել էր` Միկկի Ռաունին` 1939 թվականին։
2017-ի ընթացքում նրա խաղացած հաջորդ դերը եղավ Էլայջի Բինումի "Hot Summer Nights" ֆիլմը, որտեղ նա խաղաց անշնորհք պատանու` Դենիելի դերը, ով ամառային արձակուրդների ընթացքում տարվում է թմրանյութերի վաճառքով։ 2018-ի հուլիսին ֆիլմը ունեցավ սահմանափակ թվով թատրոնային ցուցադրություններ և քննադատների կողմից ստացավ տարրբեր տեսակի, երկիմաստային կարծիքներ, չնայած Տիմոտիի դերակատարումը անընդհատ շեշտվում էր։ Հետո նույն տարում նա Գրետ Գերվինգի "Lady Bird" ֆիլմում խաղաց Քայլ Շեյբլի դերը, հարուստ հիփստեր, ով նվագում էր բենդում և սիրային հարաբերությունների մեջ էր գլխավոր կերպարի հետ։ Քննադատները խրախուսեցին դերասանական կազմին, իսկ The Boston Globe-ից Թայ Բերրը հատկապես նշեց Տիմոտիի զվարճալի խաղը։ 2017-ի դեկտեմբերին դուրս եկավ Տիմոտիի մասնակցությամբ այդ տարվա վերջին ֆիլմը` Սքոթ Կուպերի "Hostiles " ֆիլմը, որտեղ նա Քրիստիան Բեյլի հետ միասին խաղաց զինվորական Ֆիլլիպ ԴեՋարդինի դերը։
2018 թվականին Տիմոտին առաջարկ ստացավ դառնալու Academy of Motion Picture Arts and Sciences-ի անդամ։ Այնուհետև նա նկարահանվեց "Beautiful Boy" ֆիլմում,որտեղ նա կերտում էր պատանի թմրամոլի կերպար, ով գտնվում էր լարված հարաբերությունների մեջ իր հոր հետ։ Ֆիլմի ռեժիսորն է Ֆելիքս Վան Գրոենինգենը, ֆիլմը նկարահանվել է հիմնելով Դեյվիդ Շեֆֆի նույնանուն և Նիք Շեֆֆի "Tweak: Growing Up on Methamphetamines" հուշագրերի վրա։ Օուեն Գլիբերմանը `Variety ամսագրից համեմատեց Տիմոտիի խաղացած դերերը`Call Me by Your Name և Beautiful Boy ֆիլմերում, հայտարարելով. « Նիքը [ում որ նա մարմնավորել է] Ջեյմս Դինի իր դյուրագրված հազարամյակների պատկերով «թափառական եւ ինքնահավան կերպարով»` «սքանչելի անկեղծության» փոխակերպումն է, որը նա առաջին անգամ ցույց տվեց։ Տվյալ ֆիլմի համար նա նոմինացվեց Ոսկե Գլոբուս, BAFTA և SAG Awards համաշխարհային մրցանակաբաշխությունների "Լավագույն երկրորդական դերի տղա դերասան" անվանակարգում։
Առաջիկա ծրագրեր։Խմբագրել
2018-ի դեկտեմբերի հաշվարկներով, դերասանն այս տարի հանրությանը կներկայանա հինգ ֆիլմերով։ Դրանք են` Դեյվիդ Մայքոդի "The King " պատմական դրամա ֆիլմը, որտեղ կներկայանա անգլիացի Հենրի Հինգերորդի դերում, ֆիլմը կցուցադրվի Netflix-ում։ Հաջորդ ֆիլմը Գրետա Գերվինի "Little Women " ֆիլմն է, Թեոդոր Լորի Լոուրենսի դերով, ֆիլմը հիմնված է լինելու Լուիզա Մեյ Էլքոտտի համանուն նովելի վրա։ Դերասանական կազմի մեջ են մտնում` Սիրշա Ռոնենը, Էմմա Ուոտսոնը, Լաուրա Դերնը, Մերիլ Սթրիփը և Էլիզա Սքելնենը։ Նա ֆիլմում հանդես կգա Փաուլ Ափրեիդիսի դերում` հիմնված Դենիլ Վիլնյովի "Dune " նովելի վրա։ Տիմոտին նաև իր մասնակցությունը կունենա Ուես Անդերսոնի "The French Dispatch"-ում։ Բացի այդ նա արդեն հասցրել է Սելենա Գոմեսի հետ միասին նկարահանվել Ալլեն Վուդի "A Rainy Day in New York " ռոմանտիկ դրամա ֆիլմում, որի արտադրանքը համընկավ Me Too շարժման հետ, որը հանգեցրել է 1992 թ. Ալլենի դեմ սեռական ոտնձգությունների վերաբերյալ հրապարակային շահին։ Արդյունքում Շալամեն իր աշխատավարձը նվիրաբերեց Time's Up, LGBT Center of New York և RAINN բարեգործական կազմակերպություններին։
Անձնական կյանքԽմբագրել
2013 - 2014 թվականներին հարաբերությունների մեջ էր Մադոննայի դստեր՝ Լուրդես Լեոնի հետ[29][30][31]։
Տիմոտին ներկա պահին ապրում է Նյու Յորքում, ունի ԱՄՆ-ի և Ֆրանսիայի քաղաքացիություն և տիրապետում է անգլերեն, ֆրանսերեն և իտալերեն լեզուներին։
ՖիլմագրությունԽմբագրել
ՖիլմԽմբագրել
| Ֆիլմ | Անվանում | Դեր | |
|---|---|---|---|
| 2008 | Sweet Tooth | Սամուել | |
| 2008 | Clown | Ծաղրածու տղա | |
| 2014 | Men, Women & Children | Դենի Վանս | |
| 2014 | Spinners | Ջեյս | |
| 2014 | Interstellar | Տոմ Քուպեր կրտսեր | |
| 2014 | Worst Friends | Սեմ կրտսեր | |
| 2015 | One and Two | Զակ | |
| 2015 | The Adderall Diaries | Թինեյջ Սթեֆեն Էլիոտ | |
| 2015 | Love the Coopers | Չառլի Կուպեր | |
| 2016 | Miss Stevens | Բիլլի Միտման | |
| 2017 | Call Me by Your Name | Էլիո Պերլման | |
| 2017 | Hot Summer Nights | Դանիել Միդլթոն | |
| 2017 | Lady Bird | Քայլի Շեյբլ | |
| 2017 | Hostiles | Ֆիլիպ ԴեԺարդին | |
| 2018 | Beautiful Boy | Նիք Շեֆ | |
| 2018 | A Rainy Day in New York | Գեթսբի ՈՒէլս | |
| 2019 | Փոքրիկ տիկնայք | Թեոդոր «Լորի» Լոուրենս | |
| 2021 | Ավազաբլուր | Պոլ Ատրեյդես |
ՀեռուստատեսությունԽմբագրել
| Տարեթիվ | Անվանում | Դեր |
|---|---|---|
| 2009 | Law & Order | Էրիկ Ֆոլեյ |
| 2009 | Loving Leah | Ջեյք Լեվեր կրտսեր |
| 2012 | Royal Pains | Լյուկ |
| 2012 | Homeland | Ֆին Ուալդեն |
| 2013 | Trooper | Լի Ֆլաքստոն |
ԹատրոնԽմբագրել
| Տարեթիվ | Անվանում | Դեր |
|---|---|---|
| 2011 | The Talls | Նիկոլաս Կլառկ |
| 2016 | Prodigal Son | Ջիմ Քուին |
| Տարեթիվ | Մրցանակաբաշխություն | Ֆիլմ | Անվանակարգ | Արդյունք |
|---|---|---|---|---|
| 2018 | Academy Awards, USA | "Call Me by Your Name" | «Լավագույն առաջին պլանի դերասան» | Նոմինանտ |
| 2019 | Golden Globes, USA | "Call Me by Your Name" | «Լավագույն երկրորդական պլանի դերասան» | Նոմինանտ |
| 2018 | "Beautiful Boy" | «Լավագույն դերասան» | Նոմինանտ | |
| 2019 | BAFTA Awards | "Beautiful Boy" | «Լավագույն երկրորդական պլանի դերասան» | Նոմինանտ |
| 2018 | "Call Me by Your Name" | «Լավագույն առաջին պլանի դերասան» | Նոմինանտ | |
| 2018 | EE Rising Star Award | "Call Me by Your Name" | «Լավագույն առաջին պլանի դերասան» | Նոմինանտ |
| 2019 | AACTA International Awards | "Beautiful Boy" | «Լավագույն երկրորդական պլանի դերասան» | Նոմինանտ |
| 2018 | "Call Me by Your Name" | «Լավագույն առաջին պլանի դերասան» | Նոմինանտ | |
| 2018 | Alliance of Women Film Journalists | "Call Me by Your Name" | «Լավագույն դերասան» | Նոմինանտ |
| 2017 | Atlanta Film Critics Circle | "Call Me by Your Name" | «Լավագույն դերասան» | Հաղթող |
| 2017 | Austin Film Critics Association | "Call Me by Your Name"
"Hostiles" |
Հաղթող | |
| 2017 | Austin Film Critics Association | "Call Me by Your Name" | «Լավագույն դերասան» | Հաղթող |
| 2017 | Awards Circuit Community Awards | "Call Me by Your Name" | «Լավագույն առաջին պլանի դերասան» | Հաղթող |
| "Lady Bird" | «Լավագույն դերասանական կազմ» | Հաղթող | ||
| "Call Me by Your Name" | «Լավագույն դերասանական կազմ» | Նոմինանտ | ||
| 2017 | Boston Online Film Critics Association | "Call Me by Your Name" | «Լավագույն դերասան» | Հաղթող |
| 2017 | Boston Society of Film Critics Awards | "Call Me by Your Name" | «Լավագույն դերասան» | Նոմինանտ |
| 2019 | Broadcast Film Critics Association Awards | "Beautiful Boy" | «Լավագույն երկրորդական պլանի դերասան» | Նոմինանտ |
| 2018 | "Call Me by Your Name" | «Լավագույն դերասան» | Նոմինանտ | |
| 2019 | Central Ohio Film Critics Association | "Beautiful Boy" | «Լավագույն երկրորդական պլանի դերասան» | Նոմինանտ |
| 2018 | "Call Me by Your Name" | «Լավագույն դերասան» | Նոմինանտ | |
| "Call Me by Your Name"
"Hostiles" |
«Տարվա դերասան» | Նոմինանտ | ||
| Նոմինանտ | ||||
| 2018 | Chicago Film Critics Association Awards | "Beautiful Boy" | «Լավագույն երկրորդական պլանի դերասան» | Նոմինանտ |
| 2017 | "Call Me by Your Name" | «Լավագույն դերասան» | Հաղթող | |
| «Ամենախոստումնալից դերակատար» | ||||
| 2017 | Chicago Independent Film Critics Circle Awards | "Call Me by Your Name" | «Լավագույն դերասան» | Նոմինանտ |
| 2018 | Chlotrudis Awards | "Call Me by Your Name" | «Լավագույն դերասան» | Հաղթող |
| 2017 | Dallas-Fort Worth Film Critics Association Awards | "Call Me by Your Name" | «Լավագույն դերասան» | 4-րդ հորիզոնական |
| 2018 | "Beautiful Boy" | «Լավագույն երկրորդական պլանի դերասան» | ||
| 2018 | Denver Film Critics Society | "Call Me by Your Name" | «Լավագույն դերասան» | Նոմինանտ |
| 2017 | Detroit Film Critics Society, US | "Call Me by Your Name" | «Լավագույն դերասան» | Նոմինանտ |
| "Call Me by Your Name" | Breakthrough Artist | |||
| 2018 | Empire Awards, UK | "Call Me by Your Name" | «Լավագույն սկսնակ դերասան» | Նոմինանտ |
| 2018 | Film Independent Spirit Awards | "Call Me by Your Name" | «Լավագույն առաջատար դերասան» | Հաղթող |
| 2017 | Florida Film Critics Circle Awards | "Call Me by Your Name" | «Լավագույն դերասան» | Հաղթող |
| 2019 | Gay and Lesbian Entertainment Critics Association (GALECA) | "Beautiful Boy" | «Տարվա լավագույն երկրորդական պլանի դերասան» | Նոմինանտ |
| 2018 | "Call Me by Your Name" | «Տարվա լավագույն դերասան» | Հաղթող | |
| 2019 | Georgia Film Critics Association (GAFCA) | "Beautiful Boy" | «Լավագույն երկրորդական պլանի դերասան» | Նոմինանտ |
| 2018 | «Լավագույն դերասան» | Նոմինանտ |
ԾանոթագրություններԽմբագրել
- ↑ 1,0 1,1 GeneaStar
- ↑ 2,0 2,1 No aniversário de 26 anos de Timothée Chalamet, relembre a trajetória do ator — 2021.
- ↑ 3,0 3,1 3,2 Timothée Chalamet Is the Perfect Movie Star for 2018 — vulture.com, 2018.
- ↑ 4,0 4,1 4,2 Where is Timothée Chalamet from? — Capital London.
- ↑ https://nyulocal.com/does-timoth%C3%A9e-chalamet-go-here-cdfdad26b28
- ↑ https://www.vogue.fr/vogue-hommes-en/article/story12-fun-facts-about-timothee-chalamet2403
- ↑ https://www.suggest.com/timothee-chalamet-chlamydia-nyu/974/
- ↑ 8,0 8,1 8,2 https://jewishunpacked.com/everything-you-want-to-know-about-timothee-chalamets-jewish-identity/
- ↑ 9,0 9,1 Ֆրանսիայի ազգային գրադարան — 1537.
- ↑ https://www.ibtimes.com/lourdes-leon-madonnas-15-year-old-daughter-photographed-smoking-photos-430024
- ↑ https://pagesix.com/2014/03/27/madonnas-daughter-lourdes-splits-from-homeland-star/
- ↑ https://www.goldderby.com/article/2018/2018-gold-derby-film-awards-winners-call-me-by-your-name-news-375926840/
- ↑ https://www.indiewire.com/2017/11/gotham-awards-2017-complete-winners-list-1201901260/
- ↑ https://www.eonline.com/news/891749/2017-hollywood-film-awards-the-complete-list-of-winners
- ↑ https://web.archive.org/web/20171022082519/https://www.hollywoodawards.com/2017-honorees/
- ↑ https://www.eonline.com/news/983643/2018-hollywood-film-awards-the-complete-list-of-winners
- ↑ https://garotatecontotudo.com.br/2018/11/07/conheca-os-vencedores-do-hollywood-film-awards-2018/
- ↑ https://variety.com/2018/film/news/spirit-awards-2018-winners-list-1202716594/
- ↑ https://ew.com/awards/2018/03/03/independent-spirit-awards-2018-winners-list/
- ↑ https://www.lortelaward.com/2016-nominees-1
- ↑ https://variety.com/2016/legit/news/lucille-lortel-awards-2016-full-list-1201764268/
- ↑ https://www.hollywoodreporter.com/news/general-news/national-board-review-2017-winners-1062150/
- ↑ «Timothée Chalamet — Takes off in Interstellar — VERGE»։ VERGE։ Արխիվացված է օրիգինալից 2015-07-23-ին
- ↑ «Timothée Chalamet on Twitter»։ Twitter
- ↑ «Rodman Flender Biography (1962?-)»։ filmreference.com
- ↑ Nate Bloom։ «Celebrity Jews»։ jweekly.com
- ↑ «EXCLUSIVE: Lourdes Leon dating ‘Homeland’ teen Timothée Chalamet»։ Page Six
- ↑ Общество выходцев из Минска (Филлип Родман, 1931) и Ethnicelebs: Семья его бабушки происходила из Минска.
- ↑ «Madonna's Daughter Lourdes Dating Homeland's Timothee Chalamet!»։ Us Weekly։ Վերցված է 2017-08-11
- ↑ «Lourdes & New Homeland BF Hold Hands on Date»։ E! Online (en-US)։ Վերցված է 2017-08-11
- ↑ Page Six Team (2014-03-28)։ «Madonna’s daughter Lourdes splits from Homeland star»։ Page Six։ Վերցված է 2017-08-11