Վահագն Ստեփանյան
Վահագն Ստեփանյան, (հուլիսի 10, 1985, Երևան, Հայկական ԽՍՀ, ԽՍՀՄ), երաժշտական պրոդյուսեր, գործիքավորող, երգահան, կոմպոզիտոր և ստեղնահար, Գրեմմիի քվեարկող անդամ։ Աշխատել է մի շարք նշանավոր երաժիշտների հետ, ներգրավվել է 30-ից ավելի ալբոլմերի ստեղծման մեջ որպես երաժշտական գործիքավորող, երգահան կամ ստեղնահար։ 2015 թ․ թողարկվել է իր առաջին ձանասկավառակը՝ Moonlight-ը[1]։ Հեղինակել է երաժշտություն 10-ից ավելի ֆիլմերի համար։
| Վահագն Ստեփանյան | |
|---|---|
| Ծնվել է | հուլիսի 10, 1985 (38 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Ժանրեր | փոփ, սոուլ, ջազ և Ֆանկ |
| Մասնագիտություն | երգերի հեղինակ, կոմպոզիտոր, դաշնակահար և DJ producer |
| Գործիքներ | դաշնամուր և ստեղնաշարային գործիքներ |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա |
| Կայք | vahagnstepanyan.com |
Կրթություն խմբագրել
Վահագն Ստեփանյանը ծնվել է Երևանում։ Նրա երաժշտական ուղին սկսվել է ութ տարեկան հասակից, երբ ընդունվեց երաժշտական դպրոց` դաշնամուրի դասական բաժին։ Ավարտելով Երևանի Չայկովսկու անվան ավագ դպրոցը՝ ընդունվում է Երևանի Կոմիտասի անվան պետական կոնսերվատորիա, որտեղ ստանում է դասական երաժշտության բակալավրի աստիճան։ Կոնսերվատորիան ավարտելուց հետո սկսում է ստեղծագործել և գործիքավորել թե՛ ֆիլմերի երաժշտություն, թե՛ այլ երաժշտություններ տարբերի երգիչների ու երգչուհիների համար։
Գործունեություն խմբագրել
Որպես երաժշտական պրոդյուսեր, գործիքավորող, երգահան, կոմպոզիտոր և/կամ ստեղնահար՝ մասնակցել է ավելի քան 200 նախագծերի և աշխատել երաժիշտների հետ ավելի քան 30 երկրներից, ներառյալ Daft Punk- ի "Get Lucky", բաս գիթարիստ Նաթան Իսթի, Էրիկ Մարիենթալի, Էրիկ Մուրի, Հենրիկ Լինդերի, Մելվին Լի Դեյվիսի, Մարկ Լեթիերիի, Իդա Նիլսենի, Փերսի Բեդիի, Ֆեոդոր Դոսումովի և շատ ուրիշների հետ։
Նա նաև համագործակցում է համաշխարհային կարգի ձայնային ռեժիսորների հետ, ինչպիսիք են Էվրեն Գյոքնարը (Capitol Studios), Լու Դիազը, Լյուք Պիմենտելը և Ռենդի Մերիլը (Sterling Sound):
2017 թ․ Waves Audio-ի պատվերով ստեղծեց պրեսեթներ սիրված ‘Renaissance’ փլագինի, ներառյալ RVerb-ի (REQ2; REQ4; REQ6), Clavinet-ի[2] և Electric 200 Piano-ի համար[3]։
2017 թ․ գործիքային դեմոներով և ներկայացումներով հանդես է եկել NAMM Show-ում[4] մի շարք նշանավոր պրոդյուսերների, երաժիշտների հետ, ինչպիսիք են Էնդրյու Շեպսը, Infected Mushrooms-ը, Էդդի Կրամմերը, Գրեգ Վելլսը, Լու Դիազը, Մենի Մարոքինը, Թոնի Մազերատին և Շոն Մարտինը և ուրիշներ։ NAMM շոուների ընթացքում Ստեփանյանը ներկայացումներով է հանդես եկել GruvGear-ի, Soundbrenner-ի, UVI-ի, Waves Audio-ի, 64Audio-ի համար և նվագել NAMM Nissan Grand Plaza բեմում։
Ալբոմներ խմբագրել
Ստեփանյանը ներգրավվել է տարբեր նշանավոր երաժիշտների 30-ից ավելի ալբոլմերի ստեղծման մեջ՝ որպես երաժշտական գործիքավորող, երգահան կամ ստեղնահար։
2013 թ․ գործիքավորել է առաջին բազմաէթնիկ/բազմամշակութային երաժշտության ձանյագրությունների առաջին հավաքածուի՝ The Ethnos Project Volume One-ի ստեղծմանը[5]։ Ալբոմի առաջին մասը թողարկվել է անգլերենով, տագալերենով, մանդարինով, սուահիլիով, պարսկերենով, ճապոներենով, իսպաներենով, կորեերենով և էստոներենով։ Ethnos Project-ը ձայնագրվել է 4 տարբեր երկրներում (Հայաստան, Վենեսուելա, Էստոնիա և Միացյալ Նահանգներ)։ 2014 թ․ ալբոմին անդրադարձ է կատարվել Worship Leader ամսագիրը։
2015 թ․ թողարկել է իր առաջին ձայնասկավառակը՝ Moonlight-ը[6][7]։
2020 թ․ համագործակցել է երգիչ, երգահան և պրոդյուսեր Փերսի Բեդիի հետ` կատարելով ստեղնաշարային գործիքների գործիքավորումը նրա “Whole World”[8] երգի համար։
Ֆիլմի երաժշտություն խմբագրել
Հեղինակել է երաժշտություն և հնչունային ձևավորում 10-ից ավելի ֆիլմերի համար․
- Արարատի հայացքը (ամբողջական ֆիլմի երաժշտություն և հնչունային ձևավորում)[9]
- Թումանյան - ֆիլմի թրեյլեր (ողջ երաժշտությունն և հնչունային ձևավորում)[10]
- Փ/Ֆ Թումանյան․ և կամք, և սիրտ, և միտք (երաժշտություն և հնչունային ձևավորում)[11]
- Փ/Ֆ «Չարենց» (երաժշտություն)
- «Իմ խիղճն իմ նկարներն են․ Մինաս Ավետիսյան» (երաժշտություն)
- «Տիեզերք տիեզերքում․ Վիկտոր Համբարձումյան» (երաժշտություն)
- «Օ, Զանգեզուր, օ, Կյորես... Ակսել Բակունց» (երաժշտություն)
- «Խարույկ սառույցի վրա. Պարույր Սևակ» (երաժշտություն)
- «Վահան Տերյան. վիհի եզերքին» (երաժշտություն)
- Փ/Ֆ Արշիլ Գորկի (երաժշտություն)[12]
- Փ/Ֆ Վիլիամ Սարոյան (երաժշտություն)[13]
- Փ/Ֆ Սայաթ-Նովա (երաժշտություն)[14]
- Փ/Ֆ Ալեքսանդր Թամանյան (երաժշտություն)[15]
Ծանոթագրություններ խմբագրել
- ↑ Hans-Bernd Hulsman. «Vahagn Stepanyan:Moonlight». www.smooth-jazz.de (անգլերեն). Վերցված է 2020 թ․ նոյեմբերի 29-ին.
- ↑ «Clavinet». www.waves.com (անգլերեն). Վերցված է 2020 թ․ նոյեմբերի 29-ին.
- ↑ «Electric 200 Piano». www.waves.com (անգլերեն). Վերցված է 2020 թ․ նոյեմբերի 29-ին.
- ↑ «Waves at NAMM 2017». www.waves.com (անգլերեն). Վերցված է 2020 թ․ նոյեմբերի 29-ին.
- ↑ «Ethnos Project Volume One». open.spotify.com (անգլերեն). Վերցված է 2020 թ․ նոյեմբերի 29-ին.
- ↑ Patrick Van de Wiele. «VAHAGN STEPANYAN: MOONLIGHT». www.keysandchords.com (անգլերեն). Վերցված է 2020 թ․ նոյեմբերի 29-ին.
- ↑ «AllMusic». www.allmusic.com (անգլերեն). Վերցված է 2020 թ․ նոյեմբերի 29-ին.
- ↑ «UNITED ALLIANCE MUSIC GROUP/NEW DAY/SONY/THE ORCHARD TO RELEASE 11-TRACK, THE HOPE ANTHOLOGY PROJECT FRIDAY, AUGUST 28». madmimi.com (անգլերեն). Վերցված է 2020 թ․ նոյեմբերի 29-ին.
- ↑ «"The Glance of Ararat" Movie Soundtrack. Composed, Arranged & Written by Vahagn Stepanyan». www.youtube.com (անգլերեն). Վերցված է 2020 թ․ նոյեմբերի 29-ին.
- ↑ «Tumanyan - Trailer [Documentary] Soundtracks & SFX by Vahagn Stepanyan». www.youtube.com (անգլերեն). Վերցված է 2020 թ․ նոյեմբերի 29-ին.
- ↑ «Tumanyan - Heart, Will and Mind». www.armtv.com (անգլերեն). Վերցված է 2020 թ․ նոյեմբերի 29-ին.(չաշխատող հղում)
- ↑ «Arshile Gorky». www.armtv.com (անգլերեն). Արխիվացված է օրիգինալից 2020 թ․ դեկտեմբերի 10-ին. Վերցված է 2020 թ․ նոյեմբերի 29-ին.
- ↑ «William Saroyan». www.armtv.com (անգլերեն). Արխիվացված է օրիգինալից 2020 թ․ դեկտեմբերի 11-ին. Վերցված է 2020 թ․ նոյեմբերի 29-ին.
- ↑ «Sayat-Nova». www.armtv.com (անգլերեն). Արխիվացված է օրիգինալից 2020 թ․ դեկտեմբերի 9-ին. Վերցված է 2020 թ․ նոյեմբերի 29-ին.
- ↑ «Alexander Tamanyan». www.armtv.com (անգլերեն). Արխիվացված է օրիգինալից 2020 թ․ դեկտեմբերի 12-ին. Վերցված է 2020 թ․ նոյեմբերի 29-ին.