«Bidone d'oro», իտալերեն նշանակում է «Ոսկե աղբաման» կամ «Ոսկե աղբարկղ», կատակային մրցանակ, որը տրվում էր յուրաքանչյուր օրացուցային տարվա վերջում՝ Սերիա A-ի ամենահիասթափեցնող խաղացողին: «Ոսկե գնդակի» (Ballon d'Or) նմանությամբ[1], հաղթողն ընտրվում էր Rai Radio 2-ի «Catersport» հաղորդման ունկնդիրների քվեարկությամբ[2]: Մրցանակն առաջին անգամ շնորհվել է 2003 թվականին «Միլանի» ֆուտբոլիստ, 1999 թվական «Ոսկե գնդակի» դափնեկիր Ռիվալդոյին[3], շնորհումը դադարեցվել է 2012 թվականին, երբ «Catersport»-ը դուրս է եկել եթերից[4]: Վերջին «Bidone d'oro»-ն շնորհվել է 2012 թվականի վերջին Ալեշանդրե Պատոյին՝ դադարեցված հաղորդման ֆեյսբուքյան էջում քվեարկությունից հետո[4]: