Լևոն Համբարձումյան
- Վիքիպեդիայում կան հոդվածներ Համբարձումյան ազգանունով այլ մարդկանց մասին։
Լևոն Աշոտի Համբարձումյան (հունիսի 1, 1955, Մոսկվա, ԽՍՀՄ), խորհրդային հայ ջութակահար, դիրիժոր, պրոֆեսոր։ ՀԽՍՀ վաստակավոր արտիստ (1988), Ռուսաստանի վաստակավոր արտիստ (1997)։
| Լևոն Համբարձումյան | |
|---|---|
| Ծնվել է | հունիսի 1, 1955 (68 տարեկան) Մոսկվա, ԽՍՀՄ |
| Երկիր |  ԽՍՀՄ,  Ռուսաստան և  ԱՄՆ |
| Մասնագիտություն | ջութակահար, դիրիժոր և կոմպոզիտոր |
| Գործիքներ | ջութակ |
| Աշխատավայր | Ջորջիայի համալսարան |
| Կրթություն | Մոսկվայի կոնսերվատորիա |
| Պարգևներ |  և  |
| Կայք | ambartsumian.com |
Ապրում և ստեղծագործում է Աթենսում, ԱՄՆ։
Կենսագրություն խմբագրել
Ավարտել է Գնեսինների անվան երաժշտական դպրոցը, ապա՝ Մոսկվայի կոնսերվատորիան, որտեղ նրա ուսուցիչներն են եղել Միխայիլ Գարլիցկին, Ֆելիքս Անդրիևսկին, Յուրի Յանկելևիչը, Լեոնիդ Կոգանը և Իգոր Բեզրոդնին։ 1977 թվականին դարձել է Զագրեբի ջութակահարների միջազգային մրցույթի առաջին մրցանակակիրը՝ Հենրիկ Շերինգի գլխավորությամբ, երկու տարի անց՝ Մոնրեալի միջազգային մրցույթի մրցանակակիր, 1981 թվականին՝ Ռիգայում կայացած ԽՍՀՄ ջութակահարների մրցույթի հաղթող։ 1978-1993 և 2013-2017 թվականներին դասավանդել է Մոսկվայի կոնսերվատորիայում[1]։
1977 թվականից Համբարձումյանը պարբերաբար ելույթ է ունեցել Խորհրդային Միության և Արևելյան Եվրոպայի հիմնական քաղաքներում, քանի որ նրան թույլ չեն տվել ընդունել Արևմուտք մեկնելու հրավերներ։ Համագործակցել է դիրիժորների և կոմպոզիտորների հետ, ինչպիսիք են Վալերի Գերգիևը, Վլադիմիր Ֆեդոսեևը, Մաքսիմ Շոստակովիչը, Արամ Խաչատրյանը, Ալֆրեդ Շնիտկեն և շատ ուրիշներ։
1988 թվականից ելույթ է ունեցել ԱՄՆ-ում, Կանադայում, Իտալիայում, Ֆրանսիայում, Գերմանիայում, Հունաստանում, Իսպանիայում, Բրազիլիայում և Հարավային Կորեայում։ 1989 թվականին Համբարձումյանը հիմնել է ԱՐԿՕ (ARCO) կամերային նվագախումբը, որը սկսել է պարբերաբար ելույթ ունենալ Ռուսաստանում։ Երկու տարի եղել է Ինդիանայի համալսարանի երաժշտական դպրոցի հրավիրյալ պրոֆեսոր, 1995 թվականին դասավանդել է Ջորջիայի համալսարանի երաժշտական դպրոցում։
Թողարկել է մի քանի ձայնասկավառակներ, այդ թվում՝ Հենրիկ Վենյավսկու, Պաբլո Սարասատեի, Յոհաննես Բրամսի, Ֆելիքս Մենդելսոնի, Պյոտր Չայկովսկու, Անտոնիո Վիվալդիի, Իգոր Ստրավինսկու, Բելա Բարտոկի, Դմիտրի Շոստակովիչի, Շնիտկեի, Բրոնների, Ալեքսանդր Հարությունյանի և այլ ժամանակակից կոմպոզիտորների երաժշտություններ։ Որպես ուսուցիչ՝ Համբարձումյանը վարպետության դասեր է անցկացրել Ռուսաստանում, Հայաստանում, Հարավային Կորեայում, Կանադայում, Բրազիլիայում և Ֆրանսիայում։
Սկավառակագրություն խմբագրել
- Սարասատեի և Վիենյավսկու երաժշտություն, Ա. Շելուդյակովի հետ, դաշնամուր
- Բախից մինչև Շնիտկե (անգլ.՝ From Bach to Schnittke)
- Վիենյավսկու երաժշտություն (անգլ.՝ Music of Wieniawski)
- Բրամսի սոնատները, Է. Ռիվկինի հետ, դաշնամուր
- Շոստակովիչի սոնատներ (անգլ.՝ Sonatas of Shostakovich), Ա. Շելուդյակովի հետ, դաշնամուր
- Ռուսական ջութակի սոնատներ (անգլ.՝ Russian Violin Sonatas), Ա. Շելուդյակովի հետ, դաշնամուր
- Ստրավինսկու և Բարտոկի երաժշտություն (անգլ.՝ Music of Stravinsky and Bartók), Ա. Շելուդյակովի հետ, դաշնամուր
- Վիվալդիի կոնցերտ (անգլ.՝ Vivaldi's Concerti), Ա. Կնյազևի հետ, թավջութակ և ARCO կամերային նվագախմբի հետ
- Մենդելսոնի կոնցերտ (անգլ.՝ Mendelssohn's Concerti), Է. Ռիվկինի հետ, դաշնամուր և ARCO կամերային նվագախմբի հետ
- Անտոնիո Վիվալդի (անգլ.՝ Antonio Vivaldi), ARCO կամերային նվագախմբի հետ
- Ալֆրեդ Շնիտկեի երաժշտություն (անգլ.՝ Music of Alfred Schnittke), Մոսկվայի Չայկովսկու սիմֆոնիկ նվագախմբի հետ
- Հարությունյանի, Վասկի, Բրոնների ջութակի կոնցերտները (անգլ.՝ Violin Concertos of Arutiunian, Vasks, Bronner), ARCO կամերային նվագախմբի հետ
- Բրոնների, Վասկի, Ա. Չայկովսկու ջութակի կոնցերտները (անգլ.՝ Violin Concertos of Bronner, Vasks, A. Tchaikovsky), ARCO կամերային նվագախմբի հետ
- Լյուիս Նիլսոնի երաժշտություն (անգլ.՝ Music of Lewis Nielson), ARCO կամերային նվագախմբի հետ
- Շոստակովիչի երաժշտություն (անգլ.՝ Music of Shostakovich), ARCO կամերային նվագախմբի հետ
- Չայկովսկու երաժշտություն (անգլ.՝ Music of Tchaikovsky), ARCO կամերային նվագախմբի հետ