Գորայք
Գորայք (նախկին անվանումը՝ Բազարչայ), գյուղ Հայաստանի Հանրապետության Սյունիքի մարզի Սիսիանի տարածաշրջանում, Սիսիան քաղաքից մոտ 27 կմ հյուսիս-արևմուտք, Որոտան գետի աջ կողմում` սարահարթին, ծովի մակերևույթից մոտ 2100 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 128 կմ։
| Գյուղ | ||
|---|---|---|
| Գորայք | ||
 Գյուղը ճանապարհից | ||
| Երկիր |  Հայաստան | |
| Մարզ | Սյունիք | |
| Գյուղապետ | Կարեն Պետրոսյան | |
| Այլ անվանումներ | Գորհայք | |
| Մակերես | 67,57 կմ² | |
| ԲԾՄ | 2100 մետր | |
| Պաշտոնական լեզու | Հայերեն | |
| Բնակչություն | 435[1] մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | Գորայքցի | |
| Ժամային գոտի | UTC+4 | |
| ||
Գյուղը 1877 թ. հիմնադրել են Բալուջա (ներկայումս` Այգեստան) գյուղից գաղթած մոլոկանները[2]։ Բազարչայ անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Սիսիանի շրջանի։ 1980-ական թթ. սկզբներին Սպանդարյանի ջրամբարի կառուցման պատճառով գյուղը տեղափոխվել է մոտ 3 կմ հյուսիս-արևմուտք և վերանվանվել Գորայք։ 1995 թվականից մտնում է ՀՀ Սյունիքի մարզի մեջ, 2016 թվականից հանդիսանում է Գորայք համայնքի կենտրոնը։
Բնակչությունը զբաղվում է անասնապահությամբ և հացահատիկի մշակությամբ։ Գյուղից մոտ 3 կմ հարավ-արևմուտք՝ գտնվում է «Ավերակ» գյուղատեղին։ Որոտանի վերին հոսանքի շրջանում կա 1850-1860 թվականների ջրանցք։
Բնակչություն Խմբագրել
Ըստ ՀՀ 2011 թ. մարդահամարի արդյունքների` Գորայքի մշտական բնակչությունը կազմել է 435, առկա բնակչությունը` 401 մարդ[1]։ Մինչև 1940-ական թթ. բնակիչները հիմնականում ռուսներ էին, իսկ այնուհետև` միայն հայեր[3][2]։ Գորայքի բնակչության փոփոխությունը ժամանակի ընթացքում` ստորև[2].
| Տարի | 1886 | 1897 | 1926 | 1939 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|
| Բնակիչ | 469 | 631 | 1176 | 1822 | 1222 | 843 | 548 | 558[4] | 632[5] | 435[1] |
Տեսարժան վայրեր Խմբագրել
Գյուղի հարավային եզրին, Վայք-Սիսիան ավտոճանապարհի ձախ կողմում գտնվում է հուշաղբյուր։ Գյուղից արևմուտք գտնվում է «Զանգեզուրի դարպասներ» հուշարձանը։
Տես նաև Խմբագրել
Պատկերասրահ Խմբագրել
-
Գյուղի բնակիչներ
-
Սպանդարյանի ջրամբարը
-
Սպանդարյանի ջրամբարը
-
Տեսարան գյուղից
-
Մուտք դեպի գյուղ
-
«Զանգեզուրի դարպասներ»
.jpg)
.jpg)
Արտաքին հղումներ Խմբագրել
- Ֆոտոշարք Archived 2012-04-25 at the Wayback Machine.
- Էջը Սյունիքի մարզպետարանի կայքում
- Համայնքի ղեկավարի Էջը Սյունիքի մարզպետարանի կայքում
Ծանոթագրություններ Խմբագրել
- ↑ 1,0 1,1 1,2 2011 թ ՀՀ մարդահամարի արդյունքները
- ↑ 2,0 2,1 2,2 «Հայաստանի և հարակից շրջանների տեղանունների բառարան», հ. 1, էջ 542
- ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ «Հայաստանի և հարակից շրջանների տեղանունների բառարան», հտ. 5, էջ 643
- ↑ 2001 թ ՀՀ մարդահամարի արդյունքները