Արման Սաղաթելյան

Արման Արմենի Սաղաթելյան;
Ծնվել է	օգոստոսի 26, 1975; (48 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Ազգություն	հայ
Կրթություն	Ալեքսանդր Պուշկինի անվան թիվ 8 դպրոց և Հայաստանի ազգային ագրարային համալսարան
Գիտական աստիճան	Քաղաքական գիտությունների թեկնածու
Մասնագիտություն	Ռազմական լրագրող, հաղորդավար, մեդիա մենեջեր
Աշխատանք	Հայաստանի հանրային ռադիոյի գործադիր տնօրեն
Ծնողներ	հայր՝ Արմեն Սաղաթելյան
Զբաղեցրած պաշտոններ	Հայաստանի Ազգային ժողովի պատգամավոր
Պարգևներ և ; մրցանակներ

Վիքիպեդիայում կան հոդվածներ Սաղաթելյան ազգանունով այլ մարդկանց մասին։

Արման Արմենի Սաղաթելյան (օգոստոսի 26, 1975(1975-08-26), Երևան, Հայկական ԽՍՀ, ԽՍՀՄ), հայ լրագրող, հեռուստահաղորդավար, Հայաստանի հանրային ռադիոյի նախկին գործադիր տնօրեն (2016-2017 թթ.)։

Կրթություն

1992 թվականին ավարտել է Երևանի Պուշկինի անվան թիվ 8 միջնակարգ դպրոցը, 1992-1997 թվականներին սովորել և ավարտել է Հայկական գյուղատնտեսական ակադեմիան։ 1997-2000 թվականներին սովորել և ավարտել է Հայաստանի գիտությունների ազգային ակադեմիայի ասպիրանտուրան։

Աշխատանքային գործունեությունը

1991 թ. Հայկական հեռուստատեսության «Գործ» հաղորդման համահեղինակ ու հաղորդավար։
1997- 1999 թթ. — ծառայել է Հայաստանի զինված ուժերում՝ որպես թղթակից և «Զինուժ» հեռուստահաղորդման հաղորդավար։
2000 -2010 թթ. — աշխատել է որպես ՀՀ ՊՆ քարոզչության և հասարակայնության հետ կապերի քաղաքացիական մասնագետ, «Զինուժ» հաղորդաշարի հաղորդավար։ Հայաստանի զինված ուժերի պահեստազորի կապիտան։
2003 - 2004 թթ. — Հայաստան համահայկական հիմնադրամի որպես հասարակայնության հետ կապերի գծով խորհրդական, այնուհետև՝ հասարակայնության հետ կապերի վարչության պետ։
2003 թվականից «Հասարակայնության հետ կապերի հայաստանյան ասոցիացիայի» (APRA) փոխնախագահ, 2015 թ. հոկտեմբերից՝ նախագահ։
2005 - 2007 թթ. - «Շանթ» հեռուստաընկերությունում վարել է «Ո՞վ է ուզում դառնալ միլիոնատեր» հեռուստախաղը։
2010 - 2011 թթ. — Հայաստանի նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ի խորհրդական։
2011 - 2012 թթ. — «ԱրմՌադիո FM 107» ռադիոկայանի տնօրեն։
2012 - 2013 թթ. — Պանարմենիան Մեդիա Գրուպի գլխավոր տնօրենի տեղակալ։
2013 թ. ապրիլի 17-ին Հայաստանի Նախագահի հրամանագրով նշանակվել է Հայաստանի Նախագահի մամուլի քարտուղար^[1]։
2015 թ. հուլիսի 18-ին ներկայացրել է հրաժարականի դիմում, որը նույն օրը բավարարվել է Հայաստանի Նախագահի կողմից և Արման Սաղաթելյանն ազատվել է Հայաստանի Նախագահի մամուլի քարտուղարի պաշտոնից^[2]։
2016 թ. փետրվարի 3-ին Հայաստանի հանրային հեռուստառադիոընկերության խորհրդի որոշմամբ նշանակվել է Հայաստանի հանրային ռադիոյի գործադիր տնօրեն^[3]։
2017-2018 թթ․-պատգամավոր-ՀՀԿ։
2019 թ․-ից դուրս է եկել քաղաքականությունից, հիմնադրել Քառյակ մեդիան։

Գիտամանկավարժական և ստեղծագործական գործունեություն

Եղել է Նոր հայեր ՈՒՀԱ-ի թիմի հիմնադիրներից մեկը և մինչև 1997 թ.՝ թիմի ավագ։ Թիմի կազմում ՈՒՀԱ Բարձրագույն լիգայի չեմպիոն է (1997 թ.), չեմպիոնների գավաթի դափնեկիր (1998 թ.):
2001-2010 թվականներին դասավանդել է Հայ-ռուսական համալսարանում։
2011-2013 թվականներին ղեկավարել է Վ. Բրյուսովի անվան Երևանի պետական լեզվաբանական համալսարանի Տեղեկատվության և հանրային հաղորդակցման տեխնոլոգիաների գիտաուսումնական կենտրոնը (ամբիոնը)։
Մի շարք գիտական հոդվածների և ուսումնական ծրագրերի հեղինակ և համահեղինակ։
Քաղաքական գիտությունների թեկնածու։ Ատենախոսության թեման՝ «Պետությունների տեղեկատվական հակամարտության արդի համակարգերը. միջազգային փորձ և տարածաշրջանային ասպեկտներ»։
Զանգվածային հաղորդակցության և հեռուստատեսության բնագավառում իրականացված մի քանի տասնյակ նախագծերի հեղինակ ու ղեկավար։
2006 թ. «Հայֆիլմ» (Հայաստանի ազգային կինոկենտրոն), և «Bars Media» Studio» համատեղ արտադրված, Արցախյան ազատամարտին նվիրված «Հասա, մերոնք են», գեղարվեստական ֆիլմի գլխավոր դերակատարներից մեկն է։
ԼՂ հակամարտության ընթացքում Ստեփանակերտի շրջափակման ճեղքման և Աղդամի ուղղությամբ ռազմական օպերացիայի (այսպես կոչված՝ «Խոջալուի դեպքերի») մասին՝ «Սովի և կրակի միջև. իշխանություն՝ կյանքերի գնով» ("Между голодом и огнем. Власть ценою жизней") փաստավավերագրական ֆիլմի գործադիր պրոդյուսերն է։
Արցախյան ազատամարտին նվիրված «Կյանքի նյարդը» գրքի հեղինակն է^[4], «Պատերազմի փոքրիկ իշխանը» պատմվածքի հեղինակն է, գրականության ոլորտում միջազգային մրցանակների դափնեկիր։
Սիրիայում պատերազմի ընթացքում նկարահանված «Արաբական գարնան սիրիական աշունը» փաստավավերագրական ֆիլմի պրոդյուսերը, հեղինակը և օպերատորն է։

Պարգևներ

«1992-94 թթ մարտական գործողությունների մասնակից» կրծքանշան։
ՀՀ ՊՆ «Գարեգին Նժդեհ» մեդալ։
Անձնական զենք։

Ընտանիք

Արման Սաղաթելյանը երկրաբանական գիտությունների դոկտոր, պրոֆեսոր Էմմա Սաղաթելյանի թոռն է, ՀՀ ԳԱԱ էկոլոգանոոսֆերային հետազոտությունների կենտրոնի տնօրեն, երկրաբանական գիտությունների դոկտոր Արմեն Սաղաթելյանի որդին, ՀՀ Նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ի նախկին տնօրեն Արա Սաղաթելյանի զարմիկը։

Տես նաև

Քառյակ մեդիա

Ծանոթագրություններ

Արտաքին հղումներ

Նախորդող
Արմեն Արզումանյան

Հայաստանի նախագահի մամուլի քարտուղար
Արման Սաղաթելյան
17 ապրիլի 2013 թ. - 18 հուլիսի 2015 թ.

Հաջորդող
Վլադիմիր Հակոբյան

[1] Ա. Սաղաթելյանին Հայաստանի Հանրապետության Նախագահի մամուլի քարտուղար նշանակելու մասին

[2] Ա. ՍԱՂԱԹԵԼՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄԱՄՈՒԼԻ ՔԱՐՏՈՒՂԱՐԻ ՊԱՇՏՈՆԻՑ ԱԶԱՏԵԼՈՒ ՄԱUԻՆ

[3] «Հայաստանի հանրային ռադիոյի գործադիր տնօրեն է նշանակվել Արման Սաղաթելյանը». media.am. 2016 թ․ փետրվարի 3.

[4] Կյանքի նյարդը

[1]

[2]

[3]

[4]

Արման Արմենի Սաղաթելյան

Ծնվել է	օգոստոսի 26, 1975 (48 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Ազգություն	հայ
Կրթություն	Ալեքսանդր Պուշկինի անվան թիվ 8 դպրոց և Հայաստանի ազգային ագրարային համալսարան
Գիտական աստիճան	Քաղաքական գիտությունների թեկնածու
Մասնագիտություն	Ռազմական լրագրող, հաղորդավար, մեդիա մենեջեր
Աշխատանք	Հայաստանի հանրային ռադիոյի գործադիր տնօրեն
Ծնողներ	հայր՝ Արմեն Սաղաթելյան
Զբաղեցրած պաշտոններ	Հայաստանի Ազգային ժողովի պատգամավոր
Պարգևներ և մրցանակներ